明星海鮮舫 (已結業)

是日晚上，最曉食一家人到沙田明星用膳。傍晚的背景佩合明星海鮮舫的燈光，很美很有氣派呀！ 因為前幾天已經訂了位，所以不用等位。看看餐牌，點菜了！家人泱定選超值海鮮餐。等了十分鐘左右，終於到了。燒味雙併(燒肉和燒鵝)比較乾身，燒肉皮完全不脆！而最敗筆的地方時燒鵝應有的酸梅醬卻沒有提供。要主動要求侍應才有。接下來，便是上湯龍蝦伊麵。賣相確是不錯，龍蝦很大隻！但最曉食其實不太好龍蝦的。相反，伊麵倒是欣賞。汁充滿了濃濃的香味。而且帶有龍蝦的香氣。所以最曉食廷喜歡其伊麵。蒜茸粉絲聖子皇也是我喜愛的，因為粉絲完全充滿了醬油的味。再配合蒜茸和蒽的香味！最曉食最愛吃魚，接下來是清蒸海斑仔。(不好意思，家人吃了很多最曉食才拍照)但魚沒有那麼滑，明顯是有點煎過時。清蒸鮮鮑魚味道也不差，鮮味夠濃。味道不差。到了最曉食最期待的豆沙窩餅。但可惜的是，這次讓我失望了。紅豆是足夠的，但最令我失望的是粉太多，而且很厚。完全做不到豆沙窩餅應有的水準。住了在沙田這麼多年，最曉食都未試過吃這家餐廳。不過卻沒有預期中那般。確是有丁點兒的失望。

特色海鮮舫是吸引點，可惜聘請了全班無禮貌的員工，真係減哂分數。 連續叫50幾個籌號，全是3至5位枱，有無咁唔好彩？6至8位等到頸都長，終於有位，請上3樓。。。。。上到3樓，零侍應，再入去看，半場是吉枱。。。。點解都要等咁耐?! 窗邊位有10張以上吉枱，問侍應可否坐窗邊，一句半咸淡的廣東話答"唔可以"，掉低枱card走人。。。最嬲嘅係侍應小姐，之後安排人坐我要求的𥦬邊位，夠竟咩意思？咩態度？食物只是一般酒樓的選擇，食物款式、味道沒特別，牛肉、腸粉、蝦蛟、叉燒包等，都是一般，零驚喜。  最值得一讚和一試的是「雞粥」，單看樣很普通，但用湯匙細細品嚐下，竟然有又滑又新鮮的雞件，而且數量適中，好味！

過年前,女經理ST約成個部門同事o係今日(20-2-2013 Wed)由佢做東食午飯,我o地一行25人坐兩張大枱o岩o岩好.由於我同另外10個同事最後到,所以唔知之前到o左o既同事叫o左咩o野食,咁我o地都寫多少少.寫好晒後o野食陸續到o黎:正常冇問題:1.- 8. 灼菜,煎薄罉餅,鹹水角,燒腩仔,小籠包, 煎釀茄子,炸雲吞(大大隻), 香茜餃(唔係好多荽茜都勁重荽茜味)比較遜色o既:9. 蝦角雖然唔細隻同脆,但蝦冇乜味.10. 蘿蔔糕,一夾即散,冇蘿蔔味,料又唔多.11. - 12. 叉燒腸,蝦腸,味道淡.13. 流沙奶黃包大大個但唔甜o既餡唔多同唔流沙.14 –15. 韭菜餃,潮州粉粿唔係好夠香.差o既有:16. 千層魚腐,賣相唔靚,一夾即散又唔好食.17 - 18. 由於女同事S食齋,所有特登叫o左一碗羅漢齋米粉同羅漢齋腸粉佢食.其他我冇食到o既:19. – 33. 沙薑雞腳,雞紮,叉燒包,叉燒酥,鮮竹卷,蛋散,千層馬拉糕,煎腸粉,千絲蘿蔔酥,蝦餃,燒賣,煎釀燈籠椒,鮮竹卷,咖哩魷魚,鳳爪.最後我o地食唔晒,要打包o野食返公司.不過女同事MK食到千層馬拉糕,話未蒸熟,我o地要求取

星期日飲茶都預咗多人，勁多人等，不過等半個鐘都叫快啦！諗住咁多人等，一定會好食，其實都係不過不失，個叉燒餐飽又真係甜得黎又新鮮出爐，個腐皮卷都幾好食，個皮好薄好脆，內𥚃都幾足料！不得不講個排骨，白得黎勁多肥膏，完全唔似比客食！同個主任講，佢好快話幫我地取消，但全程零眼神接觸，待客之道真係無敵！咁遠黎食，好心free parking比人啦，明要收人錢，搵人笨！

唔知係咪呢度地方大, 同埋唔係响正市中心, 所以就算星期六中午時段嚟飲茶, 都大位, 唔駛等呢? 而且呢度d枱放得算幾闊落, d枱唔會迫埋一齊, 仲有空間走動~~但同時由於地方太大, 好多時未能想搵待應就即刻搵到, 都要等一陣先有待應見到你, 但都好過其他茶樓咁, 見到你都當見唔到lor~~上菜速度亦都算快, 大約落單得10分鐘內都會上菜, 而且應該都係即叫即整, 因為好新鮮~~今次食咗唔算好多點心, 有牛肉球、燒賣、粉果、水餃、炒飯、腸粉、鳯爪、春卷等等...............全部d味道都唔錯, 又唔會太油............牛肉球、燒賣、粉果、腸粉、鳯爪 : 呢幾樣蒸嘢, 唔會蒸得太耐而爛哂, 係腸粉個皮叫做太林, 差咗少少 春卷 : 雖然係炸嘢, 但比想像中冇咁油, 而且熱辣辣, 好脆口 水餃 : 就算放耐咗, 都唔會浸到爛哂, 而且唔重鹼水味 炒飯 : 好大碟, 而且味道唔錯

新的一年，第一篇食評一定不要負面，那便不如談談座落沙田數十年的海鮮石舫吧! 政府的堅持令這地標免淪為河畔住宅地，敦煌無心，明星有意，接手石舫後有起有跌，近況如何？ 回勇...... 北方包點是近期的驚喜之選。那小籠包皮薄卻能將肉汁鎖得緊緊的，能做到這效果的在今天的香港大有人在，但能做到好味的...... 這裹做到了! 除此之外，這裏的銀絲卷、糯米飯亦不錯啊! 無怪乎能一掃以往冷清的光景.....

和家人, 特地去 明星海鮮舫 品嘗片皮鴨, 結果卻是一家人不快的晚餐3叫人左4個菜: 片皮鴨, 片皮鴨(二食)鴨肉煮腐竹 , 西芹炒牛柳, 魚腐加菜(忘記餐牌名字)魚腐加菜:很快上, 味道一般, 和茶餐廳沒分別.西芹炒牛柳:味道算不錯, 是牛柳較少, 而上菜食物已有點涼.令是晚晚餐非常不快事件, 由以下發生片皮鴨:首先, 要食片皮鴨需要預先有優惠卷及電話預訂,才能食到. 已經預先經由朋友得到優惠卷及電話預訂. 一入門口, 到個reception 面前, 一開始不獲理會, 她自顧自在對講機上說笑談話.(我明白, 工作無聊, 悶. 可以理解, 但可否尊重一下客人, 不要太明顯?)一會後,終獲安排往二樓坐.去到二樓, 見到有個待應不停在切片皮鴨, 機械式工作, 不管有冇order 都不停切. 心知不妙......因為已預先訂了片皮鴨, 過了一會便上菜, 那片皮鴨肉, 非常大小不一, 有些極大, 有些較細少...感受到那員工求其, 與厭惡她的工作.(都...算了. 食物樣子而已)有問題的是片皮鴨餅皮, 一上桌, 凍的, 一點不像剛剛蒸完,　像放了很久很久．事實上差不多完全粘在一塊， 不能稱之為

週六的家庭聚會，家人心血來潮要去沙田河畔的明星海鮮舫，這一座位處沙田第一城附近的酒家，建構成船形之狀，據知概念就是仿照北京的石舫。原本是由敦煌飲食集團持有，卻因為經營不善，弄得結業轉手的厄運，印證了飲食業汰弱留強的厄運。記得多年前曾光顧其晚市，只屬不過不失，早上進入內堂之下，環境與普通酒家分別不大，如不被配坐窗邊位，這畫舫實在等同虛設，起碼它不會移動。先來一個長形的炸春卷，來得甚為熱燙，口感香脆而鬆化，至於內裡的餡料，不外是尋常的蝦肉、肉碎及蔥蒜等，印象來得不深。四十餘元的點心拼盤，分別有叉燒包、水晶包、燒賣、潮州粉粿、韭菜粿各兩件，記憶中只吃了三款，除了熱度甚足之外，水準則來得有點參差。燒賣的肉團偏向霉身，而潮州粉粿的外皮也是偏軟，欠上應有的韌勁。叉燒包來說，還是不俗的。另有蒸牛肉球，內裡墊底的山竹不算多，表層灑了一點芫茜，口感略帶彈身而鬆軟，肉味不算太重。旋風芋蓉包的外觀是不俗的，表面帶有若干花紋，剖開下的鬆軟度亦合乎基本標準，內裡的芋蓉餡份量不多，大體上仍然香甜軟滑。點了燒腩仔米線，米線能說的實在不多，倒是燒腩仔份量不少，賣相上是對辦的，只是外皮也是略為硬身，瘦肉與肥羔雖然比例適

打完8號風既晚上.....同屋企人專程由沙田港鐵站打的黎(去程唔駛跳錶...回程跳左2下...)完全無人等位....所以我地無訂位都可以即刻入去....安排我地坐地下既廳房....我地入到去覺得好唔掂....好似好侷促咁......經要求後就安排左2樓既位俾我地啦...言歸正傳...我地4個人點左以下食物:炸乳鴿($48/一隻): 正正常常...無特別陳醋燒醬骨($78): 推介~! 好味...醋味剛剛好上湯龍蝦伊麵($188)+芝士($30): 龍蝦好少肉.....不過呢個價錢都預左會係咁....味道都可以豆腐海鮮煲($98): 豆腐煮得唔錯...但價錢好似略貴生煎包($38/半打): 奇怪呢度晚市都有上海包點(例如:生煎包,小籠包)...生煎包味道不佳....可以不試食物味道&環境裝修都唔錯....服務無咩特別....但佢地既落單準確性就有待改善....例如: 落單時龍蝦伊麵+芝士..一開始漏左入"+芝士"....埋單時我地叫既1罐裝啤酒...收錯左我地1支裝啤酒既價錢...總結: 可以再黎既~!

今日去開沙田，專程同男友到這間海鮮舫晚膳，一到步，感覺與其他的明星酒樓分別很大，這裡裝修同格調高檔次很多。於門口看看佢哋今日宣傳推介，以為價錢會特別貴，意外地發現，同其他的沒有分別。當安排好座位後，待應都好有禮貌的招呼我哋，原先一心想食片皮鴨，很可惜，原來要憑優惠卷及電話預訂才可以品嘗，唯有叫其他小菜，於芸芸小菜中選擇了三款比較特別的，分別：珊瑚白玉球 - 比較清淡的小菜，它以西蘭花伴碟，中間用了冬瓜肉做成一個個的波型，再淋上蟹肉汁，清淡得嚟，非常可口，西蘭花煮得剛剛好，而且帶有陣陣酒味，應該是用作避除草清味的，這個是全晚最好味的一碟小菜。西檸百花雞卷 - 初初以為係西檸雞，原來是用雞皮包住蝦膠煎，再淋上西檸汁，還以為會很酸，但比我想像中還好，只是雞皮比較韌了一些，但蝦膠就好爽口。河邊炆野鴨仔 - 它以梅菜炆鴨，梅菜很好味，用作撈飯真係一流，而野鴨也很入味，略為數量太少些，好似全部給梅菜蓋住，好難才找到一件，而且賣相比MENU上的相片都差很遠了。總括來說，比我想像中好，以住都有去過佐敦同屯門明星酒樓，但感覺服務同食物都很差，特別佐敦分店，地方又細又舊，服務又差。但今次這間明星海鮮舫，令

事隔一年多了, 我們又回來了沙田明星畫舫, 再當一次主人家. 放心, 是日的新郎不是我, 又不是小兒的彌月百日宴. 這次, 是同我由細玩到大的, 小時候, 時常被我欺凌的姪兒既大婚日子. 長輩們看見我們這一代終於成長了. 心中帶著大喜悅的, 除了我堂姐 堂姐夫外. 我伯娘, 大伯, 我父母及阿叔. 見證到我們成家立室, 心裡面是非常安慰的.隆重的儀式, 已一早在他們的村子裡搞好. 夜晚只是一場巨大, 68圍的婚宴咁簡單. 但因為檯數多, 所以都要好多時間安置賓客. 9點多, 才聽到"囍菜"呢一首名曲. 豬仔未到, 我先看一看是夜的席珍, 連甜品一共十三道菜. 實行以傳統行頭, 不只是要讓客人賓至如歸, 也要個個客人捧住個肚走, 有得食, 有得拎. 傳統新界人的婚宴.....一定要, 有餘, 一定要有得包走, 賓客們, 才滿足.鴻運乳豬全體, 看樣子, 燒得絕對是不錯. 乾杯之後, 燒豬不夠熱之餘, 豬皮亦已經因為擺得耐左而帶韌. 肉質雖然夠滑夠香. 但乳豬最好食既部份不好, 就已經可以說到是成隻都唔好食. 不過, 我們還是抱著半原諒的心態去食, 始終要一下子Cater68圍的席菜, 不

下午茶時間，去了沙田石舫品茗，環境舒適寬敞，我叫了擔擔麫、白糖糕、腐皮卷和炒米粉。落單不久就有點心姐姐推薦$10兩碟甜品，我叫了葡撻及菠蘿奶皇麭。擔擔麫,麪爽、湯濃而香，沒有被花生味蓋住，味道洽到好處，直得一試；還有品嚐了白糖糕，沒有一般由糖帯出的酸味，清甜可口，齒頰留香；炒米粉炒得不太乾硬，好好味。但葡撻就無味，不吃也吧！而菠蘿奶皇麭就不及盈彩正。結帳是$63

搞事團為了兔年大project, 開年飯移師到沙田海鮮舫,以為訂枱後不用等,原來都要如取飲茶般在樓下等,有勞一眾早到的哥哥姐姐了。多年前曾在這裡飲過茶,點心質素可以,今次重來發現整條"船" 除外觀沒大改變,裡面也沒那麼金碧輝煌,反而水晶燈處處,還有入口那兩座絲花及羽毛拱門,又是另一所主打婚宴的中式食肆了,那座龍椅依舊保存,但我們又不是遊客,對其興趣不大。在多款老火湯中選了海底椰煲響螺雞腳豬肉,皆因大家平時事忙,響螺湯有滋陰作用,大家也合適呀!一大窩湯由侍應分好,湯底相當鮮甜濃郁,以食肆來說算得好飲,煲湯材料另上一大碟,平時喜吃湯渣的我只少嚐一點豬肉及雞肉,肉質粗糙是意料之內,還是留肚給其他食物好一點。片皮鴨同是場內非常受歡迎的菜式,侍應不停手的片呀片,我們也不甘後人的點了片皮鴨兩食。薄餅皮灑了一點芝麻,份量似乎比旺角湘川滬多,餅皮蠻有彈性但沒麵粉香,放在碟子上比蒸籠裡的快乾,處理方法未夠貼心。鴨子皮烤得夠脆, 某些鴨皮連有丁點鴨肉,這隻鴨子一般肥美,因而油份相對沒那麼多;配有味道帶甜的京蔥但欠青瓜,所以吃來沒有那麼爽口了,配了甜醬後仍算可口的。去了皮的鴨子以茄子炆好再度出場,其實這裡是

已經有一段日子沒有來明星海鮮舫吃晚飯，今次興致勃勃，一行十多人到來，柴蛙蛙的，又熱鬧又高興，又有美食佳餚，是個十分滿足的晚飯。略過了其他比較普通的餸菜，只說說以下的幾樣餸菜， 上湯焗龍蝦龍蝦夠大隻，比平常吃的大一點，所以吃上口是啖啖肉，肉質鮮甜嫩滑，伊麵索了湯汁和龍蝦的精華十分美味。清蒸大海班到過了不少酒樓吃清蒸石班，都是在魚缸內挑選生猛的活魚，所以多數也感到滿意，這裡的也不例外，魚大條，蒸得沒有過火，肉質保持嫩滑鮮味。白灼海蝦曾經吃過比較大隻的海蝦是缺乏蝦味的，反而細隻一點的，蝦味較濃。今次是比較大隻的中蝦，既夠大隻，肉質保持到鮮嫩之餘蝦味亦夠濃郁的，感覺完美。清蒸鮑魚仔鮑魚仔比較大隻，肉質柔軟而有彈力，不過鮑魚味比較淡，相反有時吃再細一些的鮑魚仔反而多點鮑魚味。炸子雞皮脆肉又嫩滑，其實已經收貨，不過個人感覺雞味始終是稍遜於內地的，不知道大家同意否，在香港地不論是酒樓、中菜館、燒臘店或是快餐店的雞，也是略欠一點雞味的，不過每次到酒樓吃晚飯都會有碟雞的。蒜蓉粉絲蒸蟶子皇很長的蟶子皇，肥大肉厚，是吃過之中最肥美的 ，錯過了是你的損失， strongly recommended。原本想拍些

周日陽光燦爛，四野無雲但有風，外出不太熱，最岩就係落街行下同陽光玩下遊戲。第一站就梗係先醫醫肚餓，來了這兒.....沙田明星海鮮舫，我估都有十五年以上無來過，記憶中那年叫敦煌畫舫，之前敦煌集團完結後就俾明星收購左喇﹗小時候覺得一間酒樓造到成隻石船一樣又倚在城門河旁，這鬼斧神工真的驚為天人，總是想來探個究竟。十幾年前來是有親戚結婚，原來飲茶還是第一次﹗年頭裝修過，電梯一上三樓大堂，出門口竟然有張金色既龍椅0係度，當然只係俾遊客影相啦﹗2:00pm來到人客不多，給我們找到對住城門河窗邊的靚位，睇住對岸遊人踩單車，一樂也﹗假日的餐牌明顯比平日貴幾蚊，不過無所謂啦難得悠閒，先來一個特色長春卷﹗有咩特色我就唔多知，應該都係想話佢夠長啦﹗春卷送上時仍微暖，炸得香脆，入面是菜絲及鮮蝦，食家吃到停不了口，一人食左兩大條﹗酒樓吃包，與其食0的甜椰椰的奶皇包，我寧願食個即蒸的銀絲卷。包身很軟熟，帶陣陣甜甜的麵粉香，簡單得來很實在，好味道﹗這兒的招牌點心，招牌蝦餃皇。半月形的粒粒飽滿。先講佢層餃皮，晶瑩呈半透明，煙韌的質感幼細，蒸得火喉岩岩好，絕無一夾即散的道理﹗一啖咬下有肉汁，是兩隻大蝦與豬肉蒸出來的精華