東湖小廚聯威餐廳

营业中

休息中

返工前，醒晨早餐點少得幫趁開老麥叔叔，都想有啲新意，見今日早左出門有時間，就去左茶餐廳，食碗通粉，再嘆個香滑熱奶茶新裝修，好光猛，宜家新一代既茶餐廳已經進步到有企理同舒服既環境而最最最重要既係好乾淨! 完全NO WORRY對於早餐，追求既反而係傳統味道，所以叫返我既例牌鮑片火腿通粉由於好鍾意煙un既口感，鮑片真係見到就會叫鮑片同火腿既數量都幾重手，夠餸哂成碗通粉有餘而通粉都好彈牙，時間岩岩好，唔洗驚遇到淋哂既通粉午餐肉炒蛋，蛋炒得幾滑，口感濕潤再嘆返個烘熱左既餐包，配上香滑熱奶茶，爽吖

晨早流流入銅鑼灣，為左就係食飽飽，有氣有力再去攻打海洋公園呢條街一向出名多野食，晚市就黎過不下十次，但早餐就真係無推介誤打誤撞下，入左間茶記，有茶記menu，但環境同衛生就好好多上到去先知一層有咁大，仲有間隔做房，4人卡位坐得好寛敞卡士咁大，但價錢都幾親民，唔洗過4字頭雪菜肉絲米粉 配火腿炒蛋烘底多士朝早想食清啲，就唔叫重口味野啦，雪菜細細個就鍾意食，咸咸的好開胃，又夠爽口。米粉亦好爽身，唔會太淋，幾好。另外想讚一讚個炒蛋，夠滑，鹽量剛好，調出蛋味。而烘底多士配牛油，係不可能出錯既配搭，大愛。總結係，唔只抵食，質素係有保證，對炒蛋同烘多有要求人士可一戰。

怡和街多野食就係人都知嫁啦，不過都係粉麵多。行下行下見倒有條樓梯，諗住求其上去試下啦，點知又出奇地好食喎，而且仲好掂小菜都已經有成40款，揀都有排揀西蘭花炒帶子花姿片，就咁睇啲花姿片都幾多，帶子仲要大大粒原隻上，都幾足料。帶子真係好大隻，原粒咁食勁滿足。唔知以為自己去左酒樓食飯。椒鹽鮮魷，個炸粉一啲都唔厚而且仲好鬆脆，人面嘅鮮魷好爽口，成碟野炸到金黃色，好有鑊氣。皇袍叉燒飯,啲叉燒同圖一樣咁靚，每舊都係半肥瘦咁相間住，而且啲肉好嫩好多汁。中午叫呢個飯真係一流，扺食夾大份

今日同太太去左希慎誠品搵旅行書，打書釘都打左3個鐘，本來想飲杯咖啡，但太太肚餓了，所以順便食埋晚餐先返去。我們隨便揀左間要上樓梯的茶餐廳，點解呢？因為我們見人不斷衝上去幫襯，應該是好野吧？餐廳很大很闊落，看看餐牌，一點都不貴！太太先選了「燒味三拼」，茶餐廳食燒味還是第一次啊！$98就可以三拼，我們選了叉燒、燒腩仔和油雞，來到時我們都嚇一跳，想不到份量也很多，放滿了整隻碟！叉燒偏肥，但蜜汁很濃很香，燒腩仔就比較瘦，看上去都沒有什麼肥肉，皮亦很脆，油雞肉多，雞皮很滑，本來這樣的安排最好是叫碗白飯，但太太卻看中了鐵扒雜扒！冠軍鐵扒應該是餐廳的撚手好菜，因為我見大部份人都有叫，我們叫了美式雜扒，$56，這個價錢真的很親民！等了大約15分鐘就到了，美中不足的是..瑞士洋蔥汁已經在鐵扒上了...不過鐵扒熱辣辣的，上面的薯條還是香脆的！鐵扒上有牛扒、豬扒、腸仔、火腿兩塊、雞全翼和薯條，十分豐富！扒方面我覺得牛扒比較好食，煮得剛好熟，食起來還有點靭，嚼勁夠！洋蔥汁好入味而且夠多，茄汁都不用加！是晚居然無叫菜？見餐牌加$16就有菜食，我們叫了白灼菜心，白灼果真是白灼，沒有丁點油份，很健康！菜心保持了鮮甜

今日收工剪完髮去左 最近見有介紹的 銅鑼灣人情味茶餐廳. 首先店員好親切，同一般的茶餐廳已有分別，認真介紹餐廳的招牌菜。原來除左叉燒仲有瑞士脾，同鏝魚。 咁第一次就當然要叫傳聞的...皇胞叉燒飯同埋地道的熱奶茶.啦蛋的味道同埋新鮮都係平時少有又好味，叉燒咬落好軟又唔咸，味道好好，又大舊。份量適中又好味. 正. 另外杯熱奶茶，飲得出師傅的功架同埋個種港式味道，滑得黎飲落口唔會勁重奶味，味道剛剛好。 下次再黎要試試d燒味先得，感覺都係一級水準.讚👍🏻

今日早上收到老友電話，話佢今日過開海個嘢，不如出嚟食飯,横掂我今晚無飯開，就見個面啦！ 佢等我放工嗰時，行過間茶餐廳見到佢門口張雜扒相突然好想食就建議食嗰間茶記。 佢真係叫左雜扒，鐵板來時，出矖煙，好夠熱辣辣， 而且勁豐富，有豬扒，牛扒，雞全翼等，不少得嘅係火腿同香腸，加上燒汁，真係無得頂！因為佢個鐵板雜板有薯條，係少有嘅曲型薯條，我忍住加碼點左碟淨薯條！十分香口！欣賞佢啲茄汁一包包係放響櫃筒，排得齊整乾淨，唔再係響個樽唧出嚟，俾人感覺新鮮啲～ 我食左啲薯條同朋友食個雜扒有啲罪惡感，所以點左個菜心，走油走蠔油，想講只係$16,但夠份量又新鮮，無將價就貨嘅情況出現！話曬依度都係銅鑼灣吖嘛！ 黑椒鷄柳炒公仔麵鷄柳份量都多，大約有成十件，每件要幾有肉地的， 公仔麵炒得夠爽身，唔會痴埋一齊好難吞咁，黑椒微微香，唔太咸，剛剛好😎 最後有杯熱朱古力作晚餐的結束，每人一百元左右，但就食左好多嘢咁，銅鑼灣來説算抵！最重要係依間茶記很大，有成三個區俾客人坐，晚上7,8點依啲時間都唔洗等位～正！

銅鑼灣食肆林立, 各國食物應有盡有. 要比平靚正, 性價比高, 必定係港式茶餐廳! 茶餐廳位於大廈既二樓, 上到去見到一排排卡位, 燈火通明, 侍應左穿右插地工作, 係港式茶餐廳既特色. 我地去醫肚已經差唔多係晚上9點, 過晒晚飯時間都甘多人. 收銀呀姐問我地幾位呀?! 之後立即叫侍應帶位, 直接, 爽快!!由於我地2個都餓鬼上身, 見到價錢牌食物真係唔貴, 好放心甘叫左幾樣野大家SHARE 食!明爐燒味三拚 – 油雞 叉燒 燒腩仔油雞 – 雞肉結實,啖啖肉,好入味. 最抵讚係D薑蓉, 好足料, 薑切得夠細粒. 加埋一齊食先係廣東燒味!叉燒 -叉燒一定係半肥瘦先至好食!!! 唔使特別講, 自動上半肥瘦叉燒就知呢道D叉燒好食! 肥膏位咬落去噴晒D肉汁, 瘦肉位唔硬好淋易咬. 蜜汁唔太甜, 成舊叉燒絕對唔會乾爭爭, 拎黎送飯仲正!!!!燒腩仔 – 睇相都見到係肥瘦一層一層間隔開, 絕對唔係拎D普通燒肉昆人. 切開細細蕭容易食, 呢D先係燒腩仔既精神. 加埋脆卜卜既外皮, 黃芥末, 絕對唔可以馬虎!廣東燒味就係甘有規有矩, 蜜汁唔會點油雞, 薑蓉唔會點腩仔,呢種潛規則係廣東人先會明!!!芥蘭

今日去銅鑼灣辦完公事，已經係晩上時份，肚仔開始肚餓，天氣轉涼，令我餓得特別快，所以就想揾間可以快速上菜既餐廳，食個便飯。聽朋友介給過，銅鑼灣有間新開茶餐廳，食物質素幾好，上台又快，所以我就去左光顧啦。魚香茄子煲冬天凍冰冰，特別想食煲類既嘢。落單後不用五分鐘，快速上台的茄子鍋，超級香超級吸引，伴一伴勻茄子，發出吱吱聲響，口水都要流啦。茄子份量好多，煮至腍軟，吸引晒調味料既味道，叫碗白飯岩岩好。叉燒湯意好耐冇食湯意，而餐廳又主打叉燒，咁我就試試佢。叉燒有幾件，有薄切有厚切，吸收左湯汁後，蜜汁味冇咁濃，但就較為軟身。意粉煮得偏腍，湯底夠味唔會太鹹，落埋胡椒就更好食。

工作關係在銅鑼灣附近吃午飯男友帶我來這間茶餐廳他說以前他經常來的不知道有什麼特別？試後...我覺得我將來有好茶餐廳介紹給我的台灣朋友了！午餐，男友極推薦我吃皇袍叉燒飯好吧，就這個...他說小菜這邊也挺不錯我選了蝦膏頭蟹肉炒粉絲這個可以不用叫飯也可以直接吃嘛紅荳冰先來YEAH...是我愛的，不是用椰汁紅豆起沙，又滿滿的開花豆冰用上了碎冰，當你用匙"筆"起紅豆吃時，連同這些小碎冰，感覺極像吃豆豆樂OH MY GOD一上桌已經很傻眼了好好看！我不知道有我最愛的蛋！到底皇袍叉燒是個叉燒名還是皇袍是解蛋？看這肥瘦剛好既叉燒入口香而不韌，爽口而嫩滑連蛋都是炒滑蛋！蛋香極濃絕對是我杯茶我不喜歡炒得乾乾的那些蛋蝦膏頭蟹肉炒粉絲78元一個炒粉絲別以為太貴了？一上桌香到不得了我還以為用上了蝦米原來一隻蝦米也沒有，只是那些蝦膏頭炒出來的香而且用上的是真蟹用...很鮮不要以為是面頭的一點點，底也很多的一個午餐不用動手可以吃到蟹肉整個爽歪歪

每次我同相公在銅鑼灣行完街, 諗起可以喺邊度食飯就有點頭痛, 因為大食的相公在銅鑼灣吃飯的話就會變得很貴, 但是在銅鑼灣哪有可能找到一間便宜又好味的飯店呢... 行行下見到這一間東湖小廚聯威餐廳, 價錢相當吸引, 那就是一試醫下肚吧~ 好多人啊~ 我們等了差不多十五分鐘才有位置. 香辣茄子豬頸肉煲 (HKD58) , 見到都有幾多豬頸肉, 加上香辣茄子, 送飯一流~ 魚湯蝦乾浸時蔬(HKD56), 一上桌已經聞到陣陣的鹹香蝦乾味道, 見到真的是條條有成隻手指尾那麼長的蝦乾, 話就算連我深水埗樓下啲大排檔都冇足料, 價錢但是比起這裏還貴上二三十蚊, 銅鑼灣喎?! 這個非常抵食~ 另外我們叫了一個晚餐, 中式牛柳, 配白飯加野飲都係 HKD72, 鑊氣十足的中式牛柳, 配上大大碗白飯, 在銅鑼灣晚飯來說, 72蚊, 我喺邊度搵到呀~ 所以我們吃得非常滿足! 下次來到銅鑼灣就不用煩究竟可以食啲咩平靚正嘢食啦~

下午三點幾在銅鑼灣找午餐，想吃茶餐廳，找到這間開長不久的地方。要上一層樓梯，格局和裝潢讓我想起深水埗的森記，又碰巧餐牌上都有「皇袍叉燒飯」。3點幾不能錯過下午茶餐。杏霜／好立克我的杏霜還好，夠濃夠稠，味道可以。男友的好立克卻出奇地淡。好立克只有開粉一個做法，奇怪地它不稀，卻這麼淡。澳門豬扒包賣相不太討好。上層的包烘得幾鬆脆，下層卻烘得不夠。塗了牛油都幾香。除了豬扒，中間還夾著蕃茄和生菜，再加沙律醬，不是正宗的澳門豬扒包。澳門豬扒包最出名是豬扒超大塊，不用任何其他材料已夠惹味。這個豬扒不嚡不韌，但煎得不夠香。雖然喜歡原汁原味，沒有沙律醬的豬扒包，但加了蔬菜添上清新。沙爹洋蔥牛肉厚多士多士烘得夠脆但不夠鬆，少少硬。沙爹幾香，可惜牛肉偏乾欠肉味，勝在軟嫩。說好的洋蔥消失得無影無蹤。皇袍叉燒飯炒蛋看起來偏乾，賣相一般。全瘦的叉燒乾得誇張，看起來一點也不吸引。頭兩件很乾，實在幾差，又乾又嚡，幸而只有兩塊如是。把碟轉一轉，這邊的叉燒好看得多，半肥瘦，被兩層脂肪分成三截。肉質較韌，有肉汁，味道較佳。沒有炭燒香也沒有濃邊，有蜜味但可以更甜。算是不過不失。蛋不夠濕，但其實不太差。掉了下來這一口更是濕潤、

星期六男友返半日，我就出左去接佢放工，剛好到了午飯時間走到他公司附近的茶餐廳食飯，本身對茶餐廳感覺都是一般，只係為求醫肚同唔難食，但呢間茶餐廳有驚喜！走上一層的茶餐廳，格局其實都是一般港式茶餐廳無異，座位之間都幾闊落，燈光光猛整潔！以銅鑼灣這地區來說，這間茶餐廳的價位唔算貴，屬正常價，跟一般茶餐廳一樣有好多款港式炒炒麵飯等都一應俱全～而這裡每天都有唔同的是日午餐Menu，價錢由HK$46至HK$60！皇袍叉燒飯（HK$60）皇袍叉燒飯是這間茶餐廳的招牌菜之一，半肥瘦叉燒飯燒得剛好，好香口淋身，易咬開，而下面所謂的皇袍就是鋪上半熟的炒蛋加上豉油汁，第一次食到呢個另類叉燒飯，配上半熟炒蛋又幾好味！而下面的飯都已經加入了適量的豉油汁，蛋香加上叉燒的配搭得好好，份量都幾多！雪菜肉絲炆米（HK$50）這碟即叫即炒的雪菜肉絲炆米份量超多，細食的我起碼夠食兩餐，正常男人我估都未必食得哂！哈哈！炆米炒得剛好，唔會太過油及水，配合雪菜、肉絲及青椒等配料，香口惹味，咸度適中！午餐都要奉送一杯熱飲的！

✿╮❤╭✿ ✿雜感女生 好味日記✿ ˚*•✰。東湖小廚聯威餐廳．抵食家常小菜。✰•*˚ ✿✿Dolce Vita@銅鑼灣✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 朋友在銅鑼灣工作，最近發現了一家好味餐廳 最正是燒味和家常菜，約她下班時吃飯 她就帶我上樓搵食！想不到，味道好，不加一 更有熱情的服務態度，晚飯吃得非常開心！ 「二人世界孖寶餐」$178 包自選海鮮、小炒、送老火湯、灼菜 要在銅記找到如此抵食的套餐應該不多了 每人先來一碗青紅蘿蔔湯 蘿蔔味好香濃，豬肉好腍，好好飲 秘醬蒸黃花魚 秘醬是店家自製，帶豆香，又有微微的酸香 配上蒸得剛剛好的黃花魚，提味又提鮮 魚肉白滑肥美，魚油加豉油撈白飯，真是好味 柱候牛腩煲 柱候牛腩有大量白蘿蔔 牛腩炆得入味香滑，牛筋也很滑滑動L 好好味又是下飯之作 灼生菜 即灼新鮮生菜，保留到新鮮的味道，味道不錯 椒鹽鮮魷 加點的一道名物，有酒樓水準，香酥脆 熱辣辣上台，真心好吃 柑桔七喜+凍奶茶 果然香港地風味呀！ 凍奶茶好正的茶餐廳水準，而柑桔七喜中的柑桔又是自家醃製的

這天因工作上需要來到銅鑼灣區, 手頭上的工作已在中午時份完成, 開始要找地方開餐, 心目中都是想簡簡單單的吃個午餐。遇上天氣在近幾日忽然轉凍，要盡快找個地方坐下來, 吃些東西, 走進了渣甸街，見到這間餐廳的入口位置貼滿餐牌, 價格相當合理, 便不用多想, 即時決定在此開餐。推開玻璃門, 沿住長長的樓梯就到餐廳了，步進店內,是一間舖面新淨的餐廳，人客也不少, 坐下來,先來一客例湯，湯夠火候，也濃郁甜美。見餐牌上有三款健康灼菜幾吸引, 就點了油麥菜, 新鮮而色澤翠綠，灼熟後只加上小許醬油提味,食落口感爽脆，又吃得健康。再來一道小菜蝦仁炒蛋, 吃起來蛋夠滑, 加上蛋味香濃，調味剛剛好而不搶味, 蝦仁爽口鮮甜，這味菜色雖然簡單, 但要做得好, 也要一點火侯及功夫的配合, 明顯地這裡的做得很有水準, 跟白飯同吃特別滋味。最後來個即磨咖啡，夠香濃和夠滑, 一點都不苦澀。這裡的環境乾淨企理, 小菜也有水準, 在午市時段, 人流不絕, 相當旺場。

位於銅鑼灣的 東湖小廚聯威餐廳，是一間港式茶記。超久沒有吃過茶餐廳，今晩心血來潮，想吃點香港地道美食回味一下，便獨自來到茶記吃下午茶吧。茶餐廳是本港的速食文化代表，快上台，價錢平，大件夾掋食哦。沙爹洋蔥牛肉厚多士$33以前去茶餐廳，最期待就是吃各式各樣的多士，例如奶油多，油多，奶醬多，蛋治，勻是我的最愛呢。我想像中的厚多士應該很厚身，但原來這是普通薄多士，哈哈，多士烤得金黃香脆，乾身香噴噴，夾著沙爹醬牛肉，味道也不錯呢。澳門豬扒包$30單單一件多士，又怎會滿足我的肚子呢，當然要追加一份豬扒包吧。採用正宗的豬仔麵包，烤得乾身香脆，面層的酥脆感令人著迷，包身非常鬆軟，麵包部份深得包控喜愛。內裡放有一片煎豬扒，蕃茄，和小量生菜，也屬不錯。紅豆涼粉冰+$12茶餐廳必喝的飯料，除奶茶咖啡阿華田，紅豆冰也是必喝的東西之一。由小至大都喜歡吃紅豆冰，東湖小廚聯威餐廳的出品非常足料，料的份量大慨有一半，紅豆小顆軟糯，涼粉大粒滑溜，吃著吃著，也頗飽的呢。