128
56
21
| 餐厅: | 星幕 |
|---|---|
| 优惠: |
于此国泰伙伴餐厅用餐赚里 ! 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
影片
港铁将军澳站 C 出口; 港鐡將軍澳站C出口
继续阅读
电话号码
39830638
营业时间
今日营业
12:00 - 00:00
星期一至日
12:00 - 00:00
以上资料只供参考，请与餐厅确认详情
有关奖赏计划
优惠
| 餐厅: | 星幕 |
|---|---|
| 优惠: | 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
相关文章
依家參加婚宴都唔一定晌夜晚去飲酒，都多咗好多晌中午舉行，舊年就去過「迪士尼」參加婚宴， 中式嘅，今次就嚟到將軍澳「九龍東皇冠假日酒店」，不過，就食西餐，地點晌為位處47樓頂樓嘅「星幕」。始終餐廳位處頂層，望出去睇到將軍澳大部分景觀，更有少少海景，非常開揚，而餐廳裝修優雅，樓底高，加上今日包場，賓客大概60、70人左右，所以，坐得比較寬敞舒適。其實外面仲有個露天平台，平時就擺啲高腳枱櫈俾人客飲下嘢，吹吓風，睇唔睇到星就唔知，但今日就佈置成證婚場地，但呢個部分就唔方便影相俾大家睇喇。早兩年就因為staycation試過酒店樓下嘅自助早餐同午餐，感覺幾唔錯，唔知星幕嘅質素喺點？晌門口有啲單張攞，佢主打喺半自助午餐同晚餐，以及英式下午茶套餐，不過，今次婚宴嘅安排就簡簡單單，4道菜嘅西式套餐。題外話，主菜有3款，主人家事前就已經問晒賓客揀邊款主菜，小弟揀食牛，仲會問埋要幾成熟，所以，枱上嘅名牌右上角就有隻牛仔標誌。餐廳對主人家有咁嘅要求，相信事先安排好以便出菜嘅運作。如果賓客多嘅，逐個逐個問，真喺有排都搞唔完，所以，我覺得呢個安排都算幾好，但有一點我都好奇，就喺如果個客臨時想改變主意，唔知得唔得呢！？柚子汁醃吞拿魚配牛油果、山葵沙律醬呢個頭盤好搞笑，同枱有朋友以為就咁俾個牛油果出嚟，其實喺刮空個牛油果打成蓉，再釀返落去，不過，表面就加咗黑魚籽、刁草同埋食用花做裝飾，再冰鎮住，賣相非常別緻，睇見都涼快。一羹刮到底，下面就喺新鮮嘅吞拿魚刺身，再用啲柚子汁調味過，所以，食落清爽、清香，牛油果蓉口感非常之柔滑，雖然話配咗山葵沙律醬，但個人嚟講，就唔喺話太食得出。松露野菌湯餐湯最緊要夠熱，凍咗就唔好飲，呢一點眼前嘅野菌湯就交足功課，而且，菌味非常之濃郁，更有陣陣黑松露香氣，而口感非常之順滑，配上小麥餐包，喺非常之好嘅配搭。美國肉眼扒配香辣薯條、本菇、紅酒汁件肉眼扒都幾大件，而且，燒得幾靚仔，有啲炭火坑紋，賣相吸引。一早已經揀定五成熟，落刀都覺得肉質都好軟腍，切開睇睇，色澤粉嫩，燒得啱啱好，唔會有血水滲出，食落好有肉香，又充滿肉汁，沾上少少芥辣，令肉味更突出。雖然話伴香辣薯條，其實，只喺普通炸薯條，無乜香辣味道，但另外除咗本菇，就仲伴有啲車厘茄、蘆筍仔，算喺一道幾豐富嘅主菜。芒果千層酥配雲呢拿雪糕隨著上甜品嘅時間，仲會送上咖啡或茶。單講賣相就肯定喺普通咗啲，因為只喺一件千層酥加球雪糕，無乜再有啲特別裝飾。而件千層酥本身就幾好食，除咗酥脆之外，好有牛油香，又加咗唔少富蛋香嘅吉士，芒果亦都好清甜，至於球雪糕香兼好重奶味。是次婚宴主人家無搞太多禮儀嘢，只喺有個敬酒，加個嘉賓嘅獻唱環節，大家都可以輕輕鬆鬆咁用餐，圍內一台嘅悠閒咁傾下偈，感覺幾唔錯，小弟就幾鍾意呢一類西式婚宴，精簡，無太多程序。
继续阅读
平安夜與朋友兩人一起在這餐廳晚餐，在47樓的風景非常之好，餐廳裝修也很應節，還可以到露台外面拍照！因為是平安夜的關係，所以餐廳有特別的菜單，五道菜的晚餐，我們坐低之後已經有聖誕老人過嚟，俾我哋抽禮物，雖然唔係什麼名貴禮物，但是那個心意令到食客很開心，而且還主動幫我哋一齊拍照！食物質素很好，很精緻，所有職員也很友善，服務很好，雖然價錢不是太便宜，但是在節日裏面可以慢慢傾偈，開心地過了四個鐘，非常感謝！
继续阅读
AFTERNOON TEA AT CROWNE PLAZA🍰@crowneplazahongkongke Cielo 星幕📍3 Tong Tak St, Tseung Kwan O, Hong Kong𝑻𝒐𝒅𝒂𝒚’𝒔 𝑷𝒊𝒄𝒌𝒔:<仲夏俏荔佳人下午茶>🦐泰式大蝦荔枝沙律🦆 香煎鴨肝配荔枝果蓉🍔 荔枝木煙燻迷你和牛芝士漢堡🍣 煙三文魚荔枝三文治卷配三文魚子🍅 北海道帶子荔枝黃金球配車厘茄🍦荔枝忌廉酥皮筒🍮荔枝寒天果凍🍰荔枝玫瑰蛋糕卷🍒荔枝紅桑子馬卡龍🍨荔枝忌廉泡芙🧁紅莓英式鬆餅 配荔枝玫瑰果醬及濃縮奶油### 食評：Crowne Plaza 的仲夏俏荔佳人下午茶首先，食物都算多樣。泰式大蝦荔枝沙律清新可口，蝦肉鮮嫩，搭配荔枝的甜味，完美平衡。香煎鴨肝則帶有濃郁的風味，荔枝果蓉為其增添了幾分清甜，讓人垂涎。迷你和牛芝士漢堡肉質不錯，煙燻味道恰到好處。煙三文魚的三文治卷，搭配三文魚子，口感豐富，每一口都讓人期待。而北海道帶子配車厘茄的搭配則展現了廚師的巧思，讓人感受到海鮮的鮮甜。甜品方面，荔枝玫瑰蛋糕卷和荔枝紅桑子馬卡龍特別出色，口感細膩，甜而不膩，讓人一試成主顧。最後，紅莓英式鬆餅搭配荔枝玫瑰果醬及濃縮奶油，簡直是完美的收尾。服務方面，工作人員親切周到，讓用餐體驗更加愉悅。環境優雅，適合與朋友聚會或慶祝特別的日子。總體來說，這次的下午茶體驗值得推薦，無論是食物的創意還是整體的氛圍，都讓人感到滿意。下次會再來！Food: ♥︎♥︎♥︎♡♡Service: ♥︎♥︎♥︎♡♡Ambience: ♥︎♥︎♥︎♡♡🔖Save for your next resto hopping!
继续阅读
召喚開心果fans!!! 酒店下午茶, 每位HK$168就食到~ 說的是九龍東皇冠假日酒店47樓的星幕最近推出「 開心果誘惑下午茶」, 每日3:15PM至5:30PM供應. 咸甜美點各五款, 味道及賣相都有心思. 這份下午茶令我對開心果副產品有改觀, 開心果味幾對辦, 不會太假. 先說甜點. 開心果馬卡龍是有驚喜, 因為甜度低, 不會死甜, 而且夾層是伯爵茶味忌廉, 太合心意~開心果芒果忌廉酥皮卷是下午茶架上較矚目的, 因為 ‘萬綠叢中一點黃’~ 不止賣相吸引, 味道上也是香脆解膩, 不錯~ 迷你開心果巴斯克芝士蛋糕, 有點實淨但都幾軟滑, 而且開心果味濃郁. 有小花花的是開心果脆皮泡芙, 脆皮內的冰凍香滑忌廉, 就像躺在草地上感受著微風吹拂般. 顏色有強烈對比的開心果朱古力慕絲筒, 一口size, 脆與幼滑的融合. 咸點之中, 我最喜歡香煎帶子伴開心果及鰹魚湯蒸蛋, 同樣也是 ‘驚喜’ 二字, 看來驚喜很能讓女生受落. 初時以為是醬汁, 但鰹魚湯的香味, 令滑滑的蒸蛋加倍誘人. 其次是開心果蟹籽蛋沙律牛角包, 滿滿的餡料, 吃了這個都飽飽的; 第一次吃開心果青醬焗田螺薯蓉多士, 配搭新穎.遠看有點像三文魚配wasabi! 其實是三文魚刺身伴開心果忌廉芝士卷, 肥美油潤的美三文配果仁香的忌廉芝士, 與一般忌廉芝士相比, 多了一份烘焙香. 香煎吞拿魚伴開心果脆皮配三文魚子秋葵沙律醬, 開心果碎沾滿輕炙過的吞拿魚邊, 香脆可口. 而淡綠色的就是秋葵沙律醬, 味道有趣.下午茶包一杯飲品 (茶或咖啡), 也可加HK$40更可享開心果奶昔一杯, 是以雲尼拿雪糕打成的, 所以質感細膩. 平日都有8成入座率, 可見其受歡迎程度~ 每位HK$168+10%, 而於網店優惠可享最低8折, 為起每位只需HK$134.4 (已包10%服務費) 咋~
继续阅读
這個Temptation Afternoon Tea Set只需$168，真的是超值！下午茶的供應時間從3時15分至5時30分，特別適合和朋友們一起享受悠閒的午後時光！☕️🍰鹹點部分的三文魚刺身伴開心果忌廉芝士卷，口感鮮美，搭配開心果的獨特風味，讓我每一口都感受到驚喜！🐟🥜✨開心果蟹籽蛋沙律牛角包的組合也讓我印象深刻，牛角包外酥內軟，蟹籽的鮮味和沙律的清新完美融合！🥐🥗香煎吞拿魚伴開心果脆皮，加上三文魚子秋葵沙律醬，真的是一道絕妙的菜品，讓我的味蕾得到了充分的滿足！🍣🥒甜點方面，開心果脆皮泡芙和迷你開心果巴斯克芝士蛋糕都非常美味，口感滑順，甜而不膩，完美的甜品結尾！🍰😍英式鬆餅搭配濃縮奶油及士多啤梨果醬，真的是經典的組合，讓人回味無窮！🍓🍞整體來說，這個下午茶套餐的性價比非常高，不僅菜品豐富，味道也絕對不容錯過，強烈推薦給喜愛下午茶的朋友們！🌟❤️餐廳的環境舒適，服務人員熱情友好，每次用餐都讓我感到賓至如歸，期待下次再來品嚐更多美味！👍😊
继续阅读