星期二薄餅皇 (已結業)

沙田新城市一向都係高消費地區，但係係附近嘅排頭村就有間抵食pizza 餐廳，3個人食咁多野都係$50，分量好夠，特別係個小食拼盤，又好食又多款，pizza 都好足料，雖然唔係好大塊，但係配埋其他食物就好飽!!!! 飯味道不錯，雖然位置好少，但係勝在夠靜，同朋友坐好耐傾下計都得!!!! 老闆服務都好好，怕客人凍，問我地洗唔洗較細個冷氣，雖然pizza 薯條呢d 食物周圍都有，但係可以係一間小店坐係到慢慢食，價錢又唔貴真係好難得!!!

以前一出沙田火車站, 打算去行下宜家傢私果陣, 都會見到哩間星期二PIZZA, 有時就會係到諗, 究竟佢係星期二先開, 定係星期二就休息?今次突登入沙田會一會哩間PIZZA 鋪行到去門口, 搵左一大輪, 先知邊到落單, 原來落單同埋坐O既地方都有段距離, 隔左個門口, 真係好離奇, 叫完野食, 拎左枝汽水, 就去隔離坐底等野食, 原本都好地地, 好可惜附近就有人食煙, 隔離仲有堆小朋友食緊野, 咁對d 食客唔係咁好囉...坐多陣, 汽水都飲完d 野食就黎到啦! 有匈牙利pizza,百寶焗飯 (好多肉)bbq 雞翼 (ok 香口 焗得脆卜卜)辣海鮮意粉 (有d辣)一食落口, 比想像中好食喎 d意粉仲好食過某大連鎖pizza 鋪, 不過就咸左小小, 一路飲汽水一路食一定好正!!!可惜汽水已經飲完雖然嗌左個二人餐, 但兩個麻甩佬食, 竟然爭d 食唔哂!!

雞脾煎蛋飯配粟米汁$40呢隻雞脾一個字，大脆皮，雞皮咬落口唔會覺得好肥，而且雞肉好嫩滑。好邪惡既炸脾呀😈煎蛋係正宗既荷包蛋，完美地呈現一個靚蛋黃😌凍飲+$2便便地食個快餐，tuesday pizza係一個好選擇👍🏻

我是經常幫襯食的老顧客，但每次我都打開芝士粉睇，都是螞蟻軍團，嚇人。。但食物不論味道都是好味的，請本薄餅店多留意衛生，唔好影響食物質素，總結五分都可給三分的。。

今日(8-6-017 Thur)晏晝同女友人VL食飯,諗唔到食咩o野?突然想食pizza,去沙田市中心?唔啦,又貴又一般,呢o度,又突然記得我舊年食過3次o既呢間,於是提議呢o度.VL都OK冇問題.我o地去到,先去堂食o個邊搵位,個女侍應好好咁俾兩個位我o地,睇睇menu,冇pizza o既?問問佢,佢答如食pizza要去外賣o個邊買,買完上樓上坐.變到咁煩o既?唯有照做啦,我o地點o左個$95.00 13”大o既黃金海岸pizza同兩罐各$7.00 o既汽水,共$119.00,我o地拎住汽水上2樓,上到去都八成滿,已經只剩返近入口o既枱,坐住等,點知另一張枱有8個客人,張枱只係6人枱,亞姐要我o地坐去入口o個張2人枱,冇計.但由於VL有好多o野,於是叫亞姐俾張凳佢擺o野,亞姐都肯,但要佢擺到好入.之後我有啲o野要簽名,個亞姐行過撞到我都冇講聲sorry.而個位好熱,VL頭上有部分體式冷氣機,我覺得好似冇開,VL引證吓,真係冇,我就叫亞姐開,佢答呢部壞o左,風扇又吹唔到我o地呢邊,汽水仍然唔夠凍,真係好辛苦,完全破壞o左我舊年兩次o黎堂食o既好印象.等o左十幾分鐘左右啦,個pizza終

呢間薄餅店係沙田火車站去ikea的必經之路然而多年來都無動力去試下終於去過之後就發現呢間真係一間高質嘅良心小店小店的廚房同座位係分開的 座位要經過一幢裝修緊嘅村屋先上倒去 係一幢村屋的二樓落完單自取完飲品就可以攞住一個牌仔上去了 上去其實都幾有探險feel😂總共食過兩次 兩次都係一個人lunch time 去第一次食2號餐 煙蛋汁海鮮飯($38連飲品)講真焗飯好難唔好食 餸都算幾多 不過個汁稍微咸左少少第二次食3號餐 薄餅兩件($36連飲品)薄餅只有一款無得揀 係菠蘿火腿蘑菇豬肉薄餅呢個真係不得了 好好食餅皮厚薄剛好 而揸上手一啲都唔油面頭好多餸 好多芝士 好足料完勝各大連鎖薄餅店啊不過pizza呢樣野都係多啲人食好啲 我見原個pizza有好多味道揀而且價錢都好抵😍

即點即整pizza, 可以更改材料配的就更少，例如至尊pizza可以揀走牛肉的。主要以套餐為主，今天點雙囍餐 ($290 )x 1，意粉+飲品($38) x 2，意粉 ($32)x 1 。到枱食物共有：13"pizza x2 (皇牌至尊走牛+黄金海岸) 燒烤汁雞翼(個汁好咸)麥樂雞件(當然不是同麥M記一樣啦)青口薯蓉(一客6隻，加上個人唔好青口，所以無食)白汁××意粉，(食過幾次，白汁意粉都係好食的)××焗飯(忘記了名字)辣肉碎茄子長通粉(幾辣的，個人唔多食辣的)點好餐後，一人拎一個飲品，及牌仔，之後就會有人安排座位。一行8人，一人$50。久不久同一班同事午餐食下聚下都唔錯。。唯一唔好的係，座位太迫，樓底唔高，傾計都幾嘈ga。。注意：不設送餐，只有外賣自取。所有焗飯或意粉或長通粉的樣式都好似樣的，味道基本可以隨意配搭。

晏就同朋友去食 星期二PIZZA叫左一個家庭套餐 280左右味道一般 只係價錢平 先吸引咁多人去食但係最大問題係D侍應態度極差我地等到D PIZZA 飯同意粉都黎齊就問個帶住太陽帽GE侍應呀姐攞杯水一間飲我問：唔該 比杯水呀呀姐：下！食PIZZA做咩要飲水呀? 冇呀!之後個呀姐就走左 永不幫親！

平日晚上，又去左新城市。突然想食pizza，pizza express又有點貴。就林起呢間小店支持小店嘛叫野食同開餐地方係分開既，食野地方要行去格離棟樓。叫左二人餐，兩個焗飯同小pizza連野飲只係$120蚊。岩哂過下pizza癮Pizza好似係挪威款，係千島醬的味道不錯

尋日(8-4-2016 Fri)最後一日病假o既晏晝,又去醫院見醫生,大哥大嫂都陪我去睇,睇完都黃昏,可以等老公放工後一齊食晚飯.我決定帶佢o地食呢間,由於大哥大媛食o左好豐富o既tea(已經叫住佢o地唔好食咁多),所以又唔叫得多.我o地決定要個13”批,兩個小食同四罐o野飲,就由老公去買:1. 堂食要$95.00o既13”超級夏威夷pizza有辣肉腸,火腿,豬肉,菠蘿同蟹柳.批唔算好厚,食落,芝士好夠,辣肉腸唔係好辣,菠蘿同蟹柳都食到有,至於火腿同豬肉,唔知係咪咁我食唔中,唔多覺有.呢個批成個味道都好舒服,OK o既.2. $40.00o既蒜牛油白汁焗青口一客好似有6隻,唔睇menu唔知都唔知係蒜牛油,我覺得味道唔鹹唔淡,話蒜牛油我就唔係覺有,不過就覺得唔漏.3. $36.00o既炸魚柳薯角竟然有pat千島汁,唔係話冇千島汁咩?咁呢pat係咩o黎?唔通係唯一一pat,唔夠做13”大pizza?薯角上次食過,唔講啦,而炸魚柳呢?好似唔多,魚柳唔鯹,冇乜問題.其他:我o地原本要咖哩將軍,但唔記得話冇咩o野,好彩老公都即問重有咩係冇?佢答冇千島醬.用晒冇入貨嗎?大嫂原本要菠蘿玉露,又冇.我

大前日(4-4-2016 Mon)清明節假期,同老公返沙田買餸時,決定呢晚食星期二薄餅皇pizza,買完餸返屋企休息後,差唔多時間,與其去到至叫至得佢做,不如打電話叫佢做o左先,約定時間至去攞,而且可以先問清楚價錢,於是打去問.問呢日o既pizza幾錢,佢答$52.00(原來星期一至五,包括公眾公假都一樣).啊,咁我要個8”o既挪威pizza,餡係煙三文魚,洋蔥,粟米,蟹柳千島醬,不過呢個要加$5.00.落定單,佢問我想幾點攞.我問佢依o家即做幾點有得攞?佢就好謹慎咁話睇吓依家幾點先,大家睇睇,之後佢俾o左個實時(係20分鐘後).呢點唔錯,唔會令大家誤會幾點.咁老公就出去,自己預時間去攞,攞到返o黎已經凍o左喇,打開睇,pizza好肥滿,食落,覺得千島醬好夠味,原本驚煙三文魚同千島醬唔夾,但唔係,可能佢用o既呢隻煙三文魚本身淡淡地啦.而其他餡料都冇問題,呢個味道其實都好食,不過係凍o左,我諗堂食會好啲.

尋日(27-3-2016 Sun) 復活節, 同老公瞓到好晏至起身,我o地一早約定要試呢間餐廳,所以o岩o岩好變o左我o地o既lunch.呢間餐廳好得意,由兩間分開o既村屋合成,一邊係堂食座位,一邊係落單黃外賣,我o地o黎到先去堂食座位o個邊搵位,老公就負責去落單.佢落完單返o黎,話我知買o左個$125.00o既二人世界餐,有8”細pizza,焗意粉同焗飯各一個,飲品兩位,老公住兩個飲品返o黎話我知揀o左咩後,我繼續研究menu,原來惠顧滿$100.00,可以優惠價$32.00買原價$38.00o既皇牌雞翼/意粉或焗飯一客,$25.00買原價$32.00o既麥樂雞或司華力腸薯角一客.於是我叫老公買埋司華力腸薯角.由落單至o野食到o黎,足足有15分鐘,因為佢o地o既pizza係即叫即整,所有o野亦一次過到o黎.1. 8”細pizza要o左巴西風味,有燒烤汁,青椒洋慕,雞肉同豬肉批係厚批,芝士同燒烤汁好夠,批邊脆,呢個口感正常,但可能燒烤汁唔夾pizza,所以變o左一般.2. 芝士汁茄子焗飯除o左茄子都有啲雜豆,飯仍濕潤,芝士好夠,所以成個味都奴夠唔淡,唔錯.3. 秘製鮮茄什菜意粉鮮茄切到

住左沙田咁多年，都有聽過唔知人識排頭村呢間星期二PIZZA，以前每次經過外面條路，都會唔覺意見到佢門口係好多人排隊。由於沙田啲嘢我實在已經食到悶悶地，唯一係呢間其中一間未試過，何樂而不為呢？最驚喜嘅係一入到去，我就撞到我中學同學係度做，即係warm 左，哈哈！環境先食嘅我，其實呢間嘅環境實在唔太討好，好細同埋好似好 up DUP... 所以見到啲人多數買外賣。幸好我當時七點去到，仲有位坐，唔係我就要係門口等了；！分開叫左一個 8吋pizza，一個焗飯。套餐的確係平啲，但由於我地得兩個人，根本就食唔哂咁多嘢。所以最後都係揀左獨立叫。但落單個呀姐實在唔係幾好禮貌，所以印象始終唔太好。 pizza 果然冇叫錯，呢間 pizza 可以話咁嘅價錢有咁嘅水準，已經好叻叻，而我比較欣賞嘅就係佢啲醬料，實在太野味了，不過可惜嘅係餅底一般，同埋冇芝心批選擇，如果唔係就更好喇！後來加左個青口薯蓉。白汁好食，都係嗰句啦，贏個醬汁，其他都係一般，薯蓉有點硬。但勝在咁嘅價錢就有咁大份薯蓉，呢點真係贏左！好喇，最後黎個大合照先。總結，醬汁味道的確一流，但如果其他方面都可以改善配合，會更加好！

前陣子去沙田搵朋友食飯,她帶了我去沙田新城市...附近既一間薄餅店!這間薄餅店的價錢比大型連鎖的店平很多,但選擇都有不少, 而且一至五自取會更便宜!平時去薄餅店通常都叫大大個的薄餅, 咁會抵食D,但最少要預三至四個人先K.O到個Pizza...這間店提供的8吋Pizza就剛剛好是兩個人的份量!店亦有提供四個超值套餐給心大心細的我們~我們最後選了一個二人世界套餐, 有一個8吋Pizza, 兩款飯或麵和兩罐自選飲品.這間薄餅店的門面睇落好細, 坐左七八個人係店內已經迫爆.我們付錢後, 朋友便帶我到樓上等他們送餐. (估唔到開餐的地點原來是隔離樓既樓上)最後, 我們點了千島醬的青椒蜆肉薄餅、白汁司華力腸意粉、芝士汁茄子焗飯、香辣雞翼(8件)即叫即焗所以都需時, 等了大約20分鐘...我們點的青椒蜆肉薄餅充滿香濃的千島醬味, 薄餅底脆, 細細件, 多食都不會濟~香辣雞翼(8件) $38 抵食!最初預期辣雞翼是由內辣到外, 但原來只是混了辣醬的雞翼.不過辣醬真係有點辣, 喜歡辣的人應該會鍾意~下次會試下甜酸雞翼!芝士汁茄子焗飯份量挺多的焗飯, 芝士汁令整個飯都變得好香~手多多再加幾下芝士粉, 食

突然想食pizza就去左呢間星期二薄餅，間鋪細細地。 三個人叫左個二人餐再散叫一個意粉，pizza好好味個人覺得好食過連鎖店，但份量唔係好夠，可能我地都比較大食 小食推介雞翼，焗得好入味有肉汁，加埋辣汁好惹味，食左三隻都唔夠