會所1號 水中天

营业中

休息中

自從大概一個月之前呢間沙田畫舫分店因為上次10號風球水浸左所有升降機之後維修妥當恢復營運，我和爸爸及親戚都來過一次食午餐，今次是第二次，順便續會，$1408，有$300是手續費，其餘的可以扣數，會員可享七折，全線會所1號適用。今日我和爸爸二人食午餐點左：1. 筍尖蝦餃王$50 - 有水準2. 花膠元貝燉瓜脯$88 - 總共有兩大碗，看來是將高湯注入燉盅之內加埋節瓜及花膠元貝燉的湯，味道濃郁，這兒飲湯很抵。3. 肉絲炒麵 - 雖然都好味，初初開張的時候更加好，炸麵餅是用焗爐焗的，肉絲不是白色的，所以應該是幾新鮮肉，沒有用梳打粉乸白，可是芡汁的做法師傅沒有之前那麼好。4. 茗茶$28，點了水仙茶，質素很好。這裏環境舒適，服務也很好。埋單七折之後$220，即是每位消費$110。

幫襯過以前明星畫舫都知，勿論酒家入面環境，其海鮮是新鮮好吃的。自上年五月，被club one接手後，冇錯，畫舫的外表及內在裝修，確實亮麗了很多，但食物真大不如前，甚至差過其他我去過的club one, 真的浪費了這好地方。波士頓龍蝦是炸的，隻龍蝦仲要應該一早神仙左，所以D肉梅梅地，可能因為咁要炸上，才可蓋左D嗅味。龍躉魚塊$288，我地五個，一人分唔到一件，塊魚仲要有雪味，真係好過份。成餐飯，除左個瑤柱蛋白炒飯叫做炒得乾身，食得下之外，其他真係算吧啦。一句講完：金玉其外

約了朋友來聚餐，環境確實不錯點了數個小菜，菠蘿咕嚕肉咪道不錯，叉燒中規中矩，雜菜煲尚可，琵琶豆腐偏鹹。天氣冷，見隔壁桌點了羊腩煲，也跟著叫一煲。上菜時，表面浮滿枝竹，未見羊腩蹤影，仔細翻翻煲內只得廖廖數件羊肉碎，羊腩煲價錢是388（未計加一），實在是難以接受向侍應反映，希望同經理傾傾，我們見到侍應立刻找經理匯報，誰不知經理實行「拖字訣」一直滿場走，還故意迴避我們，前後分別問左幾個當值侍應，等了足足十幾分鐘，三催四請才叫來經理經理很有信心咁話入面一定有12件羊腩，話一定唔會呃人，之後橋埋雙手，仲要求我們自己係煲來筆d羊腩出黎，叫我地自己數下友人叫經理數，經理話：你自己數下先從煲來翻來翻去，找出幾舊幾3/4麻雀大小的肉，我們追問：經理，點為之一舊？經理沒有正面回應，並囂張道：你數哂先講我們不明白為什麼經理要指揮客人做野，但仍然沉著氣繼續數最終，數不出羊腩有12件，除非連肉碎都計，根本就似唔夠材料放多堆枝竹濫充搏大霧經理再說不出話來辯駁，只是說會退錢，連半分歉意也沒有😡😡😡我地俾經理激到一肚氣，叫埋單走人，去第二度再食過！🤮🤮🤮🤮

本身係沙田之友，而且早前又做ClubONE會員，餐飲有7折，當然見到水中天開張好開心啦，因為又多左個選擇。黎到見到ClubONE以美極醬整的菜式優惠，菜式包括有美極石窩秋葵，菌王川汁牛小柳，川汁大虎蝦，及龍皇汁翡翠小生蝦，所以我地今次叫左秋葵試下。當日係超寒冷，特別係沙田人比市區更凍，所以食呢個石窩秋葵，即時覺得暖粒粒。而且ClubONE好多食物都以海鮮及肉類為主，所以叫這個秋葵較多，較清淡既菜式，都係唔錯既選擇。另外我地叫左肉絲炒麵，佢比想中大碟好多，而且味道唔錯，麵餅夠脆，值得一讚最後我地叫左脆皮燒腩仔，可能天氣太凍，所以燒腩仔上碟時都凍了，係唯一遜色的地方。因為係婚宴場地，所以ClubONE環境唔錯!

畫舫 相信係好多沙田友(+划艇人) 嘅回憶，今年年初明星海鮮舫結業改為由主打婚宴嘅club one承接，真係冇諗過機緣巧合下，小編竟然會有機會坐係易左手嘅畫舫食嘢😜🤭.新畫舫改左名做水中天，其實都幾合適，上星期山竹襲港時，沙田河濱幾乎全部被水淹沒，畫舫就變成左孤島，彷如諾亞方舟🚢🌊.食物比我期望中好好多，響螺瘦肉雞湯好甜，圖二圖三嘅煲仔同炒大蝦都好夠鑊氣🔥 小菜都幾有新意，而且行小清新路線，例如圖一嘅嘅鮑魚pastry，中間就有好大碟沙律菜🥗，其他傳統一點嘅菜色都唔會話好油🤓😋.另外，裝修加左好多under the sea 嘅元素，例如有⚓️標誌，燈光也比以前明亮，不過基於外牆所限制，都係冇360度0死角河景🤭.

從燉煌畫舫到現在的Club One 水中天,不經不覺都已廿多年了，記憶中，期間還好像易手轉過是明星海鮮舫，總之這裡都是圍繞著水上的畫舫感覺，名字美麗，每每都是喜慶飲宴才會到來，今次久別重蓬已成為會所一號的水中天，名字相當有氣勢從外觀看，外型無乜大改變，但進入食店發現Club One 裝修都幾落本。進入會場，看見一張大大的龍床，氣派非凡Club one 一向都是作喜慶宴會、婚宴、百日宴等⋯⋯今次我是來飲壽宴，其實朋友原意只不過是希望訂間房，打打麻雀聯誼一下朋友訂的房間是玫瑰廳，名字很美，以紅色為主題，相當優雅由於菜色是由主人家安排，所以唔清楚價錢，但頭盤的乳豬燒味拼盤，相當味美，尤其那脆皮义燒鱔，帶有义燒的蜜味，燒得脆脆，朋友們大讚海鮮: 朋友話長腳蟹合這季節食用，另蒜蓉粉絲蒸蟶子不過不失。反而燉湯足料夠粉量，飲完個湯，我已飽了八成花膠冬菇鵝掌炆鮑魚，唔算太入味。另炆牛筋條配飯一流蒜子濃湯薏米冬瓜，清清哋，令你更有力量去除油膩再食另一個菜苦瓜炆班腩幾野味老乾媽醬炒芥蘭花，辣味十足韮皇伊麵，去到依個階段，我已飽到不能再食，只是試了一啖伊麵，但覺得煮得太淋身甜品真是另一個胃，無論幾飽都吃得到

星期日最好的家庭樂就係同屋企人一齊飲下茶傾下計 簡單又快樂😄😀今次去了沙田嘅Club One 新開左幾個月 所以去trytry😉☺️地點不算太方便 但非常適合駕車人士絕對有足夠的車位🚘🚙🚗🚕🚖🚘麻醬素雞絲 係冷盤嚟嘅 伴菜有青瓜絲🥒紅椒 黃椒 所有食材撈埋都幾好味😄😀味道都幾好味喎 感覺都幾健康 哈哈👍🏽👍🏽不過略嫌份量較少 多返少少會更好咖哩蒸土魷 超好味 魷魚都算係大塊🦑咖哩味道適中 唔會偏咸同偏辣 怕辣的朋友都可以食到😄😀👍🏽蠔皇鮮竹卷 我以為真係會有蠔肉係入面🤣😆原來係得蠔油汁 入面啲材料都係蝦肉 大大粒 都係啖啖肉嘅👍🏽😄叉燒膳 完全係同圖片不符啵😩😫$118只有很少 味道都可以 算係特別 出面好少酒樓可以食到 係同時食緊叉燒同膳的味道 但無論賣相同份量都不值$118😠😕潮式反沙芋 得六舊咋 真係好珍貴呀😩😫又整得幾好味喎 甜度適中 不過糖都有少少厚 芋頭幾淋 又夠哂熱 正 多返幾舊真係仲好🤣😆鳳爪一籠得四隻咋 但係都幾大隻 又整得入味 算係咁啦 heehee😁😁鮮蝦菜苗餃有三大隻 真係食到啲餃🥟入面有大隻嘅蝦肉 我覺得真係幾好👍🏽👍🏽蒸的時間又剛剛好 皮薄函靚😄😀點心 整體嚟

自從Club One 開，總覺得應該要去試一次，但係佢個位置並不吸引，因為如果人太多，揾唔到位既話，冇咩退路，唔似喺石門，一間冇位，仍然有好多不同類別的選擇。最終的起心肝去試下，一到即被問有沒有book 位，驚到以為要即刻走，原來只係太多人book位，要個半鐘交枱，合理呀！起初蹰係太多人，所以幾靜，服務周到，後來差唔多坐滿哂，服務就一般了。之前上網、聽人地講話價錢貴左好多，但埋單時又唔覺，起碼你俾既價錢，食物有番咁上下，唔似以前，又貴又唔好食。食物方面，腸粉皮薄，炸饅頭非常細粒，蘿蔔糕多蘿蔔絲，黑芝麻煎堆仔即炸，好味。其他就普普通通，一般水準。一試無妨😉

位於沙田安平街一帶有一座古老建築🏡，之前都係飲茶嘅地方，今年由Club One接手，水中天就誕生喇！😋整棟共三層高，外面有個噴水池好適合影相⛲️G/F為reception，1/F飲茶，2/F婚宴廳。另外食客可以渣車黎，消費可免兩個鐘，泊車每個鐘$20，目測都有大概4X-5X個車位🚗👀餐廳嘅裝修：原來好多人book左窗口位！等我下次又黎坐先😝🍵裝修十分華麗，搞到我覺得自己好underdress😂，相信上一層嘅婚宴廳會更靚。我同爸爸媽媽大概11點黎，事先打個電話打算book枱，不過佢地話直接黎得架啦。可能11點仲早，大概正午12點先比較多人入黎飲茶。以下係我地叫嘅點心：所有點心都係即叫即整，非常新鮮，熱辣辣咁上，我地一共叫左兩輪😋本人最喜歡煎堆仔、秋葵&吊燒雞。嘢食方面大致上可以分為：蒸&炸點心、粉麵飯、燒味🍖、腸粉、甜品🍮、燉湯🥣等，價錢屬於中上，以沙田區算稍貴。服務方面完全無漏單，而waiter waitress都好有禮貌，唔會見你食完就好快收晒啲碗碟，可以話呢度啲員工train得幾好👍🏻而飲茶黎講可以話係典型嘅家庭聚會之一，見到其他枱大部分都係一家大細男女老幼黎食。希望下次黎試試佢地嘅

水中天開幕冇幾耐，咁岩又係沙田想搵下好野食，一於就去試下先。船型設計又具有歷史價值的建築係香港真係好少數。見到水中天外觀有重新裝修，入去見到內裹保留舊有的裝潢，令人有時光倒流的感覺。首先睇下個菜單，無牛不歡的我一見到呢味小菜就二話不說下左單石窩蒜片牛仔柳，熱辣辣吱吱聲上枱，一黎到已經好香蒜片味，見到大大塊煎得表面焦香的牛柳，入口軟熟多汁，送飯一流。XO醬野菌花膠蚌柳，XO醬香辣惹味，花膠軟身入味，同爽身脆口的蚌柳形成截然不同的口感。雞湯蝦球泡米線，大大碗的米線，米線上枱後放左一陣都仲好爽口滑身，啖啖都充滿雞湯香味。仲有大大隻爽身的鮮海蝦，一碗最少都有六，七隻，非常岩一家大細食。鮮茄野菌濃湯雜菜煲，野菌味好香濃，加上鮮茄酸酸地好開胃。雜菜同粉絲吸收左菌湯後更加鮮甜，加上份量真係好多，好飽肚。除左食物係水準之作，環境同服務都好好，今次又俾我係沙田搵到好野食啦。

住得近，係岩岩裝修好的一個星期日下午14:30行去諗住試下新酒樓。去到門口有個牌寫住週末午市只去到15:00，結果行返去石門食開個間。今日再諗住試下，12:15去到。接待處知客問有冇book位，冇book 位冇位，話佢地分10:00-12:00/12:00-14:00要book 位先有枱。前身明星午市開兩層，多人開埋地下個層，而家clubone 淨係開一層，根本唔希罕做午市生意。上黎睇睇仲有幾個食評中伏，想中伏可以去試下，記得book 枱。

沙田有間新既中菜館開咗，一於去試下。其實呢個位置之前都係做中菜，但日子久了就越做越差。雖然呢間新開既，心態上都於咗會中伏！今次揀咗閑日嚟試，訂咗枱下午1：30，客人唔多，坐位舒適，地面干淨冇油冧冧。環境整體唔錯。最愛食燒味，呢度D义燒同雞冇令我失望，希望間餐館keep 得住水準喇，我仲想嚟開餐架。炒得幾干身蝦夠大粒流心奶王包之前睇過開飯，話呢度join 會員有7折，其實嚟到都已經唔記得咗件事，但我地一坐底服務員已經勁有♥，介紹會員有7折，仲以為咁落力推要另加收會費，原來又唔洗另收錢喎！咁梗係即該join 喇！有折喎！一定會再嚟喇！

點菜時, 阿部長前後三次問: "你唔叫套餐！！？" 我明明講左套餐唔啱食, 仲問!!!我唔叫套餐, 阿部長黑面上菜, 點左十個小菜, 九個都難食, 個燒鵝又柴皮又無味, 得個蕃茄腐皮翡翠苗正常Ｄ仲有,我地叫3個白飯2個湯米, 阿部長轉頭鞋囗鞋面走埋黎:"湯米!?煮好耐喎!要廚房專登煮"妖!有就有,無就無啦!講咁多癈話我地話:"算喇, 咁轉2個湯米做白飯啦,前後5個白飯"然後分2次黎左4個白飯, 我地話仲差1個喎,阿部長唔好老脾樣:"咁你依家係咪要加單吖, 加多個飯係咪吖！？"成餐飯 : 價錢貴!服務差!好難食!

本人自從2002年到現在也沒有到這裡飲茶或者食飯，而且也易了兩次手之多，由敦煌畫艕到明星海鮮酒家其後再轉手到而家會所一號，今次到來純碎是因為看到這間食肆好像很高級的樣子，所以便到來試試看。先從多方面來說:首先、從訂位留座開始說起，因為到來前巳訂了座，所以只需要同知客說一聱就可以，但是問題出在知客身上完全心不在焉，第一次巳講清楚有多少個客人，但是等了一段時間可以入座啦，但是那個知客才發覺有問題，結果又要重新等待，直到有位置時也等了足足二十多分鐘，此其一。其次、當我們點了點心進食的時候，有一個女侍應推著一部載著一整盤快子的手推車，係要隔梗從兩枱客人中間穿過，而且還要客人起身遷就，就算俾客人質問為何不從寬路過而要從窄路過，仍然可以反駁客人她喜歡從那邊過就從那邊過，簡直離哂大譜，妄顧客人安全，此其二。最後，亦都是一般食肆都會犯的毛病，就是差不多落埸的時候在催促客人快點落單或者預先埋單，再不然就是在身邊不停轉椅子和枱子。擺明趕客走的樣子。

2018年7月3日早上11:30一行三人到這間原來開幕已有一段日子（5月1日）的會所1號水中天飲茶兼食飯。環顧四周環境相當優雅走西式路線，接待處著我們上一層，因為沒有訂位關係都沒有窗邊位。我們坐下點了4個點心加上一個双寶。點了魚肚滑雞扎（頂點）、义燒包醬同义燒配合得恰到好處、魚肉腐皮卷、牛肉球（中點）、双寳（C生炆龍㚄頭煵-內有火煵冬菇薑蒜等料頭。加菜粒炒飯）。茶錢每位$15。整體來說中矩中舉，沒有太大驚喜，雞扎啲雞肉有雪味及斑煵有點腥，有些人未必接受到（不過已經加了很多薑、蒜配料辟味，份量亦都多的。）注意双寶星期一至五七折，六日及公衆假期八折。還有店員溫馨提示：會員埋單有七折優惠。大家可以先行到接待處同接待人員表示要求會員卡。此行埋單折扣後$333。