春水堂 (太古城中心)

营业中

休息中

Weekday晏晝12點到，未開始排隊。兩個人叫咗一個鹽酥雞，一個牛肚，兩個功夫面。全部都幾好食，不過鹽酥雞冇平時嘅九層塔亦冇乜五香粉味但係炸得好鬆，啲雞肉又無雪藏味， 我覺得好好食! 奶茶雖然叫少糖，但係已經好夠味而且好好飲😋 疫情下，啲枱唔迫又乾淨，坐得好舒服。服務都唔錯，全部 orders好快到 😊掛住台灣味道嘅時候可以得閒食吓。台灣嘢嚟講唔平但同Teawood比較，value for money 好好多👍🏻

上次行 Tai Koo Shing發現春水堂新開左 果陣就試左佢既茉香珍珠奶茶🥤今日就試左佢既鐵觀音珍珠奶茶 佢嘅珍珠比起正常細 但係好有咬感 好彈Q👍🏻👍🏻之前飲過好多間珍珠奶茶店 佢地既珍珠奶茶都係偏甜 茶味唔夠 春水堂既鐵觀音珍珠奶茶有香濃嘅茶味 甜度適中👍🏻👍🏻👍🏻今次仲試埋佢既紅燒牛肉麵🍜🍜 湯底算濃 牛肉偏瘦 唔會太肥 牛筋口感非常有膠質👍🏻大家行開Tai Koo不妨可以試吓😋😋😋👍🏻

台灣過江龍春水堂都黎左香港一段時間，但人氣依然高企，經常大排長龍，可見受歡迎程度無被時間沖淡。今次食左佢地推薦嘅牛筋半肉紅燒牛肉麵同珍珠奶茶。店員另外俾左小小酸菜，可以根據喜好自行選擇放落麵。紅燒牛肉麵係必點，首先濃郁嘅湯底同麵已經值回票價，麵質煮得軟硬度岩岩好，好滑口。湯底有用八角令整體更有風味。紅燒牛肉不得了，煮到肉質好軟好淋，淋到可以用筷子整散舊肉！而牛筋都煮得好淋，入口即溶！好好食！珍珠奶茶好重茶味，珍珠細細粒好煙韌，簡單兩個字：好飲！香港嘅春水堂真係唔會令人失望，味道同服務都有水準，去唔到台灣嘅日子黎食都覺得開心佢地仲有香港限定嘅甜品，下次一定要試下！

◭魯肉飯(小碗) $28每日限量嘅春水堂魯肉飯有別於市面上大部分魯肉飯，除左有細細粒魯肉，仲有肉鬆放埋一齊。配上珍珠米，絕對唔會覺得好粘口。每次去春水堂都必點迷你魯肉飯◭高山焙火烏龍 $55春水堂除咗珍珠奶茶好好飲，其實青茶都好有水準。今次係第一次喺春水堂飲青茶，估唔到咁有氣派🤣🤣🤣 高山焙火烏龍味度清甜，如果同時間食麻辣小食，相信會非常解渴😆希望快啲通關，即刻飛返轉台灣，好掛住台灣既美食!!!

💛💛春水堂(太古店）終於開咗啦，排晒長龍💛💛。麻香烏骨雞麵線依個真係極級推介，估唔到素麵可以咁好食，成碗雞湯係冇味精👍可以飲晒佢，超好味，d烏雞煮到係入口即溶，未試過烏雞可以煮到甘淋架😱。滷香拼盤大碟夾抵食，有3樣材料：牛筋，牛肚，豬大腸。。一定要點埋辣椒醬去食呀！。紅豆鮮奶茶（少冰少甜）味道係恰到好處，啲紅豆味係完全同奶茶融合咗，非常滑口，平時唔係好鍾意飲甜野嘅我都極力推介👍。紅燒牛肉麵呢個辣度唔夠，味道亦都麻麻，所以我唔推介比大家😔。P.S. 防疫措施做得幾好，有一塊好大嘅板格住每一張枱，可以安心食嘢啦，職員態度亦都唔錯！💛

1️⃣功天麵 $53 (7/10)經過春水堂口痕就入咗去食😛叫咗佢嘅人氣功夫面🍜碗面比其他撈麵細分份，下午茶啱啱好，好香冬菇味。雖然啲汁唔會好油，但碎肉好多都係肥豬肉🤭食完好有罪疚感2️⃣ 珍珠奶茶 $32 (7/10)珍珠細細粒，唔會好Q，偏淋😗茶味偏重，值得讚賞嘅係佢用碎冰🤤飲飲下咬到碎冰都幾爽🤪

大多數去太古城店都會選擇堂食, 一來感覺外賣都會比較麻煩, 擔心有湯, 會倒瀉或d麵會"lum"哂, 二來好多時外賣賣相都唔太好.  疫情關係, 都盡量少出街, 但又好想食春水堂, 咁唯有試下叫外賣喇. 一打開個袋就放心哂, 湯同麵係分開, 完全好乾淨企理, 尤其個便當, 賣相一流有驚喜;  食物質素同堂食一樣咁好, 亦感覺員工好細心, 嚟到嘅外賣, 唔係求其放埋一盒就算. 價錢方面: 我估計外賣送餐關係, 比堂食貴今次因為第一次叫外賣, 唔太熟識, 所以打電話聯絡店員查詢order, 接聽電話嘅店員黃小姐, 唔怕我煩, 非常有禮貌和耐性, 值得一讚.  一定會多多幫趁.

喜歡台式手搖飲料的朋友，對【春水堂】一定不會陌生。身為珍珠奶茶始祖的【春水堂】於1983年創立，至今已有35 年歷史。2018年登陸香港後迅速發展，不夠兩年已有8家分店。太古城分店今年5月開幕，今天與友人路過便來嚐嚐。主食點了"麻辣牛肉麵 "及"五香素麵"，牛肉麵賣相不算吸引，湯頭浮著厚厚的紅油，麻香及牛肉味濃，但感覺油膩。牛腱厚切，咬口不俗。牛筋非常入味，口感軟滑帶麻辣香氣。麵條柔軟彈牙，酸菜另上，頗為貼心。五香素麵屬乾拌麵，素肉燥放一邊，芹菜置中，配上嫰綠西蘭花，擺盤吸引。肉燥內含香菇，口感豐富，吃下味濃卻不會過鹹。海苔片已經變淋，變得可有可無。手工麵線嚼感不俗，拌勻配料同吃，倒也滋味。小食選了"黃金地瓜條"，地瓜條厚切，粉漿薄薄一層炸得金黃，吃下外脆內軟糯，味道香甜。面層灑上梅子粉，酸甜中帶鹹香，更添惹味。等了良久飲料才施然上枱，"鐵觀音拿鐵"分成鮮奶與濃茶2個漸層，面層奶泡綿密，入口奶香滿滿。茶味醇厚 , 拌勻喝順好喝，選了半糖味道剛好。"蕃茄蜜凍飲"加入碎冰，喝下冰涼清爽，酸甜醒胃，炎炎夏日來一杯最合適。

港九新界嘅春水堂機本上都食過🤣，水準都差不多，冇太大偏差，之前太古城分店新開要排長龍，而家就唔使啦！可能好多人都會叫鹽酥雞翼魯肉便當$92，但我覺得唔抵食，只係多半隻滷水蛋同埋一啲伴菜！我會選擇叫一碗魯肉飯$28+小食鹽酥雞翼一碟$38，都只係$66☝🏻呢個係我買飛佛😋珍珠招牌鐵觀音雪糕吐司，鐵觀音雪糕好香茶味，一啖吐司一啖雪糕😲👍🏻完美配搭花生三沾小麻吉，都係我最愛，花生夾心，再配芝麻粒粒👍🏻👍🏻

最近疫情嚴重咗好多, 返工食lunch嘅時候都少咗堂食, 揀外賣自取多.之前luchtime經過春水堂, 都見到勁多人排隊堂食, 所以一直都冇機會試.今次就試下佢嘅外賣先啦.我係用咗openrice嘅app叫外賣.其實都幾方便, 可以揀幾時攞.個餐準備好, 個app又會有通知提你去拎, 完全冇delay.講返嘢食先, 我叫咗紅燒牛肉麵 (HK$83) + 珍珠綠茶 (HK$29).佢係麵同湯分開裝嘅.本來以為個麵份量好少, 但食完都幾飽嫁.個麵質就一般啦, 偏腍.不過個湯就好濃, 好好味.牛肉都幾多嫁, 佢係半筋半肉各有4塊.D牛肉好腍, 牛筋入口即溶.珍珠綠茶 都好好飲, D珍珠非常有咬口.佢有幾個甜度揀, 仲可以揀要唔要冰.我就揀咗微糖去冰, 味道岩岩好, 唔會好甜.整體黎講, 外賣自取真係好方便, 去到餐廳唔洗等就準時有得拎.食物質素唔錯, 紅燒牛肉麵&珍珠綠茶都好好味.但係外賣性價比唔算太高, 因為個麵嘅份量唔算多, 男仔食可能唔夠飽.下次有機會都會試下佢嘅堂食!

過江龍既質素通常都係麻麻。是日叫左紅燒牛肉麵 麻辣青瓜 珍珠奶茶。D麵淋到一個點，好似食緊一pat糊咁。個湯飲落竟然有即食麵味精味，飲左兩啖已經頂唔順。牛筋照樣淋到爆炸，一D口感都冇，牛肉只有一舊，如五香肉丁般大小，完全唔掂。麻辣青瓜完全冇味，珍珠奶茶冇茶味好似飲緊奶水，珍珠偏少同細粒，碎冰溶得極快，令到杯野更加稀。真心唔明點解仲咁多人排隊。

Tea time have a teaTi Kuan Yin Latte is definitely the best for tea time when needa work during weekends.. A well balanced tea and milk portion "milk tea" which tea flavor with strong Chinese Ti Kuan Yin tea leaves flavoring note i.e. distinctive and highly-prized orchid-like that brews up a smooth, fragrant and floral character.

春水堂越開越多分店，最近太古都開了，在附近行街行到有點口渴便來試試。新店位於太古城中心1樓，位置有點難找，繞了一圈才找到。外賣和堂食分開兩條隊，5點幾都幾多人，但不用排隊。餐牌跟其他分店無異，我們叫了馳名的珍珠鐵觀音奶茶($31)，珍珠一如既往的彈牙，是小珍珠但口感十足，鐵觀音和奶茶的比例剛剛好，茶味同奶配合得天衣無縫，飲整杯都唔會太滯。另外叫了翡翠香柚茶($33)，香柚味清新，有柚子果肉，少甜可以，不會太甜，有茶味，不喜歡奶茶的朋友可以一試。

Super yummy dessert to finish off a flavoursome noodle! I’ve had this restaurant in the Sha Tin branch and luckily this one was a much better experience. The dessert is quite sweet so may not be for everyone, however if you want a break off of drinking the typical bubble tea this is a great substitute as a dessert.

同老公行吓街見攰，本來想坐低搵吓嘢食，點知行到去門口都有10個人排隊等入座，咁算啦我哋都係放棄，所以就叫咗杯珍珠奶茶飲下。點知，叫杯珍珠奶茶都要等20分鐘。既然未搵到嘢食，咁就邊搵邊等囉。珍珠奶茶。先講個size，係比平時飲開嗰啲連鎖式珍珠奶茶店細小小，冰粒係用碎冰，所以有時飲嗰陣都會飲到啲冰，同埋都溶得幾快。個茶底一般般，唔係特別香濃，奶味重左少少，所以就蓋過咗茶味，然後加上碎冰溶得快嘅關係，杯嘢就越飲越淡。