明記海鮮潮州菜館 (天保大廈)

营业中

休息中

今日呢間餐廳是食潮州菜的，沒有富麗堂皇的裝潢，但呢到整體食物都係足料有份量而且好味的，店員服務快手同友善，相信我地好快再黎食過。飯前小食$20，脆魚仔，醃蘿蔔，送粥一流，因為單食有點咸。呢到其實除左潮州菜之外，仲有好多不同的小炒，呢到食物除左多元化，款式同樣非常多。  潮州菜必點之一係滷水鵝$128，滷水鵝潮州出名名物之一，這裡的滷水鵝值得一讚，鵝肉特別嫩滑，滷水充滿香氣但一點也不覺得咸，所以不會蓋過鵝本身的原汁原味。 客家黃酒雞煲 半隻$138 這個黃酒雞邊食邊煲住可以保持熱辣辣，黃酒雞係一個客家傳統菜式，黃酒香的甜醇味入晒落D雞到，湯入面加左杞子，薑，圓肉，紅棗除左個湯好甜之外，呢個湯仲可以袪風驅寒，份量唔少，建議3-4人一齊食。   潮式蠔仔餅$88，蠔仔餅好大個，每一啖蠔餅都食到蠔仔，蠔仔肥美鮮甜，蠔餅絕對要襯熱食，外層酥脆，炸得好好，唔覺得好油膩，好好味。

當晚一行四人來到戴倫趾診所附近，想找一家小菜店享用晚宴，於是來到了明記此店是區內有名的打冷舖，裝飾擺設都很中式首先來的是粟米魚肚羹，份量足味道美，前後食了三碗之後是太太最愛的菠蘿咕嚕肉，酸酸甜甜很醒胃 然後是D餐的滷水鵝片及豉汁蒸白鱔，滷水汁入味而鵝片香滑但底層都是豆腐 豉汁有點咸但配飯一流沙茶牛肉炒河醬汁滿溢牛肉嫩滑可惜芥蘭不是時令有點過老 潮式蠔仔餅炸的香脆而蠔肉份量亦不少但建議粉可以少放點然後買滿300港元送的滷水雜拼，不過不失，勝在免費離開時看到廣告宵夜十點後啤酒買二送一，下次光顧必點

在荃灣的潮式打冷菜館之中，明記算是數一數二的大哥大。之前和家人光顧過覺得味道唔錯， 見到明記在附近又開了一間新店，心思思又帶家人來食晚飯。 餐廳有好多優惠～入坐不久已經全場爆滿， 好彩醒目有提早預約留位。最優惠的是滿300元就送鹵水拼盤一份，超抵。點了豉汁蒸白鱔， 鱔片肉質滑溜鮮美， 廚師蒸的時間剛剛好，而且非常入味，用黎送飯一流。潮州名菜滷水鵝片， 鵝肉緊緻有咬口，鹵水味香而不會死鹹，果然名不虛傳。菠蘿咕嚕肉， 甜甜酸酸的開胃菜，每次必點。粟米魚肚羹， 魚肚出奇地多，軟軟滑滑的一大煲，一口氣飲了2 碗。沙茶牛肉炒河， 牛肉軟淋一咬就開， 鮮嫩十足，河粉配合牛肉醬汁一起更令人食唔停口，但是芥蘭非常硬身，煮淋d 會更好。蠔餅非常香脆， 熱辣辣最好味，基本上每一口都食到蠔仔 ，是先生最喜歡的一款。爸媽就說怕熱氣唔敢食，哈哈.... 豐富的一餐明記小菜味道唔錯，價錢實惠，是家人開飯首選。 可是店員忙過不停，說話也比較大聲，如果多請人手及店員說話溫柔一點，生意一定會更好

去開荃灣行街，想食夠鑊氣嘅中菜，諗起呢一間明記，去到咁岩有位，即管試試先睇餐牌有唔同嘅孖寶推介，價錢都幾相宜，但今日想食小菜多啲，下次先食孖寶啦脆皮炸鮮奶估唔到個份量咁巨型，件件都大嚿之餘數量更加好多，外層炸得夠脆，裏面嘅鮮奶仍然保持滑溜砵酒焗桶蠔完個錫紙包住，打開嘅時候熱辣辣桶蠔鮮甜肥美，每隻都非常飽滿，口感十足細蠔仔粥呢個蠔仔粥，每隻蠔都非常飽滿，蠔嘅鮮甜滲透於粥底，配上魷魚肉碎香芹，香味十足海味粉絲什菜煲呢個雜菜煲，除咗材料豐富，最正最值得推薦嘅就係佢嘅湯底，用大量嘅蝦米鮮魷一齊煮成，所有嘅鮮味滲進每一棵菜裏面總括來講，想食有份量，又夠鑊氣嘅中餐，明記喺荃灣區嘅好選擇

荃灣區 的潮州打冷 食肆不多 我朋友行經 荃灣的鱟地坊 發現"明記海鮮潮州菜館"便和朋友嚐一嚐這店的潮州菜。店內是在樓上閣樓， 地方 很清潔， 環境 寬敞、 舒適。我們坐下後朋友便 order咗 蠔仔肉碎粥(小)$58 蠔仔粥的份量也足夠二人食用 ，蠔肉也很新鮮， 粥底 美味， 沒有臭腥味， 朋友也很喜愛吃。還叫了一碟潮式炒麵， 配合蠔仔碎肉粥， 在天氣炎熱的夏天， 沒有胃口吃飯之下， 選了這兩個 菜式 夠曬飽肚。嚟多一鍋 食和炒芥蘭， 翠綠新鮮 的芥蘭， 在石鍋 內慢慢食可以保持 燙熱， 芥蘭的烹調 味道 鮮味 。朋友還order咗一支 冰凍的 啤酒， 我們一邊享受潮式 餸菜 ，一邊 嘆番杯，認真 寫意。

前幾日我哋一家人又出去食飯，今次係去食潮州菜嘅，呢間餐廳係喺荃灣大河道附近，因為我之前經過過，就想帶屋企人過去試吓。我哋睇吓個餐牌，發現呢度都有好多嘢食，差唔多大部份嘅小炒呢度都會有。我哋見到啲孖寶套餐好抵食，所以就叫咗一個孖寶F，係芝士龍蝦伊麵配金牌滷水鵝。呢個就係芝士龍蝦伊麵，份量都好大碟，芝士味非常香，龍蝦味道好鮮，質地爽口，芝士味道濃郁，不過伊麵就林咗少少。呢個就係金牌滷水鵝，又係一大碟，所以呢度d小菜真係大碟又抵食，鵝肉好肥美，好甘香，我最怕食到啲鵝好蘇，而呢個一d蘇味都冇

好耐無見班中同，一約敍舊吹水，即刻諗起呢間😆以前讀書個時，一約食飯就首選打冷。無他，豐儉由人嘛。而家個人大咗，消費能力高咗啲，都仲係會好懷念呢種感覺！一黎到，女友就即係俾門口嘅大賴尿蝦攝咗魂魄。起碼叫兩隻先肯起鑊，其他飯腳又無咩興趣，咁無計喇，唯有同佢一人一隻。呢度係我地兩個各自食咗個下身先記得要影，可想而知原本有幾大隻。椒鹽有豉味，蝦殻炸得香脆。不過大瀨尿蝦無蝦味呢個通病，係永恆定律。沙拉蝦球，份量夠多，味道就係正常沙拉乜乜嘅味😂無驚喜，但係穩陣。蠔餅出場！不過老實講，炸漿咁厚嘅蠔餅，真係唔好食又硬，又油，蠔仔都有啲係唔新鮮...椒鹽九肚魚，呢個比較有誠意骨頭炸得透，魚肉唔梅，size岩岩好一啖一舊，秒清！啫啫通菜，有鑊氣又唔過鹹，通菜食落無渣，唔錯。叫夠$300送嘅鹵水拼盤，食落唔差，係唔洗錢呢個價錢黎講就超值啦埋單位位$200，想當年百元有找...不過物價飛漲，最緊要佢仲屹立不倒，等我地仲可以聚舊，呢個價值係無價。

明記打冷今晚收工之後，同同事去食飯，今次黎到荃灣食打冷，哩間係一間老店黎，都幾多人食。蠔仔粥(大)$98粥既份量都非常之多，我地一行6人，每人都食到2碗以上，蠔仔亦好多，肉碎都比得好大方，好鮮甜👍🏻👍🏻韮菜豬紅$68估吾到咁大碟，熱辣辣，入面韭菜都好吸味，豬紅亦好滑，有小小微辣，一舊接一舊，食吾停。滷水豆腐$68哩個麻麻地，吾夠入味，豆腐好硬。明記荔枝骨$108酸酸甜甜，似係甜酸排骨既菠蘿煮法變左荔枝，都幾特別好味，荔枝好甜，好夾。明記小炒皇$118菜反而係最貴既，好嫩綠好好食滿$300送一碟滷水拼盤地址:明記海鮮潮州菜館 (荃灣)荃灣鱟地坊68號地下

好耐沒有吃打冷，又唔想入元朗屯門甘遠去食，就近系荃灣就最好，朋友帶我們去荃灣明記打冷聚舊。記得明記在荃灣是老子號打冷店，很久以前已吃過。這間分店在樓上鋪的，樓梯有很多明星照片，果然是打冷專家。裝潢得好光猛，坐得好舒服，地方乾淨企理。我們點了蠔仔肉碎粥，好多新鮮蠔仔，粥底香味濃郁。蠔仔餅，大大隻蠔仔，香香脆脆的。鹵水鵝片，啖啖鵝肉，嫩滑有咬口。韮菜花炒鹹肉，好有鑊氣，香味十足的韮菜花，夏天吃是最爽口的。老闆真很大方，每枱消費滿$300，就送一碟鹵水雜拼，真的很有驚喜。並且最誇張系碟碟都大大份的，真的值回票價。

收工約友人食飯，話要去鱟地坊食潮州菜，即管一試。此店叫明記，去到地鋪時無位，叫我們到對面，原來是樓上鋪，在釣魚鋪旁邊上去，面積很大，最重要是冷氣夠勁，哈哈。店員很親切的招呼，很有以前大排檔的感覺。說是點滿300元會送一份滷水拼盤，可是我們好想吃鵝片，我們還是點了滷水鵝片，不要拼盤。這半肥瘦的鵝片，夾著豆腐一起吃，很好味，下面鋪著爽脆的花生，吃不停口。接著點了一份煎蠔餅，鬆脆可口，每口蠔又林又脆。最後點了韮菜炒鹹肉，韮菜很新鮮。碟碟都好大份量，飽到呢。

欖菜肉碎炒豆永遠都是最好的配搭，夠野味😋又唔會太鹹！鵝片好入味，夠林身; 但豆腐太硬唔好食…蠔仔粥比較似蠔仔湯飯，蠔仔分量充足夠鮮味消費滿300蚊仲送滷水拼盤一份免費都大大碟，讚可惜最期待的大眼雞卻令人最失望魚肉唔新鮮好嚡身 又貴又難食

今次是我第二次來到明記，來之前剛好與一位朋友聊起明記。他告訴我明記在荃灣一直都很有名，住在附近的人一定有聽過明記，以前可能還要等上很長的時間，才能進入用餐。聽他一席話，令我對今晚更有期盼。今天晚上點了秘製凍司庵、辣酒煮海花螺、鹵水鵝、翡翠炒海班球和沙拉蝦球，因為我不吃司庵，所以就沒有試過，但其他各個菜色都有一一細嚐。辣酒煮海花螺用上肥美的花螺，辣味也有滲透螺肉。鹵水鵝有附上鵝翼，真的非常好。只要消費滿$300, 就會免費送上鹵水雜拼，紅腸和魷魚都非常爽口彈牙。翡翠炒海班球的份量很足，班球都很大塊，再加上很足量的西芹。沙拉蝦球很爽口入味，沙拉均勻地包圍著每一個蝦球，味道剛好。如果有機會，一定會再來。

經常走過荃灣天橋時看在這一家潮州菜館,經常坐滿人, 剛好朋友想吃潮洲菜人,六點多走去吃不用等位。看到點菜滿三百送滷水拼盆, 所以只點了2個菜加一個小的蠔仔粥 。蠔仔肉碎粥 : 雖然是點了小碗, 份量一定夠2個人吃, 蠔仔又肥又多, 每一口都可以吃到!!味道鮮甜, 不用再加任何調味。辣酒煮螺: 一大鍋的辣酒煮螺 , 份量很多! 估計有30、40個!! 也挺辣的, 不能吃太辣記得要跟職員說要少辣, 辣酒浸著花螺, 很熱, 要拿出來放一下才可以拿著挑, 肉質軟硬適中,很不錯!招牌煲仔焗蜆: 平常都是點炒蜆的, 看到這個有推薦所以一試。大部份的蜆都是肉連著殼的! 真是新鮮! 而且有淡淡的酒香味, 也有它本來的海鮮味, 配白飯一流。   滷水拼盆: 一大碟的而且是免費送的! 有魷魚,豬肚鵝腸紅腸,豬耳... 每款滷水料也有一些, 可以多吃不同的小食。小菜份量多,價錢性價比可以知道為什麼經常坐滿, 下一次要多約幾個朋友多點幾道小菜!!

今日同家人放工後去左荃灣明記食晚飯,今晚食下潮州菜上樓上食樓梯見到都好多名人食過喎諗下食咩先先食個餐前小食,魚仔口感都幾好叫左石鍋啫通菜,椒鹽九肚魚,明記小炒皇明記小炒皇-好足料,菜好鮮味可口椒鹽九肚魚-熱辣辣又夠晒香口,脆漿唔厚好好食,同時炸到連骨都可以食埋,入面白色魚肉真係好有魚香味道石鍋啫通菜-熱鍋真係保持到熱度,香口肉碎配合新鮮通菜,非常香口.這就是所講的鑊氣了.自己在家真係煮唔到白飯真係唔食過都唔滿足

這晚約了餅師傅聯誼，選了吃潮州打冷。地點選在他工作的區域，以方便他下班後可快些來。食肆有兩個不同舖位，只是相距一分鐘步行距離，我們被安排在樓上一樓，人山人海，座無虛設，氣氛熱鬧。店員開茶時通知，點滿三百元可送滷水雜拼一碟，事實上，應該每一檯也會過吧！點了豆腐炆海斑頭腩煲，以砂窩盛著，熱騰騰冒著煙，斑頭腩很入味，肉連著骨，份外好味，豆腐吸索了醬汁，也受歡迎。滷水鵝片，甘香的鵝肉，滷水香而不死鹹，有些還帶點肥膏，格外豐腴。蒜蓉炒菜心，份量巨大，蒜香貫盈，惟菜有點老。蠔仔肉碎粥，雖點了小窩，份量足每人兩碗，蠔仔飽滿，洗得乾淨無蠔殼，加了肉碎，芫茜，唐芹，相當不錯。滷水雜拼，有墨魚，紅腸，腩肉，豬大腸，鵝腸，豬耳，花生等，勝在款式多，吃得過癮。地方夠麻甩，適合大夥兒吹水，氣氛好，食物過得去！