星宴中餐廳 (已結業)

好味指數😋😋😋😋回頭指數 ⭐️⭐️⭐️開心指數🤗🤗🤗🤗家中兩老比較鍾意食中式點心，諗住帶佢哋食下高質點心開心吓，就揀咗呢間響W Hotel 入面嘅中餐廳嘅點心放題！因為未嚟過食呢度嘅中菜，以為地理上會有海景，原來係冇嘅😂下午茶點心放題$258+10%一位，由3:30pm 食到5:30pm！佢嘅點心款式唔算多，共23款！雖然有D我只食到半件（數目上 + 容量上），我都食晒23款食物！😋好味之選（排名由最好味開始）🍴高湯帶子鮮蟹肉瑤柱灌湯餃湯底好飲，入面用料足，有好多蟹肉，一大粒帶子，我容量唔大都食咗兩碗！🍴星宴筍尖蝦餃皇皮薄彈牙蝦肉爽口大粒！🍴星宴蟹籽燒賣大大粒，肉質彈牙，味道好！屋企人非常欣賞呢個燒賣～🍴星宴XO醬炒腸粉呢個… 第一碟好多XO 醬響面，炒得好香，腸粉好入味！Encore 第二碟就有少少落差，冇咩XO 醬又冇炒得咁香！😅🍴黑蒜蒸排骨第一碟嚟到時有少少笑咗，份量好細，轉個頭已經被食晒！再叫多一碟，終於食到，唔似一般酒樓嘅排骨，佢嘅肉質好爽口鮮嫩，有D似黑豚肉！好味！🍴合桃酥非常香脆鬆化🍴龍蝦湯鮮竹卷個龍蝦湯好濃郁厚身，滿口龍蝦味，完全包圍晒成舊鮮竹卷，不過如果鍾意食到鮮竹卷本身味

飲茶我最愛食點心，上個月去咗國金軒食佢哋嘅優質點心果度都有放題，但$388不包茶錢另計加一，差唔多500蚊位，值唔值得就見仁見智，個人認為嗱脷咗啲因為有優惠門票參觀Sky100，於是同好友，興緻勃勃book咗W酒店食下午茶點心放題，跟著再入場，從高處俯瞰維景夜色今次嚟W五星級酒店嘅星宴食高級點心放題，價錢$238一位，包茶錢，計埋加一，都祇係$262一位，親民好多。呢度放題分三輪落單，每輪任叫任點，無限制，而且兩個鐘頭時間俾妳慢慢食，每籠有三件雖然得廾款，但貴精不貴多，兩個人祇叫咗十幾款我哋揀咗茘枝紅茶，個茶好香荔枝味重有細火暖住老火湯係粉葛赤小豆湯飲得出真材實料，無落味精花膠瑤柱肉碎粥，細細碗，兩份分，粥底綿，料足，好味叉燒酥，可惜掛住影相，無趁熱食，但都酥脆好食金菇野菌扒時蔬，菜心腍甜，無渣，encore灌湯餃真材實料，原粒帶子，湯鮮甜，encoreXO醬炒腸粉，雖然XO醬唔多，但炒得幾香，朋友欣賞龍蝦濃湯浸透鮮竹卷，真材實料個湯好杰，似汁多啲，略嫌龍蝦湯蓋過鮮竹卷嘅味道蝦餃，皮薄餡靚，蝦肉鮮甜芝士煙肉蝦春卷皮脆芝士味濃郁，蝦肉爽甜四寶茶，有雪耳，蓮子，桂圓，紅棗，除了蓮子有幾粒不

點心做得唔錯，推介食個龍蝦泡飯，好鮮味，正吖睇餐牌比仲白雪尋龍個名吸引咗😆，上枱個樣好靚，味道就ok la所以點心保持到一貫水準😋，可以隨心所欲叫自己想食嘅野！

侄兒離港在即，暫住西九龍區的服務式住宅，國慶假期我們前往探訪他，參觀一下他的短期豪房，他很客氣，提前幾天訂了星宴請我們飲茶，但C區已滿，只能坐B區，我們四大一小分坐兩間相連廂房，可走來走去，分享食物，很有趣。廂房佈置高雅，中西合璧，燈光柔和溫暖。每張枱上放了一朵鐵鑄玫瑰花，很浪漫。部長斯文有禮，細心地為我們安排一張小朋友坐椅及食具。我們點了兩壼鐵觀音茶，都是用爐暖著，很週到。食物方面，我們每枱各點了七款點心，另加一個米線共享。香麻西班牙黑豚叉燒酥 （$98） — 賣相討好，外皮金黃酥脆，叉燒餡料肥瘦均勻，鹹甜油潤，層層口感，啖啖美味。星宴筍尖蝦餃皇（$88）— 既是鎮店名牌，當然用料上乘。餃皮薄透晶亮，皺摺精緻，鮮蝦筍粒作餡，鮮嫩爽脆，口感豐富。蟹籽燒賣（$88）— 鮮蝦及豬肉比例適中，味道鮮甜多汁，加了橙红蟹籽，又靚又好吃。鮑汁炆鳳爪（$68）— 鳯爪軟糯脫骨，鮑汁油亮鮮美，伴碟的炆花生，更是錦上添花，入味好食。珍珠雞（$68）— 小巧精緻，餡料味道鹹甜適當，油潤有肉味。叉燒包（$68）— 包皮鬆軟，裂口美麗如花開，叉燒肥瘦均勻，調味鹹香有致，肉油香馥郁，小朋友尤其喜歡。梅菜扣肉腸

知道W Hotel中菜餐廳有點心放題，訂位過嚟試吓；被安排坐卡位，闊落舒適；落單後點心上檯都快，唔會好似坊間一啲放題咁，拖延時間或漏單咁肉酸😂整體點心味道正正常常，冇特別出眾，又冇異常難食😄👌🏻推薦「高湯原隻帶子鮮蟹肉瑤柱灌湯餃」、「西班牙黑豚叉燒酥」、「XO醬炒腸粉」、「合桃酥」🙆🏻‍♀️；不推薦「柚子露筍鮮蝦帶子餃」、「龍蝦湯鮮竹卷」🙅🏻‍♀️；扣減voucher一人先2佰，飽到冇食晚餐🤣員工態度好好，值得嘉許💪🏻.

今次週末選擇去W hotel staycation，一家三口夜晚選擇酒店中餐，位於酒店圓方商場入口處的星宴，環境優雅，空間感十足，晚餐點了，片皮鴨，釀蟹蓋，金菇菜苗，一小份擔擔麵，每道菜都非常精緻，片皮鴨的鴨皮尤其酥脆(不記得影相)，肉質鮮美，值得一提鴨醬味道甜鹹適中，京蔥非常新鮮爽脆，尤其驚喜的釀蟹蓋，點了兩個味道分別是，芝士海鮮味同黑鬆露蘑菇味，兩個一樣好食，不分伯仲，唯一不足就係擔擔麵的麻味不足，總之一家大小非常滿足，買單1800元，性價比稍顯不足，但是好彩有1000元Coupon可以抵返，所以都是不錯的晚餐。

圓方最好食高質中菜,地方整潔味道正上菜服務一流🥇🈵今晚食「星宴精選套餐」(SING YIN DELUXE SET MENU) 前菜拼盤有「西班牙黑豚叉燒,香麻海蜇」,對蝦敏感轉咗青瓜, 黑毛豬油花多,叉燒肉質鬆化,上到枱仲熱,「鮮蟲草花遼參燉雞」滋補益氣飲完暖笠笠「金腿蛋白蒸星斑球」星斑鮮甜蛋白超滑溜,同星斑好夾蠔皇原隻二十五頭南非乾鮑 (Braised Whole South Africa dried Abalone in supreme oyster sauce,25 Head) 鮑汁香濃口感一流「星宴XO醬帶子炒香苗」炒到粒粒分明細細碗啱啱好,「金菇牛肝菌扒鮮露筍」(ASPARAGUS)非常新鮮爽甜送飯一流. 套餐包括甜品「杏汁冰花燉燕窩」白露時節到,「桂花紅棗燉原個津梨」滋陰潤肺預防秋燥,唔會太甜味道啱啱好總括侍應們招呼一流殷勤有禮,落單準確,上菜速度超快, 每一味菜都非常高質勁滿意🈵一定會再返嚟食,最後Order 甜品新疆棗皇糕（Steamed red date Puddings) 做宵夜,質地軟熟唔太甜,超好味又健康一嚿接一嚿,呢餐非常滿足

昨天是我們的紀念日，特意訂了W酒店中菜廳的「星宴」飲菜，第一次來臨所以一早於訂位時，已詢問「星宴」職員如何從地鐵站到達，職員好俾心機解答及清晰。昨天訂了12:30 入座，安排坐在2人枱上，入座後即時有職員詢問飲咩茶？關心出面熱唔熱？閒談幾句後就去沖茶。隨後職員會主動幫手沖茶及放上餐前小食，介紹下餐牌上的食物及是日套餐。點選食物後，職員主動協助沖水，抵讚。現場所見～ 兩個職員負責協助8張餐枱，但每次有顧客舉高手，職員都隨即可以到枱前協助顧客。食物到啦～ 今次兩個人點了以下：鮑魚雞粒酥兩件$96黑松露醬草菇頭包兩件$76西班牙黑豚肉叉燒酥三件$98星宴蟹子燒賣三粒$88鮑汁炆鳳爪一碟$68南瓜蟹肉金魚胶兩件$84全部點心都熱辣辣～ 好好味，期間職員有主動詢問食物質素。下次帶埋屋企人再去，可以試吓他們的下午茶任點任食套餐。😋😋

在klook 見到星宴的粽子有差不多半價優惠，價錢比大部分酒店便宜，所以買了兩款不同口味的粽試下，包括鮑魚瑤柱松茸裹蒸粽和豆沙鹼水粽。 當天可能比較忙，所以問左幾個餐廳職員先有職員幫忙取粽子，取粽過程還算簡單，職員掃下QR code就可以。首先一由要讚下粽的包裝，盒子設計好特別好靚，色彩好鮮艷 。而味道方面，比起盒子就遜色不少.鮑魚瑤柱松茸裹蒸粽份量足充，有隻細細的鮑魚，性價比唔錯。但綠豆較少，亦無咩松茸味，料比較少，調味普通，味道亦麻麻 。而豆沙鹼水粽的味道唔算太甜，不過無咩紅豆味，唔知係咪放得太多鹼水，口感比較冧，好似把即食麵泡到發脹的感覺。兩款粽同埋都好似無竹葉的香氣和味道，這點比較失望。

今日泥左星宴食set lunch, 包括燒味三併，味道一般，XO醬碧綠炒蝦球，唯獨是呢個比較好味，一碗老火湯，冇特別，瑤柱金菇扒時蔬，一般，蟹肉龍蝦湯上海麵，味道可以，龍蝦肉過熟，所謂嘅精選點心，有小籠包，蝦餃，燒賣同埋春卷，全部都唔夠熱，甜品有芝麻糊，一塊餅同埋唔知咩糕，$328太貴重未計茶錢

難得碰上天文台發出黑雨的一天，平白多了一天意想不到的假期，造就了這一次即興的黑雨日的「點心下午茶放題」之旅（$208/位）。這「點心下午茶放題」其實逢星期一至星期日都有，由下午三時半到五時半，足可有兩個小時的時間享用多達二十款點心，價錢方面就星期一至五便宜一點，星期六、日貴上一點，不過以酒店中菜廳來說，才二百多元便可任點任吃點心兩個小時，雖然點心質素難免有高有低，有些較佳，有些較為普通，但著實經濟抵食。「高湯原隻帶子鮮蟹肉瑤柱灌湯餃」是必吃的，這推介點心的最大吸引力是真材實料，原粒大帶子、大量的鮮蟹肉和瑤柱，成為這點心的魅力所在。一客三件的「香麻西班牙黑豚叉燒酥」酥皮鬆化，又夠熱燙，裡面的餡料也好味，同樣值得推荐。另一款有水準的點心是「鮑汁炆鳳爪」。濃味的鮑汁加上腍滑的鳳爪，絕對是合作無間的美味組合。「鮑汁時蔬」用的是菜心，先後點了兩碟，第一碟的菜心較軟腍，第二碟的菜心較硬身，以鮑汁代替蠔油或醬油，是另一番的好味道。要讚的還有一籠三個的「流沙奶皇包」，這奶皇包十分流心，而且味道也好。「龍蝦湯鮮竹卷」無疑是有 gimmick的，鮮竹卷吃得多，但用上龍蝦湯的，這天還是第一次吃，這點心的龍蝦

點心下午茶放題3:30~5:30pm,每位$225加一,選擇貴精不貴多，大路傳統點心，外型不花巧，賣點全在食材的質素和烹調後的味道。高湯原隻鮮帶子蟹肉瑤柱灌湯餃~湯低味道鮮甜，蓋過了湯餃的風頭晶宴荀尖蝦餃皇 ~賣相精緻，啖啖彈牙鲜蝦肉龍蝦湯鮮竹卷~濃濃的龍蝦味XO醬鮮蝦帶子餃 ~蟹籽燒賣~鮑汁炆鳳爪~配花生，味汁香濃，一人可以食一碟，值得encore 櫻花蝦鮮蝦春捲~樱花蝦再配鮮蝦，口感非常獨特，而且乾身香脆，又可以再encore 西班牙黑豚肉叉燒酥~估佢唔到咁好食，一人可以食一碟其餘的 花膠瑤柱肉碎粥， 合桃酥 ， 鮑汁時菜 ， 奶黃流沙包也在水準之上 ，也值得一試。請注意細節位，昐能改善侍應服務有禮貌又勤快，但某些安排要改善，點心放題， 3:30pm開始，客人3:15pm巳到，一條排了大约20人的人龍，酒店只在3:25pm才開始安排入座，也沒提供公筷和公匙羹(用作點醬油用),疫情期間，沒有作特別妥善安排，另我有點意外

W中菜廳嘅free flow點心下午茶只係$248+10%，又真係幾抵。位置闊落，坐得好舒服。食物方面有22款選擇，都唔少。個湯清清地唔錯，好似屋企煲嗰d👍🏽👍🏽👍🏽灌湯餃係最好食，個湯好正，一定要叫，我食左3個😀其他點心大部份都係3件3件咁上，如果兩個人食就比較難叫。叉燒酥同腸粉都幾好食。小寵包就普通了，皮厚左d，湯唔夠鮮味。叉燒包好大個，叫之前請三思😆整體都唔錯嘅，3:30pm開始可以食到5:30pm，呢個價錢當去酒店飲餐茶都抵。

星宴作為W酒店系列入面首間中餐廳，響W酒店渡過Staycation既客人都有唔少會選擇於星宴內使用Dining Credit，小編都唔例外，響W酒店內食左三餐西餐後，今次終於有機會可以試到酒店內中餐廳既滋味。可能係因為響酒店及商業區既集中地，星宴既午市都非常多人幫襯，所以經酒店溫馨提醒下都要先行預約。由於係響Check Out既時候享用午餐，當員工見到小編一行人有唔少行李個陣，都主動提供較大既枱及其他櫈，方便我地安置物品。而同時我地坐低後，員工都有慢慢介紹每個餐牌既種類，以及佢地既推薦菜式，呢個都令小編覺得窩心既。 而前菜及茶壺都好快就即刻送到響我地枱面。事不宜遲，都報告下小編對今次享用既食物既評價先：燒味併盤：今次就選擇左脆皮乳豬﹑燒腩﹑以及燒鵝。員工響上碟前溫馨提示每款只有兩件，而睇下我地有無需要再添加，雖然見到個陣都有驚唔夠食，但小編就覺得最緊要係高質素! 乳豬本身有細細塊包響底，所以乳豬既油香被充分吸收哂，食個陣乳豬肉唔多，可以完全食到乳豬皮既脆香；燒腩會比較重油香，可能對於怕濃油香既朋友會覺得太膩；而燒鵝就當然係唔會有骨啦! 選既部位似乎都係接近脾既位置，所以相對平時既燒鵝會

呢間都幫襯了好多次。今晚老公生日飯叫了Set menu. 每樣都好味，份量亦啱啱好～ 用了優惠卷有枝免費餐酒同75折。都幾抵食～ 環境不用講，5星型格酒店 100 分。 最後仲有個蛋糕送 。 完美句號～因有小朋友同行就叫了一帶子烏冬，叉燒同上湯浸波菜苗比佢地。帶子烏冬嘅魚湯好好味～叉燒夠淋且入味，波菜苗時令所以好嫩滑。 最後甜品叫了吉士煎堆，脆麻花～ 基本上成餐飯冇可挑剔！ 可能係平日晚冇咩人所以服務好主動但又唔會過火。 好開心嘅一餐～