木葉 (已結業)

好耐冇打食評啦，話咁快2017就過左去，新年快樂！2018年繼續同大家周圍食餐廳內裡環境同朋友一人一個晚餐set $138(加一)，包括大蝦沙律,豬肋骨,同飲品。大蝦沙律，咖啡/檸水/玄米茶(跟餐送熱飲，凍飲加$3)有兩大隻蝦，肉質幾彈牙，沙律菜夠fresh。豬肋骨有兩大條rib，勁多肉汁，燒得好香！係任食！配菜係即炸薯條，加上新鮮的番茄醬，一d都唔馬虎。每人160蚊左右食西餐，係香港算係差唔多架啦

朋友話最近係觀塘新開餐廳任食Ribs, 新開張還打折扣添性價比高，$138 還有10%off，平時食一份Ribs都百幾二百蚊啦....我就最公平自己試過先可作準，即慶個朋友陪我去餐廳係2/F落地廚窗，環境舒服枱櫈新淨，裝修有品味掛著三幅我鐘意的鹿嘅做型畫果然無介紹錯話梅金桔梳打，淡淡地金桔味較重大蝦沙律，蝦肉彈牙新鮮連沙律菜亦好清新主角出場先黎每人一份，粟米西蘭花薯仔還有兩件Ribs仲有小碟特別嘅茄蓉添！見到都流口水， 我自問係食肉怪無肉不歡，今次仲要落手去食，超滿足滿嘴油香+埋個燒骨BBQ醬。熱辣辣切開後戴手套大開食界，不過經頭輪後已經食不下。味道好比R字頭嘅餐廳還好，有嚼頭唔會醃到淋又有肉汁。好高分呀，服務同環境都甲級小食-秘製釀雞全翼 $68/4隻賣相靚但味道可鹹些少，因為雞全翼已去骨內藏蔬菜粒，啖啖肉皮脆

上次經過觀塘見到水牌，已經好吸引138任食豬肋條。所以今次約咗大胃王一齊去試下味道。餐廳入面有一幅綠油油嘅牆配上雅緻嘅裝修，仲好有聖誕氣氛，雖然地方細細，但係感覺好舒服。服務員好細心的詳細解釋，令我好滿意。我哋兩個人，可以一個選擇任食豬肋條套餐，另外朋友就可以自由選擇主菜再加50蚊，一樣可以任食豬肋條，佢話有多種食物嘅選擇 唔會咁悶，真係用心為客人設想。第一次嚟都驚佢啲嘢唔好食，所以食個飯飽肚啲，就叫咗香草肉碎椰菜包飯配蕃茄醬。想唔到又幾好食，椰菜包住香草碎肉炒飯夠曬香，再配埋自製蕃茄醬，夠惹味夠開胃。任食豬肋條套餐配埋薯條同自製蕃茄醬。我覺得薯條唔夠脆，但係個番茄醬就好好食， 酸酸甜甜加埋新鮮蕃茄肉同香草，真係特別好味。豬肋條處理得非常好，完全冇雪味，肉質夠嫩滑又夠淋，但仍然可以保留肉嘅質感。我就鍾意佢個BBQ醬，帶有少少酸味，食落唔會溜，而且好開胃。套餐仲有前菜蝦沙律都好新鮮㗎，而且仲有飲品㖭，所以真係好抵食 。

今日去APM購物，接著去附近食大餐這頓大餐是超抵食的rib任食！每人$138，任食2小時，訂位有折，好抵！我覺得每人$ 138已經好抵食，但原來有更加抵的組合。我計算過最抵的2人餐是這個配搭 - $138 + $ 50 + $ 78 = $ 266，包括任食rib、一份香草肉碎椰菜包飯、一杯飲品及沙律。這是十分美味的豬肋骨，肉質很完美黐住骨頭的肉特別有彈性，但其實大部份餐廳都未能夠充分發揮食材的特點，往往會將豬肋骨煮得太耐，令到肉質有點霉的感覺，但這家餐廳的豬肋骨的肉質十分出色！這才是豬肋骨應有的肉質。唯一美中不足的是醬汁略嫌多了一點，但這個已經是極美味的豬肋骨椰菜包飯十分精緻，蕃茄醬汁的味道比較突出。爽口的椰菜包著肉碎飯，口感很豐富。一盤椰菜包飯，共有三個小包飯，上面鋪滿了火腿及芝士。每一個小包飯的份量不多，所以雖然是在吃飯，但不會很快將胃填滿。而且精緻的包飯剛好可以調和一下肉類的油膩感。鮮蝦粟米沙律及飲品味道不錯。生薑蜜甜度適中，微辣。天寒地凍飲一杯薑蜜，人便會變得暖笠笠我們額外點了多一杯飲品，是普通的玄米茶味道。這裡的食物水準很高，而且環境、餐具都很美。每人大概$ 150，便可以

放工，在繁華的觀塘裡找一間清幽的咖啡室不難但要找到合心水的卻不易。這一間餐廳裝修簡單別緻，當咖啡室，約三五知己閒聊也不錯。點了一個豬肋骨，味道正統，肉量適中，肉汁多，不乾身。也點了一個豬仔脾，炆得夠軟，不痴牙，不過韌，值得俾讚！另外，釀雞翼亦相當不錯，很有新鮮感，有素菜夾在內，不膩！配泰式辣醬，減少肥膩感，一流吖！加一杯柚子蜜及花茶，幫助消化，食肉獸也不覺肥吖，呵呵呵最後，來一個酒釀啤梨，wow ～入味，又不過濃，酒味夾梨味，冰涼口感，好清新好甜，好好吃吖

喺商場行過，俾佢個＄138任食Ribs嘅廣告吸引左！心諗：唔係呀嗎？平時單叫一碟都百鬆啲蚊啦，而家任都只係＄138 ！仲要唔只得Ribs，仲可以任食薯條同埋沙律，早book位或者生日仲有折扣添，超級平。心態係諗住就算唔好食都係百幾蚊姐，就入去試吓啦。第一份上既時候，系有兩大塊，查滿晒BBQ醬，熱辣辣，好香，好吸引！Ribs肉質嫩滑，剛好離骨，個面有少少地方係焦焦地，所以食落特別香口。BBQ醬有好多，但係甜甜地，唔會好鹹。餐廳應該係喺你order之後，先至去焗，所以好原汁原味，切開時仲有啲肉汁流出黎！食可以再嗌，之前就會一塊塊甘上，我地最後加單左兩次，回晒本！呢一個沙律係可以任叫，菜幾fresh，但蝦只係第一份先有。粗薯，炸到好趣，面頭有少少辣粉，薯條都係任叫架！豬仔脾佢個豬仔脾煮得好林，啲肉一咬就開，好入味。個汁有啲似日式咖喱，有咖喱味，但係唔辣。醬汁好多，夠晒點個豬仔脾。如果有埋麵包或者飯黎點呢個醬就完美喇！亦都唔會浪費左剩低嘅醬汁。秘製釀雞全翼真係唔俾個讚個廚師都唔得！因為雞中翼兩條骨已經除左，但係成個雞翼好似是毫無損甘，雞皮仲好完整，唔會爛晒，賣相一流。雞翼炸到好脆，切開入邊係雞

本身係食肉獸，尋晚平安夜，未開始酒局，就喺附近行下，無意中發現一間rips放題，正到爆，可以無限添食豬肋排，個人努力下，添食左三次，每件都勁多肉汁，有靚肉既情況下梗係要有酒先得啦，估唔到仲可以喺餐廳開支好好飲既白酒，飲飽食醉之後，仲發現有紅酒燉雪梨為甜品，仲有個雪糕球都好好味，查問之下，原來個雪糕係餐廳自己整架，呢間餐廳真係帶比我好多驚喜……埋單時又聞到隔離枱隻燒雞好香、好正咁，下次有時間真係會叫一大班朋友再捧場！

冬至仲要加班已經燥爆，收工同同事係公司附近揾嘢食，諗住食餐飯吹下水。居然有新發現，呢間餐廳主打任食ribs，就叫左一份ribs set，另外再叫左份巴東豬仔脾同秘制雞翼，估唔到個ribs同豬仔脾都好好味又多肉汁，因為巴東汁太惹味，我地仲另外叫左個白飯撈汁。最後服務員介紹左佢地出名嘅甜品，紅酒燴啤梨俾俾我地。味道真係好特別，個啤梨入晒味，仲配合自家制雪糕，個甜品絕對要一食再食。感受到呢間餐廳係用心制作食品，一定會推介俾朋友。

同一個大食朋友食晚飯，就緊係同佢食任食啦！哈哈之前聽人講話質素幾高嘅任食Ribs就決定試下你啦！上到去環境舒適，座位都好寬敞 Ribs放題仲包沙律任食同一杯飲品 啲沙律仲有大蝦添沙律菜係火箭菜，賣飛佛！出面買好貴㗎！ Ribs 一碟都有成十二條，食完一碟已飽！哈仲有啲七味粉薯條!最欣賞佢啲Ribs整得好嫩滑超入味,配埋蕃茄酸甜醬。 一流呀 出面西餐廳食一碟都要成200蚊，但呢度任食只需要138蚊起咋！值得一讚啲員工好細心，準備手套畀我哋用手揸住食方便啲仲叫多一碗喇沙湯麵，味道夠濃，配料好足呢間係會一再encore嘅餐廳！資料由iPlayHK.com 香港愛玩生提供

晚市時間雖然店內沒有許多客人，但食材很新鮮，餐廳裝潢清新舒服感覺到是老闆十分之用心經營的食店。非常愛"木葉"之用餐的環境，很有家的感覺，令人很放鬆，很舒服，而且感覺食物非常新鮮。豬肋骨係任食ga，先來一客醬燒豬肋骨伴碟有熱薯條伴先家鮮茄汁，豬肋骨木盤上時候有半隻手臂咁大條好震懾，醬燒豬肋骨水準，薯條口感酥脆，肉質鬆軟多汁味道不錯 !最重要係可以任食豬肋骨，很抵食呢!小食方面: Risotto Rice Ball炸至金黃脆口，很脆很好吃，啖啖飯粒和肉香充滿Rice Ball!                       Vegetable Chicken Wing Staff 雞翼拆骨後釀入餡料，漲卜卜咁咬落十分脆口會fee到入面內餡要爆出!好食到一個點lo..花茶加左蜜糖，暖烘烘花茶養生之餘有舒緩既感覺，超棒超啱飲喔!木葉服務人員不多，但對客態度認真CP值很高!

今日收工係觀塘撞到個friend ， 原來佢轉咗工喺觀塘返工 ， 相請不如偶遇順便一齊食個晚飯聚下舊 ，見到新開左不少商場，未去新開中海日升中心搵野食。去到見到有不少食肆，去到2樓見到有幾間食肆同一間美容中心，比一間叫做木葉嘅食肆吸引，因為佢嘅牌寫住兩小時任食，就決定同朋友一齊入去試下。經了解後原來係指定兩突豬肋骨套餐先可以兩個鐘頭來任食，咁我就同朋友一人叫左一個豬助排，順便點左兩杯野飲,因為朋友有少少感冒就叫咗一杯生薑茶，我就叫咗杯蘆薈蘋果蜜。大蝦沙律， 2塊豬肋骨同一份薯菜，呢個就係兩個鐘頭內任食套餐第一樣送上黎係大蝦沙律，啲菜好爽口，蝦又爽口，沙律可以冇限任叫，但之後就冇咗2隻蝦跟住2塊豬肋骨和薯菜同時送上，薯條夠香口，唔錯，豬肋骨BBQ就好嘢味，燒得又夠香口，鐘意食豬肋骨朋友必食。最後講埋兩杯嘢飲，朋友杯生薑茶睇落唔錯，我見佢都飲晒應該都唔錯，至於我杯蘆薈蘋果汁，蘆薈粒粒都有好多，蘋果味好出好鮮甜，值得試試

今晚好姐妹話同我補慶祝生日，我一直都好想嚟木葉食燒排骨放題，今次一於嚟試吓啦！🎉🎉一入到去已經被裝修吸引，好喜歡這裡的裝修，好似去咗城市的綠州咁，好多木的傢私和牆身舖滿綠色的植物。💕💕💕💕職員好有禮貌地介紹燒排骨放題可以任食沙律，薯條🍟同埋燒排骨。😻大蝦沙律啲蝦好大隻又新鮮又彈牙啲沙律菜都好新鮮好好食😻燒排骨有兩塊，肉質鮮嫩多汁唔太肥，啲汁好香，味道濃郁，超級正，我哋食完兩塊已經好飽😋薯條外脆內軟，脆卜卜好好食🍟自家製茄汁勁香濃番茄味，令我好開胃，點薯條食一流👍🏻我哋仲叫咗釀雞翼熱辣辣，個皮勁脆，入面釀咗啲甘筍和肉碎，好好食。😎 我哋仲叫咗玄米茶和酸梅柚子梳打，酸梅柚子梳打飲完可以消滯，酸酸甜甜好好飲👍🏻👍🏻職員會比每人一對手套我哋，仲有一個垃圾桶仔，比我哋食完啲骨可以扔入去，好細心。😊以138元任食燒排骨，真係好抵又好食，環境有靚，真心推介俾大家😆

餐廳的裝修簡潔舒服，滲透了節日的氣氛。餐廳的另一邊亦是一大幅草牆，很是清新的。任食 ribs 價錢吸引，可惜女朋友是小鳥胃，哈哈。不過散叫也很划算。附送的沙律有幾種菜，而且有兩隻蝦，相當豐富！玻璃杯的是女朋友的雪梨蘋果蜜，她説甜甜的頗滋潤。我的是話梅金桔梳打，配搭有新鮮感！份量驚人的醉雞翼尖，足足有十六隻！雞翼尖充滿甘醇的酒味，很入味的。每人食了八隻，十分滿足。醬燒豬肋排可以選六支骨或十二支骨，這是十二支骨的份量。配菜是薯條，新鮮炸好很脆口，而且夠粗身。番茄醬亦是新鮮以番茄打成，入面還有番茄蓉的。而 ribs 的水準也很好，外面燒得有點脆，入面很有肉汁，肉質有咬口！另一個主菜是紅酒燴鴨胸，份量同樣是比較多。鴨胸肥瘦適中，煮得非常嫩！

喜歡吃豬肋骨既我竟然得知一個對我黎講天大既喜訊，就係觀塘有間叫木葉既餐廳有得任食豬肋骨。仲要係非常抵食~百幾蚊就任食"! 真係超爽呀。食過之後仲要係覺得有 heart既水準，一 d都唔 hea整！！非常正。豬肋骨一黎就黎2大排！店員更提供手套方便盡情 無拘無束咁用手食，骨與骨之間都有好多嫩滑既肉，肉質非常入味！bbq既醬汁非常惹味，令我非常著迷。薯條亦整得幾好！仲係香脆的，加哂分！大胃 d既可以再添加豬肋骨 and薯條。食過之後覺得十分滿足。餐廳環境幾好幾舒服，我喜愛這類型的餐廳，very nice

任食牛扒就聽到有好多，任食豬仔骨就小見d。見到樓下有大大個宣傳牌寫住話任食，我個好鍾意食肉嘅朋友呢就嗱嗱聲話要上去試一試，咁我見到價錢又唔係好貴，就算我食一份扒都要甘嘅價錢。除左豬仔骨之外，配係豬仔骨旁邊的薯條同埋雜菜都會係任食嘅。餐前仲會有個蝦沙律，另外仲會有一杯嘢飲。啱啱到嗰陣時候已經見到隔離枱喺度食緊，兩個男人會人就各自食一份先，見到舊骨嘅顏色都十分之靚，而且份量都唔細，一條切開的起碼都有10幾件。如果一個女仔食個話呢其實食半分都已經夠飽啦，男士來講我諗食一份半已經非常之滿足，但係我個朋友足足食左兩份。。。味道方面都非常之唔錯，初頭以為佢係喺出面超級市場或者訂貨返嚟普通嘅豬仔骨，但係食落去啲肉就非常之爽身，而且個味道啱啱好，係西式的燒烤醬味道，唔會好似我之前喺超市買返嚟嗰隻鹹到爆。。我覺得值得讚嘅就係服務員嘅態度，其實都非常之好。當客人還需要再添加豬仔骨嘅時候佢依然都係笑面迎人，唔會好似出面咁樣一再叫塊面黑晒，哈。