明記海鮮潮州菜館 (天保大廈)

营业中

休息中

好耐冇嚟明記食😋諗住可以食C鉗，但係今次太夜😛今次夜得滯所以同朋友食滷水鵝片同埋呢個水煮魚片、仲有估你唔到咁好味嘅炒米粉，竟然有好多蠔仔！原來滿$300 送滷水拼盤😍抵食！

這間位於荃灣的潮州菜館，惠顧滿$300就會送一碟滷味拼盤，基本上食兩三款小菜就可以享用優惠。 小食是潮州花生及青瓜雲耳，花生炆得很腍。蠔仔肉碎粥超多蠔肉，每隻都脹卜卜，蠔肉完全不腥，粥底有些薑絲，加上肉碎及香茜香味，粥底鮮甜。潮式蠔仔餅蠔餅略厚，兩面煎至香脆，中間粉漿較多。燒汁脆牛腩牛腩表面薄薄又香脆的粉漿，牛腩肉質鬆化有肉香，入口又夠腍。滷水拼盤雖然是送的，但份量十足，有豬腸、鵝腸、墨魚、雞腎、紅腸等等，十分入味又不會太咸。

以前同同事都有去過，食物水準真係唔差。今次就約朋友兩個去打冷～｜脆皮炸鮮奶｜ $98炸鮮奶炸成一卷卷，奶香味重，外脆內軟。｜潮式秘製獅蚶｜ $108獅蚶樂鮮嫩多汁，半生熟嘅狀態沾上酸醋食一流呀～｜韮菜豬紅｜$78例牌大小但份量都好巨型，豬紅好滑好入味，韮菜鮮嫩無渣～｜蠔仔粥｜$68材料豐富有多隻飽滿嘅蠔仔，已經叫細啦，估唔到份量都咁大，足夠兩個人食，加有冬菜更惹味～｜滷水拼盤｜食滿$300就會送一碟，有大腸、紅腸、魷魚、豬耳，入味又爽口，一定要食～

今日約咗一位好耐冇見嘅朋友食期待已久嘅潮州菜由於荃灣地理方便 我哋就揀咗食明記海鮮潮州菜館打開menu 有好多選擇餐廳而家做緊一個推廣食滿$300送一個滷水雜拼咁我哋就叫咗三個小菜 加一份送嘅滷水雜拼滷水雜拼雖然雜拼係餐廳送嘅 但係份量一啲都唔少有墨魚 大腸 紅腸 鵝腸等滷水亦都好入味蠔仔肉碎粥（小）我哋雖然叫咗一份細嘅蠔仔粥但份量一定足夠兩個人食用平均每人都可以食到兩碗蠔仔嘅份量亦都好多鮮味十足黃金鮮魷魷魚炸得唔錯 每一件都好脆鹹蛋黃亦都可以滿滿包住魷魚鹹甜適中帶子海皇一品鍋四個菜裏面最推介呢一個煲海鮮份量好多而且唔係一般既唔急凍嘅海鮮海鮮底有豆腐同小白菜可以吸收晒海鮮嘅鮮味正！最後食唔晒要打包拎走$454 可以食到2餐🙊🙊

🍴黃金鮮魷 138 蚊🦑大大碟黃金鮮魷 一上枱 熱辣辣 好香既咸蛋黃味 外面好香脆。入面既鮮魷夠彈牙 新鮮 好食🍴潮式蠔仔餅 98 蚊🔥煎得夠薄身既蠔餅 好香脆 蠔肉大隻又夠多 咬落都帶 d juicy點 d魚露都好好食🍴潮州炒麵線108 蚊🍜🔥爽口芽菜 葱花 彈牙既鮮魷 🦑蛋 🥚香咸既魚餅絲🐟 一齊炒成既麵線 炒麵線好爽口乾身 夠鑊氣 🔥好食 🍴滷水拼盤 送堂食夠300 蚊就送拼盤 好抵 拼盤雖然送但一 d都唔 hea材料 豐富 紅腸 墨魚 鵝腸 豬脷 大腸 豬腩 豬耳 🐖🦑 滷水汁好入味 點 d辣汁 或者 白醋都好正#蠔餅 #中菜 #打冷 #潮州菜 #紅腸 #大腸 #墨魚 #鮮魷 #麵線 Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~明記海鮮潮州菜館荃灣鱟地方72 號天保大廈1 樓~~~~~~~~~~~~

因疫情關係都好耐無去呢間潮州小炒館食晚飯，但如想食小菜，我都會𢵧呢間。呢個星期一再去，今次叫套餐 #豉汁蒸鱔 及 #鹵水鵝片、再加多碟豬油渣炒菜芯苗，如單超過 $300，跟以往一樣會送一碟鹵水併盤比你。今次叫嗰碟豬油渣炒菜芯苗好香口野味，只略為鹹咗少少，但都好食😋以荃灣區來講，呢間小菜館來說都算不錯，夠大碟，還記得第一次去食那碟薑蔥炒魚春，大碟到呢，抵食，所以在正常情況下每晚都坐滿人 及 好多年青一輩都在此幫襯。如講環境，坐位都較為迫，但都可接受，服務就一般啦，衛生來說，今次我見佢嗰 D 凍食海鮮類沒有蓋好，所以都沒有點，其他的的小炒水準都保持。

話說琴日係荃灣打完波仲未諗到食啲乜嘢係閒談之間，有人提起釣牙帶魚我好奇一問：乜嘢係牙帶魚🤣…… 一輪解釋後 ……咁啱有人醒起附近有間打冷幾好食就選擇咗去呢度食啦！一嚟就當然點左個牙帶魚先啦🤣另外再叫左啲打冷必食嘅嘢不得不說 潮州蠔仔粥 好啱我口味我一個人就已經食左4碗仲想繼續食😝😛另外宜家滿300元就會送瀂水拼盤一碟都吾細碟架🥰另外都推薦食呢個啫啫芥蘭煲👍🏻但韮菜豬紅就略為失色但整體而言環境係坐得舒服冷氣都好夠勁 仲坐到有啲凍🙈夏天熱完入去食飯係超爽😂食物質素都唔錯打冷嚟講 呢間可以「返啅」

為食妹繼續搵食！今次黎到荃灣既明記，係潮州打冷店.之前食過好多打冷店既價錢都偏貴同埋份量少！明記絕對大件夾抵食！.明記滷水拼盤雖然係送既，但係份量都唔細，有哂豬耳，豬頭肉、紅腸、雞腎、墨魚、鵝腸等等，超級豐富.椒鹽鮮魷即叫即炸，脆卜卜，配埋炸蒜一齊食好香.明記荔枝骨菠蘿生炒骨食得多，荔枝真係第一次！排骨先炸過，肉質鬆軟，仲有層荔枝香甜味.蠔仔粥蠔仔勁多，每一啖都食到！仲要大大粒，好肥美.石鍋啫啫通菜超香超惹味，仲有勁多蝦米，同埋都係大大份.整體黎講就係好抵食呀.

荃灣明記聽人提起店名多，聽聞出名獅蚶，昨晚順道經過試下，二人叫左3碟打冷菜，食滿300元送鹵水併盆。獅蚶其實本人第一次試，未食前，驟眼睇好似未熟，重流出血一般的汁，救命😫..真幾肉酸，但朋友話好好食，見到佢食得咁滋味，即管膽粗粗試下😅，估唔到出奇地好味，好鮮甜🤩🤩，如配埋伴碟上的生蒜頭，更好味

今天工作比較忙，沒有在家煮晚餐，於是全家到街上解決晚餐問題。路過「明記」樓下，心想已經很久沒有吃潮州菜了，便上去試試。「明記」地方不錯，地方寬敞，光潔明亮。看過餐牌後，我們點了幾款家常小菜。首先要說說餐前小食：鹹魚仔，非常有魚味，不是一般又乾又硬的貨色。經典潮州特色的“潮州鹵味拼盤”，有豬大腸、鵝腸、豬耳、鵝腎、五花腩、鹵水墨魚......等材料，非常豐富，而且很入味。京都肉排：大大碟，啖啖肉，排骨肉質細膩，酸甜調味適中，加上夠鑊氣，非常可口。蠔仔餅：卜卜脆的蛋醬炸粉，包裹著粒粒飽滿的肥美鮮蠔，入口甘香，而且蠔味濃郁。西檸軟雞：名副其實，雞塊特別柔軟鬆化，加上酸酸甜甜的檸檬汁，份外醒胃。整體而言，這裏的菜式都特別夠鑊氣，炒得香噴噴，令人食慾大增。要是三兩知己，拿著啤酒，談天說地，而且所費無幾，真是不錯的選擇。

今天到荃灣，睇完戲諗住去食打冷, 上OPENRICE睇下附近有冇, 見明記消費滿$300送滷水雜拼一碟，有鵝腸，腎，豬大腸等潮州滷水配料。於是去試試。潮州滷水拼盤內鵝腸彈牙，配上浸滿滷汁芽菜，一口放入口簡直一流。京都炸大腸炸得外皮鬆脆，夾件菠蘿片去一齊食,意外地好味,加上兩者數量相約。用來送酒一流。碧綠炒蝦球可話蝦球處理得唔錯，乾淨，爽口彈牙又保留蝦球清甜，老少皆宜的西芹炒蝦球岩食。火喉掌握得夠镬气。瑤柱蛋白炒飯做得不俗，飯炒得夠乾，見飯粒，又夠美味。整體而言，環境夠大，價錢合理，值得一試。 而且冷氣十分充足。明記係一個群聚好地方。

和朋友在荃灣吃晚飯，朋友選了主打潮州菜的明記。門口擺放的海鮮超吸引，適合和一大班朋友分享。明記荔枝骨，比一般生炒骨多帶一份果香，味道清新。荔枝已去核，酸酸甜甜又多汁，配上排骨，能中和一下肉類帶來的膩感。海皇一品煲配料豐富，有海鮮又有菜，豆腐更沾滿了整煲精華的湯汁。主角帶子鮮甜，質感爽脆有彈性，口感滑嫩。除了帶子還有斑片，蝦仁，魷魚等海鮮，魚片夠大塊而且厚肉。豉椒炒蜆大大碟，豆豉和青紅椒絕對是炒蜆的最佳配搭。蜆肉粒粒都很飽滿，調味惹味非常，用來配白飯吃最滋味。消費滿$300送滷水拼盤一碟，有鵝腸，腎，豬大腸，腩肉，魷魚等經典潮州滷水配料。鵝腸爽脆彈牙，配上芽菜一口放入口最滋味。豬大腸，脂肪比例適中，不會有異味，口感軟滑有嚼勁。點幾個小菜再加配白粥和白飯，更有潮州菜風味。

實在太耐未食過打冷了, 所以放工即刻去了<<明記>>味道好當然是最大原因, 而消費滿$300就送一碟鹵水拼盤亦是吸引我的地方當我上到1樓的時候, 發現久違了的半場爆滿(現在限聚令這時候, 不會全場爆滿了)雖然半場爆滿, 但每張枱都分得開開的, 還有擋隔, 都十分令人食得安心<<鹵水拼盤>>雖然是送的, 但份量絕對沒有在慳而且依然鹵得十分入味, 材料新鮮,你可以食到魷魚片的彈牙, 食到鵝腸的爽口消費滿$300就送一碟鹵水拼盤, 真的讚<<鹵水鵝片>>鹵得入味, 份量滿足, 鵝片肉質嫩滑,而我最喜歡就是她可以讓我享受啖啖肉的快感是我每次到<<明記>>必點的菜式<<辣酒煮花螺>>因為朋友對她有興趣, 所以我都是第一次點花螺菜式, 竟令我意外的發現陪酒的最好菜式辣絕對是你會感覺到的第一種味道, 但她並不是辣麵的那種死辣而是那種令人想吃多一口的那種香辣, 還有你嚐到辣之餘,你亦會吃到花螺的鮮甜. 讚!<<京都炸大腸>

秋風起，突然好想食打冷，便到明記走一轉，果然水準依舊好味又抵食😋 顧客需先量度體溫才能進店。店舖提供了很多孖寶套餐，三四百元已有魚蝦蟹龍蝦等供選擇。金牌滷水鵝片入味，肉質嫩滑，加點點酸汁一齊進食簡直是絕配。豉汁蒸白鱔份量大，白鱔肥美，配以大量豆豉蒸煮美味可口。豉椒炒蜆也是打冷必吃之選，大大碟隻隻都有肉，炒得很有鑊氣👍🏻 現在更有堂食優惠，惠顧滿$300會送滷水拼盤一份，仲係例牌的份量，有墨魚大腸鵝腸紅腸豬耳等等，絕對有誠意！而服務員態度也非常和藹親切，抱有濃濃的街坊人情味，實屬難得。

今晚黎到荃灣晚飯!一早BOOK定明記海鮮潮州菜館，晚飯時間接近全場爆滿，好好生意~有孖寶套餐亦可散叫，款式種類選擇多。凍烏頭肥美鮮甜，油質豐富，肉質嫩滑，完全無泥味。配以豆醬一同食用，更能提鮮。XO碧綠炒鮮魷西芹清脆可口，鮮魷鮮香軟嫩有咬口，以XO醬同炒非常惹味。滷水鵝片薄厚適中，鵝味濃，啖啖肉醇和豐厚，肉質香滑且入味。蠔仔肉碎粥蠔仔粒粒飽滿，份量多夠足料，加入肉碎、冬菜等，提升味道層次。堂食滿300元，送滷水拼盤一份，好抵!滷水拼盤有齊豬耳、豬大腸、墨魚、腩肉、紅腸及大量芽菜等，滷得入味，鮮香可口，正!