星期二薄餅皇 (已結業)

一直以來，光顧星期二都是外賣自取，今次還是第一次在店內用餐，可能是店主在隔鄰增添多一間舖位，令客人坐得比以前舒適，舊店內只放著四張餐桌，最多也只可容納八人，今晚坐在門口旁邊，雖然身後人們川流不息，不過焦點只有集中在美味食物之上。 意大利八吋薄餅配千島醬--餅底屬於薄身種類，份量十足，足夠二人享用，餅邊被烘至香口鬆脆，中間部份則軟熟腍身，薄餅灑上大量餡料，包括有辣肉腸，蘑菇，洋蔥和豬肉，每口咬下都可以嚐到不同的餡料的味道，最重要的是薄餅上不可劃缺的惹味芝士和千島醬，非常充足，由餅底，餡料到醬汁都做得十分出色，絕對沒有挑剔的餘地 粟米肉醬焗薯蓉--沒有想到這款焗薯蓉的份量可以媲美一客焗飯，薯蓉表面覆蓋著厚厚的肉醬，若果不是早知道焗薯蓉的話，可能會誤以為它是一客肉醬意粉，熱騰騰的食物證明是剛出爐的，肉醬內的肉粒細膩豐富，肉醬味道十分香濃，伴著淡淡滑溜的薯蓉吃下，味道一濃一淡，非常合襯 烏龍茶--七元一罐飲品，放置於雪櫃內，選擇頗多，只需自己提取雖然已經光顧星期二多次，仍未嚐盡自己想吃的食品，它的食物質素不但沒有改變，而且每次還可以從中找到點點驚喜，相信這就是小店的誠意．

mar 24, 13要嚟沙田做d嘢.............3人來lunch..........叫咗 :1) 2人世界餐 (hk$115)a) 8"細薄pizza - 法國-8"細薄餅有12隻味,友人揀來法國-有洋蔥,青椒,蜆肉同吞拿魚-料同芝士都落得多,無欺場-餅底,唔厚又唔喺薄,有點中式餅底咁-熱辣辣,味道不差b) 焗飯 - 龍蝦汁海鮮飯-焗飯有15隻口味,友人揀來呢個-好pizza hut外賣feel-醬汁澎湃,鹹咗少少,不過接受到-飯有炒底,料就唔多ok啦c) 焗意粉 - 招牌肉醬意粉-意粉有>20隻口味,友人揀來呢個-個意粉就油咗少少-整體味道正常d) 飲品 x 2 - 汽水2) 汽水 (hk$7)-當然要散叫罐汽水啦

週末shopping後，想在沙田new town找個地方醫肚真係好困難。唯有避開最繁忙既new town，黎呢度搵食啦！等了3分鐘就有位喇！和男友2個人，點了意大利pizza(這裡的pizza是以不同國旗區分的)、聽聞好吃的肉醬意粉和雞翼，是set來的，總共$120!!!!!!!!!! 聽到價錢還未吃已相當開心。食物不用等很久，8-10分鐘左右吧。先來雞翼，在雞翼上面唔知落左咩醬，老實說，唔落醬仲好味囉...........PIZZA很香脆，配料也很多，不過不失的。肉醬意粉，很多肉醬呢軟硬也適中，但上面的焗芝士是硬的，一般應該是溶溶的吧。總體來說，滿意的。在繁忙的沙田市中，找個地方慢慢坐著吃、價錢便宜又好味的，没多間吧！

沙田新城市食黎食去都係嗰幾間，冇乜新鮮感？呢間位於排頭村o既小店應該可以為閣下o既味蕾帶黎一啲新刺激！小弟一向鐘情各種 pizza，由厚批到超薄批，細細件到大大件，傳統意式到新派Fusion，一律都難逃被吞噬o既命運是日又同女朋友周圍搵野食，本身諗住去IKEA，但係經過村屋就見到大大隻字寫住PIZZA，於是就雙眼發住光咁走左入去幫襯佢。舖頭係村屋地下o個層，室內只能夠坐六人，好在下午茶時間人唔多，其餘係廚房、櫃枱、飲品櫃等等。望下個menu，二人餐都不過係$110，有8 吋pizza 一個，焗意粉一客，焗飯一客及飲品兩罐，抵到喊。Pizza 點了意大利，餡料有辣肉腸、磨菇、洋蔥同豬肉，餅底鬆化，襯熱食啦喂！另外叫了白汁鴨胸意粉及龍蝦汁海鮮飯，不過不失啦。

之前係沙田讀書.. 而家番工又黎開呢頭@@终於同老公入去試下啦~成日都見到好多人嫁~好在時間仲早..~叫左個PIZZA ~又真係幾多芝士嫁WOR~我要厚底~幾鬆軟~仲有少少脆呀~我覺得PIZZA 要有呢種質感先好食 PIZZA 上面既料都好多呀D雞粒都幾好味~仲有呢個''墨''樂雞~哈哈~係就係真係好脆~但都係冇正宗咁好食可能個醬料啦~佢地係點泰式辣醬既但係我覺得唔係好夾另外有個意粉同飯~一個係肉醬意粉~好有肉醬呀真係~仲熱辣辣~味道好香濃白汁雞皇飯D雞好嫩滑@@唔會鞋烚烚~D飯都好軟熟~唔錯唔錯

看完畢加索展覽之際忽然想吃pizza，於是立即步行到星期二pizza。大楣十二時抵達，還未有太多顧客，真幸運！愛來這裡吃午餐，一人享用的午餐選擇很多，既可以選吃pizza，又可以選吃意粉焗飯，或可以兩樣皆吃！Pizza或意粉焗飯都是隨喜從餐牌選擇，這裡的份量都是剛剛好，不多也不少，即使一個人也不用擔心吃不下！食品都是即叫即焗，新鮮熱辣，比一般連鎖店的質量還要好！午餐選了薄餅，有兩塊，店方細心的分成了四小件。即叫即焗的薄餅很燙口，即是隔了一會兒，餅底還是十分鬆脆！薄餅餡料都是合我心意，有肉、辣肉腸、磨茹、菠蘿、芝士，芝士落得一點不吝嗇，多得滿溢，吃起來特別感到滋味！套餐包了罐裝飲料，才廿四元，真是超值啦！

託地產霸權及大集團的福，如今港鐵沿線的大型商場變得幾乎一式一樣。對於我這沙田友，什麼海港城APM之類的都只不過是尖沙咀觀塘等地的新城市廣場，毫無個性特色可言，讓人想找個出區外逛逛的藉口也感頭痛。沙田新城市廣場自身也乏善可陳，裝修後名牌店和大型連鎖店更是泛濫，越逛越不是味兒。每每不想光顧那些開遍港九的元気壽司、譚仔米線及和民日食等，我便會到火車站旁的排頭村碰碰運氣。我說碰碰運氣是因為逢星期二休業的星期二薄餅皇店很小，最多只容得下十人，同行超過四人都不會考慮來這兒堂吃。店主要做外賣生意，可是它並沒送外賣的服務，中學時代跟同學聚餐之類都會預早一點打電話來點餐，然後再來取餐。是日我們三人要了個二人世界餐(平日:$110，週六日:$115)，再追加了別的。二人世界餐包括一客8吋pizza，焗飯和意粉各一及飲品兩罐。點餐後便可自行去取罐裝飲品，除了大眾化的可樂和檸檬茶，還有荔枝玉露、巨峰提子和綠茶等，總能找到合心的。最喜歡這裡的Pizza，自家手工搓製的Pizza批底硬脆香口，放涼了也不會變軟。餡料油分控制得宜，碟底不沾一分油，多吃數片仍不覺膩。雖然不能與在外地吃到的標準拿坡里Pizza相題並論，

是日到訪Home Square後，我們正為晚餐煩惱（一想到新城市廣場那邊人頭湧湧就苦惱），途經排頭村，看到有幾枱人坐在月光下進餐，然後看到"星期二薄餅"這個招牌，MP說同事似乎曾讚賞過。恰好是晚天氣不算太熱，即使要露天進食，MP也可以接受。既然這麼多的巧合，還要考慮嗎？店子其實有冷氣座的，不過數量有限，而且是晚客源不絕，大家進進出出，有冷氣也等於無，我寧可坐在月光下了！薄餅分8吋和13吋，也有很多焗飯和焗意粉選擇。要套餐就最划算，二人餐才$110，有一個8吋薄餅，一客焗飯，一客意粉及兩罐罐裝飲品，十分經濟。8吋薄餅大部分以國家名命名，我們選了個有洋蔥、豬肉、牛肉及磨菇的薄餅。餅底不算很厚，邊仍是脆的，有點像餅乾，不錯。餡料和芝士都很足料，很滋味。8吋可分成六小件，二人吃剛好啊！意粉我們選了火腿吞拿魚長通粉，飯則是龍蝦汁蕃茄豬柳焗飯。如圖，兩客都是特多醬汁的焗野，要全吃完相信會有十二成飽！火腿吞拿魚長通粉甚有必勝ｘ的外賣風味，令小妹聯想起當年中學午飯時間要留在學校補課，於是我們經常叫外賣，而吞拿魚焗長通粉就是小妹的all time favorite！龍蝦汁就有普遍的問題，就是過鹹，連蕃茄

本人很享受即慶的飯局，感覺上更有樂趣，因為那些飯腳總會是比較傾得埋的朋友，斷估大家唔會自已走去約幾個生外的人，拘拘謹謹的吃一頓飯吧，除非那個是想追求的心儀女孩子。說遠了，我想講的只是我約了好食友雷氏伉儷去「茂」街邊。若大家有從沙田火車站前往宜家傢俬，途中抬頭向左方望，不難發現這條排頭村，當中的星期二薄餅皇，正是我們是晚的首個目標。Happy Friday Night，其實挺多人的，要感謝Mandy先來霸位。齊人之後，便可以點單。由於希望有下場，所以沒有叫太多，來個二人套餐加多一款小食，已經足夠。套餐肯定是包含Pizza，是8吋的小批，揀中了墨西哥風味。薄餅不像港式厚厚的，而是薄批，邊位香脆，對辦。或者墨西哥等於勁辣的概念已深深印進我的腦海，這個批的辣度比預期中溫和得多，但蕃茄、牛肉、粟米等餡料，幾香口惹味。套餐另跟兩客飯/意粉，肉醬意粉以及白汁百寶焗飯，兩款均是用錫紙兜盛著，看上去跟快餐店的出品沒兩樣。實際上，意粉雖不算太出色，但肉碎沒有很硬，撈勻來吃，酸酸的，又有芝士的香，可以接受。百寶焗飯是人氣推介，叫做百寶，就是什麼都有一點，豬扒呀、雞柳呀、司華力腸呀咁，唔算特別好食，勝在白汁唔

已光顧多年了，一班青年在廚房泡製出美味的 pizza 及意粉... 成名後，廚房裡忽然大部份是女青！ 其間有甚麽事發生，我不知道，但食物依然保持水準，人客還是等不到座位... 連老外也聞風而至，無他，當你以每人付$60的價錢，吃到連鎖店將近三百元的食物，而且質素又差不得太遠時，你會如何選擇？皇牌至尊13吋大批： Shirley 投訴沒有菠蘿，她現在才明白菠蘿引出的鹹中帶甜的多重味覺才是最圓滿的... 但看memu 才知原來有菠蘿... 我們都吃不到，只吃到餅底不油而脆，屬水準之上。八寶焗飯： 以多料取勝，有豬扒、雞柳、火腿、蟹柳、牛肉粒和司華力腸... 但數了數遍亦只得六種選料，原來要加白汁和飯才儲夠八寶，那麽以後雙併才是三寶飯，要滷汁便要叫四寶飯了... 說回八寶焗飯，其實味道亦很有水準，白汁令焗飯濕潤，而且啖啖有料，不愁單調啊!龍蝦汁海鲜意粉： 龍蝦汁的味道感覺不很實在，但海鲜和意粉均不錯，一試無妨。甜酸雞翼： 兩位女仕怕熱氣但又想一嗜烤雞翼的香味，便要了加上甜酸醬的雜翼，味香肉滑，甜酸醒胃。 優惠價$30, 利潤不會太多，抵！附加四罐飲料都只是$180, 免加一，是經濟又

突然很想吃薄餅，記得沙田排頭村有一間隱世薄餅店，以往沒有動力吸引我去試，但今天真的很想吃薄餅，所以終於決定前去一試。來之前特意上openrice睇睇其他食家的評論，對它的服務都有少許擔心，懷著只為食好野不理服務的心情來到店門前，剛好午飯時間，天氣又鬼咁好，烈日當空下，即時走入餐廳內，由於餐廳很細，只有約6-7個位，而且已坐滿了，另外還有人來自取外賣，所以一時之間沒有位置可企，我一心想以睇牆上餐牌為名實想涼住冷氣等位，但職員派了餐牌給我們…叫我們出外睇….心情即時灰了下來 …！好在有張2人枱的客人.，就快離開，所以等了約10多分鐘後再次進入餐廳。職員見枱面仍未清理，好有禮貌地跟我們說”等一等，好快幫你清理’，令我覺得其實服務唔係咁差吧，幾有禮貌！餐廳提供輕盈午市套餐，如1號有薄餅一件，2號餐有焗意粉or焗飯，又或是4號餐有薄餅一件和焗意粉or 焗飯一客，另外再包飲品，但是和男友商量後覺得薄餅份量太少，到喉唔到肺的感覺，所以決定一定要點一客8”的薄餅，見餐牌上有款二人世界餐，包一客8”薄餅、一客意粉、一客焗飯和兩杯飲品，價錢只需$110，很便宜的，問一問職員，其中的飯or意粉可否轉小食，職

今次經過鄰近沙田火車站側既星期二薄餅皇，就被它的人流吸引著，忍不住走去試吓。依間舖係逢星期二休息，所以名為星期二薄餅皇 King Pizza Tuesday 。我哋點了個二人餐，包括一個細薄餅、一個焗飯和一個意粉，另有2罐罐裝飲品。三文魚多寶細薄餅，新鮮熱辣又香脆，香濃芝士放在pizza面，令整塊pizza滋味十分。麵包層做得香口有口感，每塊均有三文魚，材料不吝嗇！龍蝦汁海鮮意粉，龍蝦汁味道和意粉屋比較還有一段距離，海鮮材料不足，意粉韌度十足。焗豬扒飯飯都比較稀，沒有口感。豬扒入味調味汁一般。罐裝飲品係自己去店裡雪櫃拎的，夠凍之餘又可以即飲才即拎。

十一月十二日 (星期六)星期二薄餅皇,久仰大名排頭村是我每逢清明,重陽必路過到的地方每次經過定必排著長龍是日剛好經過,遠看到人龍不長,順道一試!原來人龍都是在等外賣的店員特地為我們在雪櫃旁另開了一張二人小枱由於在雪櫃旁,店員先後兩次要移開我們的枱開雪櫃,有點不便最初還以為是雪糕來,因為用了牛奶公司的藍色雪糕盒盛載着之後發現原來是忌廉汁和龍蝦汁鋪仔小小,廚房佔了一半店員和廚師都是年青人他們工作十分認真,態度熱誠近廚房門口放置了打麵粉機店員送來了點餐紙選擇頗多,而且還有套餐,可以同時吃到薄餅和焗飯/意粉胃口正好,點了一個豐富的二人餐二人餐包括的是一個八吋的細薄餅,二個人吃剛好有數款可供選擇,加錢可選其他的款式因為我愛吃煙三文魚,所以加了五元,點了這個挪威三文魚薄餅整個薄餅感覺很creamy,豐富的千島醬加上芝士,非常的惹味芝士實在豐富,蓋了部份三文魚的鮮味薄餅底厚度適中,很香脆二人餐另可選兩款焗飯/意粉龍蝦汁很清香,龍蝦味豐,惹味得很海鮮的用料不太多,主要有魷魚和蟹柳失望在於竟然沒有魚是這裡的人氣推介材料實在豐富,計有豬扒,雞柳,火腿,,司華力腸,牛肉粒和蟹柳每樣都是用料新鮮,白汁濃度得宜

禮拜日走到沙田,真係好恐怖呀...人山人海食咩都堆滿人...最驚同人迫嘅我就去咗IKEA隔離嘅排頭村食晏嘞星期二薄餅皇,好似唔錯就呢間啦.一樣係坐無虛設架不過坐喺室外嘅感覺都好自在.佢嗌咗一件薄餅加個雞皇飯嘅餐我就好任性咁想食薯蓉...所以揀咗個墨西哥茄子薯蓉Pizza係即焗嘅,夠脆身,跟餐冇得揀款,淨係記得係千島醬,有菠蘿同豬肉雞皇飯就係正常焗飯水準.到我個薯蓉...好!!後!!悔!!呀!!正正常常嗌番個餐咪好囉佢好多洋蔥呀,另外仲有青豆蘿蔔粒,搞到個口感好複雜估唔到薯蓉裡面會有洋蔥(我完全唔食洋蔥...一邊食一定要夾走啲洋蔥感覺好唔開心)薯蓉係用薯粉溝,仲要溝得唔好食一pat嘢好乾身.我食到一半已經完全唔想再食.雖然佢個Pizza係唔錯,不過我都係比唔落一個笑喔....希望佢除咗主力嘅Pizza之外其他都落啲心思啦.

今日lunch去左食pizza揀左個套餐,38蚊,有一盒焗飯/意粉,加兩件pizza,有一罐野飲pizza有好多芝士,多到拎起條cheese可以拉到好長餅底好脆另外，龍蝦汁海鮮飯面都有好多cheese龍蝦汁味好似龍蝦湯咁