星海．譽宴 (The ONE)

营业中

休息中

好友飯聚，平靚正之餘，最理想還要交通方便，環境優美。尖沙咀的星海．譽宴就全中，的確是開飯聊天的最佳選擇。此外，它還有半露天大露台，有著一望無際的大海景，最適合舉行婚禮派對 🎉😍😍露台設有梳化及小茶几，輕酌幾杯，風花雪月一番，賞心樂事！這樣的絕美的維港夜景，真的要多看幾眼 💖💖回來正題，點了鐵板胡椒煎焗大肉蟹 $638，是夜的精彩美食巨型蟹鉗，識食一定係食蟹鉗，厚肉好味。胡椒蟹夠大隻，蟹身亦多肉鮮甜，輕輕炸過，帶點香口，總之就是非常正！😍😍😍蒜蓉西蘭花 $108，一道普通的家常菜，但卻非常重要，是晚餐不可少的一道青菜。質感軟硬適中，不會硬柴柴的，令人滿意。再來一客順德煎焗雞 $138是道中式的炸雞，外層微脆，醃料鹹香惹味，口感乾身！飯后酒樓隨即送上甜品紅豆沙，紅豆軟腍，味道不太甜。真不錯的一頓晚餐

之前黎過兩次參加婚宴，場地真係好靚，除咗室內裝潢有格調之外，重點係露天位置可以望到270度維港海景，係市區餐廳難得嘅靚景。今次係第一次係婚宴以外黎食飯，食物質素都非常唔錯，性價比又高，絕對係飲茶、飯局嘅好選擇。今日同爹哋媽咪一個三個人黎食，食到非常滿足。✨蒜蓉開邊蒸大虎蝦/金銀蒜粉絲蒸蟶子皇兩款海鮮都好新鮮，以蒜蓉蒸真係超級惹味。虎蝦啖啖肉，蟶子爽彈。廚師會將蟶子剪三份方便進食，好貼心。✨蒜芯爆炒黃鱔 有啲小炒王嘅感覺。蒜心好香口爽脆，黃鱔厚肉，肉質都幾嫩，唔腥。✨金磚脆皮豆腐 超級超級鍾意食！每件豆腐都好大件，炸得金黃香脆。內層豆腐好嫩滑，外層炸粉實淨黎得唔會好厚，外層調味粉好惹味。✨脆皮燒雞烤得金金黃黃，皮脆肉嫩，份量又多，係飯局必點。再叫埋蠔皇百靈菇扒菠菜苗同瑤柱玲菌炆伊麵，超級滿足！

朋友就嚟結婚，最近成日周圍睇場、佢話睇啱咗呢一間，覺得成個場地冇咩柱位，又長長方樓底夠高，應該擺婚宴會幾靚，但係冇食過佢哋啲嘢食，所以就捉咗我去一齊試下。.第一次嚟到，確實場地就好似佢咁講，夠大擺到好多枱之餘，夜晚嘅尖沙咀景色都好靚，而且有露台可以比客人影相。.餐牌選擇都幾多，晚市時間有各類型嘅套餐、孖寶等等，最近仲有做緊順德菜推介，心大心細想試多啲款式嘅我哋最後就揀咗套餐C，每位398，一共有八道餸，啱晒我哋呢啲想試多款式嘅人。.🥢前菜：星海三小福所謂嘅星海三小福，其實就係蜜汁黑豚肉叉燒、拍蒜青瓜及舟山芝麻海蜇。海蜇厚身彈牙，微辣嘅調味香而不嗆喉；蜜汁黑豚肉叉燒調味香香甜甜，豚肉肥瘦適中；前面兩樣一辣一甜，而青瓜就係以醋及蒜蓉調味，酸酸地幾開胃。.🥣湯品：精選豐料燉湯每位一盅嘅燉湯非常足料，裏面有大量瘦肉薏米及螺頭，清甜清甜的，係類似飲雞精嗰種濃郁感覺。.🦐美極乾煎深海大虎蝦：珍寶size嘅虎蝦質感非常爽彈，蝦膏好甜，近蝦頭嘅位置，咬落去幾乎有食緊龍蝦嘅感覺，加埋美極嘅調味，一人一隻令我哋意猶未盡，基本上食完呢一道餸之後，朋友就confirm咗揀呢一間做結婚場地。.🐖鮮菠蘿拔絲脆皮咕

好耐冇食過中菜，約咗朋友去尖沙咀搵中菜食，見openrice 介紹星海評價似乎幾好。兩個人食晚飯，叫4個小菜，漏單；馬拉糕蒸唔透，心仲係凍；百靈菰扒翡翠苗，上面嘅菇有酸臭味。唔會再幫襯。

每個月必定會同阿媽去飲茶今次去左尖沙咀位於The One 18樓窗邊可以俯瞰成個尖沙咀仲可以行出露台睇風景裝修華麗又冇大柱除咗飲茶食飯 仲好適合婚宴擺酒👩🏻‍❤️‍💋‍👨🏻🔸翡翠原蝦北菇燒賣皇（$38/4件）有大大粒鮮蝦、豬肉充滿肉香 口感彈牙👍🏻🔸瑤柱鮮蝦豆苗餃（$38/3件）外皮煙煙韌韌包住滿滿嘅鮮豆曲、爽甜蝦肉🔸古早味黑糖馬拉糕 （$31）蒸到好鬆軟、黑糖好香記得要趁熱食！🔸武大郎皇橋燒餅（$31/3件）餅皮超酥、入口即化入面是好香的豬肉和蔥餡好香口。🔸田園蒜蓉鮮蝦春卷（$38）炸到脆卜卜內有鮮蝦仁、爽脆紫椰菜，口感很好！🔸宮廷養顏棗皇糕（$25）軟綿綿又煙靭 濃濃嘅棗香感覺好養生🔸燒腩仔+炆鴛鴦米粉（$208）五層肉外皮脆口肉質鬆軟，必食！.🔸茶位（$17/1位）

星海是有氣派中菜廳，270度落地大玻璃，可以走左露台，💘無死角欣賞維港海景，尖沙咀夜色盡收眼底，華麗的舞台適合婚宴聚餐，晚市套餐囊括美味佳餚，令人食指大動。🌈晚市C餐 $380/位星海三小福蜜汁黑豚肉叉燒、拍蒜青瓜、舟山芝麻海蜇肥美的豚肉叉燒，帶有啖啖蜜汁甜香，滋味而不油膩，肉汁在口中散發。青瓜爽脆多汁，有惹味蒜香之餘，清新味蕾。海蜇爽口，一梳梳的，帶麻油香氣又鮮味。🦐金沙蝦球金黃色的蝦球，以點心籠盛上，入口彈牙，被滿滿的鹹蛋黃包裹著，外脆內爽彈，甘香邪惡，咸香滋味，愈吃愈過癮!🥘花旗參花膠湯花膠燉湯火候十足，花膠燉至黏糯，充滿的骨膠原，十分䁔胃。 入口鮮味突出，加上花旗參的甘香，滋補養顏。 😍鮮菠蘿拔絲脆皮咕嚕肉咕嚕肉外脆內軟，醬汁酸甜開胃，入口軟腍鬆化，還有三色椒和菠蘿果肉，🥢使人垂涎。😋頭抽珍菌炒龍躉球炒龍躉肉身綿厚，魚皮黏糯挺身，魚肉爽彈，鮮香滋味。加上嫰綠的蜜糖豆，清甜解膩。🍴蠔皇原隻鮑魚伴天白菇鮑魚厚實圓潤，輕輕用刀切開，質地滑溜，入口帶嚼勁，慢慢細味品嚐。鮑魚沁出純樸鮮香，加上蠔皇汁的提鮮，回味窩心。🥘窩燒薑米雞粒炒飯熱鍋傳來熱霧香氣，炒飯粒粒分明，加上薑米，口感爽脆，風

星海位於尖沙咀the one 18樓, 居高臨下, 俯覽壯麗景色, 裝修高雅華麗。交通便利, 就近地鐵站, 是購物歇腳好地方。更是市區中少有設在天花板的270度海景, 很適合婚禮, 飲茶, 點心, 聚會和飯局。點心設計精緻, 頗具心思。星海蝦餃皇皮薄饀靚, 蝦肉爽脆鮮甜, 份量十足。翡翠原蝦北菇燒賣皇 賣相精緻, 綠色燒賣皮上面是一隻大蝦, 饀料豐富。瑤柱鮮蝦豆苗餃餃皮晶形剔透, 爽脆蝦仁和豆苗好配合, 口感細膩。蠔皇手切黑毛豬叉燒包包身鬆滑, 蠔皇手切黑毛豬饀料鮮香充實。金箔斑蘭香滑奶皇包斑蘭綠色飽皮加上金箔表面, 賣相高雅吸引, 奶皇饀料甜滑可口。香煎鮮蝦腐皮卷熱辣香脆, 鮮蝦饀料豐富。招牌酥皮焗大蛋撻酥皮鬆化充滿蛋香。潮式水晶粉果, 陳皮山竹牛肉球, 雪山黑毛豬叉燒餐包和香茜黑毛豬叉燒腸粉都很美味, 食得好滿足。

今日請了半天假，同屋企人去尖沙咀飲茶加SHOPPING ，我哋揀咗間The ONE上層的酒樓。一入到去個場好大，兩邊有超大落地玻璃我望到270度海景，還可出露台觀賞，我估夜晚可欣賞幻彩耀香江和大時大節的煙花，好適合婚宴和公司節春茗。叫咗特色點心和甜品，價錢公道，下午茶時段有優惠。金沙鮮魷魚有別於一般炸魷魚，加咗鹹蛋黃炒，增添層次，好惹味。味菜胡椒豬肚煲份量十足，食到好多豬肚，爽口，洗得好乾淨醃味，湯都飲埋，唔錯。星海蝦餃皇大大粒蝦，好鮮味，蝦餃唔會黐牙，飲茶必叫。陳皮山竹牛肉球加咗陳皮多咗一份層次，牛肉味濃唔會太多粉漿雪山黑毛豬叉燒餐包用咗黑毛豬，肉質比較實淨，加上雪山做外皮，好香脆。蓮蓉蛋黃大蟠桃超大隻一籠一個，蓮蓉好香滑，蛋黃好靚有少許流心，唔錯。碧玉鮮蝦腸粉多咗翠玉瓜在腸粉內，除咗顏色靚咗，亦都多咗一份爽脆口感。椰汁鮮奶燉桃膠（熱）臨尾食返個甜品滋潤一下，超多桃膠，鮮奶香滑也加了一份椰香，甜度適中。

購物後想起一歇腳好地方，可邊吃飯邊觀看幻彩耀香江舞台設計富藝術格調，華麗又時尚，適合婚禮、聖誕冬至宴會或公司春茗環境舒適寬敞有氣派，乃飲茶、嘆點心、三五知己聚會飯局首選市區中少有擁270度海景露台及開揚景觀落地玻璃，維港景色盡收眼底最Chill粵菜推介花旗參竹絲雞海螺燉花膠湯養顏活血大廚新鮮推介金銀蒜粉絲蒸蘇格蘭蟶子非常鮮美春季推介順德菜火焰鹽焗羅氏蝦儀式感滿滿燒味瑤柱貴妃雞用獨家浸雞方法，皮滑肉嫩

這裡是購物歇腳的好地方，晚上可看到幻彩耀香江，是市區中少有看到海景，必影露台靚景。很適合聖誕、冬至、公司春茗飲茶，嚐點心。也適合聚會和飯局。晚上約了家人吃晚飯，家人喜歡吃中菜，去尖沙咀逛街後到這裏吃晚餐。店內桌與桌之間有一點距離，坐得舒適。設有戶外座位，可讓人吸煙或打卡，戶外的夜景特別好看，可看到尖沙咀的街道，並有一種居高臨下的感覺。花旗參竹絲雞海螺花膠湯(一位)($68)，我們點了三盅。家人們非常滿意這盅湯。材料足，燉的時間夠長，所以湯底集合各種食材的味道。用料甚多，內有海螺肉、爽滑花膠和燉到軟腍的豬肉和竹絲雞肉，還有不少軟腍的花旗參。這是必點燉湯。籠仔金沙大蝦球($158)，必點的菜餚，拌飯或單吃都極佳。一小個籠仔盛着大蝦球，金沙包滿蝦球，蝦球厚肉爽口，吃下去時嚐到鬆香的金沙，非常惹味。瑤柱貴妃雞(半隻)($148)，嫩滑的貴妃雞，鮮香美味，雞皮彈牙。半隻份量足，已夠三人吃。蠔皇海參鮮蝦豆腐煲($168)，香熱的豆腐煲，豆腐量多，外脆內嫩。海參爽滑，鮮蝦大粒爽口，配上蠔油，拌白飯吃甚佳。家人都很喜歡這碟菜，份量大，配料多，新鮮又好吃。白飯($20)，點了三個，份量十足，上桌時香熱，

今日又去到呢間星海打卡、係一間新派中菜位於尖沙咀The One高層、整間店面環境裝飾高雅而光猛🤔、係以柔和色澤坐著感覺都唔錯、係到同朋友嘆吓茶食吓嘢相當之唔錯🤭、同時以大大塊玻璃作窗牆、都可以望到窗外景觀真的好正😚！.醬皇蒸鳳爪 $31 呢一款醬皇蒸鳳爪望著都幾好🤔色香味都有、入口外皮鬆軟腍度適中、沾滿美味醬汁味道啖啖濃厚美味😋！.蠔皇原隻鮑魚一口酥 $55呢一碟蠔皇原隻鮑魚望見都好吸引🤤、一碟有2隻整隻一口酥、細細隻賣相酥脆香口外皮😙、包著香噴噴蘑菇粒啖啖口感、配埋原隻鮑魚入口濃郁蠔汁香味😋、口感煙韌帶點腍口、整隻十分之好食又美味👍！.南翔灌湯小籠包 $38 呢一籠灌湯小籠包真係好別緻🤔、一籠有隻用咗小吊碟盛載好吸引😍、真的睇得又食得😚、小籠包外皮煙糯包裹滿滿湯汁、入口啖啖肉腍嫰美味😋！.星海蝦餃皇 $43 呢一籠蝦餃皇係店家招牌點心🤔、夠哂大隻外皮通透煙糯、裏面滿滿蝦肉鮮味啖啖爽口美味😋、我覺得真係好好食！.香茜黑毛豬叉燒腸粉 $38呢一款叉燒腸係用咗黑毛豬作餡料、比起一般叉燒腸肉質味道濃厚😚、入口外皮口感軟滑裏面啖啖叉燒腍嫩😋、加埋香茜帶點香味更加好食！.鎮江陳醋三度骨 $128

約了客食飯。訂了近露臺枱，去到入坐了，坐低了叫翻人起身。話有人訂了，結果張枱成晚沒人坐。上菜又慢d野又沒熱。咁趕客。差差差。明點解咁多人彈。d伙計愛理不理。不想做未關門啦

今天尖沙咀人很多啊😂突然想吃粵菜找來找去也找不到一家有海景的粵菜館在附近問了人有d人推介咗呢間星海薈一上到去有海景睇好靚粵菜也非常精美味道不錯一小份一小份上菜適合一家人😉

招牌白胡椒蟹以其豐滿嘅份量同濃郁嘅胡椒香味吸引眼球，炒製得香口，不僅滿足咗視覺同嗅覺嘅享受，更係在味覺上帶來了極大嘅滿足感。白胡椒嘅醇厚味道與蟹肉嘅鮮美完美融合，令人一試難忘，絕對是蟹季節中嘅一大亮點。魚香茄子煲嘅惹味程度，尤其是配上白飯時嘅味道，更是讓人讚不絕口。茄子嘅油潤與肉碎嘅濃郁香味巧妙結合，創造出一個既油而不膩，又充滿魚香味嘅經典川菜。這道菜不僅考驗廚師嘅烹調功夫，同時也為食客帶來了一次味蕾上嘅盛宴。瑤柱蛋白炒飯則以其豐富嘅份量同物超所值嘅價格脫穎而出。使用足夠嘅瑤柱絲同蛋白作為主要材料，炒製出嘅飯粒粒分明，富有彈性，每一口都能感受到瑤柱嘅鮮味與蛋白嘅細膩。這道菜不僅味道豐富，同時也體現出中式炒飯料理嘅精髓。

今日大約六點左右已坐底，很快便點了套餐，起初感覺地方很靚，很寬敞，很舒適。但上菜有點耐，前菜係叉燒拍青瓜芝麻海蜇，味道還好，叉燒比較肥美之後既就不似菜單上所上既內容......之後來了個湯，菜單是海底椰鱷魚肉燉花膠變左花旗參烏鷄瘦肉湯，起初問職員是否比錯湯，但職員答我可能廚房無材料所以轉左，都差不多姐。我話....差不多？功效都唔同.....職員講完就行開左。我同朋友說唔係應該同個客講一聲嗎？之後黎一個比較欣賞既“美極乾煎花竹蝦”這蝦又大又脆，味道一讚掛住食忘記拍照，第四道菜係咕嚕肉就一般般，太鹹。第五道就過份左，頭抽珍菌炒龍躉球變左西芹炒龍躉片兩塊雖然我唔太喜歡食魚但是否過份了？第六道鮑魚花菇還好，第七道窩燒薑米炒飯，炒兩個鐘都未出到菜，我只能問經理幫忙追追，雖然經理好禮貌地回覆廚房整緊，但全場未坐滿都咁樣，（心諗）客人好難唔嬲，雖然我們叫經理直接打包，上埋甜品就埋單。經理遞上甜品，並說了不好意思，雖然甜品好香，但味道一般，所以無食晒便離開。整體經理服務態度很多，但職員就一般，味道還可接受。