星廚 (已結業)

平時我淨係係instagram 寫食評 但今次真係食到一肚火頂唔順 先上黎寫朋友話食飯 旺角有d食到厭 去下太子先咁就見咁多笑笑既星廚 心諗實無死啦點知惡夢開始。。。當晚menu得4頁 （小食 精選 主菜 甜品）其實得豬手吸引我 好難揀之下揀左以下香草蒜茸包$25原來跟餐會有一塊蒜茸包 所以我禮貌地問侍應我可唔可以取消我額外叫果碟佢話唔得喎 整左啦喎 咁都無咩所謂 咪照黎由於跟餐果兩塊(細碟)黎先 之後額外叫既蒜茸包(大碟)黎到個侍應無問過我 就拎起我隻匙好似掃垃圾咁將細果碟蒜茸包掃落大果碟蒜茸包當堂打左個突 茶餐廳d呀叔都唔會咁啦下話？之後其他食物黎 個侍應勁惡話 你地食左個包先 即刻嚇左跳 d包黎左都無五分鐘 我未食完好似係我錯咁大佬我都知張枱大細有限 但你都可以好聲好氣d既個餐湯(無影)係黃色一pat野 成pat蓉咁 食唔出係咩味 飲左一啖無飲紫菜芝麻雞中翼＄28得面頭d 紫菜同芝麻係有味之外隻雞翼係無味既係無醃過既 配埋個酸辣醬仲怪豬助骨$30第一次食炸既豬助骨都係無咩味既 點解都係無醃既？好似食緊堆炸粉咁烤焗咸豬手配酸椰菜$118 +$15 配餐湯 意粉 熱飲無其他人講到咁神

昨晚與朋友到這裡食晚餐，因時間尚早所以很容易有位。見有新菜單十分吸引，所以先叫了一客泰式蜆，這個蜆做得入味。食完再encore 多两碟，超正。之後叫了一個芝士牛扒，售價一佰元。牛扒上枱後很有賣相。芝士舖在上面，很入味. 牛扒厚度亦適中。再叫了一客羊架，一碟两支。味道不錯。两款沙律皆有水準，帶子裙边沙律及意大利火腳沙律各有特色。最後叫了炸雪糕及奶凍作甜品。奶凍真的很高水準，用料一定是上品，相比炸雪糕的水準比較遜色。這裡的 即磨咖啡亦 值得一讚。

點都估吾到咁抵嘅價錢就食到兩樣咁好味嘅嘢Main Course系 $100-$170 左右 如果覺得貴既絕對推介你食意粉 意粉超大碟 誇張啲講 真系每一條意大利粉都有黑松露！食落去黑松露味好濃大蝦當然都有黑松露既味啦 新鮮彈牙 feel到佢吾系冰鮮蝦跟住主角黎了😍系烤焗咸豬手咸豬手可以話系外脆內軟入面仲系熱辣辣好新鮮份量亦好大 食都食好耐不過同時要有心理準備等都要花小小時間等 大概15-20分鐘醬都有三種可選擇 ------ 黑醋 芥辣 仲有隻吾知系乜😂 不過點黎都幾好食架P.s. 同第二台客坐得好近因為間店唔係大 跟住就編左我同友人坐第二台客旁邊 距離都幾近 傾計就聽得冇咁自在

見到Openrice都幾多食評就一於揀依間解決肚餓既問題!! lunch食西餐鋸扒也算是heavy但因為突然好想鋸所以吾忍啦 無quota都要照叫! 諗住豬扒既質素會平穩啲就點左佢~餐湯(吾會太濃,味道幾健康)同蒜蓉包(吾夠脆,好似擺左一段時間甘)香煎法式豬扒配意粉 $138勁大塊扒 但可見佢表面係煎燶左 所以一睇心情已經受影響左 本身無避開泥食試下先 但啲燶味都幾出 甘就切番走啲燶既泥食 但佢都煎得overcook 所以嚼都幾費勁 不過幾香豬味既~ 而好在佢係勁大塊扒 所以切走啲燶既部分都夠飽~ 薯角都幾脆既扒已經好heavy所以點個意粉 感覺無甘多澱粉質haha但有點失望 因為係吾熱 好sad 不過加番啲汁去食都ok既凍柚子蜜 加$6 正常 good焦糖燉蛋 加配$25連食lunch都要甜食結尾既 估佢吾到甘好食 上面焦糖吾會太厚啦 所以一齊食吾會太甜 而下面既燉蛋都好滑吾甜 所以夾埋一齊食都正 我一個人砌左成個甘滯雖然今日可以失手左個扒 但店內啲人都好nice 坐底食個lunch都已經feel到佢地同客人好熟絡 會噓寒問暖~

今日同朋友去深水埗攞貨，順道行去呢間咁多好評既餐廳食嘢， 試下係咪真係有料到。 冇食set lunch,反而叫咗啲小食同埋一個主菜。薯蓉螺肉~ 淡淡嘅牛油香一啲都唔油 鍾意食辣嘅朋友可以用少少辣椒仔+螺肉一齊食好正。 炸雞中翼very juicy。 白酒鮮蜆~ 係酒精揮發之後嗰種甜甜嘅味道+好香嘅蒜蓉+肥大蜆肉, $48好抵食。 主菜食咗個牛油果大蝦飯， 隻蝦成隻湯匙咁大隻估唔到平民餐廳嘅食物居然可以做到咁好食又抵食。 附近嘅街坊真係有口福！我哋兩個女仔出聲名大食！ko曬所有嘢,飽到行唔到

同朋友傾計，問佢最近有咩西餐推介，朋友二話不說就講左星廚，佢話好抵食既西餐，尤其是係佢咸豬手。今日下午決定試試下佢既食物質素，正既話揾晚再黎食！由太子C出口，沿住荔枝角道行大約2分鐘，就會係一系列食肆中見到星廚呢個大招牌。入面裝修都幾簡單，格局似茶餐廳，兩旁是卡位，不過都有梳化凳坐，而且都無茶餐廳咁迫硤既！我下午茶時間黎，空位多任我揀雖然過左午餐時段黎，但依然係午餐既餐牌，睇黎無下午茶既餐牌。門口已經見到手寫既午餐餐牌，但每枱都有呢個同樣係手寫既餐牌，感覺親切～午餐價錢全部都唔過$50蚊，連埋餐湯餐飲同是日雪糕但食物選擇大部份都唔係cheap cheap野喎！最貴既大蝦黒松露意粉都係$48蚊！但我已經食左午餐，所以叫左個炸魚柳配沙律。是日餐湯今日係羅宋湯，岩我（尋晚鋸完扒仲有d漏～）入面有唔少雜菜粒，洋蔥蕃茄菜粒等，湯唔會太濃或太稀，還可以～雜菜沙律配炸魚柳 $45我身為一個黑洞，成日覺得吾夠食唔夠大份，但店員放低呢個炸魚沙律時，我真係大叫左一聲：「嘩！原來咁大份架！」好誇張！！放隻手係格離就睇到佢有幾長！！雖然我係第一次見到有J字型既炸魚柳，佢個樣都唔似平時fish n chips果

報了皮革班弄卡片套，上課前在附近的餐廳醫肚先，看到星廚的set lunch價錢$40-$48，還有餐湯、飲品及雪糕，在香港已經好少有。甘筍湯，味道較淡，要加點黑椒調味熱檸賓，另加$6，不過未夠熱，未合我心意。拿破里雞球長通粉 $42醬汁有點帶酸，雞塊份量幾多，不過少不免有雪藏味。白酒煮蜆 $48味道幾濃帶鹹，有酒味，蜆肉大部份無沙，不錯焗豬扒飯 $63點了套餐以外的焗飯，豬扒飯相當大碟，可以給較細食的2人分享。配菜有西蘭花、雜菌，上面佈滿惹味香濃的芝士，豬扒一塊塊已切好無骨，至於下面的飯未有炒底，有少少美中不足。最後長通粉套餐有芝麻味雪糕，味道香濃不會太冰，質感幼滑，可能是自家製，連我不好芝麻味也覺得不錯。

今日原本想去太子食餃子，但估唔到9點後都仲有人等緊食餃子，最後經過見到星廚的晚餐好似幾吸引，又唔需要等位，就一於試下。星廚地方唔大，檯同檯之間有少少逼，但環境又唔算太差，格局有D似高級西餐廳。餐牌選擇唔算多，意粉同飯類加埋都係得10款左右可以揀，最後叫左一個意粉同一個飯，跟餐送餐湯同飲品，送晒兩樣都好抵下。雜菜湯 - 味道一般，個人認為敗筆係因為D配菜都係比較硬，好似西芹個D似係最後先加入個湯度，而唔係平時羅宋湯咁D菜比較融為一體。大蝦黑松露醬意大利粉 - 大蝦真係好大隻同有好多隻蝦蝦蝦，不過似係雪藏蝦冇咩鮮蝦味。反而意大利粉好香黑松露醬味，炒過的意粉軟硬適中，仲要有唔少沙律菜，味道相當唔錯。咖喱牛肋條飯 - 咖喱偏香辣，牛肋條啖啖肉又炆得夠淋，而且配菜都好食。值得一讚係食物分量都唔少，大食的朋友都夠食啊!最後見到隔離檯叫左鋸扒的質素好似都唔錯，下次有機會真係想試下。整體而言，食物質素頗優，環境都企理，性價比真係唔錯，有機會可以一試。

有啲餐廳個名就好似好複雜，好長，有啲餐廳就可能係單字，究竟乜嘢名先至令到人哋比較容易記得？我諗呢一個答案每個人有每個人嘅標準，但係呢一間餐廳個名嘅印象比我都幾深刻，星級嘅廚師，星廚。呢度嘅環境唔算係好特別，好優雅，但係勝在入去嘅感覺親切，簡簡單單嘅設計給人一種簡單舒服嘅感覺。餐牌大部份嘅食物都係單點，如果單點想轉為套餐嘅只需要加＄15就會有個餐湯，嘢飲同埋有個主食都幾抵。今日就叫咗個慢煮牛肋骨，呢排興慢煮，我諗好多人都唔知慢煮嘢食比起平時嘅煮法有咩分別，喺呢一個牛肋骨之中我搵到個答案。牛肋骨一條有前手臂咁長，如果要煮嘅話我諗嘅時間都要非常之長，而且用慢煮嘅方法更加係慢工出細貨。但我哋食嘅時候等候嘅時間唔算太長。食落去牛肋骨非常之淋，除左有炆的醬汁味之外，陣陣的牛香不難發現，還吃出淡淡的酒香。拒比起一般嘅煮法嘅肉質較嫩，而且每一個部位都唔會有鞋嘅感覺，我深信呢啲就係慢煮嘅功力。蟹蓋雖然被譽為邪惡嘅食物，因為佢嗰啲膽固醇好高，但偏偏係我最愛嘅。呢到會預先取出蟹膏，攞咗出嚟然後再加火腿，芝士，洋蔥等嘅配料一齊落去焗，一啖就可以食晒咁多種唔同嘅滋味！呢個大蝦酥皮盒長通粉幾特別，酥皮盒嘅酥皮質感

今日發現咗一間好抵食嘅餐廳啦只需要40零蚊，唔單只有個主菜，仲送埋餐湯、嘢飲同甜品㖭南瓜餐湯 唔好以為咁平，就冇好質素呀南瓜餐湯稠身，一D都唔稀，仲有小小南瓜嘅甜味拿坡里龍脷柳飯 朋友嘅拿坡里龍脷柳飯，龍脷柳都幾滑嫩，而醬汁比較少見，帶有淡淡甜味蒜蓉汁豬扒意大利粉 我就覺得自己呢個飯更加好食，因為豬扒好大塊!!!炸得又夠香脆，配埋蒜蓉汁真係好似食扒嘅質素小總結係: 份量好足，勁飽肚、又好味檸檬可樂 而令我更開心嘅係，檸檬可樂嘅可樂係上架 感覺就更抵飲，又有點懷舊嘅感覺甜品仲有一球曲奇味嘅雪糕呀

禮拜六唔想煮飯. 就決定落街食個快靓正lunch, 就決定黎我既午飯食堂星廚啦!精選午餐有好多種, 樣樣都唔過50蚊仲要包熱飲,餐湯同雪糕冇加一! 簡直抵到爆一入到黎就先送上南瓜濃湯. 有南瓜味而且熱辣辣! 個人即刻暖返曬!咖哩雞飯-$40咖哩汁味夠重, 雞肉量多而且夠滑, 冇冰鮮肉味! 飯量夠多, 多到我媽咪都食唔曬! 如果飯量少既朋友可以叫佢少飯! 唔好太浪費呀麻! 咖哩汁用黎撈飯就岩岩好!藍帶豬扒配沙律-$45呢個簡直必食既菜式!!一上到黎熱辣辣仲有煙o者係代表新鮮炸出黎, 一切開即刻有驚喜, 原來係兩塊豬扒夾住塊火腿! 咬落去脆卜卜而且炸粉唔厚食落去又唔硬, 炸到岩岩好! 都未影得切相就比媽咪分左一半去!!果然係好吸引!!我為食所以就再叫左個雞亦-$284隻雞亦不過不失都算大隻, 而且新鮮炸出黎既野真係好好味.其實仲有雪糕既, 但由於太飽啦所以我地就冇要到. 以免浪費呀麻!!

第一次幫親星廚，被出面既午餐Menu 吸引了。 估唔到呢頭午餐既西餐可以價錢咁吸引，40幾蚊有飯，野飲，湯，仲有甜品。 餐湯係磨菇湯，食到磨菇蓉，仲有香香味。 紅酒燴牛尾配飯$45 價錢平但份量一d 都唔hea, 飯同肉都多。燴牛尾非常入味，肉質不 錯，汁加埋飯好惹味。 包埋飲品，凍檸茶沖得都幾好，少甜得黎有茶香。 曲奇味的一球雪糕作為飯後甜品一流。 咁價錢食到質素高既午餐好滿足。總結：呢間星廚位置方便，座位舒適，野食又豐富，下次一定會再黎幫襯。

中午12點時間經過太子附近睇到呢間餐廳見到出面餐板有好多選擇，有部份餐好小響普通餐廳見到我就叫左吞拿魚拿坡里汁長通粉，味道配合得吾錯，食物質素吾錯，食物份量足夠。見旁邊食客叫左千島醬雜菜沙律配藍帶豬扒，望落好似好正。下次會試試用餐前有餐湯，湯質量吾錯。餐飲+2元有甜品，最小餐廳會附送甜品，估吾到呢間午餐會有正價錢吾貴幾抵食，平時食開飯+飲品都已經係呢個價，學生價可以平5元（不過無湯）。值得再去食一次

本身自己五食豬手，第一次食。首先d小食好好食好香，由其魷魚，好脆，d沙津醫同外面買個d沙津醫差好多級，好正。最後主菜咸豬手，好香好脆卜卜，五會食完想系甘飲水！我同朋友一路傾一路食，總共兩粒鐘，但餘中無叫我地坐，好舒合所有中意一路食一路傾計嘅人👍。仲有，食到好飽，但價錢比外面平，值得一試！

間唔中去太子打波，落巴士都會經過星廚，每次都人來人往，單單看招牌沒什麼特別， 不過當我今次去完之後，我大為改觀，因為實在太棒了！一看餐單，價錢只是40多元，不是吧，以為自己睇錯，我去嗰日係星期日，午餐只是＄40 ?仲有雪榚送？於是我友人點了一個，而我就選了另外一個高貴少少的套餐，六成熟的牛柳加鵝肝套餐。兩個餐也有蘑菇湯，這個湯真的很有蘑菇味，有一粒粒的，很有口感。要我點的那個六成熟牛柳，切開後真的是紅卜卜，太啱我胃口了，食牛真的需要六成熟才好食的。食落去，肉質很軟熟，不鞋，份量也很大份，需要兩個人才食得晒， 真的是物超所值，鵝肝方面，當然不可以拿高級餐廳的鵝肝相比，但星廚這個鵝肝一點也不失禮，也是入口即溶，沒有太多的渣。我十分滿意。套餐還有薯菜，很驚訝的是除了薯菜還可以加飯或者意粉，試問又點食得晒呢，哈哈！除此之外，我們叫了兩客小食，炸魷魚鬚及清酒白蜆。魷魚鬚跟市面上的差不多，白蜆做得比較出色，酒的味道跟白蜆的味道調節得剛剛好，我個人比較喜歡。飲品方面，我叫了一杯普通的熱咖啡，沒什麼期望下，出奇地好飲，應該是咖啡豆那種味道令我很喜歡，各位咖啡專家不妨試試這間店舖不算很大，大概有40個座