板神鉄板燒日本料理 (The Hennessy) (已結業)

終於食到阪神 灣仔性價比高海景燒肉💯今次同屋企人去食阪神午市 人均三百幾蚊今次我地4個人分別嗌左 兩個海鮮🦪套餐380兩個澳洲和牛🥩套餐一個厚燒 一個薄燒 (牛肉套餐分別有三款美國牛肉、澳洲和牛、a5和牛 大家可以根據喜好揀返自己鍾意嘅肉類) 海鮮套餐分別包括 前菜 沙律🥗南非鮑魚 白鱈魚🐟海老(大蝦🍤) 等等另外和牛套餐包括 海老(大蝦) 另外仲包以下一款 可以喺法國鵝肝 白鱈魚🐟 帶子 入面選一款 今次我哋嗌左兩份鵝肝😛每個餐都附有麵豉湯炒飯甜品等等🙌🏻個人來講認為佢嘅和牛以幾百蚊價錢真係非常出色 有趙口之餘唔會入口即溶😆牛肉同鵝肝下便都配有一塊麵包🫓比客人吸油 食落就冇咁肥膩～～鵝肝夠入味而且入口即溶 建議大家選海鮮嘅時候都可以選鵝肝！！！😳另外炒飯師傅即場炒好有鑊氣之餘 加上牛肉嘅油好香🤣🙌🏻甜品係焦糖多士🍞本身睇個樣平平無奇估唔到食落會咁有驚喜 面頭上嘅焦糖燒到啱啱好有陣陣焦香味🤣推薦大家去食可以食午市 比起晚午會平好多性價比更高啊！😛

環境：餐廳超大，好似分左幾間房，有卡位有吧枱，都會睇到師傅即場烹調食物，我訂位果時預留左海景卡位，望住過海都唔錯食物：本來我地想點普通午餐$380/1人，但店員推薦左幾款個人/二人套餐，話食材會更好，而且送龍蝦，所以就點左呢個二人餐，其中一份牛+$60升級厚燒牛扒食完成個餐，我地都覺得唔會再黎食，老實講環境的確好靚，但食物份量偏少，而且味道無咩特別，呢個價錢食呢個午餐唔值，呢個價錢既話我會有更好既選擇服務：店員好用心介紹餐牌，落餸會介紹，會不斷加水收碟

今次已經係第二次探訪😋😋上次黎食鐵板燒時見到有Omakase已經心動想試，仲要見到食評d評價都唔錯，終於搵到時間黎試食，順便慶祝情人節，book檯時先知依家仲有限時優惠，二人同行、一人價錢🤩🤩真系超級無敵抵而且仲有得指定日本師傅，識講同識聽少少廣東話，過程當中都會同我地解釋下唔同既魚生，驚我地唔明，仲拎本書指住比我地睇，真系超級細心環境好寬敞，再望住個富士山背景坐低感覺好舒服限時優惠既二人同行，一人價錢前菜三點，有個沙律刺身三點，仲有個北極貝冇影到，都好鮮甜牡丹蝦壽司、好鮮甜鯛魚壽司，同樣都係好鮮甜小鳍壽司，落左d橙皮碎同幾滴西檸汁，好fresh用左兩種海膽，非常之鮮甜，一點苦澀味都冇，而且份量都好多好肥美既拖羅，入口即融，好有油香味，雖然食到最後有少少筋，但都唔影響個口感穴子壽司，鰻魚既同類，入口好滑好鮮甜，火炙完好有油香味 油漬赤身，煎魚，甜品，湯仲有幾款壽司冇影到，但全部都好高質，好新鮮，日本師傅亦都好專業，而且服務態度非常好，比人感覺好親切，可以以呢個價錢食到呢個質素，真心覺得執到👍🏻👍🏻相信呢間餐廳都儲到唔少回頭客，因為我已經係其中一個

倆口子都鐘意食日本料理，「鐵板燒」更是我的大愛師傅在一大塊鐵板上燒烤及處理各種食材，睇住師傅即席炮製新鮮食材，真係令人口角垂涎翻查食評，見到「板神鐵板燒」嘅賣相都幾吸引板神有三間分店，分別位於銅鑼灣、灣仔和觀塘，灣仔店可以睇住海景歎鐵板因為慶祝紀念日想好d，一早已經訂枱，可惜晚市堂食未解禁，唯有改為午餐點了午市商務鐵板燒A5和牛薄燒套餐，原來星期一至五13:45後入座仲有八折前菜，主食&甜品共十道菜厚切刺身肉質鮮嫩肥美，油脂厚，魚油甘香細膩，入口質感爽脆，齒頰留香鐵板燒海鮮出色帶子同鮑魚鮮味十足，鮑魚彈牙有嚼勁，龍蝦用龍蝦膏做返醬汁，特別回味鐵板燒和牛和牛包裹住香蔥同蒜片，香蔥沒有搶去牛肉鮮味，反而提升了口感層次，令味覺更豐富，和牛入口即溶，油香細膩，非常juicy焦糖多士香甜酥脆，蕨餅軟糯，yummy總括食物美味，環境一流，不過午餐價位人均都在$800以上，服務質素算一般般，負責店面的店員隔住口罩都feel到唔係好耐煩，這間分店應該不會再來，有機會試下其他分店

之前同女友黎左呢間位於灣仔鐵鐵燒試吓新嘢，食後之後一直都念念不忘，今日有時間就打返我嘅飯後感啦。我哋點咗呢度嘅套餐  「椿·席前鐵板燒」，除咗份量十足仲充滿驚喜！ 前菜 - 醃蒜 芝麻醬菠菜 蟹肉豆腐一上菜已經俾個擺盤精緻嘅程度吸引住，侍應仲好貼心咁教我們由比較淡嘅豆腐食起，最後先食酸蒜。同時都好欣賞料理師傅為客人精心配搭嘅呢個前菜組合。味道從淡到濃，就好似專登為呢餐飯拉開一個序幕咁。個人比較鐘意蟹肉豆腐，淡香嘅玉子豆腐加上鮮甜的蟹肉，after taste 個鮮味真係回味無窮。另外酸蒜個蒜味無我想像中咁重，反而比較偏酸甜，蓋過蒜嘅味道，食完都唔怕口臭。季節沙律除左醬汁多咗少少之外，食材都好新鮮，雞胸肉應該係慢煮處理，入口好juicy好滑。整體上味道都幾唔錯。刺身三款日式料料又點會少咗刺身，不過係鐵板燒食到咁新鮮嘅刺身又真係幾難得。每一款刺身都係厚切，每一啖嘅油香都令我哋有講唔出嘅滿足感。南非鮑魚非常新鮮，所以唔洗點落調味反而完美地呈現左海嘅鮮味白鱈魚煎得外脆內嫩，保持左肉汁。大蝦睇得出又係好新鮮，鮮甜而濃郁嘅蝦味又係食過翻噚味。A5和牛薄燒最期待嘅主角登場！ 廚師將炸蒜同蔥炒後，再放

原本8️⃣位黎食book左鐵板燒師傅面前張台，點知幾日前發現改做5️⃣位打電話預約嘅時候店員表示就要轉落卡位🥺點知今日發現其他人坐師傅台嘅都唔係包唒8️⃣個位嘅😢藉此想提醒大家係可以少個8️⃣個人坐架‼️店員服務態度麻麻☠️，野食就份量太少🤒，仲千叮萬囑我地12:00-13:30要走，但其實佢地嘅嘢食黎得勁慢🥵-🔥午市商務鐵板燒套餐$1780-$1880(兩位)（呢度嘅set都係以2️⃣人做單位，我地一行5️⃣人黎到都可以轉👍🏻）-🥗前菜、沙律雞胸肉沙律配搭千島醬同沙律菜。🐟刺身三款深海池魚、獅魚同吞拿魚，厚切刺身肉質鮮美、紮實彈牙。🐚南非鮑魚、大蝦、帶子按照menu所講每兩位會送一隻龍蝦🦞店員表示由於我地係單位數所以其中一位會變左做大蝦🦐我地request左除開啲野食一齊食🥳當中最出色一定係原隻鮑魚，好焦香惹味；龍蝦不過不失，配合蝦膏鮮味培增；大蝦就同樣不過不失，肉質結實。🐂A5和牛、季節野菜牛方面揀選左A5和牛，相當出色👍🏻我地揀左3️⃣份厚燒同2️⃣份薄燒。兩份各有千秋，五成熟嘅厚燒好嫩滑，肉味濃郁；薄燒入面包捲住葱粒，優雅雪花紋理肥瘦均勻，油脂滿滿。不得不讚一旁香烤過嘅香脆蒜片🧄，完全沒有一絲油膩感，香脆乾身可口

朋友生日，想同佢食一啲特別嘅鐵板燒，所以揀咗呢一間人氣高而且又有海景嘅鐵板燒。之前同屋企人食過一次晚上，但係發覺日頭嘅景色比較靚，所以揀咗中午去食。我哋揀咗二人餐，中午會送龍蝦。日頭環境好光猛透光，現場都有不少家庭帶埋小朋友嚟食，我哋揀咗坐鐵板枱，一邊望住師傅流口水，一邊等待食物送上來。刺身，前菜沙律，海鮮，到最後炒飯樣樣都好滿意，對於我來講唯一就是有時海鮮嘅調味比較重，略為失色。環境同服務果方面都係非常之好。

🇭🇰 板神鉄板燒日本料理 𝔾𝕠𝕕 𝕠𝕗 𝕋𝕖𝕡𝕡𝕒𝕟𝕪𝕒𝕜𝕚 @ 𝕎𝕒𝕟 ℂ𝕙𝕒𝕚 (1/2)朋友生日見呢到有海景🌃就book咗慶祝生日🎂卡位好闊落好舒服，當日天氣清朗，景色唔錯，不過所謂海景都係樓同樓之間嘅海景…有點失望。同朋友分別叫咗兩個唔同嘅一人鐵板燒套餐。【椿】 $𝟕𝟖𝟎｜ 【蓳】 $𝟏𝟏𝟖𝟎【椿】 套餐包括- 前菜、沙律、刺身三款、南非鮑魚、白鱈魚、大蝦、A5和牛薄燒、炒飯、漬物、湯、甜品 ❥前菜 - 華麗擺盤以紅色為主，十分精緻。分別有蟹凍啫喱、高糖蕃茄、澤蟹，食材十分簡單，食落麻麻地，以賣相取勝。❥刺身三款 - 就咁上咗枱，零介紹零講解，應該邊件食起？邊件係咩魚？完全冇介紹，就咁放低就走開咗。每件切得厚厚，只認到深海池魚，爽口肉質不錯。❥南非鮑魚 - 超細件😓 雖然新鮮但都煮到有啲乾。❥白鱈魚 - 沒有特別嘅白鱈魚🐟嚟之前朋友話觀塘店食過好好食，👨🏻‍🍳但當日魚肉嘅外面部分有點Overcooked, 沒有juicy嘅感覺，都係靠調味❥大蝦 - 幾厚肉，食落都幾新鮮🦐略嫌煮得耐咗少少❥ A5和牛薄燒 - 終於有件好食嘅Dish🥩薄片A5和牛燒得剛好，入口即融嘅口感，一咬滿口

平時做嘢咁辛苦，有時都要食返啲好嘢對自己好啲😀今次晏就嚟到灣仔呢間板神試吓鐵板燒，呢間分店位於30樓高，餐廳嘅窗外可以望到港島區嘅景色，加上餐廳座位唔多，空間感好大，所以喺度食嘢有一種專屬嘅感覺😌Menu上面有好多唔同嘅套餐，我揀咗席前商務鐵板燒套餐，裏面仲可以分唔同嘅牛肉等級，可以按你哋嘅喜好同埋銀包嘅能力選擇😄🤣而食鐵板燒，會有一個師傅專門係你前面為你下廚，睇住每一個食物煮嘅過程，份外有趣，而且可以確保食物非常新鮮😋一開始既前菜已經非常驚喜，係牛油果蟹子蟹肉再配一個脆脆餅底，成個感覺好Fresh，而外觀靚到成件藝術品咁😍海鮮方面見到隻鮑魚郁吓郁吓，唔使加任何嘢都非常鮮味👍🏻到左主菜和牛，脂肪分布平均，真係有入口即溶嘅感覺，加上佢用麵包盛着，令到唔會咁重油膩感👍🏻記住個麵包只係用黎你索油，唔好食呀🤣 最後下一個焦糖麵包睇相見到佢先到金金旺旺非常香脆🤤食完 真係幸福感滿滿🥰📍 板神鉄板燒日本料理 (The Hennessy) (灣仔)灣仔軒尼詩道256號The Hennessy30樓

老公生日想食鐵板燒，其實鐵板燒都食過唔少，不過呢一間就未食過，所以就打電話嚟book，其實新開嘅鐵板燒都好多，早一個星期訂位，呢間係第三間終於book 到既！上網睇啲食評，就話佢啲服務一般，食材來講都係新鮮嘅，不過如果講到特別同埋擺碟嘅用心走普通，而佢個服務人員又真係比較少啲，連加茶都要舉手🙋先有人加，唔會主動黎睇吓有咩需要！廚師就一腳踢，好忙！連職員執錯餐既食材都係佢自己攞走換過！水準係有既！不過叫完二人餐後，見到人地叫個貴$1180 既一人餐食和牛，二人餐$2680 食美國牛就覺得唔抵啦！其實，一般人，好似我咁，叫左2人餐，未食牛已經飽左，不過我食左兩份刺生（因為老公唔食魚）飯我根本食唔落，塊板神麵包都無食，全部俾晒老公食，連龍蝦我都再分左俾老公，如果知道會飽成咁，我會選擇平啲，食少啲同埋食靚牛！食靚牛都係2360（兩個一人餐）仲要一人餐一人一隻龍蝦🦞，雖然係細隻啲，但係我見最後分出嚟嘅龍蝦肉份量同一人餐同二人餐嘅份量係差唔多（目測）如果唔大食，我真心建議食好少少但係可以平啲啲既一人餐，係甜品唔同！二人餐係食阪神班戟！不過我就覺得普通姐！如果係大食啲嘅就嗌二人餐，不過牛肉方面嘅選擇

『激抵食午市席前商務鐵板燒套餐低至半價！』⁡之前食過銅鑼灣旗艦店覺得超高質，今次試下主打海景嘅灣仔店！呢度比起銅鑼灣店更加開陽，望住嗰靚景睇師傅烹調真係極大嘅享受~⁡週末&紅日：午市席前商務鐵板燒套餐第二套半價；Mon-Fri: 1:45pm後入座午市席前商務鐵板燒套餐可享八折優惠。記得要預約先哦！⁡推介 🥢蟹肉三文魚籽牛油果多士 🥢南非鮑魚 🥢活龍蝦 🥢焦糖多士 ♣️午市席前商務鐵板燒套餐 (二人前)————————————————————♣️午市席前商務鐵板燒套餐 (二人前)(HKD ➰►前菜、沙律 ▻▻ | 3.5/5►刺身三款 | 3.5/5//深海池魚 | 鰤魚 | 吞拿魚三款刺身都超級厚切，其中最鍾意深海池魚，魚味濃郁口感紮實彈牙⁡►蟹肉三文魚籽牛油果多士 | 4/5絲絲蟹肉口感豐富，上面有番茄金箔點綴，帶有淡淡的羅勒香⁡►南非鮑魚 | 3.5/5超級新鮮仲識郁㗎，好香嘅牛油同胡椒味，爽口彈牙⁡►鐵板燒活龍蝦 | 4/5肉質厚實新鮮，配上龍蝦蝦膏鮮味極濃郁⁡►美國牛肉薄燒、厚燒(HKD1480) | 4/5薄燒就係捲蒜片同蔥花，可以選擇走蔥哦~薄燒雪花紋理幾靚，油脂香氣同蒜片

人生第一個食評比左呢間，開業後第二次黎，6個朋友食晚市鐵板燒，坐吧枱前面，環境都ok, 每人埋單大約2000$, 但係d服務真係⋯⋯女服務員態度差到好似大排檔姐姐，初頭帶位已經開始冇乜禮貌之旅，食食下同朋友傾下計，趁唔覺意，經常未食完就想收走隻碟，幾次！最後龍蝦好彩見到叫停左，一舊龍蝦得果小小肉好貴架大佬！佢真係趁你擰轉個頭係後面偷收架喎！限時兩個鐘，真係茶記咁，未夠鐘仲有半個鐘就催埋單，你師傅都唔係燒得咁快呀？仲要燒其他枱客，成餐飯趕頭趕命完全係比錢買難受。野食都冇初開張咁好味，可以唔洗再黎

𝙞𝙩'𝙨 𝙝𝙖𝙧𝙙 𝙩𝙤 𝙧𝙚𝙨𝙞𝙨𝙩 𝙩𝙚𝙥𝙥𝙖𝙣𝙮𝙖𝙠𝙞 𝙚𝙨𝙥𝙚𝙘𝙞𝙖𝙡𝙡𝙮 𝙛𝙧𝙤𝙢 @godofteppanyaki 🔥 𝙗𝙚𝙚𝙣 𝙝𝙚𝙧𝙚 𝙩𝙝𝙧𝙚𝙚 𝙩𝙞𝙢𝙚𝙨 𝙖𝙣𝙙 𝙞𝙩 𝙣𝙚𝙫𝙚𝙧 𝙙𝙞𝙨𝙖𝙥𝙥𝙤𝙞𝙣𝙩𝙨 𝙢𝙚! 𝙘𝙖𝙣'𝙩 𝙬𝙖𝙞𝙩 𝙩𝙤 𝙜𝙤 𝙗𝙖𝙘𝙠 𝙖𝙡𝙧𝙚𝙖𝙙𝙮😋.今次已經係第三次食板神，早兩次食過銅鑼灣分店嘅晚市鐵板燒同omakase，今次嚟到灣仔30樓高嘅分店，仲望到啲海景添！商務套餐包咗唔少食物，刺身三點盛有赤身、鰤魚、深海池魚，肥美新鮮，另外蟹肉龍蝦肉他他好有驚喜，面頭嘅三文魚米蕃茄醬酸酸甜甜，加埋牛油果連埋底層脆包一齊食，由甜味到鮮味、軟滑到卜卜脆嘅口感，不論味道定係口感都好豐富！到主食有醬油燒鮑魚同蝦膏燒龍蝦，試完原味再自己落少少蒜頭麵豉醬同海鹽又有另一種味道享受，薄燒牛肉香蔥卷同美國牛柳一樣出色，本身已經飽到上頸，但食完一啖炒飯又忍唔住不停食食哂成碗🤰🏼 最尾仲有漬物、蝦頭麵豉湯、焦糖多士、蕨餅、咖啡，其實計落係幾抵食～

⚠️服務有待改善 以為去咗澳牛食飯⚠️.第一次去覺得呢間好好食（之前我都有出過食評），加上朋友鍾意鐵板燒，所以決定朋友生日去多次～但係想講相隔兩個月後第二次去覺得服務同茶餐廳差唔多🥲.事源係我訂位嘅時候已order定件cake寫happy birthday，除咗去前一日再confirm多次外，當日去到趁朋友去toilet我再三remind多次～佢仲同我講你book個陣有remark就得喎🤷🏻‍♀️點知到所有菜式上晒，我等緊蛋糕上嘅時候，店員同我哋講佢哋落場叫我哋埋單🌝當時3點3左右（我哋食1:45個round），但我都3次remind過要上蛋糕都可以唔記得之外仲同我哋講要落場，好似我阻住佢咁🥲咁最後我就同佢講仲有蛋糕未上，佢如夢初醒話咩蛋糕？？？朋友係隔離都有啲尷，最後佢搞咗有15分鐘先上到個蛋糕☹️.除咗呢點，就係成餐飯佢收野都收得勁快，我哋 未 食 晒 佢 都 打 算 收，真心好野唔知以為去咗澳牛食飯🤪.平心而論食物上其實整體都好食，特別係炒飯好正，兩次食都好好食！仲有環境好靚好啱影相♡但今次食嘅刺身就麻麻地有啲腥，鮑魚同龍蝦覺得都麻麻，朋友覺得小小腥同咸咗啲～其實第二次去嘅時候我都係叫番

最近喺IG見到好多人食板神，真係極高人氣嘅鐵板燒，所以要提早啲去book位，同埋早啲去到嘅時候可以望住廚師煮嘢食。餐廳位於灣仔the hennessy 30樓，夠高個景已經取勝。鐵板燒黎講，佢嘅價錢唔算特別貴，性格比係高嘅，唔怪之得咁多人去食。其實樣樣野都好好食，但我最欣賞就係佢嘅薄燒和牛，啲油脂好多，正。因為朋友佢唔食牛，所以我哋額外幫佢order左豬，佢話豬都好好食！佢個炒飯都好好食，好想再encore😋😋