有情有意 (已結業)

因工作關係，今天午餐一大伙兒去了紅磡火車站附近覓食。大家都沒有什麼意見，我便提議到這間由聾啞人士營運的社企餐廳。這間餐廳主要吃西餐，但餐牌上也有日式冷麵或是魚生飯的選擇。因餐廳有部份員工是聾啞人士，每個座位的枱面也放著一張墊枱紙，紙上寫上數字和一些單字或詞語，下單時方便溝通，非常貼心。今次選了香煎西冷扒配紅酒汁的午餐。午餐包括餐湯，今天的餐湯是南瓜湯，外表看起來平平無奇，也沒有花巧的忌廉拉花，可是喝下去竟有一點驚喜，味道香甜而且還帶有啖啖的南瓜蓉，以這個價錢來說已經是合格有餘了。主菜的西冷扒配上紅酒汁，說實話紅酒的味道的確不夠，只吃到黑椒或是香草的味道，似乎稱為香草汁會較為合適吧。西冷扒肉質算是不錯，不太靭而且有肉味，只是吃到最尾的部份稍為煎得過火，有點焦味。跟餐的意粉亦相當有誠意，茄汁連帶蕃茄蓉，而且亦煮得非常彈牙。配菜還有椰菜及車厘茄，以香草稍為炒過，不似一般西餐廳的配菜冷冰冰的。一直以來都很想支持這一類社企餐廳，畢竟要經營這些餐廳必定有太多的困難，如果吃厭了大型連鎖快餐店「倒模」式的食物，不妨多點支持他們吧！

牛扒叫了3成熟，是升級了的澳洲牛扒，沒有太多根，有肉味，火侯很好，真的是juice的3成。。。咖啡較普通。。。位幾好坐。。。侍應很有禮貌。。。好適合傾計最好，性價比高

想推薦一下琴日去嘅餐廳，真係非常有heart，除咗個名『有情有意』配合今次聚會之外，亦係一間聾健共融嘅餐廳，服務我哋嘅係聾人或弱聽人士，真心覺得佢哋服務非常到位，溝通絕對可以應付自如。依d真係社區好需要嘅愛心小店，比多d機會有需要嘅人，食物水準超出水凖，出色意大利餐，而且份量充足，小食亦相當出眾，食物相我就無影，一向好少相機食先，想知味道如何就去撐下佢哋呀！而餐紙上亦有教一d簡單手語，比客人點餐溝通用，仲有可以舉起小牌示意需要，而我哋人多，用手機打上我哋需要dinner set嘅英文代號，比佢睇就落到單，無出錯而食物亦好快到。而切完蛋糕，佢哋仲好有心邀請我哋去餐廳另一面影相，有好靚佈置，如果係員工創作黑版，粉筆畫咗2018 Happy New Year字句，影相出嚟效果好靚，員工亦非常有心機介紹餐廳牆上特式，原來十個仲可以包房，有自己私人空間，一個開生日好地方！地點方便近紅磡站，位於置富都會內，有BB椅，食物亦適合小朋友，真心推薦。

再次光臨，除了味道外，更重要的是這是一間社企一直認為一間社企要一直經營是一間非常困難的事，因此更要光顧，使社會中每個人都得到一個工作機會。首先來了一個豆腐，樣子挺好的，加上了麻醬使不愛吃豆腐的我也願入口擺碟挺美的然後是帶子意大利飯帶子夠熟，入口有香味意大利飯的汁調校得恰到好處，水份足夠而且飯又不會太軟最後叫了一個士多啤梨泡夫山淡淡的士多啤梨味，最喜歡的是泡夫不算甜，平日喝凍檸茶少甜也覺得甜的我，認為這個甜度恰度好處

踏出港鐡Ｃ出口，正當躊躇吃什麼之際，手上接過這小店的＄１０折扣宣傳單，姑且一試。留心一看，這兒的餐紙很特別，寫下基本點餐時的用語，為的是令健聽的食客可跟聽障員工容易溝通。假日午餐多在＄６０－８０之間，有湯，主菜及飲品。食品有日有西，ＦＵＳＩＯＮ十足。一吃之下，發覺這兒的刺身類是一般水平，蘋果醋飯略為過淡；反之牛扒非常出色，亦能做到ＭＥＤＩＵＭ　ＲＡＲＥ效果，加上至愛的連皮薯角，口腹之慾得以被滿足＝）

今日放lunch時,落到公司樓下,正想去food court 時,發現有$40 的外賣lunch😲,有湯,餐茶及3個選擇:1)卡邦尼意粉2)田園沙律3)鴨胸芝麻汁冷麵。這間平時食个lunch都要六七十蚊以上咖,優惠又只係比的大公司及理工學生,我們的中小企就沒有優惠。怎可天天食個咁貴的lunch 呀?好奇下試下啦! 份量arm哂我們細食的OL, 男仕可能不夠飽啦,我就好飽。餐湯係南瓜湯,整體味道也唔錯,不會太咸。外賣盒是微波爐可用的透明盒及用個有手抽的紙袋,真係高级名貴及用心去做的餐廳。$40你想怎? 會繼續光顧的!😋希望每天有唔同的選擇!😉

8號 晚和朋友在紅館看演唱會，show 開晚上8:15，之前在Friends Intalian Restaurant食過一次，印象不太差，於是book張枱6:15，預算晚飯之後行過去紅館。入座的時候，侍應將我們由"Friends Intalian Restaurant"帶到去隔離，感覺上似是去到餐廳的另一個區域，但仔細一看，餐廳名變了"Go Inside"，似乎兩間餐廳二而為一，但由光顧餐廳A變了餐廳B，感覺不太良好。入座之後先和侍應說話，詢問餐廳是否一間社企？侍應的答案很吊詭，說是什麼獨立社企，不受資助什麼的，好像有些難言之隠。難明，還是點餐，我們四個人點了兩客焗芝士海鮮意粉、一客德國豬手、一客黑毛豬豬鞍架、一客三文魚凱撒沙律，大家熟朋友，食物玩共享。上枱時，先來薯仔餐湯，跟餐的餐湯，一向只宜等待驚喜，不要寄予厚望，這個湯也不例外。之後主菜陸續上來，德國豬手輕輕的炸過，做得不錯，只是略嫌過鹹；價值$194的黑毛豬鞍架則令人失望，我無印象Iberico本身的肉味如何，但這塊豬鞍架肉味不濃，調味欠奉，伴碟的蘋果汁漿料也起不了味道，而肉本身肉質也不見鮮嫩，一句總結，這客主菜是失色的。相反，

Dinner set$115起，未計加一。未齊人不準入座，所以必需預約及請朋友準時到。入內環境不太光也不太黑，幾好。這餐廳是社企，有的是弱聽/聾，點餐就指給他們看。先來一個橙色餐湯，味道淡，感覺好像南瓜湯，有點紅蘿蔔似的。主菜原先想點豬手，但見別人的有點乾，所以點了鮮蝦蟹肉黑松露意粉，因太餓沒影相。賣相ok，但不見有蟹肉，蝦腸沒清兼沒調味，十分無味，至於個白汁還可，不會太膩，但黑松露味少到幾乎吃不出。「沒殘疾」的侍應十分沒耐性，服務差建議等黑衫的服務才單餐，可畫上枱上餐紙落飲品order，就不怕落錯單。如果為了做慈善，不用太迫，這裡還可，但為食物就有點不值，因這個價錢可有更好更多選擇。如果聘用更多弱聽/聾啞人士，更可做到社企的宗旨。

上次買咗團購劵嚟呢度任食西餐同刺身甜品覺得好抵，見到餐廳又有團購，今次約咗幾個好耐無見嘅朋友仔一齊食。感覺今次食物外觀有少許唔同，質素亦有少少下降，但價錢依然十分抵，而且職員有禮。餐湯由三款變一款，南瓜味重，亦食到南瓜蓉，但無其他味。凱撒沙律同燒雞肉田園沙律配無花果黑醋汁兩款沙律菜新鮮。水牛芝士蕃茄沙律同煙三文魚芝士胡麻醬豆腐外觀無咁精緻，份量亦少咗，但唔影響味道。刺身普通，八爪魚有啲唔新鮮。火焰鰻魚蘋果醋飯卷太大件。冷麵好味。意大利飯有三款。鮮蝦墨魚汁意大利飯味道唔夠，飯唔夠淋。雞肉紅菜頭蘋果汁意大利飯同黑松露野菌意大利飯味道唔錯。野菌白酒忌廉汁長通法好好味。香蒜辣椒蜆肉扁意粉無味，意粉唔係扁意粉，有啲硬。秋刀魚唔熟我無試，但係我見朋友食晒應該唔錯，肉眼，羊扒都幾好，雞翼外皮夠脆又夠味味。雞扒好鞋。甜品味道麻麻。

上星期和朋友去紅磡看姚明藍球賽，之前都有去過有情有意吃飯覺得食物不錯，在看球前還有時間就介紹朋友去這間餐廳吃飯，服務生親切的笑容，雖然是聾啞人士但落單一點困難都沒有，但食物質素就令我非常生氣，我和朋友每人點了一個肉眼，我的是四成我朋友是半生熟，第一次落枱我們兩個的扒都是過熟，於是跟服務員說，幫我們換過還說不好意思，第二次落枱看見的牛扒比換前更加熟，看見根本沒有幫我們換過是用前的牛扒再煎熟點拿出來我們要換是因為太熟不是太生。。。跟服務員說她都很無奈。。。我們就說不用換了，之後埋單就走。完全失望的食物

今次經過紅磡，幫襯下呢間社企餐廳，部分員工為聾啞人士，呢點絕對支持。 門口都算靚，算用心裝修。環境都ok，食個陣都6點幾，都有一邊full哂。枱面上墊枱紙窩心介紹簡單食物嘅中英文寫法，呢個係幾特別。叫左兩個餐，一個係A餐雞肉沙律，牛油果算多，不過佢地好似唔係好'friend'，好似各自上菜，撈多一陣先食會較好。另一個係D餐嘅焗芝士龍蝦闊麵，龍蝦算多，芝士可以多番小小，整體味道偏淡。再叫左一份小食，黑松露雞翼，味道還好，黑松露只有香味。

近年有不少社企餐廳湧現，但作為一盤生意，社企其實沒有太多優勢，所以，漸漸汰弱留強，其中一家做得不錯的社企餐廳「有情有意」，算是日子不短，讓失聰人士自力更新的地方，推動聾健共融，很不錯的理念，值得支持，故周日與朋友同來吃一頓午餐。午餐已包餐湯及飲品，再以所揀的主菜作為定價。而是日餐湯是「豆蓉忌廉湯」，口感滑溜而富豆蓉香，健康特別。主菜方面，喜歡素食的朋友揀了「自家製香草醬荷蘭大啡菇意粉」（$58），意粉煮得剛好，入口有咬口，最怕是過腍的意大利麵條，而荷蘭大啡菇厚身有菇菌味，並充滿香草的香味，很好吃。另一道主菜是「黑松露帶子意大利飯」（$68），這個意大利飯賣相精緻，帶子甘香彈牙，飯粒有咬口煮得剛好，又好有黏度，香草味與黑松露的香味可謂互相揮映，唯獨份量確是有點少，女生倒沒有問題，男生似乎有點不夠啊！餐飲就簡簡單單的要了熱咖啡及熱檸水，咖啡頗香醇，附上的牛奶也是加熱過的，此外，整體招呼也很好，店員十分有禮。雖然店員是失聰的，但「手指指」之下彼此作簡單溝通是沒有問題的。由於假日的中午客人不多，所以，環境更清靜，來此進餐就更輕鬆寫意。

今日又要黎到理工上堂, LUNCH 見到呢間"有情有意" 既餐廳名覺得幾得意, 評分又幾好, 就去試下, 而去到紅磡火車站出面仲有派緊$10 coupon, 全年適用架!!原來2間社企餐廳都係正隔黎, 應該係叫做同1到, 裝修都好特別, 應該係自己畫既, 令人幾relax既感覺!set lunch 由$58-138 不等, 包湯,野飲(凍飲免加3), 同甜品, 真係豐儉由人, 選擇都非常多, 日式西式都有, 選擇困難症既人會揀得好辛苦!餐湯:本身睇個樣覺得好淡口, 飲落估係薯仔湯, 好好飲好薯仔!!香煎雞排配意粉($58+5):雞排都幾大塊, 煎得香脆, 同行朋友話覺得意粉好淡口, 但我反而覺得幾好味, 食得出用純蕃茄煮甜品:食到咁上下, 唔知點解會送甜品, 不過芝士蛋糕做得好好, 唔會太滯, 細細粒令人好想再食!總括黎講, 呢間西餐質素非常不錯, 非常推介!!不過提提大家, 呢到既員工多數都會有聽寫障礙, 大家不防落單望住佢地講, 佢地會易睇口型好多架!

今天約了朋友在紅磡黃埔一帶見見面，吹吹水，旨在坐得舒適，又可以坐得耐。無意間就搵到一間社企的餐廳，有情有意，呢度主要是由一些聽覺上有問題的朋友去經營。餐廳為咗顧客可以更融入呢度，在餐牌的背後加入了簡單的手語的做法，俾我們一面吃一面學習。另外，為咗方便點餐，每個人的餐紙也是特別設計的，十分貼心。而每一枱也放有“點餐”和“結帳”的牌仔，舉一舉，大家易明又快捷。南瓜忌廉湯，南瓜味濃，用料足，不過不失的餐湯。鮮焗茄芝士厚切豬扒飯，份量爆足，豬扒真係好厚吓，而且不會韌，而且芝士份量也足夠。

是晚睇演唱會會搵地方食晚飯搵到尼間薯蓉菜湯...好咪到不得了大蝦紅菜頭忌廉汁寬條麵...蝦爽.都有咬口完全食唔停口清晒另有豬手（冇影相）實在太好味唔會太咸岩岩好咖啡...老實說出面好少飲到咁有質感既相信係冇落任何味精食完肚仔都好舒服😍好有心既餐廳服務員好有禮貌坐得好舒服大家要支持下PS:留意枱上的點餐紙🤗