星宴中餐廳 (已結業)

最近我去了W Hotel內的中餐廳，但是我對這次的用餐體驗非常失望。雖然這家餐廳的名氣非常大，但是它的表現卻讓我感到十分失望。首先，菜單上的價格非常高昂，平均一人的點心套餐就需要花費$800至$1000元。但是相對於價格，食物的份量卻非常少，完全無法滿足飢腸轆轆的胃口。而且即使是高價位的套餐，上桌的食物也都是溫溫的，並沒有保持熱度，讓人十分失望。除了食物的問題之外，餐廳的服務也沒有讓我感到滿意。因為是五星酒店的中餐廳，我期待著高水準的服務品質，但卻發現服務生大多是新員工或新手，對菜單和食物的了解不夠深入，給我點餐時也不夠熱心。總體而言，這家中餐廳的表現讓我感到十分失望，價格高、份量少、食物不夠熱，加上服務品質不夠滿意，讓我無法推薦這家餐廳給其他人。如果你正在尋找一家高品質的中餐廳，我建議你繞道其他地方去尋找，而非W Hotel內的這家中餐廳。

朋友有W hotel membership，所以一齊去左星宴中餐廳食晚飯寧靜、坐得舒服環境少少偏暗，略厭4人坐7-8人檯過大點了：1. 桂花片皮鴨（一食）$828中規中矩，不差，但相對價錢可以再好d。鴨皮可以再脆d，桂花味不出，醬汁偏甜，包皮略硬和難分開每塊2. 鎮江話梅一字骨 $398有驚喜，好食，酸酸甜甜、脆口、骨嘅肥肉比例剛剛好3. 野生魔利菌炆素千層 $3184. 羊肚菌鮮竹笙蒸千業豆腐 $398兩個素菜都有水準，特別鍾意用腐皮整嘅素千層5. 黑松露醬帶子炒香苗 $358黑松露味淡淡嘅，平衡前面偏heavy嘅菜色，係不錯嘅結束！另送一支白酒偏甜，易入口，飲完宿醉不嚴重！

餐廳環境優雅舒適適合家庭聚餐我們選的尚臻饗宴品味套餐，每一道菜擺盤都非常精緻前菜的蜜汁叉燒很好吃摩利菌竹笙花膠燉響螺味道清甜貴妃蟹肉龍蝦羹料足美味大蝦皇酸酸甜甜很惹味麒麟星斑球肉質鮮嫩芥末蘋果和牛粒肉嫩多汁金瑤脆皮家鄉釀遼參外皮酥脆內裡Q彈搭配醬汁非常美味可口鮑魚雞粒五穀豐收鮑魚個頭不小炒飯裡面有雞肉粒香菇和五穀雜糧味道剛好口感豐富最後的甜品有楊枝甘露、棗皇羔和合桃酥，合桃酥口感香脆非常好吃！整體來說套餐的菜品不管是擺盤還是質素味道都非常好，份量也很足，性價比非常不錯

這些年來無論大小節日和為家人慶生，也是來到這間酒店的中菜廳，漸漸已變成了家宴的塲地。原因是食物和服務質素能夠一直保持高水平，絕對沒有令人失望，當然今次也不例外！非常享受的一頓晚餐！

差不多半年冇嚟，今日又嚟食佢嘅點心放題$288/位（3:30-5:15pm)灌湯餃入面粒帶子相當厚大，湯頭也甜美。蝦餃、燒賣、鮑魚燒賣（這個每位一件），大大粒而且餡料豐富。黑蒜蒸排骨，黑蒜甜甜酸酸，排骨帶點肥，個人覺得幾好。合桃酥，微暖鬆化，保持一貫水準。叉燒酥，暖暖地賬卜卜，好鬆脆。牛肉球，好奇怪d肉鬆鬆散散，可能系打嘅時間吾夠，這個比較差。香蒜蝦春卷，蒜頭味比較大，不好此道者要小心。鮑汁鮮竹卷，入面嘅餡系蝦膠，好食但正宗嘅鮮竹卷吾應該系咁。蝦肉斑餃，好咸。珍珠雞，餡汁幾多所以比較濕。叉燒包，大大個，包皮鬆軟，正正常常。皮旦肉碎粥，d粥好糊比較厚身。鮑汁菜遠，酒店做法，只要菜遠一小段，幾精緻。芝麻糊，一般。整體來說，久不久食一次，都可以啦。

上個禮拜去咗W酒店星宴中餐廳晚飯，好耐冇食中式嘢，好滿足。平日晚上客人都唔少，除咗家庭客，亦都有唔少情侶用餐我哋坐近門口位置嘅圓枱，闊落舒適。中餐廳喺8月份推出咗新菜式，有啲係季節限定 以榴槤入饌。另外亦有以水果為主題嘅菜式，味道上酸酸甜甜，有夏日feel玫瑰煙鴨胸煙鴨胸好味啊，煙燻味香，唔會太鹹，厚薄適中，入口滑嫩麻香脆牛肉片脆牛肉片醬酸甜醒胃，外皮鬆脆，肉片偏薄身，存在感唔係好夠。魚湯萬壽果班球對魚湯印象深刻，足料好飲，木瓜香甜 斑塊兩件，彈牙冇骨柚子蜜鍋巴脆蝦球鍋巴脆蝦球嘅presentation靚，適合大班人食，有團圓感覺，蝦肉勁大隻，肉鮮爽彈，調味酸甜，襯埋脆脆嘅鍋巴，好食香草茄膏大蝦皇伴鍋巴唔好睇少茄膏大蝦鍋巴，食完超飽茄味濃郁，配香口鍋巴，仲有唔少菇菌同菠菜，係一款帶西式風味嘅中菜呢。

喺官網買左佢個點心放題， 每人連加一300蚊有找，可以食成兩個鐘，仲送一人一枝冷泡茶，性價比好高。點心紙上有20幾款點心，望落去款款都好想食，最後我同我朋友共食左23款，食到肚都翻埋。其中有幾款特別出色：灌湯餃、鮑魚燒賣、鮑汁鳳爪、龍蝦汁鮮竹卷、合桃酥。其他點心基本上好食（質素中上）。整體來說，個人覺得坐得舒服、食得開心、食物的質素及衛生情況有保證、侍應們服務尚算，性價比高。我覺得係適合平日放假出去嘆番個茶既好選擇，會推薦俾朋友。

最初覺得，all you can eat只係提供20款點心，選擇好少咁。開始點餐就發現，樣樣都想食，但係胃得一個，點算好🙈😍必叫🔹原隻澳洲鮑魚燒賣（每位限一隻）🔸高湯帶子鮮蟹肉瑤柱灌湯餃 （矜貴，不過水準不穩，encore個份嘅灌湯餃係穿咗，骨肉分離）🔹XO醬鮮蝦帶子鳳眼餃🔸羊肚耳上素水晶餃🔹芝士煙肉蝦春卷🔸香麻西班牙黑豚叉燒酥🔸鮑汁炆鳳爪🔸玫瑰黑豚叉燒包🔹合桃酥平日飲茶食幾籠點心就會飽，星宴點心都唔算油膩，所以今次可以由頭食到落，抱住tummy走，連晚飯都唔駛食。

兩年前食過一次 ，今日重新再試，點心質素跟過往一樣高質，不過從前的老火中湯已改為粟米羹，甜品種類亦減少了，特別推薦灌湯餃，食兩碗都二百蚊啦！ 唯一服務不周的是三點半才開始讓客人入座， 一間五星級酒店食肆不應該讓門外製造一條人龍，普通的酒樓下午茶亦會早10至15分鐘讓客人預先入座， 但五點鐘後侍應則多次提醒須五點半離座。

趁官網做緊八折就去試下佢個點心放題，入座流程順暢，由於買券仲送一人一枝冷泡茶。我未能把所有的都點一次就飽左。無點的包括山竹牛肉球，上素餃，扒時蔬，粟米羹。心水推介-叉燒酥，鳳眼餃，灌湯餃（大大隻帶子但接合位的皮有點厚）、鮮竹卷（龍蝦汁超正）、合桃酥（小小一個，超鬆化，來的時候暖暖的），炒香苗。一定唔會再點的有蒸排骨（肥膏太多），芝麻糊（感覺好面粉），小籠包（個皮唔得薄滑）。其他有食的基本上好食，但又未至於要必點或追加，整體來說，個人覺得比Hyatt的性價比高。

入到去冇卡位坐，其它位比較不舒服，餐廳樓底矮、氣氛陰沉，有幾位大陸大媽喧譁嘈鬧，又不時換枱影相，加上臨走去洗手間時上一個人用完搞到廁所塞咗，令成程用餐體驗較差回歸正題，蝦餃燒賣同都比較大陣椒粉味，作為有煮食經驗的人，推斷是因為其冰鮮味較重於是落重手胡椒粉味闢味，灌湯餃並非傳統嗰隻，淨係得蟹肉同埋元貝冇其他料，湯底係史雲生清雞湯嗰啲叉燒包係肥叉包，食咗一啖即刻想嘔出嚟，包皮好似係人哋翻叮又翻叮，由朝頭早擺到下午茶嗰種點心質素大致同美心皇宮差不多，如果係大食，回本都唔係難事必點推介：瑤柱粥和芝麻糊；瑤柱粥足料鮮甜，出面食起碼50蚊一碗；酒店芝麻糊幾乎每枱都必點，而且呈上來的碗碟精美令人食指大動最後我同我老媽子兩人食了33碟，我一個人食了20碟以上，可能係我嘴刁食慣各大五星酒店放題，呢個自助餐並不推介大家來食

差唔多一年冇嚟過，今日再去星宴食佢嘅下午茶點心放題，上年嚟食系$228，今日已經系$288，加幅小少，所以只得四枱客，亦都可能因為疫情關係。講返食物，灌湯餃、合桃酥、蝦餃、蒸排骨、鮑汁鳳爪、奶皇流沙包、燒賣和XO 醬帶子餃，保持一貫水準，扒時蔬嘅菜芯只係食菜遠部份所以脆口多汁得嚟又冇渣，質素吾錯，每位一件嘅鮑魚燒賣都有睇頭及算足料。叉燒酥和叉燒飽個餡就比較乾，珍珠雞就好似有d甩皮甩骨咁，芝士煙肉春卷又中又西有d吾系好夾。牛肉球d牛肉好深色好似吾太新鮮咁，而且d肉又有d散，口感不佳。整體來說，價錢加了不少但食物有點退步，幸好待應收碟頻密而且相當有禮。

💟除了staycation外，最近也有不同的聚餐🤝，今次就來到W酒店的中餐廳👉🏼星宴🥂🔰星宴精選前菜拼盤：1.蜜汁半肥瘦叉燒🐖，顧名思義肥瘦算均勻，肉質軟嫩，🍯蜜味香甜2. 酒香凍鮑魚🍞🐟，這個鮑魚沒什麼特別3. 黃金脆米帶子，惹味甘香的鹹蛋獻和脆卜卜的脆米相纏，包裹著一粒鮮甜帶子，太美味了🔰花膠松茸燉響螺湯🍵，清甜潤喉🔰雲丹蟹肉大蝦皇🍤，碩大蝦球新鮮爽口，獻汁裏有少許蟹肉海膽和小蘑菇，蝦球底墊著鮮嫩的菠菜苗🔰黑松露雜菌和牛盒👍🏼，既有創意又精緻的菜餚，軟嫩的和牛，被質感如炸饅頭般的寶盒盛著，每粒和牛入口都譜出美味的樂章，而脆饅頭寶盒沾上碟內的獻汁吃，同樣另人回味🔰瑤柱香菇火鴨燴鴛鴦香苗🍚，所謂鴛鴦即是紅白米，整碗的味道不錯，所以全放進肚子😁🔰桃膠蛋白杏仁茶拼椰汁紅豆糕，杏仁茶香濃撲鼻，鴛鴦糕不太甜，挺好

朋友好多酒店會籍有折所以我哋通常都會去酒店食飯第一次嚟呢一間W Hotel星宴我就真係唔會再嚟樣樣都凍冰冰餐廳裝修得比較暗但係私隱度高服務就一般平日我哋食飯人手都唔算好夠前菜好好食特別鍾意佢個XO醬同埋醃糖醋青瓜第一道菜係五香豬腳仔（$198）佢係好夠淋同埋夠入味嘅但係又唔算好好食好想再食咁囉第二道菜係沙薑雞球煲 （$428）大佬大啦啦收我$428你竟然比滑雞我見唔見到好似唐記啲滑雞咁雞味都冇係嘅係啖啖肉嘅但我suppose應該係真係一隻新鮮雞咁？調味OK啦唔係好食得到沙薑如果你$198我都可以接受嘅$500就真係唔係好OK囉再嚟嘅係沙薑西班牙叉燒撈粗又係凍冰冰跟住啲叉燒呢係一條條切碎哂我都食唔到係咪西班牙味我都未去過酒店食叉燒會係一條條叉燒絲我唔係啊婆呀大佬唔使切碎晒一條條掛跟住仲要勁油啦想點啊呢味餸食完之後心情都有點差我出去出面粉面店食都仲好食最後呢一碟魚湯菠菜先嬲首先又係凍冰冰都算啦我唔知係咪因為凍咗所以啲魚湯好腥係腥到我都食唔落最後我朋友食哂如果係咁樣嘅話我寧願佢下面有啲火好似茶壺咁樣煲住會好啲囉呢碟菜都真係幾難食成餐飯就剩係得呢一個芝麻糊係熱…….個甜品幾好食都冇用整體來講環

今日試下圓方w hotel 呢間星宴中菜館試咗呢一個叉燒酥 外脆內熱 好似啱啱焗起嘅一樣呢個鮑汁雞腳 超入味每碟嘅食物 都係三件呢個牛肉腸粉平時飲茶我好少食燒賣 呢間我真係忍唔住叫一籠 因為真係好好食平時嘅牛肉球會放芫茜呢度嘅牛肉球係放咗西洋菜最後一個豆腐花紅豆 非一般嘅甜品整體今日 食咗一間 超水準嘅中菜 但係講到服務 就非常之一般， 門口嘅侍應我都覺得佢冇禮貌， 係一間五星級嘅酒店嘅中菜廳 服務質素應該要提升。服務員太少招呼唔周到