暌記潮州飯店 (已結業)

話說，正值父親節，爸爸又行動不便，諗住特突搭車出新蒲崗買打冷外賣孝敬下老豆。 我買兩樣嘢，鹵水豆腐拼魷魚同豬腸，加碟咸菜魚，嗰收銀伯收我$145。我得張500蚊紙但有45蚊，咁咪諗住畀545，找400就啱啦～點知阿伯一開始話「我邊有咁多100蚊找畀你！？無呀」我心諗：你間嘢咁好生意，邊會無散紙呀，咪呃我啦。我唔理佢，照擺低545，就睇佢找唔找到4張100蚊。最後，又係死死地氣找番100蚊畀我！講大話！ 但最嬲既係！唔知係嗰收銀伯伯之後寫單特登寫漏定點⋯⋯我返到屋企，碟鹵水雙拼無魷魚，得番豬腸！錢照收，但就無畀貨！呢間嘢真係恃住自己老字號就掛羊頭買狗肉！你老人家守店我都係咁話，做生意做到咁無品。早知幫襯陳儀興！

同跑友在郵輪碼頭跑完步！要補充體力，但又唔想食太多，跑友建議食打冷！我二話不說提以平靚正(暌記潮洲飯店)，之前常來，所以跑友都讓我點菜，不用多説就叫好久沒食記掛很久菜色！滷水鵝！味道適中肉質細嫩超正滷水雜錦！炸蠔餅！炸得夠鬆化招牌三宝！家鄉菜食必食椒鹽鮮魷！雖然很久沒有幫襯，但水準無變

自從看過X之美食家介紹過這間打冷店後，一直想來試試. 可惜初五那天摸門釘，原來初七才營業，決定一星期後再戰~ 元宵佳節當日，下午4時左右已到新蒲崗了，因為網上找不到這店晚上的營業時間，決定早點到來碰碰運氣，原來店子晚上6:00才營業，所以就於附近到處閒逛. 吃了米芝蓮糖水，又吃了好評如潮的粢飯、鹹豆漿，當然也不少得於吃魚蛋、腸粉la~ 雖然不斷的吃吃吃，卻還剩一小時才到6:00，怎樣才能消磨時間呢? 幸好這舊區有一個新式的商場—Mikiki，剛巧有Thomas小火車的展覽，讓我拍拍照，因為我的小表弟是它的超級fans!! 離開Mikiki，就來到暌記吃早飯了，雖然只是5:50pm，但已可進店了，也有些一人食客比我們還早呢! 店員也圍着一起吃晚飯，也正好趁這段少人時間拍拍照. 店家環境比我想像中好得多，簡潔乾淨、燈光明亮，店員亦都頗有禮貌，其實本來對於服務方面也不敢有期望的，就是大排檔形式的菜館嘛，也可能是我們來得早，客人不太多，服務當然也好一點la! 食物方面，其實早在新年期間已想好吃甚麼了! 不是誇張，我可是非常之為食，已差不多看罷別人給這店的食評，

今日行完大東山，腳仔軟住揾食！🚶🏽‍♀️🚶🏽🚶🏽‍♀️🚶🏽🚶🏼‍♀️🚶🏻‍♀️完全係一枱饑民嚟到暌記，只用左一個鐘喪叫喪食🐷，非常盡情。好彩係平日，唔需要多等位，如果周末呢度就有排等！暌記絕對食得盡情過九龍城果兩間老店，食物質素亦唔會比佢地差，喜歡打冷的朋友要試一試！只求實際不重裝潢的掛牆餐牌，全部都幾廿蚊貨仔，抵食！呢度好街坊好地道，位置其實係垃圾房隔離(雖然係咁但係店內冇臭味，而且清潔)，高貴嘅人就唔好去！呢度廚房同上菜都好快，啲阿姐又好好，我哋跌咗筷子，又或者要多兩支匙，阿姐好爽幫我地攞，而且仲已經用滾水沖過了！儲膽固醇最佳食物🐙🐙，一次半次唔緊要啦！大大碟！可惜鵝腸多過墨魚片吖！Oh！Baby，d汁汁太鹹了！嘩😮！你睇你睇！鵝片幾油潤！又唔會一層肥皮喺度，我唔多like鵝嘅都食咗舊，絕對冇酥味！下面墊住油豆腐，我就食得最多啦😬！一樣係呢啲滷水汁太鹹！呢碟四寶分別有芋頭、墨魚、糯米，另外一款係咩就唔記得，但係我為留肚，只係食咗我最喜歡嘅墨魚，好味道！多墨魚🐙🐙！但留意多人先好叫呢碟，真係少吃多滋味；多吃好肥膩！好滯吓！炸大腸，望個樣都知好味啦，炸得透，好脆口，一啲都冇難聞嘅味道。炸蠔餅，

“新蒲崗，日間附近工廠商廈林立，入夜後宵夜食肆同樣林立，這裡日與夜都總是人潮湧湧...今次夜遊新蒲崗分享這間潮州打冷店。暌記°*炒蜆，特別在於用麻辣伴炒，刺激味蕾，十分野味，份量蠻多！*椒鹽九肚魚，炸粉厚薄適中，外脆内軟滑！*蠔仔粥，蔥花,莞茜,豬肉碎伴煮，都是全統制法，不過不失！*拼盤，這是自己行出小廚房看中那款喜歡的叫店員落單，有很多選擇，自由配搭。當中的釀菜味道很特別潮州特產，小食涼菜，伴飯伴粥吃一流！*滷水豬耳鵝腸，夠入味，鵝腸沖洗得清潔。*後記：唯柯打啤酒，店員郤忘記了多次，要重覆叫，不竟繁忙可以見諒，其他的服務都可以。

話說呢間飯店我與家人來過幾次，初初都ok，但呢2年越來越不知所謂，不但食物質素差，侍應生態度仲差。今天晚上應媽媽的要求再前來光顧，但無論食物質素及服務態度都是十分惡劣。侍應生或老闆娘的服務態度也是十分差，每次找人落單也沒人理會。食物方面，椒鹽骨似從非洲空運回來……與侍應要求更換，得來的答案竟是“椒鹽骨”是這樣的（難道我從來沒有食過此食物嗎？），另外蠔餅更不值一提……粉漿太厚又冇口感。總括而言，以後也不會再光顧此店。

鹵水鵝片...去食打冷必點..中間仲有豆腐墊底..d鵝肉有少少鞋口..細細聲係到講其實我覺得豆腐仲好食過鵝片俾個配角搶晒鏡...因為d豆腐索晒d鹵水汁..勁香勁入味!

同屋企人去食潮州打冷.暌記依間鋪真係唔憂做，只做晚市，無論朝早中午下午去到都只會見到緊閉的大閘。今次三個人去食，叫了三道菜，一道青菜，一道沙拉骨，一道潮州三寶。青菜炒得沒甚麼特別. 沙拉骨卻做得很是香酥可口，下飯甚佳，招牌四寶姍姍來遲. 所謂招牌四寶，即是炸粿肉、炸芋頭卷、炸墨魚卷和炸糯米大腸，當中，我最喜愛炸墨魚卷，貪有粒粒墨魚膠比較鮮美，但整道菜仍然是頗令人失望的，因為四寶都摻入太多粉了，太少肉，吃下去十分容易飽肚，但肉香就遠遠不足了.

潮州打冷今日第一次寫食評，當然要揀番間屋企附近嘅好嘢食。呢間暌記開咗響新蒲崗都好多年，雖然響垃圾房隔離，但好多時夜晚都座無虛席。咁受歡迎當然有佢嘅原因啦，所以今日同小學同學敘舊，就選擇左黎你度，貪佢夠平又好食！我哋一坐低，就叫姐姐來介紹有咩好嘢食，姐姐話椒鹽鮮魷，胡椒豬肚湯，椒鹽豆腐，蠔仔粥都好多人點！ 先講講蠔仔粥，我哋七個人點左個大嘅蠔粥都好夠分，蠔粥好足料，豪仔肉同瘦肉嘅比例差唔多有一比一，同埋粥底都好杰身，唔會食粥食到好似飲水咁，而且啲米煮得唔會太林，咬落有口感，個個都話正！ 再來椒鹽豆腐，豆腐炸得金黃，有落外面硬硬地，但入面好軟，而且味道鹹鹹地，上面仲有啲炸蒜，非常惹味！ 呢個八珍煲都好唔錯，朋友話呢個好抵食，估唔到入面有大蝦，粉腸，豬潤，豆腐，呢煲野真係好足料，而味道就好似平時食豆腐火腩煲嘅醬一樣，好正！

中學同學飯聚 好耐無見了遲到食飯，所以無影相添今次揀潮州打冷，因為方便、快捷、最緊要可以大聲傾計！一行七人，叫左九道菜。打冷野都係果幾味必叫既：蠔仔粥、蠔餅、八珍煲、炸大腸、鵝腸、炸頭腐、椒鹽鮮魷、豬肚湯、豬紅。幾道菜都不過不失，蠔仔粥最夠味，多蠔，飯又煮得入味。炸物方便，都夠火候，油都算新鮮，唔係萬年油。豬肚湯、豬紅、鵝腸，味道就稍為控制得無甘好喇。八珍煲係驚喜之選環境方面，的確可以比我地大聲講野，因為隔離台更大聲一行七人，食得超飽，一人一舊，現今世代，算好抵了！

因為遲大到去食野，都冇時間影相，拿拿食哂d 野就算。叫左個啫啫雞煲，d 味幾濃，不過好多骨，好多都碎碎地。份量ok，煲仔上都夠鑊氣。同埋要左個蠔餅，好多炸粉，蠔仔應該偷工減料左。同埋d 鹽佢落左好多，搞到好咸好重口味。如果唔係去新蒲崗搵fd 都唔會過黎食。希望下次d fd 唔好再揀呢間野，唔太好食，又貴

翠塘滑豆腐完全沒有豆腐的味道 蒜容勝瓜沒有味道 太油 賣相太差 蠔仔粥味道太淡 比較可以接受的菜是椒鹽九肚魚 幸好沒有魚腥味 總結 沒有下一次 用餐環境 太嘈吵 與同桌談話都要緯較大聲量才可聽到

因為有個朋友係新蒲崗附近玩槍，佢樓下就有間潮州打冷，叫暌記，咁我地去試下啦！我地叫左個鹵水大拼盤，但係呢個拼盤又唔可以拼鵝片，但係我地又好想食喎，唯有另嗌啦！呢個大拼盤值得一讚！因為佢有樣野好正，就係佢既墨魚片喇！佢做到非常爽口，好有味，唔似平時出面唔知食左d咩冇咩味果隻。真係非常非常好食！拼盤入面有鵝腸，紅腸，芽菜，鹵水豆腐同大腸既，每一樣野都好出色！連紅腸都好好食喎竟然！因為佢既精髓就係佢豉油做得非常之好！佢個鹵水就係帶甜，本身我都好鐘意食甜d既汁，所以我覺得好好食！不過鵝片就麻麻喇，都幾鞋下，雖然佢幾薄，但係食完會有渣，not good not good。朋友熱烈推介我地食蠔仔粥同炸蠔餅，呢個蠔仔粥好足料，一煲入面有好多蠔仔！加埋d肉碎又真係好好食喎！好鮮味，完全唔洗加胡椒粉。個蠔餅炸得好鬆脆，仍然都係好多蠔仔好足料！不過因為d粉漿吸哂d油，我覺得比較油膩。最後緊係要整返個菜，叫左蒜頭炒A菜。炒得好好，好有獲氣，條條都會掛到少少清湯。唔會太油同太咸，炒得非常之好食！最後叫左炒沙芋，炒沙芋姐係將糖同一條條既芋頭一齊炒，炒到芋頭熟哂為止。你睇到佢個樣可能會以為佢好甜，但又唔係喎！拎起

好少食打冷，因為唔太鍾意好鹹既食物，不過依間有雜誌報導過好味，朋友又話好食，今次終於可以一試了! 位置唔算顯眼，朋友間唔中去食所以熟路!檯與檯之間好迫，而且非常非常嘈吵，成餐飯都要大大聲對方先聽到，好辛苦，不過幸好冷氣足夠!3人叫左4餸一湯，好多都上菜好快，不過每樣都幾鹹下，要係咁飲茶，我終於明白點解每張檯都有一大壺茶! 所以第2日都胃有d痛!最快到係潮州三寶，蜆仔真係好好好細粒，不過無沙唔錯，花生蘿蔔粒都幾惹味，中間咸菜粒都ok!胡椒豬肚湯，個人唔太鍾意豬肚，所以無食過豬肚，無咩胡椒味，咸菜都ok!蠔仔餅，熱辣辣，蠔仔新鮮程度一般，分佈得唔太好，一邊有蠔仔一邊無蠔仔!鹵水鵝片，鵝片薄左少少，食完上層鵝片將下層豆腐乾片同芽菜浸下鹵水汁食唔錯!唔記得咩名咸菜唔知咩魚! 我無咩點食，所以不作評價，不過賣相一般!叫左2碗白粥1碗白飯，白粥幾綿，不過白飯一般!

這家飯店我老公很推薦，其實本人對打冷很一般，不過這次我們叫了三道菜和一個湯，味道都很好！服務就差一點，明顯人手不足，等很久想叫人來落單，中途有3位店員看到都回應一句「轉頭過來」，跟著繼續忙自己的，無左件事！最終我表現到很不耐煩的表情才有人幫我們落單！鵝片不錯，沒太特別！西蘭花炒鮮魷炒得剛好，很爽口啫啫骨排煲很讚！味道很好，配飯吃一流！胡椒豬肚湯也很出色！味道就是吃得出沒有太多味精，也不會太油這餐飯大約$2XX ,很抵吃！會吃煙的朋友還可以坐out door !😊