有情有意 (已結業)

黎紅磡通常都係為左睇Show.....今次就特別的為左支持呢一班聾啞人士👏🏻👏🏻👏🏻有情有意，係我第一間認識既社企餐廳...專門聘用聾啞人士，所以入餐廳都要理解到呢個'無言'點餐服務！其實有人只可能弱聽而已，絕對聽得明白你order架，同其他餐廳無異，不要戴奇異目光是對人對自己既尊重啊！其實我都係手指指落單，有咩需要都可以起個餐紙指出黎問！加左8蚊要多個田園沙津，份量都幾多，因為用碟上既！點呢個最主要係因為用左黑醋汁，加上自己個set lunch 係肉類就更需要菜類溝混平衡下！西冷加意粉西冷唔小心叫左4成熟，結果係有少少韌既！不過都證明佢有跟到客人要幾熟就幾熟既！雖然筋鍵位有點韌，不過會睇到個西冷個切面會有粉紅既血色，肉汁亦能保持！而蕃茄意粉個蕃茄咪會重一點，帶真實的蕃茄酸味！最後，又再加上20蚊要個綠茶紅豆甜品.....都會重視畫碟，令我有點意外....綠茶既味道會較出，相反紅豆會淡淡的，最底係蛋糕黎既！有朱古力畫圖及士多啤梨醬點下，令個口感不單只綠茶紅豆味既...

尋日同朋友楂車去紅磡置富都會廣場行街，之後肚餓就上網搵下有咩好食，就搵到有一間叫friends ltalian既餐廳，佢裡面環境好特别，牆上係人手畫既油畫，坐木凳都畫有油畫，但原來餐廳内侍應係用聾人或弱聽人士，但他們招呼很熱誠同禮貌睇左餐牌我就點左個黑毛豬架配意粉，餐湯係南瓜湯，南瓜味好濃好好味，之后就到黑毛豬架，做型好靚，豬肉好彈口同肉汁多，D配汁又好味，價錢都係佰幾蚊好超值，同埋最有意義係幫到一班聾啞人事，他們努力係社會工作，我地應該支持一下

呢間係一間社企主理既輕西餐，主要係讓聾啞人士有工作既機會，融入社會，算係良心企業。入門口已經感受到歡樂氣息，裝修同擺設都好繽紛，有圖書閣，仲有唔少靚靚公仔。我同同事去食lunch ，Set lunch選擇唔少，仲有比較豐富既二人餐。我地想試特別d既食物，所以揀左火炙帶子三文魚醋飯，原來佢地係類似壽司卷。整體味道好清新，三文魚少少熟，卷中間有芝士、玉子同青瓜，酸酸甜甜好開胃。但食下食下，食多幾件其實都好夠飽。另外我地點左大蝦黑松露意大利飯，飯身好creamy好軟滑。佢地既飯好特別，特別細粒，飯中夾雜左少少菇，幾有咬口。黑松露味道幾出色，令人滿足，可惜蝦肉唔夠味，失色左dd。Lunch加$48可以換刺身拼盤，味道無咩特別，但過下口癮都唔錯。跟餐除左送餐湯、飲品，仲有甜品，今日係士多啤梨泡芙。良心食肆Lunch小甜點作結，好幸福。

呢間Friends係觀塘Go Inside Kitchen嘅姐妹店，餐廳部份侍應為聾人或弱聽人士，以黑色制服去分辨，當日所見樓面大部份都係黑色制服侍應。午餐主菜同觀塘嗰間有啲分別，不過其他嘢就大致相同。有需要嘅話可以舉起佢哋提供嘅牌，侍應就會行過嚟協助。餐紙上明確地印上各種物件嘅名稱同圖案，例如係用餐時可能會用到嘅調味料，甚至係走甜等等特別需求嘅字句，當日我同黑色制服侍應落order就係靠佢。田園沙律，入面有車厘茄、粟米、青瓜、紅椰菜、紅生菜、飛機菜等等，蔬菜爽脆，柚子醋酸香，餐前食多啲菜感覺好似健康啲。新鮮空運美國安格斯肉眼配黑椒汁，見餐牌寫每日限售十二份，於是叫嚟試試。肉眼扒頗大塊，厚薄度剛好，生熟度揀咗五成熟，肉質尚算鬆化，只係某啲筋位要咀嚼多幾吓。就咁食已經夠味，又者蘸黑椒汁嚟食。伴碟嘅薯角炸得脆口，肉眼扒下就有炒椰菜、翠玉瓜、茄子、小甘筍等等。莫卡咖啡，係甜香朱古力味爲主嘅咖啡。最後仲試埋意大利芝士餅，一碟有三小件，質感挺身軟綿，帶少少咖啡酒甜香。呢度黑色制服侍應（聾人或弱聽人士）嘅服務態度唔錯，感覺上比一般餐廳侍應更勤快有禮。不過如果想搵佢哋幫忙嘅話就要包容一下，只要晌佢哋

今日係黃埔站通車日，一早約定住紅磡嘅朋友出黎襯下熱鬧，搞完一輪去了置富都會搵食。第一次幫襯社企，原來係聾啞人仕嘅餐廳，外觀望落去同一般餐廳無乜分別。午市時段，餐廳半滿座，但意外地安靜，食客都壓低聲線說話，感覺良好。一坐低就奉上水，睇睇餐牌，選擇不算多，都是意粉之類，同朋友點了一人一個午餐set，加錢要了沙律同轉左飲品，每人圍起八十元左右，不算便宜。餐湯係雜菌湯，一粒粒菇蓉幾好味。加8蚊有沙律，生菜，紅椰菜，青瓜，粟米等材料，加上柚子醋，酸酸地好清新。朋友點了香煎雞扒配蒜容汁$56，再加$5有意粉。份量不大，但一般人來說都夠飽的，意粉混了茄容炒過，幾香口。雞扒外皮煎得香脆，肉嫩滑，個汁有蒜容香，不錯。自己點左煙三文魚忌廉汁寬條麵 $62，呢個相對份量大好多，滿滿一碟意粉。煙三文魚咸香，寬條麵彈牙，可惜敗北在忌廉汁，太甜了，不合我口味。餐飲跟咖啡或茶，不太想喝則加了$6轉了peppermint茶，是公平交易的茶葉呢。茶很香，淡淡的薄荷味讓人很舒服，若然可添加滾水再泡一杯就好了。朋友轉了iced mocha，奇怪地沒有加糖，啡味很香啦，但完全無糖都幾苦澀的雖然沒有說話上交流，但看得出服務是用

去紅館看演唱會前，置富都會便是最快捷方便的搵食及消磨時間的熱點！朋友一直都想試這間西餐廳，除了價錢合理選擇算多之外，還是一間社企聾健餐廳！午餐時間甚為長之外選擇也不少！點帳結帳時可以舉一舉牌子。是日餐湯為南瓜湯 - 不知為何最近常常接觸南瓜湯品及食物～南瓜湯味道濃郁稠身，南瓜茸夠綿密，熱熱的很好飲。鮮蝦蟹棒田園沙律配柚子沙律汁 - 份量很多！沙律菜翠綠新鮮毫無發黑發點。大蝦質感冰涼且爽口彈牙！蟹棒質感甜甜滑溜！粟米粒軟熟有口感，青瓜蕃茄仔清爽新鮮。美國安格斯肉眼(8 oz)伴黑椒汁 - 每日12份以優惠價$138發售。真幸運可以與朋友一起品嚐！肉質幼嫩有咬口，點上醬汁肉味甚濃。薯角熱辣辣炸得不甚油膩，厚切有口感且香氣滿滿！有機胡椒薄荷茶 - 茶味先淡而後濃，茶氣很香。胡椒味刺激，薄荷既可醒腦提神又解滯膩！紅棗茶 - 朋友最近常熬夜，所以想飲一杯甜甜的紅棗茶增強體能！

同我有睇演唱會既朋友都知，我一直好想試下有情有意，但每次都因為趕住睇演唱會食唔到，為左一嚐有情有意，終於相約友人周末黎lunch。我睇過好多介紹，有情有意係一所良心餐廳，所聘請既都係聽障人士，而且侍應有禮親善，笑容可掬，我都深深感受到佢地如何做事貼心有禮係呢次lunch。我地每人都叫左一個set lunch，每個餐都附上南瓜湯一碗，南瓜湯清爽健康冇味精，濃醇滋味，非常開胃。健康至上既朋友一如佢平日風格選擇鮮蝦蟹棒 田園沙律，蝦肉結實有彈性，配上天然酸味既柚子汁調味，令蕃茄，粟米，青瓜，紫椰菜更為新鮮清爽，友人稱心滿意。冇肉不歡既我見到安格斯肉眼扒非常超值 ，由原價198蚊減至138蚊，牛扒迷既我當然唔會錯過。有情有意冇將價就貨，煎到五成熟既肉眼肉味頗重，油脂分佈均勻，食起黎更係軟嫩到不得了，滿口牛肉滋味令我滿滿幸福。食完lunch主餐，自然想食埋甜品，我地一人一款，互相交換黎食，一口小立方既蛋糕齊齊分享就岩哂。我最鐘意tiramisu口味，濃郁咖啡酒醇香，蛋糕鬆軟，美味可口。朋友則鐘意芝麻豆腐口味，覺得清清淡淡，最合佢心意。朋友最近熬夜工作，睡眠不足，想飲啲提神飲品，恰巧係menu見到

聽演唱會前，找地方吃，喜歡餐廳的名，跟Friends入 Friend 食嘢，有意思原來中文名是有情有意，更啱今日的心情入到去才知老闆的用心很貼心的提醒先來餐湯夠Creamy粟米味濃西班牙黑毛豬豬鞍架，原本想食牛扖，可惜賣晒，但原來豬一樣可以咁香咁林豬鞍架原來是咁嫩滑，好Juicy 黑毛豬的肉質真是比一般豬嫩配菜的薯角最出色，外肥內軟，味濃且香餐後連餐飲

聽朋友說這店的肉眼扖好正，點知賣晒，原來真係咁好賣是日餐湯，冇得㨂，來到的時候覺得水汪汪，吾慌好味，點知原來好滑，好香粟米味，原來湯都不可貌相黑椒豬手餐，跟了意粉，但都有不少配菜豬手皮脆，肉夠味，廚師一定下了不少功夫配菜有翠玉瓜，茄子，甘筍和秀珍菇豬手肉好嫩，吾肥，皮下白色的像食筋一樣，入口黏黏的餐廳貼心地教食客與侍應溝通原來他跟Go Inside Kitchen 是同一集團，難怪也是良心企業吧

其實成日經過呢間餐廳，一早已經想試！今日終於都嚟咗！呢間餐廳特別之處係會顧用聾人或弱聽人士，所餐紙上都印有一些簡單嘅溝通字句同圖案！晚餐都幾多選擇！南瓜湯南瓜味濃、香滑，仲有少許南瓜肉！西班牙黑毛豬鞍！黑毛豬肉厚、油脂豐富！肉味濃郁、而且肉質腍滑，個人認為唔需要落汁，原汁原味比較好！包餐飲叫咗凍檸茶！個茶底都唔錯，而且冇叫少甜都👌🏻

好幸運的3號風working Tue行到火車站這個社企竟遇上安格斯牛排午餐等惠198減至138！！！老友即有情有意是Go inside主理聾健共融一餐廳，對Go inside一直有信心因為138吃到牛排遂以48元加入這魚生頭盤很不錯貨色可以吞拿三文帆立貝白各2片收費公道味道也佳主菜牛排並沒有將價就貨牛肉鮮美分量足菜苗好剛well done 的牛肉 連著肥肉信心保障隨碟什菜非常豐富包的西湯黑磨菇忌廉湯雖有點不夠熱但磨菇很多做出貨真價實並無因為社會企業而粗糙博矇抵讚我要即磨啡一絲不苟生意很好高興他們真爭氣

為食豬買咗呢間社企餐廳嘅任食團購，本來對呢度嘅食物冇抱特別期望，結果令為食豬都幾滿意。任食選擇唔算好多，但由沙律、小食、主菜、甜品等等都各有幾款可以揀。先黎食啲沙律先。我哋分別叫咗燒雞肉田園沙律同凱撒沙律。燒雞肉沙律嘅燒雞好香好惹味，黑醋汁略為濃味同甜，係一道比較重口味嘅沙律。只有菜，麵包粒，芝士粉同煙肉乾粒嘅凱撒沙律就相對清爽，為食豬一致認為如果將燒雞肉加入凱撒沙律一定。是日餐湯係雜菌湯，雜菌用料十足，成個湯都充滿濃郁菌味，為食豬話好啱鍾意菇菌類嘅佢。懷住不安嘅心情都點咗魚生同壽司試下。我哋每款都試過，結論係魚生唔算新鮮，有啲腥，可以不試。亦試咗兩款火焰醋飯卷，其中帶子果款嘅帶子幾好味，但兩款飯卷都太大舊而且個飯煮得太爛。煙三文魚慕絲胡麻醬豆腐都幾清新，唔太食到煙三文魚慕絲味，豆腐好滑。麻醬冷麵意想不到嘅唔錯，比起出面放題嘅可能更好味，用料有心思，竟然有日式腐皮。呢個卡邦尼為食豬覺得值得推介，比起外面好多餐廳同cafe做得好，忌廉香濃而且有蛋黃香味，美中不足係配料俾得少。黑松露野菌意大利飯亦唔錯，松露味尚算濃郁，亦有唔少野菌。鮮蝦墨汁意大利飯就一般，蝦係爽口嘅但墨汁意大利飯冇咩味道。

3個中天地堂，所以約左朋友係紅磡食飯又唔想行甘遠，就近近去都會can食飯甘岩係openrice見到呢間餐廳係社企 間餐廳係請左d聾啞人士 覺得食飯都可以幫下社企 所以就去試下初頭都驚驚地唔知點同d staff 溝通不過佢張墊枱有圖案，同埋每張枱都有個牌仔係寫住落單同埋單餐廳係呢方面真係好細心我同朋友一人叫一個餐 諗住share 黎食叫左一個雜菇燴飯同西冷扒 (實際菜名已經唔太記得)，就跟埋一個餐湯同飲品餐湯正常，唔係罐頭湯，足料個飯就好creamy，料都好足，飯粒好飽滿，有咬口。不過略嫌淡味，我就叫staff 俾芝士粉，加埋落去就岩岩好西冷扒就叫左7成熟，唔知係7成定牛扒過火既問題，牛扒有d老身。不過7x既價錢黎講，牛扒都幾大塊。味道方面，牛扒無用鬆肉粉或者剩係得醃料味，簡單既調味已經好好食 。點埋佢個汁食，同牛扒好夾本身想加20蚊叫埋蛋糕食，不過d蛋糕係自助餐d迷你蛋糕，同朋友覺得唔扺食，所以最尾都無叫同埋餐廳冷氣有d凍，所以好快吹凍晒d食物😂

估你唔到，很好吃的餐廳，大眾化既價錢，有高水準之作南瓜湯係新鮮南瓜做的，最好味是黑毛豬脾，這是店鋪推介。餐牌上沒有寫上配薯菜，只寫加$5配白菜或意粉，上檯時，沒有了薯菜，原來要自己講。叫餐不用說話，舉舉牌便可以。

I should have come here to check the reviews first to find most people don't spend more than $250 for a meal here. The service and food weren't that bad. Pasta, desserts and coffee were good. But we got a $860 (per person) worth of buffet deal and we expected a lot better. We only paid $216 via Groupon though. We thought it didn't worth more than $400 even with a glass of wine.It was my husband's birthday, so we got disappointed.