春嬌越南河

营业中

休息中

今日晏晝響時代廣場同其他市民好緊張咁睇住李慧詩入四強之後，又差唔多係時間去食晚飯，行行下去左間越南餐廳，見佢都好新淨，點左幾樣食物決試吓。招牌蔥油烤牛肉金邊粉好大碗，我同男朋友share都夠食，蔥同芽葉好多，牛肉湯好好味，金邊粉亦都非常爽滑彈牙，menu寫烤牛肉，不過原來係牛肉碎粒，可能自己誤會，不過都幾好味。香茅雞翼一碟5隻，好香香茅味，雞皮炸得好脆，唔會燶，已經冇晒皮下脂肪，雞肉仍然嫩滑，唔嚡，食落外脆內軟，好好味。越南脆炸蝦餅一碟每人3塊左右，唔算細塊，食落都幾彈牙，密度幾高，好有蝦味，而且係剛剛炸起，熱辣辣又香脆，香蔥加上炸蒜令蝦餅更加惹味。網紙蝦春卷賣相同一般越南春卷一樣，一口咬下好脆，幾好味，食到芋頭粒，不過食唔到有蝦，有啲不似預期，一問之下話因為d蝦係磨碎咗去整，可能其他食材蓋過蝦味，建議老板娘用多啲蝦去整，增加蝦味。志明奶茶見餐廳海報寫「成世流流長總會遇到一杯好嘅奶茶」，既然咁樣寫，即管點一杯同男朋友一齊試吓，飲落比一般奶茶甜，但茶味好突出，味道唔錯，久唔久試吓其他味道嘅奶茶都唔錯。總括而言，呢度係抵食又好味，兩個人食到好飽，整體上呢間餐廳都算非常唔錯，希望下次黎時個蝦

我想去旅行😭😭銅鑼灣有條餐廳嘅聚腳街又多咗間新嘅餐廳，係食越南野嘅。好耐冇去旅行，不禁令人懷念越南美食嘅風味😭😭呢一度嘅裝修好有越南feel，第一眼印象分已經幾好。叫咗個滑雞湯河粉，因為見到其他食客都食湯河食得好滋味，於是就心心念念諗起越南嘅生牛肉河粉，個湯嘅清甜美味！呢度雖然唔及越南當地咁清甜，但係都有佢嘅影子，相當唔錯，令人可以懷念下旅行嘅時光。另一樣必推嘅就係咖喱牛腩手抓餅，呢個有啲奇怪係當小食而唔係正餐，因為份量好大好抵食😂😂😂唔知真係會以為係正餐嚟。叫多咗個小食炭燒豬頸肉，邊邊幾香脆，yummy💗嘢飲叫咗兩杯，一杯係龍眼水另一杯係志明奶茶🥤，龍眼水幾好唔會太甜，志明奶茶都同茶餐廳嘅奶茶茶底唔同，加左煉奶幾特別～

老實講 喺銅鑼灣食嘢 消費一定好高所以想平平哋搵一間好食嘅 我會推薦你去春嬌聽個名好似好古色古香 其實係食越南野火車頭大家就食得多 但係有花膠嘅火車頭又食過未呢？只係$68 就可以食到春嬌嘅火車頭湯粉入面除咗有常見嘅牛肉配料 咁加上一塊大花膠完全係索晒香濃嘅湯底 好抵食😆而MY BOSS 就要咗咖喱香茅豬扒飯($58)雖然係咖喱 但都帶有少許椰香味 絕對惹味😋我地額外叫咗兩款店員推薦嘅小食包括酸辣鳳爪沙律 ($52) 係開胃之選唔食得辣嘅朋友都可以一試😍除此之外 河內麻香手撕雞 ($60) 令我喜出望外因為我原本諗住麻香 係芝麻醬😂點知原來係麻辣味 食落去就開始有料到🌶雖然志明奶茶比較出名但我哋最後都揀咗龍眼水($20)同埋荔枝梳打($28)用嚟解喇都係一個唔錯嘅選擇😬-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

上次經過已經想食，今日係附近行完街，我地過黎食晚飯。餐廳主打越南菜，餐廳裝潢好有越南Feel，座位與座位之間不算逼狹。6:00前仲有下午茶，我地仲差5分鍾就6:00，我地拿拿聲點到一個下午茶，因為下午茶價錢好抵食。奶油醬脆豬豬配薯條奶油醬脆豬豬個包如果再脆一點會更好食，薯條用上粗薯條，夠香脆生熟牛肉湯檬粉湯粉可以選擇金邊/檬粉/河粉湯底夠熱，滿滿的香料，香料味突出，牛肉上枱時接近半生熟，靠熱湯浸一浸已經熟晒，牛肉不會太韌，反而熟牛肉比較軟嫩。志明奶茶黎到春嬌，當然要飲下志明奶茶，奶茶夠香又滑。椰汁珍多冰椰汁味濃郁，甜度適中

春嬌位於銅鑼灣加路連山道9A號地舖。由銅鑼灣F出口，步行約5分鐘左右到達。餐牌種類都幾多，有小食、串燒、湯粉、飯類，手撕雞等等，另外下午茶都好抵食，餐廳上QR落單，方便又環保。招牌春嬌小食拼盤有4款小食、扎肉、春卷、鳳爪、炸蝦丸，春卷和炸蝦丸炸得夠香脆，食落不會成口油，炸蝦丸好彈牙，春卷沾上酸辣醬惹味又開胃馬拉盞通菜札肉飯通菜份量夠多，通菜炒得好有鑊氣，通菜幼嫩爽口，馬拉盞醬鹹香惹味，送飯一流，我最鐘意佢夠多馬拉盞。香茅雞翼雞翼夠大隻，香茅雞翼好入味，濃濃的香茅味。越南咖啡

有時身在銅鑼灣，很多餐廳都吃過了，想explore一下附近其他餐廳，其實可走到銅鑼灣外圍的加路連山道。你會發現一排都是餐廳，食物選擇不比銅鑼灣鬧市少，而且食客亦不少。天氣炎熱想吃越南湯粉，於是便是這間名字有點親切的「春嬌」，人流多，相信品質不錯。吃越南粉當然首先要試《招牌春嬌火車頭 （金邊/檬/粉） $68》- 精心熬製正宗牛骨湯底超過十小時，味道香郁不油膩；有生牛肉、一粒牛丸和牛腩等，牛腩嫩腍不韌。《椰青$32》很清甜解渴，椰子肉十分嫩， 輕易刮出，當甜品吃也不錯。《河內麻香手撕雞粉皮 $64》帶辣醒胃，手撕雞份量多 ，粉皮亦爽口不硬。手機下單快捷方便，上菜速度都快，職員態度友善，每個四人卡位坐都用吊簾分隔，裝修有風味。

見呢到個位唔算太就腳但就成日都大排長龍我純終於知道原因喇🤔火車頭有咁大塊嘅花膠見過未？仲要係兩大塊😍😍仲有牛丸、牛腩、肥牛等等嘅配料湯底有清甜嘅牛肉味價錢仲要好相宜😌炸蝦餅好彈牙～好足料店長特別推命麻辣麻醬手撕雞本身諗住咁多麻醬辣味應該唔會好出點知又真係會慢慢滲出黎💕舖頭裝修好別緻～影相真係一流～雖然空間唔算好大但睇得出真係用心去怖置仲有正宗嘅泰式奶茶同越南咖啡☕️價錢又一啲都唔貴唔怪得keep住有人流出出入入😆

銅鑼灣真係好多嘢食，係公司附近又有間性價比高既餐廳。椰青 $38炎炎夏日，當然先黎一個冰凍椰青chill一下，大大個好清甜，作為吃貨，當然連椰肉都唔會放過😋好味牛頂湯蘿蔔浸小棠菜。$48先試個湯底先，很清甜，幸好跟期望既味道一樣，小棠菜頗爽口，蘿蔔清甜。烤牛肉生菜包配手抓餅 $62平時食豬肉碎較多，今次牛肉碎都係第一次食，牛肉碎調味適中，唔會死咸。一共有2大塊手抓餅，餅配上青瓜絲，蘿蔔絲和烤牛肉，口感豐富得黎有層次，當中既蘿蔔絲和青瓜絲中和了手抓餅既油膩感。豬肉串燒。$42/3串好惹味，雖然表層燒得香脆乾身，但食落一點也不柴，仲保留着肉汁，有驚喜。咁多樣嘢食都唔過200蚊，真係好抵食，性價比超高，而且服務態度都幾好，尤其個樓面姐姐，好熱情。

因為想食撈檬而搵到呢間春嬌～餐廳入面既裝修好用心，放左好多越南風既擺設～店員仲細心推介食物，好友善～！食越南野必點香茅豬扒！配撈檬超開胃！！最岩咁熱既天氣食～豬扒揀左碎上，唔洗有骨岩晒懶人haha，豬扒薄薄地，唔會鞋口，亦都好夠味，加分！檬粉加左檬汁，撈埋炸蒜、蔥油真係無得頂。。。另外我地仲叫左個香茅豬扒雞翼蛋飯，今次豬扒無揀碎上，係原塊大大塊連骨既豬扒，一樣好入味唔鞋口～雞翼都炸到外脆內嫩，飯就加左甜豉油，配埋太陽蛋，好快就食晒成碟飯～！小食就叫左麻香手撕雞，醬汁係有少少麻辣既芝麻醬，加左少少青瓜絲，實在好清新開胃～！！雞肉都好嫩，唔錯！飲品就叫左荔枝梳打同奶茶，都算唔錯～雖然地點唔算好方便，但下次會再幫襯！！

呢日冇咩做同女朋友去左南華會打保齡 打完之後就喺附近睇下有咩食 就俾我地發現到呢間新開嘅越南菜😏餐廳嘅裝修都好多東南亞風情🌴坐底左之後店員都好好服務問下我地食咩之後我地就揀左佢地推介嘅雞湯檬粉同我鐘意嘅生牛肉湯檬！•鹽滑雞湯檬🐔•-呢個雞嘅肉質好鮮嫩 而且肉汁仲鎖死曬好Juice雖然係會偏鹹 但浸埋落個湯檬到食就啱啱好👍🏻•生牛肉湯檬🐮•-本人勁鐘意食 因為牛肉生生地先嫩口架嘛🙈同埋個湯底配埋啲檸檬同辣椒 即使咁熱都即刻有番啲胃口🤣之後我地仲叫左個菜•馬拉盞炒通菜🥬•-呢個菜真係冇得輸 雖然一定係泰國當地食嘅特別好味 但呢到嘅味道都能夠頂一頂癮啦！爽口得嚟又惹味🤤泰國野又點可以冇椰汁阿🙈•椰汁冰🥥•-呢個椰汁冰都幾夠味 入口好順滑 而且椰香味都幾重 即刻將頭先嘅辣一次過解曬🤣👍🏻.呢到嘅價錢都幾抵 食物又唔錯 下次打完波都可以再嚟食過😏

係Openrice得知，銅鑼灣新開左間越式小館放左工特登出黎幫襯下🙈.餐廳裝修以「竹」為題牆上掛滿一個個越南斗笠，又幾有特式！.【餐牌】.【香茅雞翼荷蛋飯】雞翼外層甘香酥脆，滿滿香茅清香肉質嫩滑吾嚡口我會配搭埋蔥油嘅鹹香同炸蔥既薄脆一齊食，勁正！米飯粒粒晶瑩，軟硬度恰到好處建議撈埋荷包蛋蛋液食每粒米飯都被蛋液同香甜豉油包住，啖啖美味😘.【香茅豬扒湯濛】用鐵碗承載，感覺有D韓式Feel😂湯濛味道鮮美帶少少鹹香豬扒係另上，呢點值得一讚👍因為大多餐廳係要加錢😵豬扒約有一隻手掌咁大厚度適中，吾係厚切但又吾薄勝在有成兩塊咁多架！豬扒香芽味都好突出啖啖肉腍甜，肉質夠鬆仲富肉汁.【越南春卷】比起網紋春卷，我更愛呢款用越南米紙包成嘅春卷外層薄到0.1cm厚，包住越式粉絲同木耳絲酥脆又爆餡😍.【春嬌豬肉粉包】越式粉包即叫即蒸粉皮軟腍又煙韌裡面係豬肉碎，食落仲有脆脆嘅口感添🥰.【志明奶茶】味道有D似泰式奶茶🤣同樣香濃但冇咁甜，反而符合我口味😋

「成世人流流長，總會遇到一杯好嘅奶茶」行過加路連山道見到依間叫＜春嬌＞嘅越南菜，門口貼住一張「志明奶茶」嘅Poster，就試試佢依杯奶茶係咪真係咁出色～餐廳可以用QR code點餐，但店員都主動俾咗本Menu我同媽媽，方便我地一齊睇揀嘢食。春嬌嘅生熟牛湯粉用咗兩款唔同既牛肉，有軟嫩嘅生牛肉片同埋全熟厚身啲嘅牛腩片，前者肥瘦適中食落肉味較香，湯底帶甜味，配料有俾指天椒同青檸，加埋味道唔錯。個飯我地係俾葱油吸引咗而嗌嘅，豬扒夠腍身，香茅味可以更重，配埋葱油同炸蒜撈飯都幾香口。雞肉串燒嘅沙嗲醬加晒分，沙嗲汁真係有粒粒花生好惹味。豬頸肉就係店員推介嘅，燒得幾靚仔，邊邊脆身食落唔乾，點埋秘製醬汁就啱晒。志明奶茶同泰式奶茶好相似，原來加咗煉奶同淡奶沖，套餐價幾抵飲，味道不過不失。餐廳周圍都有越南風味嘅佈置，簡單一餐嚟講都滿意😋

銅鑼灣主要分為兩部份，分別係電車路以北嘅Sogo、銅鑼灣廣場一帶；同電車路以南時代廣場、希慎廣場一帶。你以為咁就好熟銅鑼灣？其實銅鑼灣仲有一條隱世食街，今次我哋就嚟到加路連山道搵食，試吓主打越南菜嘅春嬌。越式香茅雞翼非官方統計，香港人最愛嘅小食第一位一定係雞翼。雞翼即叫即炸，夠晒熱辣辣，雞皮帶有淡淡嘅香茅味，至於肉質嫩滑，好滋味！香茅豬扒荷蛋葱油飯嘩！香茅豬扒驚喜地有兩塊，醃得入味，肉質軟腍鬆化。至於重點當然係葱油啦，記住將蛋黃、豉油同葱油撈埋一齊食，白飲嘅味道層次即刻大大提升。生熟牛肉河粉湯底固然係重點啦！香濃嘅牛肉味，但湯色清澈，牛肉味清而不濁。生牛肉同熟牛肉比例各半：生牛肉就比較嫩滑、熟牛肉嘅味道就相對濃郁，各有賣點。但最驚喜就係河粉非常爽滑，爽晒牛汁。志明奶茶飲品方面就叫咗志明奶茶，特意叫少煉奶，除咗唔想太甜，更可以細味香濃嘅茶膽。

天氣悶熱冇乜胃口，加上做咗成日野個人冇晒體力。又要食番啲香口野先至開胃。 今日係銅鑼灣果區，決定行遠少少，去加路連山道揾下啲新嘢食先。離遠見到呢間名字《春嬌》的餐廳，感覺幾得意，而餐廳佈置富有東南亞風味，不其然停下腳步望一望。店員立即很熱情向我介紹食物及招呼我們入內，真心被殷勤有禮的招呼打動了，加上見餐廳內環境裝飾都十分不錯，一於就試下啦。食物種類多元化，主打越式食物，既有粉麵、亦有飯、串燒及小食。又有馬來咖喱、手抓餅、小菜等等。首選決定要試「馬來咖喱牛腩配手抓餅」，手抓餅沾上咖喱汁味道十分之正，少少辣加上椰汁又夠香濃。牛腩及薯仔炆得夠淋又入味。串燒最少三串起，有雞、豬、牛，我們最後選了雞肉串燒。串燒入口外脆肉滑，配埋個沙爹汁十分惹味。因為吾想食飯，所以點多兩款小食，另一款推介要食嘅係 「越南脆炸蝦餅」，店員向我介紹蝦餅每日新鮮送到，如果當天賣唔曬會倒掉。而且即叫即炸，入口熱辣辣，蝦肉十分彈牙。至於「炭燒豬頸肉」果然非常充滿炭燒風味，豬頸肉非常爽口不油膩。啱晒鍾意香口、脆口嘢朋友，可以一試。最後加多個馬拉盞炒通菜，通菜加上馬拉盞十分夾。呢個菜不會太鹹，而且炒得很青嫩，好味。這間小店在銅

#hea在銅鑼灣😌志明&春嬌😌 #CP值高推介指數❤️❤️❤️❤️🤍好耐無睇過五月天演唱會，相隔兩地相思之苦何其痛苦。五月天同香港五迷 #五月之約 疫情前一直準時應約，希望疫情彈到去黑洞，還我自由約會呀～五月天1999年發表第一張創作專輯，「瘋狂世界」🎶 我好想好想飛 逃離這個瘋狂世界⋯ 完全係好多人嘅心聲🛸「志明與春嬌」係收錄於大碟6首台語其中一首～ 有與趣去search 下❣️朋友話成日見到間小店個名叫春嬌就諗起五月天，就係咁約埋一齊去食😂 #無聊開心之約位於加路連山道，由Lee Garden 過去行幾分鐘就到。門面以白色為主，提供越泰菜，坐位大約30個左右，仲有打卡靚位。仲有係用QR code 自助落單，好方便～🚂春嬌火車頭河粉HKD68✨先試啖湯頭，啖啖牛香鮮甜。有生牛肉、牛丸、牛腩片… 牛丸爽口彈呀，仲有好大舊花膠，厚身有咬口！🥘馬來咖喱牛腩配手抓餅HKD78✨咖喱牛腩上枱好香，牛腩食落腍滑牛味濃郁，手抓餅酥脆點埋咖喱汁好滿足！🌶酸辣鳳爪沙律HKD52✨夏天開胃小食，酸酸辣辣味道剛好，無骨鳳爪凍凍地又啖啖肉，消暑！🐥志明咸滑雞配湯粉或飯 新品價HKD59✨差唔多落好單嘅時候，店員推介啱