春水堂 (太古城中心)

营业中

休息中

食咗一日年糕，今日又咁鬼寒，搵啲熱野食，又想搵啲濶落啲嘅地方，最終入咗呢間，幾年前常去台灣，係陽明山腳有間小店，只賣紅燒牛肉麵，半筋半腩，好懷念，就入去回味下啦，仲叫咗個慢煮豬手

近排喺度行十六八減肥法, 一日剩係得八個鐘可以食嘢, 當然要食自己鍾意食嘅嘢今日同朋友去太古行街, 行行吓覺得好肚餓, 去咗春水堂食啲嘢順便休息一下<金沙芋泥丸>好少見到台式小食有金沙芋泥丸今次一於試試芋泥丸唔算好大粒, 外面炸得脆卜卜, 沙沙嘅芋泥裏面包住奶黃, 味道唔錯<黃金香酥雞>香酥雞超級好食雞肉口感鬆身, 調味有少少甜甜地, 經過酥炸之後, 加入椒鹽粉味道一流<香醇奶茶>最後再飲多杯經典嘅香醇奶茶, 奶滑茶香好滿足

有追看鄙人分享、或翻看舊文的食友可能都知道，好些食肆，是經過三五七次光顧後，才動筆付梓的。而這間，不只可能已幫襯過「三加五加七」次，而且吃的幾乎都是複製出來的餐單！為何如此？首次登「堂」入室，已是三年多前的事。那時香港有分店了嗎？的確未有，我倆是光顧台灣的店舖，而且是去她們位於台中四維路的創始店。那兒店子面積不大，但除了營業之外，還儼如一家小小的珍奶歷史館。有圖為證！後來香港開始有分店，經過台中光顧兩趟創始店的洗禮，我們的焦點已不是茶飲而是美食了。香港店的餐牌中，食品選擇比台灣少，而且多是香港人一眼就認得的，反而具台式獨特風味的不多。而且基於我和同伴刻意減少餐點中的澱粉質，主食類（麵食、便當）沒有得到我們的青睞。經過初次的光顧、提煉後，得出了幾種必食推介，也成為我們的「標準餐」。一、滷香拼盤 ($78)餐牌上單點的滷水肉類菜式，有牛肚、大腸和牛筋三種，最美妙的是把三款合起來成為一個拼盤，適合像我們小倆口、又饞嘴想試匀幾款的吃貨。這裡的滷水色澤鮮潤、有香氣，不過鹹而有點帶甘甜，加上附奉的辣油，令我們一再回味、回頭！而墊底的常是肥肥矮矮的芽菜，爽脆清甜的咬口，與滷水非常配合。二、黃金香酥雞

春水堂長期好多人排隊，之前食覺得佢好好味，今次再嚟，覺得味道唔同咗。我哋一行2大1小叫咗個紅燒牛肉麵，蕃茄湯半筋半肉麵，一碟菜。食咗紅燒牛肉麵個湯，感覺冇以前咁濃，好似有啲唔同咗味，冇以前咁出色。蕃茄湯做得唔錯，牛筋亦都炆得好林，值得一讚，小朋友好鍾意食。順帶一提紅燒牛肉麵係跟幼面，蕃茄湯麵係跟闊條麵，我個人喜好係闊條麵。另外我哋叫咗個菜，菜上面諗咗好似滷肉飯嗰啲滷肉喺上面，但係個汁食到有少少麻辣，非常香口，幾好食，但係就唔啱小朋友食。總括嚟講覺得味道同以前有分別，好似冇咁好食，以前是不是就會掛住想落嚟食碗麵，但係今次食完之後就再冇呢種感覺。

今日想食個滿足小小既Lunch , 春水堂開咁耐都未坐低食過因為覺得佢都幾貴個價錢我可以有其他選擇今日就比次機會佢啦😎今日重點唔講佢個牛肉麵，應該大把人食過，都知佢咩料，就係貴得嚟好一般😂可以讚既就係唔口渴囉 🤪珍珠奶茶🧋平時我極小會飲，我除咗泰式奶茶之外，就比較喜歡佢既奶茶🥤重頭戲 (☞ ͡° ͜ʖ ͡°)☞ 純粹老娘覺得珍珠熔岩蛋糕🍰 $58吸睛指數💯 海綿蛋糕唔會太乾，Cream好軟滑，仲有黑糖珍珠係不錯不過我私心唔太喜歡食海綿蛋糕如果佢可以專研其他蛋糕底就好喇🤣

打完風,梗係要出街行下,順便衣下肚仔。今次同老公去咗太古城嘅春水堂食晚飯。其實,已經去過好幾次,銅鑼灣同太古城都去過,仍然心思思要去食一食。諗住落咗風球無耐,應該冇乜人去,點知都要排隊。今次特別叫番上次食過嘅"慢煮豬手",因為佢入口溶化,骨肉分離,又夠入味,好食到唔停得口,所以第一時間落咗order。仲叫咗鹵肉飯,麻辣牛肉麵,香酥雞同娃娃菜。"慢煮豬手"真係keep到水準!同上次一樣咁好食!其中有一嚿豬手仲大到成隻滷肉飯個飯碗咁大,不過呢個係細滷肉飯,所以嗰個碗係細啲嘅,總之舊豬手係好大嚿!感覺好似吸收咗好多骨膠原一樣…正!我叫咗一杯熱"鐵觀音奶茶",嗰個茶底真係充滿鐵觀音味,奶嘅泡沫又keep住咁soft,係好夾,好好味,果然係春水堂台式奶茶。其他食物都係standard水準,唔會令人失望咁囉!我下次都會再黎食。

春水堂應是以茶品為主，光茶類佔了菜牌兩版。珍珠奶茶比較飽肚，以我這樣小食量來講還是熱茶配小吃比較合胃口。烘培烏龍香氣濃郁，茶湯金黃。第一泡和第二泡比較甘香，之後味道較淡。喝茶配菜金瓜條，配梅子粉，非常美味。慢煮豬手很入味，有台灣小吃的感覺。豬手煮的非常軟，輕鬆離骨。滷肉飯比較小碗，特別之處除了滷肉還有肉鬆和日本醬菜，減低肥膩。白飯應是台灣米，粒粒飽滿。半筋半肉番茄牛肉麵：整體上菜快，服務態度不錯。就算一個人也可以叫幾樣小吃來填飽肚子，有點台灣夜市的感覺。

真係差到忍唔住要獻上第一次食評叫左麻辣半筋半肉麵成碗麵得三舊肉 兩條手指尾咁長既牛筋仔重點係舊肉鞋到一個點！每一舊都乾到起哂絲！柴皮過湯渣！每一舊都係咁要$82一碗 真係無下次！員工做野心不在焉 落單完全無留心聽態度又唔好 咁樣都好意思收人加一？

天氣熱，今日去太古城商場行下街。經過春水堂買左杯凍珍珠茉香奶茶飲下濕下口，價錢係31蚊。飲頭兩淡已經被冰碎塞左飲管，咁整通佢再飲啦，但飲多幾淡已經無晒，而且珍珠又唔多，茶味又淡，無理由咁快飲晒架! 介開個杯蓋一睇，頂~冰多到超過個半隻杯，飲到嘅奶茶唔知有無100ml ! 飲咁多次奶茶無一間咁搵笨，多多冰又少珍珠茶又少，我唔係買思樂冰沙冰丫麻! 買果時都無其他人客，但係都等左幾耐下，blacklist 無下次!

自從春水堂嚟咗香港開分店之後ㄧ直都想搵機會試，可惜每次週末經過都見到好多人排隊。趁平日夜晚約咗朋友喺太古城食飯，於是就提議不如食依間。夜晚7點幾嚟到，唔算好多人，排咗10分鐘左右已經有得入。店內裡面嘅環境都幾寬敞，坐得舒服。今次嚟到一心想試下佢嘅牛肉麵，於是就叫咗最經典嘅紅燒牛肉麵。另外仲叫咗個炸物小食同埋必點嘅珍珠奶茶。食物都上得快，唔洗等好耐已經有得食。➡️ 紅燒牛肉麵 (半筋半肉) 【$82】牛肉大概有4-5件左右，筋同肉差唔多各一半。佢啲牛肉煮得非常淋，入口即溶，充滿骨膠原。依款麵嘅湯底唔係嗰種中藥藥膳湯底，都食到有牛肉鮮味嘅，不過我覺得如果可以再濃郁啲會更好。牛肉麵全部清一色係幼麵，雖然我覺得粗麵掛湯力會更加好，但幼麵都唔錯 。不過有個嚴重嘅敗筆係我覺得啲麵煮得太淋，略嫌無咩口感唔夠彈牙，個人中意食啲比較煙韌嘅麵。佢牛肉麵分量都Ok, 食完啱啱好夠飽。不過坦白講依個價錢食碗牛肉麵真係貴咗少少😭 ➡️ 金沙芋泥丸 【$48】佢嘅小食選擇其實唔算好多，反而滷味比較多，不過今次嚟都係想食炸物。本身掙扎緊叫黃金香酥雞定芋泥丸，但因為諗起平時已經食咗好多鹽酥雞，所以今次都係試下其他野。芋泥

春水堂以前係台灣好出名,淨係飲奶茶同輕食黎到香港慢慢變左好似綜合式餐廳連飯麵炸雞都有得食台式滷味 ,養生雞湯米線 牛肉麵 滷肉飯 同招牌珍奶茶滷味大腸滷得夠入味又彈牙滷肉飯個醬汁好濃味要拌勻白飯食味道就剛好牛肉麵係紅燒湯底 入口清甜濃而不油膩牛肉麵既3件牛肉燉煮到好軟淋入味,非常好食比較特別係滋補既烏雞養生湯麵 有少少酒香應該係花雕酒香 同時又聞到麻油香氣入口有少許中藥材香,感覺好養生滋補既湯底 入口順口不燥食完好暖胃評分8/10消費$300太古太古城道18號太古城中心1樓102號舖

太古城中心 春水堂城門水塘 - 大水塘＞中水塘＞篤水塘＞春水堂 今日行完城門水塘超級肚餓，一落到太古城即刻去春水堂醫肚!!今日我地要制霸所有水塘(堂)🤣 我點左個紅燒牛肉麵 + 珍珠奶茶，男朋友點左個蕃茄牛肉麵，加左個魯肉娃娃菜同埋鹽酥雞😋(兩條友叫咁多野食，證明我地真係好肚餓🤣🤣)首先黎既係我既珍珠奶茶🤤🤤係台灣味道既珍奶😋珍珠煙韌又有黑糖甜味配合返唔太甜既奶茶，味道岩岩好！好味😋推薦👍👍👍👍 之後黎既係魯肉娃娃菜🤤魯肉好好味 有肥騰騰既香滑但係食落唔油膩😋娃娃菜有d硬唔夠淋，我個人本人鐘意食淋到就快爛晒既娃娃菜🤣所以覺得個娃娃菜有dd普通唔夠好味，但係個魯肉真係好出色😋 下次都會再order,但係要特別註明「娃娃菜要煮淋d, thx🤣」 紅燒牛肉麵同埋蕃茄牛肉麵一齊到！牛肉好淋，幾有牛味😋牛肉冇筋，冇咬唔開既情況出現!麵質都唔錯，唔水太淋又唔太硬，軟硬適中!冇出現麵團煮唔散既情況!但係紅燒個湯底有d咸同埋好油膩🥴我個人覺得麻麻地🥴男朋友話佢碗蕃茄牛肉麵好好味😋蕃茄湯底冇油膩感，蕃茄唔酸帶甜!夾埋個牛肉食一流!(早知我叫蕃茄湯底啦😫，後尾我都偷左d蕃茄同湯底黎食！真係正過我個碗好多😋

👧🏻👧🏻👧🏻👧🏻今次👧🏻👧🏻👧🏻三缺一黎到太古城中心食飯相聚😚係傾緊食咩嘅時候有太多太多嘅意見🤣最後決定揀一間食得飽，唔太貴，又冇咁heavy嘅餐廳，於是就黎到呢間久仰大名嘅春水堂喇🤩一去到唔使點等位，仲好好彩有卡位坐添呀😍雖然一開始係想食輕盈啲，但最後都每人叫咗一份主食加杯飲野，再share埋個甜品🙊要Foodie食少啲真係一大難關黎🤣✧✧✧✧✧✧✧✧✧✧✧✧✧✧✧✧✧✧✧✧ 1）牛骨濃湯牛肉麵 HK$82呢碗牛肉麵賣相唔錯，牛骨濃湯唔算太濃，但勝在唔會好重味精，飲晒啲湯都唔會好口渴👍🏼 麵底好有咬口，牛肉亦都煮得好腍幾好食，啱晒👧🏻呢啲冇牙婆😎😍賣相：🌕🌕🌕🌗🌑😋味道：🌕🌕🌕🌗🌑2）珍珠熔岩蛋糕 HK$58呢個甜品賣相真係一百分呀💯同menu上個樣一模一樣，完美還原😚海綿蛋糕唔會好乾好實，上面嘅cream都好軟滑同埋唔會太甜😎再加上黑糖醬同埋粒粒珍珠，真係少女心爆發😍雖然味道都唔錯，但冇想像中咁驚艷🙈😍賣相：🌕🌕🌕🌕🌑😋味道：🌕🌕🌕🌑🌑3）朱古力珍珠奶茶 HK$38呢杯朱古力奶茶賣相同樣令人心心眼😍朱古力味好香好濃，啱晒一眾嘅朱古力迷😎撈埋係面啲朱古力味餅乾碎黎飲，口感都頗豐富🤤但

今日晏晝去左太古城間春水堂eat I eat ，大概五點半左右，發覺都無咩人，唔洗等位就入得了。#呢間環境都坐得舒服夠大我地兩個人食，就叫左2杯飲品1個甜品。1.珍珠鐵觀音雪糕吐司$58 #極度推薦大家食🤤佢哋嘅吐司好鬆軟，廚師好細心切開四舊俾我哋食 。然後個cream同個鐵觀音雪糕真係好夾，無得頂😚😚😚 2.朱古力珍珠奶茶 $38 #好似新推出甜度同冰度都係冇得揀，朱古力好濃，奶茶味唔係太出，不過都幾好飲，當好似朱古力奶咁🤤3.珍珠奶茶$32茶味好濃同好滑，整體都好好飲，果然經典野係唔會伏🤫最後埋單$140，係開心嘅下午茶☕️😍🤙🏻春水堂（太古城中心）

春水堂係香港都已經開到周圍都係，應該都冇咩人唔識架啦。不過近排同3個朋友一齊去食，影咗幾張幾靚嘅相，就順便update下啦。例牌去春水堂必會食牛肉麵同飲珍珠奶茶，因為牛筋好淋，牛腩都入味，珍珠奶茶就唔洗講啦。另外個人必食推介就係滷香牛肚，又係超級入味。魯肉飯都Ok，但細細碗都要28蚊架。最後加埋個珍珠鐵觀音吐司就非常滿足。最後想講係整體上春水堂價錢係偏貴少少。打卡度：📸📸📸好味度：🤤🤤🤤🤤舒適度：🏝️🏝️🏝️🏝️御品三寶牛肉麵 $98鐵觀音珍珠奶茶 $34魯肉飯 $28滷香牛𦟌招牌滷味豆干米血糕 $58半筋半肉蕃茄牛肉麵 $92鹽酥雞珍珠鐵觀音雪糕吐司 $58