明星海鮮舫 (已結業)

侍應態度惡劣，只對熟客熱情招待。我以遊客身分去，覺得完全被忽略。食物麻麻，例如小籠包裡面的豬肉質素麻麻，肥肉爛肉多。加上上菜超慢，餓到胃痛都未有得食。環境普通。

今晚歡送加拿大渥太華來的親戚，爸爸嚷着要食他最喜歡的片皮鴨，我想食羊腩煲暖身，加拿大的親戚想食豆苗，終於就這樣點了菜：1）片皮鴨（第一食）：將燒鴨片去皮及表面的肉，用京式夾餅釀青瓜𢇁（可能因為京葱太貴，所以冇提供）及甜醬，捲起用口咬食，好鬼好味。$68/隻。2）片皮鴨（第二食），只要夾＄50，就可以將片皮鴨的肉及骨炆涼瓜，嘩！好正！好惹味！3）白飯一個4）枝竹羊腩煲及生菜一份，$188，唔好食！啲皮唔彈牙，係雪藏貨，啲肉冇肉香，唔係黑草羊，個汁唔夠惹味。5）蒜蓉炒豆苗，勁好味！夠大碟！好香！6）生果雙拼（西瓜和橙），是送的！OK!因為兩位親戚今日食咗不少街頭小食，所以咁少餸已經可以了，五位只花了＄515，抵！而且招呼好好！

今晚要請由加拿大渥太華來的親戚食晚飯，爸爸堅持要來沙田明星海鮮舫，因為他每天早上都來這裏食早餐，對它有情意結，覺得呢度啲嘢又抵食又好食。親戚叫了這個超值海鮮餐，菜式包括：1. 燒味雙拼 - 豉油雞、燒鴨（唔知係唔係我羅斯輪盤咁分配，分給我們的是多骨的部份），我個人覺得味道唔錯，但係其他人覺得太鹹。2. 欖菜肉碎炒四季豆 - 㰖菜可能太多了，味道咸咗啲，而且用的油可能多咗少少。3. 上湯加拿大龍蝦蚊伊麵 - 味道唔錯，加拿大龍蝦當然不及澳洲龍蝦咁好味咁多肉。4. 清蒸新鮮鮑魚仔 - 共有10隻，因為加拿大冇得吃這款海鮮，所以是必食的。5. 清蒸兩斤重大海斑 - 肉質新鮮，不過味道會比深水斑淡少少。6. 魚肚雜菜煲 - OK，魚肚的質素比較薄身及不太彈牙，但是這個價錢算合理了。7. 豆沙鍋餅 - 完全不覺得油，又不太甜，Good! 8. 西瓜 - 夠甜埋單＄1070，五位，每位$214。

今晚去飲，這是我吃過最難食的一家!!!燉湯好似溝水，鮑魚是劣等罐頭微形的，鵝掌有陣泡水的味道，帶子也是劣質急凍的也不要緊，問題是煮得很難食完全冇鑊氣，龍虾伊麵的麵竟是兩大餅生勾勾的乾硬化冇處理過的麵餅兩疊。。。炸子雞是剛從微波爐出來，皮不脆不在話，還很油，環球鮮果原來是一盤綠黃地球移般的怪味甘，還有下刪五百字慘不忍睹的點心，今時今日咁既質素成八千大洋一圍的酒席還可以生存實屬奇蹟😑😑😑

冇諗過咁差嫲嫲話好彩佢唔暴粗 阿爸話呢間嘢係全香港由尾數上嚟數一數二又冇冷氣 停車場又曬又臭一去到已經冇胃口碗碟爛哂崩哂食物普通冇乜特別芋頭排骨飯阿爸話好大陣類似狗嘅騷味(我自己feel唔到啦 最後取消咗張單一句講哂 一次就夠 唔建議嚟

傳統粵菜同海鮮無功無過 味道OK 推薦欖角蒸黃立倉 晚市有做特價 龍蝦海鮮都幾抵食位於沙田河畔 近窗嘅位個view唔錯 食完飯可以沿河散步返沙田港鐵站 唯一不滿意嘅系服務方面 寫單嘅人一問三不知 好無奈⋯⋯

服務勁差！叫幾碗飯！佢地竟然未煲好！真係好好笑，最尾一個道餸而黎到！係到食到全港最難食嘅片皮鴨！肉好「鞋」！全部都係厚切塊塊餅都痴實曬！仲要係半圓形，好怪！真係完全絲唔開一塊塊黎食！2個汁都太太太咸！如果送飯就ok!但飯遲遲都未上炒多太碎....好唔靚，味道都一樣係好咸！最好味，最正常嘅唯一一樣野

昨天是爸爸節，我先到明星海鮮舫，等定位、開定茶。酒樓有幾層，空間很大，所以當天完全不用等位，十分方便。第一樣食物是鮑魚雞粒飯。飯粒不會太濕、粒粒分明，十分乾身。雞粒和鮑魚也不會太大粒。這窩飯的份量也頗多，我和父母親每人也吃了兩碗飯。我們點了點心拼盤，有燒賣、粉果等等，適合我們心多多、想多吃幾款的茶客。熱騰騰的馬拉糕也十分不錯，質地十分鬆軟，甜度也適中。

順路沙田 飲吓早茶 食個午餐有停車場 無 free park 收優惠泊車費 “畫舫“ 嘆茶睇風景看在河上幾咁詩意近看 就有啲殘舊 外牆銹水漬 歲月無聲樓下有知客 有禮寫咗幾多位 無寫檯號 叫咪通知樓上接待上到樓上 自己搵位侍應多 有勤力快手 反應快有啲“揸流攤“ 有檯唔執扮忙坐低咗都叫你坐第2區 閒日早茶 點心接近半價假期午市....比較價高點心係正嘅 但京川嘢就唔收貨啦排骨飯 ~ 似母親做嘅味道 飯柔軟 豉味排骨 肉香有咬口煱貼 ~ 好食嘅 皮唔厚 唔黐口 熱脆底 比傳統細隻 但肉餡少 好似加咗蔥煎得唔夠香 唔夠熱早茶9.8 底食 午市19.8/22.8鳳爪 ~ 豉汁味正 份量唔少 大隻 唔會油淋淋 花生底夠淋小龍飽 ~ 好食嘅 1籠有6隻 皮薄 要趁熱食但饀料肉少 無乜湯汁同煱貼一樣餡料擔擔麵 ~ 細碗少湯傑撻撻 濃花生味 但唔夠咸 麵條係上海麵 過淋 & 無味

話說我自己已經好似好耐無去茶樓飲過早茶啦，真係好鬼死懷念以前我仲係細路仔噶時候，daddy同mommy成日帶我去茶樓 今日嚟飲茶，叫左碟炒手，姐係同雲吞差唔多不過真系皮好薄，而入面舊肉超級無敵大舊吖佢唔使配湯水，點少少豉油就已經好好味啦 黑椒肉絲炒烏冬，好特別，平時烏冬麵都係用煮噶，食炒烏冬有好特別噶口感，而且烏冬好入味，不過就見唔到好多肉絲 腸粉，啲腸粉皮ok薄，而且入面噶肉鮮嫩多汁，一啖可以食到一大舊，好滿足 蝦餃，真係每次飲茶都會必點噶的確無令我失望。入面全部都係蝦，而且咬落去好嫩

如果有看過周星馳的食神，一定記得星爺最終對決的那家海上餐廳。第一眼見到明星海鮮舫，是在晚上，活生生的食神live版，夜色中透露著浮誇和高冷的混合氣質。上週末終於找了個機會去試了一下。餐廳坐落在沙田城門河上，做的是蠻傳統的粵菜，點心，燒味，海鮮樣樣都來，竟然還賣些京川滬的點心。點心品種超級多，menu看的眼花繚亂。 通常早茶我是不點紅油抄手的，但是那天為了讓國際友人感受祖國食物的美好，硬是加了紅油抄手和四川擔擔麵。辣當然是不辣的，味道竟然不錯。特別是擔擔麵，花生味超級濃，引得國際友人競折腰，照片都沒有來得及拍。明星流沙包內餡很粘稠，可以吃到鹹蛋黃的質感，略有不足的是流沙餡略少，掰開之後沒有令人心花怒放的流沙畫面。但是我還是兢兢業業地拍了橫截面，大家感受一下。腐皮鮮竹卷是愛吃豆腐人(e.g. 我)的大愛。豆腐皮裹著肉餡鮮蝦木耳，澆上蠔油蒸制，內餡多汁。翡翠玉子蝦餃。驚喜之處是加了帶子，添加了一份鮮美。金錢肚做的非常棒！不是爽脆的那種，肚身軟糯， 蒸的很入味。 我一個人吃掉半籠。還點了不少其他的，但是吃的太快，來不及拍照...... 甜品部分要了大良燉奶，不失不過。吃完基本需要扶牆出....

      今次叫了四樣東西，其中二樣都有問題。炒米粉油很多而很碎，上次食不是這樣，整個碗及筷子都是油，去造米粉的小食部看看，米粉已經得返幾條我知識應該是把所餘無幾的米粉比我，但太肚餓所以照食。      一會後上煎鍋貼，味道有酸及怪，同枱的人也食得出，唯有同經理講鍋貼有問題，那個有點點肥的男經理聽到後說鍋貼肉冇可能有問題，每天的肉都是新鮮整，絕對不會有問題，說是我加了醋同肉有九菜所以才這樣，我話我沒有點醋，並且味道不是九菜的關係，是難吃的怪味，但那經理並沒有理會，認為是正常。      我開始有點不悅，因為這人沒有理解客人的問題，我再說米粉太多油的問題，並作出改善的提議，希望不要把底部的米粉提供給客人，油太多很難吃。那人不單沒有接受我意見，先假裝聽不明我問題及像是不明白甚麼是多油，最後更作出反駁說：「米粉當然要有油，否則怎樣炒？」，語氣世帶有嘲諷，他解釋完就走開了。對這次那經理的服務感到噴怒，亦很驚訝他這樣漠視客人的感受，不單沒有正視問題，反而把責任推在食客身上，這樣酒家食物可怕，態度更可怕。

今天特別的與朋友3個人去沙田明星海鮮舫飲茶同食午餐,我地叫了籠仔鮮蝦荷葉飯,原個馬拉糕,豬扒拉麵。我好少入沙田的,所以朋友約我去比較出名的明星海鮮舫。酒樓是在建築成在一座好似船上舫舟。有三層樓高的,我地取位在2樓窗旁邊的位置,可以睇到外面的城門河及對面的街景。食物好快上枱。馬拉糕~~平時酒樓只會用細蒸籠上一件或二件。但佢地的原個馬拉糕好大個的,用一個大蒸籠上枱的,切成6件,而每件有2/3個碗仔大的,我想如果一個人食一定食唔曬原個馬拉糕。糕身軟棉棉,用快子去夾已感覺好軟淋淋,咬了一口,入口即融,食落不會太甜,可能我好耐無食,覺得非常好食。豬扒拉麵~~用傳統的中國拉麵,加了3條新鮮生菜在底,面上加了一些蔥花碎點綴,而豬扒是分開上枱的,因為怕放到麵內豬扒會淋了不好食。麵分量可以分成3小碗,麵身又細又滑,煙煙韌韌,入口有彈性,煮得剛剛好淋。豬扒在面上加了粉去炸,把肉汁鎖住,肉又非常之嫩及大片。籠仔鮮蝦荷葉飯~~有少少失望,我以為是用荷葉包起全個飯上枱的,但原來是剪了一少片荷葉放底部,面上有5隻鮮蝦,肉爽,綠豆粒,粟米粒,紅蘿蔔粒應該用雪藏的,沒有雪味,雞肉粒醃過,蛋條用來做點綴,飯都有味道,軟

6個人，叫左個$6xx套餐，再加$88片皮鴨，加4罐百事套餐有燒味拼盤，，辣翡翠嫘，芝士龍蝦e麵，炒勝瓜，鮑魚，扇貝，豆沙窩餅，生果燒味拼盤，普通芝士e麵，一般勝瓜，鮑魚，扇貝，片皮鴨，可以接受豆沙窩餅比較硬，生果似擺左好耐埋單竟然過千，，原來汽水係$16罐，，會唔會貴左少少呢？只可以講坐窗口叫食境，同埋侍應態度好，，但食一次就夠喇

豐富的晚餐是日晚上，到了位於沙田的明星海鮮舫晚膳。一直book了位，可惜6點半去到，窗口位置已full顯，只能夠坐較入的位置，有幾分可惜。當晚點了4樣野。1. 茄子炆鴨件 ($38)茄子及枝竹吸收曬所有材料的味道，配埋鴨仔，餸飯一流的菜式。2. 帶子小籠包 ($45)小籠包皮薄，上湯、肉汁鎖在入面，很好味。3. 蒜茸炒油麥菜 ($58)菜一碗，不作介紹啦。4. 片皮鴨 ($68)片皮鴨配搭餅皮食，味道很好，不算油(利) 。而且份量很多，價錢相宜。總括來說，食物味道很好。但漏單問題有待改善，片皮鴨片左1個半小時都未有得食，多番追問，才幫忙跟單，確實有些失望。