星宴中餐廳 (已結業)

Was having a leisure weekday afternoon, we booked a table for 4 and tried out the dim sum in w hotel. Unlike other buffet, it wasnt a lot of people queuing to enter the restaurant.We were arranged to a corner table, the staff were very nice and the first round of dim sum was served pretty quickly.There were some missing orders, but generally we were still happy with the dining experience.

今日來到W hotel星宴食下午茶點心放題 ，首先環境舒適，冇逼夾夾的感覺。點心放題供應任食22款點心，我哋試咗20款，其中必食推介有3樣，灌湯餃，是日燉湯，鮮蝦春卷絕對好食，灌湯餃裏有好大隻嘅帶子同埋蟹肉，我忍唔住食咗兩碗，是日燉湯係昆布海草大山地湯，好喝唔口乾，鮮蝦春卷隻蝦超大，正。另外酒店質素推介， 蝦餃，燒賣，黑松露餃，叉燒包和芝麻糊。個人認為燒賣最好食。其他款式就係酒樓質素，全部食物勝在夠熱，如果話比較普通嘅就有炒米粉和炒腸粉。其餘還有糯米雞同南瓜蒸排骨就冇點到，因為依餐食完都已經唔使食晚飯。以2個人五佰蚊，我認為喺呢度性價比高。平時唔好飲湯的我，今次勁鐘意是日燉湯，還有灌湯餃。謝謝。

上年W Hotel 推出一連串優惠大受歡迎，近日又有新攪作，由2021年3月18日至21日期間，推出限時快閃優惠，超過40款低至36折獨家優惠，當中涵蓋了酒店住宿、餐飲（星宴、KITCHEN、WOOBAR、外賣套餐、W型格禮物及酒店水療等等），而開售時間為2021年3月18日早上11時起至3月21日晚上11時59分（優惠連結）今次率先試了「星宴」中菜廳的「海洋風味」晚市套餐。雖然套餐就話港幣$1,380/位，但只要用快閃優惠，折完都係$828（另加10%服務費）。星宴精選前菜拼盆西班牙黑豚又燒,金沙脆蝦球,香麻海蜇sing yin deluxe appctizer combinationbarbecued spanish iberico pork,crispy minced shrimp with salted egg yolk,jellyfish tossed with sesame oil一碟三款，就由清新爽脆的「香麻海蜇」揭開美味序幕。隨後的叉燒鬆軟有嚼口，蜜味好重，如果唔係之後有單尾，真係好想配碗白飯。三款前菜中，最重口味必定「金沙脆蝦球」。外面一層薄薄的鹹蛋黃，散發誘人的香氣

已有一段時間沒到W Hong Kong的星宴中餐廳開餐了！趁著還有四人限聚晚市一於約齊腳重溫總廚陳忠秋師傅的手勢先！型格的W酒店連中菜的門面地型仔過人絕對合喜歡時尙的我！！愛吃海鮮的我一看餐牌便盯上這個以海鮮入饌的海洋風味六道菜盛宴＄1380/位，內裡包括有遼參、星斑、南非乾鮑及燕窩等矜貴食材，記得要看到最後車媽媽會為大家送上超級優惠彩蛋喔！第一道菜是星宴精選前菜拼盆，內裡包含了香麻海蜇、西班牙黑豚叉燒和金沙脆蝦球！香麻海蜇口感爽脆帶着幽幽的麻油香氣， 正好把胃口完全打開迎接以下的美食！接下來我已急不及待品嚐西班牙黑豚叉燒，蜜味香濃的叉燒身材肥瘦均稱，吃下口感鬆化之餘還帶滿滿的肉香挺為可口。而最後一件的金沙脆蝦球則帶著邪惡的面具但又擁有天使的味道，這外面魔鬼內裏天使的味道弄得我十分糾結耶！由三款美味的前菜把我的胃口完全打開了，接下來品嚐緊接著的一盅鮮蟲草花遼參燉雞！燉湯內裏有香味獨特的新鮮蟲草花、嫩滑充滿肉香的雞肉和爽滑的遼參，光是材料已經很是吸引喔！材料十足的湯頭卻清澈見底，喝下去清鮮不俗套相當滋味。來到第三道菜是金腿蛋白蒸星斑球，兩大片星斑肉口感紮實，但墊底那嫩滑的蒸蛋白跟得我歡心

上個月食過，感覺良好，所以立即訂左今個月再食多一次。皮旦酥保持水準，微熱，酥皮鬆化，入面嘅蓮蓉吾太甜。燒賣d餡料好扎實，蝦春卷脆口非常得黎又滿滿蝦肉。流沙包非常流沙，食嘅時候要小心，但系亦都要趁熱食，否則會大打折扣。鮑汁炆鳳爪，炇得好夠時候，入口即溶。灌湯餃d餡嘅蟹肉比起上一次冇咁豐富，蝦餃細細粒，個皮比較厚，珍珠雞入口好似吾系太新鮮，就真係麻麻地。埋單$500/2位，食物水準好似有d退步左，幸好待應依然有禮非常。

今日來到w hotel中餐廳星宴食tea 放題，原來有兩輪，我地食3:30-5:30嗰個時段，由於今日可能是星期六，所以都幾full下，放題不算太多嘢食，仲質不重量，叫左灌湯餃，裏便有蟹肉和一粒大過五蚊銀嘅帶子，真係超正😋😋😋，蟹肉都好鮮甜，我都食左兩個，必食推介，其他都係蝦餃，燒賣，小籠包，帶子餃，皮蛋酥，鳳爪等，職員解釋得好清楚每寫一個數字落單代表有幾多件，以免浪費食物，值得嘉許👍🏻👍🏻👍🏻，仲送一杯羅漢果茶👍🏻👍🏻不過餐牌淨係得芝麻糊一款甜品就真係少咗啲。

第一次去星宴，服務水準和食物質素比期望還要高。先說茶品，玫瑰紅茶十分香濃。點心腐皮卷香脆可口，入邊蝦膠十分彈牙。帶子餃鮮甜。推介菜荔枝柴燻雞，柴香燒雞，皮脆肉滑，香港少用。 飯後還有羅漢果茶，消一消滯和下火。高水平中菜，應該一試。甜品蛋散炸得不夠鬆化，令全個午餐失色了一點點，但荔枝柴燒雞實在加分不少。總括之言，亦是高水平。服務水平極高，服務員反應快，亦不是問顧客意見和推介合適食物。環境很好，位於酒店入口，地方寬闊，空間感高，有卡位。

All you can eat dim sum
最正係可以任依灌湯餃！我同我個friend一人食咗4盅！

灌湯餃個湯好正，好高湯味，入面仲有蟹肉同一大粒帶子！
蝦餃正常，個皮啱啱好
龍蝦湯鮮竹卷個龍蝦湯就似罐頭果d，但條鮮竹卷入面全部都係蝦膠，同平時食果d完全唔一樣，有驚喜
黑松露珍菌餃好香，但唔係一陣石油氣味果d
燒賣又係蝦膠，鍾意食蝦就好正！
個鮑汁雞腳，d雞腳好淋，好膠原

仲有好多點心好似皮蛋酥，合桃酥，流汁奶皇包（因為真係流汁咁）。。。

埋單夾埋茶芥加一都係$250/位！
係W酒店食仲可以喪食灌湯餃真係真心抵，4盅灌湯餃我估回到大半本掛

供應時間每日3:30pm-5pm

這店做點心任叫任食下午茶經已有一段時間,不過可能價位中等排隊一般輪候約兩個月左右。大概到你唔記得嘅時候就係嗰日了。店內陳設簡單, 除咗門口比較窄。門口排隊位置有點混亂之外。唔算太特別的裝飾。有點想帶出70年代但門口又相當現代。來這裡的食客似乎都有一套模式, 先由帶子鮮蟹肉瑤柱灌湯餃開始, 餃內瑤柱碎都幾多下而每樣材料你都可以明顯感覺得到存在感相當難得的平行複雜味覺。霸道的瑤柱味配合皇道的中式高湯, 的確味道上配合得宜。這可能係香港人獨愛嘅咸同鮮味嘅揉和口味。避風塘蘿蔔糕 則是令平淡嘅蘿蔔糕加上幾分冶豔。喜歡吃炸蒜碎的食客必定會食晒每粒既香且脆的蒜碎。蘿蔔糕只係配角吧！不過即叫即做的緣故熱丁方蘿蔔糕又幾好效果。始終酒店式點心不能夠馬虎了事。蝦餃皇同燒賣亦是保持酒店式點心質量。造型雖傳統但根基紮實。用料全都合符酒店標準。懷舊皮蛋酥好少酒樓會放在點心紙上但這裡似乎係名物之一。想唔想食就咸魚青菜各有所好吧! 同樣即焗出來熱乎乎的效果當然提升不少啦！蓮蓉餡也不太過甜但皮蛋似乎混入蓮蓉餡內比較難察覺得到。富貴四寶茶係一個糖水嚟嘅! 唔太特別。瑤柱鮮蝦帶子白菜餃, 咁樣以本傷人法。想話難食都好難啦～

今次就係去w酒店staycation酒店有送兩千dining credit不過已經用晒係前一日kitchen個sunday brunch到所以今餐就要自費星宴午餐有兩個時段十一點同一點我地就book左一點落去餐廳係酒店地下位於係圓方出口格離其實門口走廊幾靚擺放左好多唔同既酒不過現場太黑影唔到咁星宴雖然知名度唔高但其實間餐廳設計算都唔錯既主要係想柔合西方味道都襯番佢W自己既風格我覺得都ok不過就無景除左卡位之外佢比左張圓形大檯我地係坐得幾舒服不過碗碟同擺位就跟唔上個環境檯面金屬擺設其實唔好睇一樣都係擺左三小碟野睇番openrice以前好似係有碟鴨胸而家變左碟齋開左壺唔記得咩茶都有火暖住既不過就無人會斟茶除左單點本menu仲有點心同酒水menu咁原本我一早就諗住有萬豪會員七折叫個貴set兩個人又可以試下唔同野但原來七折係只限單點當堂喊出黎因為平時下午茶時段星宴就已經有點心放題係完全唔想單點佢既點心諗左好耐最後都係叫佢最平果個lunch set叫做有七道菜個價位係呢種級數既酒店黎講算平其他講緊都要五六百起跳本身仲想叫埋個招牌和牛盒不過比人叫停左不過一開始已經覺得佢怪怪地首先佢上菜唔係順序餐牌

因為疫情關係，好耐冇出去食野，今日黎左星宴食下午茶點心放題，其實都預早左一個多月之前訂位。餐牌嘅食物大部份都試過，比較出色嘅有燒賣，肉質札實，口感不錯。灌湯餃，湯頭鮮甜，餡料豐富，帶子大粒，蟹肉又多。皮蛋酥，熱熱地，酥皮好香，入面嘅蓮蓉吾太甜，好好食。合桃酥，微暖，鬆化，好味。珍珠雞，糯米帶點濕潤，餡汁調味適中，吾錯。蝦春卷，細細條，入面充滿蝦粒。义燒包，好多饀但汁吾夠，幸好個包嘅外皮好鬆軟，加返d分。牛肉球，肉質彈牙又啖啖肉。比較一般嘅有龍蝦湯鮮竹卷，鮮竹卷冇乜問題，正正常常，但個汁系西式龍蝦汁，有啲怪。小籠包及鮮蝦餃，都係個皮厚左d。芝麻糊，好浠又冇乜味。瑤柱石斑粥，應該將d白粥加左d魚肉，所以冇乜味。老火湯，只是清湯沒有湯料，所以估計系粉葛湯。南瓜蒸排骨，份量大，但排骨比較淡口。由3:30-5:30，食左兩個鐘，埋單 $500/2位，都ok 嘅，應該可以再嚟。

差唔多一個月前就訂定星期六下晝嚟點心放題三點半先可以入座，所以未夠鐘門口有人龍排隊等入去... 準時三點半鐘入得疫情關系2人一枱，所以都好闊落。成間餐廳大概有20張枱左右 (開埋宴會房)，當日見到仲有兩檯吉檯.. 講返啲嘢食，每一樣都好好味。 好明顯啲食材好新鮮！個灌湯餃非常足料， 蝦餃、燒賣、菜肉餃、排骨全部都好好味！ 個春卷炸得好脆，一啲都唔油膩 小籠包皮薄餡靚 可惜我哋唔係好大食， 去到第二輪已經爆曬不過都盡咗力食到非常非常飽！

從媒體上得知呢間酒店有中式點心放題,而且價錢只不過是$228, 立即打去BOOKING, 可惜已FULLY BOOK, 但留咗WAITING! 結果, 在星期五下午收到CALL, 📞星期六可以品嚐這個放題. 吃完這放題, 終於明白點解咁FULL..我會再BOOK的.☎️這酒店的中式放題絶對超值, 除了環境很寬敞外, 酒店還會在清場時間做足消毒, 👍故此要待三時正才可以入座. 特別要提到放題時間十分充裕, 上菜很快, 慢慢食可以點到三轉.可以回本的食本太多了, 有灌湯餃, 很足料的, 有整粒瑤柱和有一粒帶子. 味道有點清淡, 但適合我.小籠包: 皮薄、肥而不膩、肉汁豐富、肉餡鮮嫩!!推介廣式叉燒包: 甜、鹹適中, 沒有太大特別, 食放題還是不要選這個好, 因為一個已好飽肚鮮蝦春卷: 皮薄而脆, 而且蝦不是急涷蝦, 蝦肉彈牙.推介.燒賣:正常沒有特別.飽汁鳳爪: 值得推, 吃來甘甜富膠質，涷了後還有一層膠, 是補充骨膠原的街品! 下次我會食多兩碟!🥰🥰🥰甜品有點失望, 不是食物質素,而是選擇, 本來以為有芝麻糊, 可是只有四寶茶雞心棗,龍眼肉, 枸杞, 足料而且不甜) 皮蛋酥和合桃酥 !

話說上次既二頭鮑餐實在食得太開心啦. 見佢重有兩個餐做買一送一, 就訂埋枱嚟試. 前菜方面同上次既鮑魚餐有D相似.  唯一唔同係多咗個金沙蝦球, 亦係咁多個前菜入面, 我覺得最好食既. 湯方面我就覺得松茸花膠燉響螺最好飲高湯白玉百花釀鮮蟹鉗金腿蛋白蒸星斑球雲丹蟹肉大蝦皇今次既鮑魚就當然無上次二頭鮑咁大隻啦. 但個鮑汁依然美味和牛盒亦係我相當喜歡既菜式雖然碟碟野都細細地, 但嚟到個飯我地已經飽飽地但最後都係比佢個甜品LIST吸引住. 再叫咗幾個嚟Share呢個就金絲脆麻花都可算係全晚最失色既. 又干又細. 好想像既好大分別總括嚟就, 兩次用經驗都相當滿意. 食物水準好, 服務一流. 而家重要買一送一. 真係重想點

點心放題的選擇都算可以! 一般嘅蝦餃燒賣都有! 味道不過不失! 整體唔算驚喜! 有幾款係值得推介嘅! 基本上佢嘅signature點心係要點! 高湯原隻帶子蟹肉瑤柱灌湯餃, 好味, 個湯好清甜同埋非常足料 ！瑤柱鮮蝦帶子白菜餃, 好新鮮, 賣相都幾吸引! 富貴四寶茶即係雪耳蓮子羹! 蓮子好琳, 亦唔太甜感覺幾滋潤! 鮑汁鳳爪我覺得味道可以改進, 食唔到鮑魚味, 不過就好炆得好琳 ！其他嘅都係一般點心不過$208酒店點心放題我都覺得抵嘅！