東湖小廚聯威餐廳

营业中

休息中

今晚加班後同同事都無屋企飯食，佢建議去公司附近呢間餐廳，佢同老公食過話d小炒整得唔錯，所以一於試下！我地揀咗最多人氣嘅皇袍叉燒飯、西蘭花炒帶子花枝片、薑蔥焗廣島蠔。皇袍叉燒飯 - 餐牌上面係無嘅！同事食開話中午嚟食過餐牌上面有餐跟先會有，如果夜晚去食，就算餐牌無都唔緊要，店員都會幫忙寫單照做，只係收正價但無餐跟($60)！叉燒厚切，肉眼望好瘦，佢用左梅頭肉整，所以質感好淋好入味！炒蛋亦都炒得好滑，無諗過一個普通嘅叉燒炒蛋飯可以到咁出色，好味！西蘭花炒帶子花枝片 - 即叫即炒！廚師炒得好有鑊氣，帶子花枝片炒得好爽好香，唯一係呢啲小食係無白飯跟嘅，需要就另外柯打，但我哋有叉燒蛋飯，所以無再order！最後呢煲薑蔥焗廣島蠔 - 上枱時候仲有 “吱吱”聲，好熱好香！蠔肉好肥美，而且大細適中，咬落亦好有咬感，完全無過火~ 味道甜甜哋帶有薑蔥香味~ 好正！以後喺銅鑼灣加班行街又多咗間選擇，見到隔離枱好多客都叫咗鐵板，真係隔離飯香，下次等我又試吓先！

朋友介紹我去銅鑼灣「東湖小廚聯威餐廳」食，佢話果到D野食好地道又好味，而且價錢唔貴，咁啱今日同朋友去銅鑼灣行街之後就心思思走去試下。去到銅鑼灣F出口行5分鐘左右就到。上到去，環境好有香港冰室feel，我地都行到好攰，坐低就嗱嗱臨叫勁多野食醫肚。第一碟上黎既係肉絲炒麵，肉絲炒麵都幾大碟六十幾蚊黎講真係好抵食，我同朋友兩人食都食唔晒，肉絲炒麵咬落口脆脆地真係好好口感，配上D麵汁濕濕地真係一流，我地食左啖之後停唔到口，係咁食。食食下第二碟椒鹽炒魷上到黎，炒魷個皮炒得好脆，D椒鹽味滲晒入去個魷到，配上餐廳提供既汁醬味感不得了。之後牛扒都上到枱，切開塊牛扒紅紅地，應該有6成熟左右，佢又煮得幾好，塊牛扒又唔會好硬，咬落口質感都好好，可以拍得住出面牛扒店果D牛扒，重點係，牛扒只係五十幾蚊好抵。我地配上左紅豆冰，紅豆冰都無令我失望，甜甜地又唔會話太重奶味，味道我比九十分！整個都好有香港本土味道，配上環境，呢餐我真係要大讚！野食又好有水準，侍應態度又好，呢間餐廳真心高質！

今日同朋友嚟銅鑼灣行街，撞正食飯時間，四圍都好多人排隊，朋友就建議不如搵間茶餐廳食飯，因為一陣要去尖沙咀攞嘢，所以搵間方便又快捷嘅餐廳。經過見到呢間茶餐廳都幾多選擇，又有午餐可以揀，就隨便入咗去。先要行一條小樓梯到樓上，店內都幾大，所以一黎到就有位，座位寬敞，我們坐在卡位上，四周都有電視看看。MENU好多選擇，價錢又好合理，下午茶同早餐都好抵，精美小菜仲多嘢揀，因為正值午餐時間，所以我揀咗食午餐。餐具全部放喺櫃桶，乾淨整潔。日式炒烏冬 $52烏冬好快就上枱，滿足到我肚餓嘅慾望同埋要快，上枱仲係新鮮熱辣辣，全部都係即叫即整，醬汁味香濃，唔會好鹹，烏冬軟身而且入味，都幾彈牙，眨吓眼就食晒成碟，好飽肚。大紅豆冰 $5另外配多杯紅豆冰，紅豆好大粒，入口腍身又香甜，椰汁味豐富，飲完透心涼。平民價錢喺銅鑼灣食到咁方便嘅茶餐廳，味道又好食，下次行街都會再係我嘅首選。

由於是日母親大人想休假一天，我們舉家上下便要出外共進晚膳，而搵地方食野呢個咁重要既任務，就落左係我身上~呢間餐廳平時路過幾次，見餐單都幾多款式，價錢都公道，見有機會就試試佢 (另一原因係母親大人只食中菜 一家人去食飯仲有個好處，就係人多多，可以叫多幾樣餸，我就叫左最愛既菠蘿咕嚕肉菠蘿咕嚕肉，功夫多，油炸麻煩，所以媽媽都唔多煮。而近年老實食肆越來越少，粉多過肉，份量縮小，好難搵到好食既。但呢度完全唔同！咕嚕肉粉漿唔厚，外層香口得黎啖啖肉，好耐冇試過食得咁享受，份量夠哂三小口食。而且酸甜開胃，好惹味，好快就搶清光。另外，仲有呢個三色炒鮮魷，鮮魷數量都唔小。炒三蔬呢啲咁簡單嘅菜式，對大廚黎講簡直手到拿來，色鮮，爽脆，鮮甜，都做到了。鮮魷唔腥，爽口，仲有淡淡的蒜香味。一口濃味嘅咕嚕肉，清新嘅青椒，生活就係要平衡一下。母親大人仲好湯水，所以加左例湯，我都飲左一小口，從味道中感受到係足料，而餐廳都標榜係無味精添加，味道自然。

是日去銅鑼灣公幹，做完野望下錶，已經到左7點鐘食飯時間，肚餓丁咕咕聲，就係食銅鑼灣醫埋肚先走但銅鑼灣人多車，想揾位都難人。咁岩見到呢間係一樓嘅茶餐廳，上到去發現位置大，同埋價錢真心平民價。當對面街一碗餛飩麪可以賣成四十，呢度四十左右可以食埋飯了。一場黎到，當然要叫招牌菜！所以叫左呢度號稱招牌嘅皇袍叉燒飯。究竟一個叉燒飯可以點樣成為招牌呢？皇袍係指蛋包飯。蛋色鮮艷，切開黎睇，見到啲蛋好厚肉，仲有滑蛋效果，蛋漿慢慢流出，食落質感仲好滑。至於叉燒呢？以國際知名法式高尚食府，大家樂，嘅術語，呢到叉燒厚度絕對稱得上係比厚切更厚切(足夠加錢收多你幾蚊架)。入面肥瘦均勻，七瘦三肥，入口有口肉汁，燒得香口有味，又煮得相當唔錯喎。試下新鮮事物一向係我做人嘅宗旨，所以叫左呢個原粒柑桔。拮下粒柑桔先，E，一睇，原來係鹹柑桔！！！真係有種家的感覺，好耐都無再飲過鹹柑桔了，只有小時候，係我生病咳，我婆婆先會為我沖上一杯愛心鹹柑桔，估唔到廿多年後，可以再次嚐回。 另外，餐牌上仲有滾水碌雞蛋既傳統飲品，真係有種回到過去既感覺。

我自己鍾情於茶餐廳，野食有鑊氣之餘又有人情味。話說個次同朋友做完野諗住求其食餐飯，點知銅鑼灣呢間東湖小廚又幾不錯喎！啱曬我心水！♥️我地兩個人就叫咗二人套餐，$188有兩個小菜，有飯有湯，有埋菜，晚市黎講算抵食㗎！我地要咗頭抽大蝦同咸蛋蒸肉餅。先講下頭抽大蝦，因為我超中意食蝦嘅關係，於是加底要多兩隻！果然無叫錯！蝦炸得好鬆脆，但肉依然保持到有肉汁唔會乾，而且頭抽味超香口！仲要大大隻啖啖肉㗎！連殼都想吞埋😂真係想再追加多幾隻！另外咸蛋蒸肉餅，用黎送飯係一流！中間咸蛋黃係好香口，咸度適中。肉餅入面嘅肉粒切得粒粒分明，睇得岀師傅好有功架！而且肉好新鮮，肉汁鮮甜，夾埋少少咸蛋黃真係好好食！😍仲有佢嘅湯都值得一提，係蓮藕豬骨湯，好鮮甜！而唐生菜都好爽口同埋新鮮！成餐飯都好豐富好滿足！而且價錢實惠，值得再去！👅

銅鑼灣食肆咁多，各國食物可以話應有盡有. 要比平靚正, 性價比高, 必定係港式茶餐廳! 茶餐廳位於大廈既二樓, 上到去見到一排排卡位, 燈火通明, 侍應左穿右插地工作, 係港式茶餐廳既特色！我地去醫肚已經差唔多係晚上9點, 過晒晚飯時間，但都好多人。 二人世界孖寶餐 包自選海鮮、小炒、送老火湯、灼菜!! 要係銅記找到如此抵食的套餐應該不多了。每人先來一碗青紅蘿蔔湯，蘿蔔味好香濃，豬肉好腍，好好飲。 燒味雙拼(叉燒，燒腩) 叉燒一定係半肥瘦先至好食!!! 唔使特別講, 自動上半肥瘦叉燒就知呢道D叉燒好食! 肥膏位咬落去噴晒D肉汁, 瘦肉位唔硬好淋易咬. 蜜汁唔太甜, 成舊叉燒絕對唔會乾爭爭, 拎黎送飯仲正！ 燒腩仔， 睇相都見到係肥瘦一層一層間隔開, 絕對唔係拎D普通燒肉昆人。切開細細舊容易食, 呢D先係燒腩仔既精神. 加埋脆卜卜既外皮, 黃芥末, 絕對唔馬虎！ 美式什扒餐（洋蔥汁 牛扒&豬扒）$56 呢個扒餐應該是餐廳的拿手好菜，因為就係店員推薦,加上我見大部份人都有叫，這個價錢真的很親民！雖然只係點左牛扒同豬扒，同仲隨餐送左好多配菜，有雞翼，又有腸仔、火腿兩塊，仲有

喺銅鑼灣返工出街食飯大多數都係食附近嘅茶餐廳，多數都係食碟頭飯或者係燒味，味道都比較濃烈味精又多！不過朋友今日就同我去咗一間餐廳有樣嘢真係與別不同，間餐廳叫做東湖小廚聯威餐廳。餐廳嘅裝修偏向典型香港茶餐廳既格局，位置唔會迫，枱面的確係比典型嘅茶餐廳大。食物方面我哋就叫咗一個炒鵝腸，一個黃金蝦，一個炸魷魚，仲有佢地配上既例湯。例湯上到枱面熱呼呼香噴噴，合掌瓜煲豬骨飲落湯水非常之清甜之後仲會感受到豬骨嘅鮮甜味，呢一種味道就好似平日媽咪煲嘅湯水一樣令你好想飲完一碗再飲，飲完唔會有頸渴嘅感覺就證明呢個湯水係冇落味精，非常之滋潤真係香港冇幾多間餐廳會做得到呢一個質素，問咗侍應姐姐佢哋話餐廳嘅老闆對每一日湯水嘅質素非常之嚴格，希望喺附近做嘢嘅都市人都可以享受到滋潤嘅湯水！大概15分鐘左右黃金蝦，炸魷魚同埋炒鵝腸都上菜，首先要講講佢哋嘅黃金蝦，蛋黃做得到均勻包住成隻蝦肉，食落口唔會感覺到油膩，證明調味同埋牛油嘅比例都非常之準確，食得到有鬆脆同埋鹹蛋黃嘅鹹香味，蝦肉新鮮鮮甜亦都真係唔係間間茶餐廳都可以做得到呢一個質素。炒鵝腸真係我今日重點嘅推介，首先食落口完全感受到用豉油爆炒鵝腸果重香口嘅感覺，鵝腸食

今日喺銅鑼灣行完街，同朋友搵嘢食。喺渣甸街見到一間茶記，就決定入去試吓喇！餐廳要行樓梯上去嘅，燈光光猛，空間感闊落，座位都好多。一入到去見到好多人食扒，搞到我都超想食。今日兩個人食，兩個食嘅份量都唔多，我哋就叫咗個二人餐。本身我地都諗住食扒， 但係又見到一個二人餐幾抵食，就叫左。兩個餸、兩碗湯、兩碗飯，仲有一碟菜添！兩個人夠食有突！今日嘅例湯好足料，應該係豬骨湯。湯料有粟米同埋好多肉。熱辣辣，好暖胃。主食我哋叫左一碟四隻嘅頭抽海虎蝦，仲額外加多兩隻添，同埋乾蔥豆豉滑雞煲。啲蝦好新鮮，隻隻有都好大隻，蝦身肉質有咬口。至於滑雞煲呢，份量好足料，有好多雞肉，仲有好多青椒。啲汁送飯一流呀！菜方面我哋就叫咗菜心，菜心好新鮮，唔似其他茶餐廳有爛嘅葉。呢間位於銅鑼灣嘅茶餐廳都算高質，服務態度都好好，姐姐會走埋嚟同我地傾計。下次如果喺銅鑼灣諗唔到食咩，又唔想消費咁貴，可以上去試吓！我一定會介紹朋友去食，因為年輕人出街都唔想用咁多錢㗎啦，仲要全日都免加一添，又便宜又好味～

夜晚放工後同屋企人行街，諗住係附近搵間小餐廳食下野，但屋企人堅持話想食港式野，R爆頭之下就去左一間附近既茶記XD晚飯時段，坐滿左大半人，人流幾旺，黎到茶記就一定要坐卡位，咁先夠舒服～晚餐、常餐乜都有，而我屋企人就比較中意食小菜，所以就嗌左個比較大路既西蘭花花姿片同咕嚕肉。因為大家中午都食得好飽，一碟菜一碟肉已經好夠，嗌一個飯兩份share，份量岩岩好。西蘭花炒帶子花姿片，雖然價錢相對有啲小貴，但估唔到花姿片既份量會出奇地咁多，比西蘭花多出一倍數量！而且帶子原隻大大粒送上，食落去相當滿足！花姿片煙韌滑嫩，而帶子鮮甜多肉，比我想像中好好多～香醋淮山咕嚕肉，淮山咕嚕肉係出面會比較少食到，因為菠蘿咕嚕肉就食得多啲，依呢到既咕嚕肉係黑醋味比較重，味道唔酸反而係比較香口，而咕嚕肉香脆可口，一啲都唔肥膩～淮山又夠爽口，相比菠蘿我更喜歡淮山，而且價錢相對抵食！茶記不得不嗌一杯野飲，而我就揀左最常飲既檸蜜，酸中帶甜我至愛XD

由我中學到現在都會踏足銅鑼灣，到現在工作也不例外。銅鑼灣食物的種類繁多，不過茶記也是我常到的地方。「東湖小廚聯威」大多以扒類最為之熟悉，全因經濟又美味。其次是小菜、常餐、湯麵等，應有盡有。此茶記的格局可以算是舒適，有卡位或圓桌之分，完全適合三五知己或是一家大細齊來。場內更加設了電視等，食客食得開心又滿足。餐牌上有二人餐的關係，有兩款小菜、兩個白飯、炒菜及湯等。其中我最愛的生炒排骨，香脆可口及酸甜交替分出美味，而且份量也頗多不俗，完全可以吃多一碗飯。香炸黃金蝦炸至金黃色脆，外層香口粉漿不會太多。重點：份量頗多並帶有咸香不錯。另外更單點了西檸雞塊，酸酸甜甜並帶有口感，即叫即整的關係，所有東西也是美味。最後點了紅荳冰及鹹檸蜜作結，完全棒腹飽肚似的。

星期六來到銅鑼灣，人頭湧湧，中午時分要找個位吃午餐也不容易。走進一家茶餐廳，空間大，不過一樣坐滿人。看到餐牌上的是日午餐，的確選擇豐富。8種不同食物，任君選擇。作為一個男人，當然選了最有氣勢的 - 皇袍叉燒飯。皇袍叉燒飯 $60叉燒都幾大件，而且半肥瘦叉燒有唔錯的口感。另一重點是滑蛋，比較少的餐廳會用上滑蛋配叉燒，多數都是煎蛋為主。滑蛋又香又滑，佈滿於飯中，形成皇袍般的感覺，非常吸引。大紅豆冰 $5跟餐可轉的特飲，滿滿的紅豆好有咬口，紅豆冰甜而不膩。炸薯條 $20茶餐廳的炸薯條一向有它吸引之處，扭紋加上粗粗地，熱辣辣，又香噴噴。以前我們常說男人的浪漫 - 豆腐火腩飯；今日試過皇袍叉燒飯後，我對男人的浪漫有了新的睇法。

去銅鑼灣搵嘢食唔知食咩好，見到呢間茶餐廳好大個招牌，就畀佢吸引咗入嚟試啦。有晚飯小菜套餐，亦都有其它小菜散叫。飲品同茶餐廳一樣咁多選擇。小菜款式好多，真係花多眼亂， 揀一個菜兩個肉就算啦。魚湯蝦乾浸時蔬$56香辣茄子炒豬頸肉$58中式牛柳套餐$72有，有白飯同熱飲一杯。另外加碗白飯，開餐。茄子其實唔辣的，係似有啲酸甜醬，加少少辣椒香味，茄子唔會煮到太淋，仲好爽口，水分好多，豬頸肉爽口，薄切，餸飯好惹味。中式牛柳，好大塊，當他是扒，肉質爽口，新鮮，食肉獸一定鍾意。餐飲點左咸柑桔水，因為有啲喉嚨痛，整粒柑桔舒緩，鹹鹹地甘甘地，飲完喉嚨好舒服。估唔到銅鑼灣的茶餐廳都有咁平價錢，下次嚟銅鑼灣都會幫襯呢間。

接咗女朋友收工，睇戲又未夠鐘，就事但搵間茶餐廳食啲嘢就算！$188 2人世界孖寶餐老火湯清甜好味，每人一碗！紅豆冰要加錢，好大杯，有豆有沙，用碎冰，唔會好多奶，出色。灼青菜叫左油蜜菜，正常份量，正常味道，冇炸型。菠蘿咕嚕肉好大碟，超過10粒咕嚕肉，有菠蘿有青椒，味道好有平均，唔會太酸，食唔停口！黃金大蝦主角到，又係好大碟，好多蝦，每一隻蝦都沾滿好多既咸蛋黃，食物溫度高，即叫即做，好好味。西檸雞其實已經好飽，味道好好，賣相都好好，用上鷄扒，份量好多，有成兩大塊，炸得好香口！$188 免加一，重要在銅鑼灣，食物份量超過兩人，抵食！

平時陪女朋友放工食飯個陣都會係銅鑼灣附近搵野食，今次就輪到佢俾意見我有咩好推介啦⊙ω⊙見到呢間茶記人流都好多，幾乎都可以話係座無虛席。黎到女朋友既主場，就當然要聽佢支笛啦，反正佢點咩好食都應該無錯架啦。佢一下子就話要食扒餐同黃袍叉燒飯，咁我就想食魚香茄子煲㊣皇袍叉燒飯一盤叉燒飯上有一大舊既滑蛋，外表非常吸引，金黃色既蛋黃撞上鮮紅色的叉燒，絕對係成功贏得我既眼球。⊙¤⊙ 味道方道，滑蛋口感夠奶滑，叉燒肉質又夠嫩口，將叉燒夾上滑蛋去食，口感絕對一讚。⊙※⊙扒餐【黑椒汁 牛扒&豬扒】呢個扒餐就係女友大人既首名推薦,雖然只係點左牛扒同豬扒，同仲隨餐送左好多配菜，有雞翼，又有午餐肉，仲有薯菜，同埋一啲菜，所以真係好鬼大分量，講真一碟扒餐俾兩個女仔都已經夠晒皮。 雖然分量有咁多，但肉質都唔差，扒都叫做嫩口，所以食落都叫做相當滿足。魚香茄子煲幾乎去到每一間既茶記我都一定會去點個魚香茄子煲去食，只要煮得夠熱夠酸甜就一定會好食。不過，呢間茶記既煲絕對唔止水平，非常之好食，令到我同女朋友食足３碗飯，味道又惹味又口胃，非常出色！@@