板長壽司 (創紀之城五期) (已結業)

同朋友行到攰攰地, 搵個地方坐下順便食晚餐.是日晚餐:-<<壽司類>> 三文魚>> 薄片了點, 冇乜三文魚味, 勝在便宜 油甘魚>> 朋友本來唔係想點油甘魚架...不過不失. 板長蝦>> 好味過甜蝦同熟蝦, 口感有d似牡丹蝦, 下次我會再叫! 帆立貝>> size比一般板長壽司細左d, 唔夠鮮味.chopstick: 豚肉拖羅>> 好抵食才6蚊一件. 原來都唔差架, 食落去唔似豚肉呢~~~ 火炙金三文魚腩>> 加了一蚊變金, 食落去差過普通三文魚腩....<<其他>> 鰻魚生春卷>> 朋友話好正, 不過有骨 蝦天婦羅>> 得3隻, 炸到熟晒皺皮, 同埋好細隻 蟹子沙律>> 青瓜好多, 又濕, 一d都唔好食~貪佢冇人排隊, 下次去番淘大果間!食完飯起apm再戰第二round

　　這天我獨自一個人去觀塘APM商場搵食，就係去板長壽司親身品嚐一下野生金三文魚既魔力有幾大，入內坐下，我即時點了６件金三文魚壽司～２件廣島蠔卷～一件蟹棒壽司～２件珍寶帶子壽司．金三文魚壽司外表光澤透紅，新鮮，脂肪分佈十分均衡，難怪我一放入口就甘香可口，確實與普通三文魚有所不同，有越食越想食既衝動．最後我還是要叫多２件金三文魚才肯收手．

今天一家四口到板長壽司共進晚餐，預祝我生日。因為我是主角，所以地點是由我定的，一向喜歡日本菜的我，已有很久沒吃壽司，見到板長壽司的「金三文魚壽司」賣廣告，又話做緊特價＄６，於是便決定趁機一試！〔金三文魚壽司〕一來到，即刻試試「金三文魚壽司」，唔試過都唔信，＄６竟然食到比＄１ｘ更佳的質素！店方說金三文魚特別多脂肪（特別肥美），其實，那些多了的脂肪不能吃得出來，但是食落味道卻很鮮、質感很滑，相信這就是那些脂肪無形中帶來的非一般感受。〔三文魚刺身〕因為「金三文魚壽司」的驚喜，於是點了普通三文魚刺身（＄３５／６片），看看有什麼分別。三文魚刺身望落色澤不錯，脂肪亦很平均，可是吃起來卻沒有「金三文魚壽司」那種質感。因此，下次我會寧願點６件「金三文魚壽司」（＄３６），這就是「金三文魚壽司」的奇怪魔力！〔豚拖羅手卷〕豚拖羅一向都是好食之物，想不到這個豚拖羅手卷卻比好食更好食！先說豚拖羅，燒得啱啱好，有點兒脆口，卻又沒有令肉質變乾，反而仍很滑，這是很難得的！而且醬汁亦沒有搶去本身豚肉應有既味，反而兩者完美結合！對一個手卷來說，紫菜的厚薄和飯團的實度都很重要，這兩點都做得很好！「豚拖羅手卷」必食！！！〔火

參加朋友的婚禮之前, 只有半小時吃飯, 來了APM, 可以快食的 food court 擠得水洩不通, 無計可施之下, 吃壽司通常都不會錯得太厲害。坐在壽司吧, 雖然坐得有點逼, 但相信可以快些有得吃。天氣轉冷, 餐牌上有不少熱食推介, 不過趕時間的話還是只吃壽司好了。 今期推介的金三文魚 ($6) 和金三文魚腩 ($9) 壽司各要了一件, 店方宣傳品聲其脂肪比普通三文魚多, 但吃下去我卻沒感到有什麼特別, 倒是金三文魚腩是幾肥美的 (當然啦)。(題外話: 那金三文魚的電視廣告真是爛得可以!)另外要了幾款其他壽司:平目魚背 ($15) - 上面放了一些香草 (估不到是什麼), 為清淡的魚肉增添芳香。火炙三文魚 ($6) - 吃了這個還是覺得金三文魚好吃一點。 豚拖羅 ($6) - 帶少許肥肉的薄切豬肉, 用紫菜捲著, 掃上燒汁, 幾惹味; 畫龍點睛處也是藏在紫菜裡的一小撮香草。生赤貝 ($35/2 件) - 是時令食品, 赤貝很爽脆, 底下是紫蘇葉, 其獨有香氣即時令整件壽司增添貴氣。在板長吃壽司, 不時都可以吃到新款式, 還是可以給個笑的。

03-10-09友人點了很多野, 都唔知佢點左咩, 只知大約有咩好食唔好食好食者: 1. 未來粟米, 呢個粟米真係勁甜勁好食, 佢係生食的, 但好冰涼, 好juicy, 同埋好fresh! 勁讚!2. 特價的唔知咩燒三文魚sushi, 好好食3. 鰻魚, 大塊, 好好食!失色者:1. 三文魚其實很不錯, 但元氣的三文魚比呢度更勝一籌2. 牛油果蟹肉沙律, 好似好大碗, 但材料不是太fresh, 而且冇咩蟹肉可能昨天是迎月, d人玩得夜, 所以不用等好耐就有位食~

等老婆放工, 又想去食壽司喇 之前只去過旺角的兩間板前, 一於去試下晚晚排長龍的APM板長雖然坐低就有個可憐小侍應上茶,但我地畫完紙揮手好一陣先有人得閒接, 十分建議佢請多兩個人 先來10件$3三文, well, 小弟深知這是俾師傅練功的東西,也看著那片三文魚真的很薄, 但別下口去才發現好吃之處魚片雖薄, 但入口豐潤, 明顯是有溫過的, 而且切片時要考慮脂肪紋的方向飯團處明顯有空氣感, 芥末剛好, 只有其中兩件太多, 是運俘好吧? 我不介意支持多一點師傅只在三文魚壽司上面說, 上面和叉庭塊魚生再厚, 外觀再靚,都不及這樣子的一半…和叉庭的一夾即散, 也比起元碌, 完氣等機械式方塊壽司好食多了, 這才叫壽司吧… 飲啖茶清一清, 之後吃$9/4件的醬油漬…我跟太太說:"怕腥, 之前在小店鋪吃過, 你先試下吧""好味喎, 唔腥呀"(吃)"嘩, 真係好好食喎…好似去左日本食飯咁!"之後有三文生春卷, 普通, 很泰式再來一個蔥花吞拿魚手卷, 別客氣, 是男人就一口咬下去!豐厚的鮪肉碎充滿脂肪感, 加上適量的蔥量…滿足十分! 到熱食階段, 煎蛋十分好, 比和叉庭的香, 乾身, 質感比較結實但絕不過

最愛魚生壽司, 平貴皆有, 豐儉由人. 可借, 板長始終不能成為我的平價首選, 我情願去元氣或怪獸.首先, 等了45分鐘, 但其實內裡有位. 坐好, 剛點菜, 就要求我調位, 好方便做肆人枱喎~!等我再坐好, 點蚌, 無, 池魚, 又無, 都仲早啫~!最後, 就只點了那捌幀照片的食物, 及食物模型般的三文魚壽司, 差得連照片也無心機拍. 響螺, 象拔蚌, 芥辣八爪魚, 及鵝肝壽司, 以價論貨, 還算可以. 其餘就不濟了. 總結: 無下次

今天和同事們很開心出街食飯...一心試一試板長有否像別人說的那麼好味名抵食!!三文魚壽司都可接受, 醬油漬三文魚就ok! 但最最最最不敢恭維的是佐賀和牛(刺身)一點鮮甜度都沒有,一口即溶化度又沒有, 想像中的和牛最基本鮮甜度感受唔到!如鬼失望! 只有一兩種稍為好一點!!!失望!!!!!!!!!!!!!!!!!!!!!!!!

今次係第一次係官塘既板長食, 6:35分左右到, 見吾太多人, 諗住等住位再等男友放工,因為佢吾鍾意等位, 難得我早放, 所以黎等定位!點知7點未到, 已經有位, 但男友未到, 未齊人吾比入, 唯有再等下!好彩5分鍾後男友到左, 同番佢講, 即時有位入得!每次去都必叫既三文魚同三文魚漬醬油壽司, 因為抵食又好抵!今次吾想食得太貴, 所以都有D就住叫!三文魚 - 吾太新鮮三文魚漬 - 吾夠肥美芥辣八爪魚 - OK,蟹棒 - 自從上次食過, 有驚喜, 所以今次都必食之選風腿 - 之前食過都吾錯, 但今次呢間就做得差左八爪魚 - 麻麻龍蝦沙律 - 之前係尖咀個間食過, 幾好, 呢間就吾得吞拿魚沙律 - 我無食, 男朋友自己食, 但佢話一般向螺 - 好爽口, 有驚喜,推介!冷烏冬 - 千其吾好食, 我見隔離台叫左, 但都食吾哂! 烏冬好林又好似梅梅地!麵豉湯 - 吾錯, 同尖咀個間水準差吾多整體水準都麻麻, 吾怪得之無咩人等, 平時係尖咀, 6點幾都要等成個鍾先有位!吾會再黎呢間食!尖咀海港城個間好太多了!今次無帶相機, 無相睇!!

我七點前到達，但依然很多人，今次要等60張枱，我早知要等好耐，所以約咗個 friend喺 starbucks飲咖啡先，hea 咗50分鐘，嚟到等一陣就有位，時間啱啱好。枱有D迫，Service 都OK嘅。一坐低就好肚餓，order 食物先啦。活帆立貝刺身($40) - 幾新鮮，口感不錯，但冇甜味。三文魚壽司($3) - 一般啫，不太肥美。三文魚油漬壽司-2件($4.5) - 得個平，太...薄嘞。燒玉子($12) -甜甜哋 ，OK啦。蝦天婦羅手卷($15) - 賣相麻麻哋，炸漿太厚，但仔仔話好味海膽手卷($25) -味道不錯，海膽味濃，由頭到尾都有海膽，正！軟殼蟹手卷($20) - 味道好，軟殼蟹幾脆又唔油。秋刀魚刺身($120) - 幾新鮮，味道 OK，但唔夠香。Waitress冇話比我哋知可以加$10炸魚骨，真喺可惜，後尾有另一個waitress 同隔離枱講，我哋先知咋。野生油甘魚腩壽司($18) - 冇乜特別，又薄又唔肥美，$18一件唔抵食。蟹棒壽司($6件) - 老公話一般，仔仔話好味喎。葱粒吞拿魚腩卷($35) - 呢個唔錯，吞拿魚腩肥美，幾好味。蟹肉蟹膏軍艦($9) -

無論是閒日或假日﹐這裡都總是排有一大堆人群。是晚剛到達APM便到此處拿號碼再往附近行行。半小時候再來號碼剛好﹐便進內入坐。 雖然被安排坐在鋪位的外則﹐但這裡的服務員應該是有他們所負責的崗位及位置﹐所以頭一轉便能得到服務。食物總共點了10客三文魚壽司﹐2客海膽壽司﹐飛魚子壽司﹐三文魚子壽司﹐龍蝦沙律壽司﹐蟹肉蟹羔壽司及北寄貝壽司。三文魚壽司 – 推廣期內$3客﹐但每人只能叫5客。三文魚肉質偏瘦﹐沒有三文魚油香﹐與推廣期前的質素有明顯的差別﹐有點張貨就價。但$3一客都不會要求什麼。帆立貝壽司 - 肉質算幾厚﹐但沒有什麼鮮甜味﹐令原比多大概十元要珍寶帆立貝﹐相信質素會好好多。海膽壽司 - 海膽不太新鮮﹐味道沒有那甘香香甜味道﹐疑似隔夜貨色。後悔沒有叫一客來試其味道便一口氣叫了兩客。飛魚子壽司 - 飛魚子粒粒卜卜脆﹐味道鹹香﹐蠻新鮮。三文魚子壽司 - 三文魚子粒粒脹卜卜已切且還很濕潤﹐看得出很新鮮。當把三文魚子吃落口那爆開的感覺恨得意﹐鹹鹹香香的味道很鮮美。龍蝦沙律壽司 – 龍蝦肉切成細條狀﹐新鮮﹐肉質實實。因是沙律的關係﹐所以龍蝦肉撈上調味料另這款壽司味道比較濃味。蟹肉蟹羔壽司 - 蟹肉與蟹

壽司係我每個星期必食嘅菜式而板長亦係我嘅飛佛今晚勁多車，單係等入停車場都等咗約20分鐘於是女皇就上去攞位先嘩！！要等100個號碼最後到入得坐就已經係1小時後喇三文魚腩，都算肥美珍寶帆立貝，鮮甜味美海膽軍艦，近期當造，超甜"正"都唔少。海膽手卷，同上龍蝦香芒沙律，都唔錯，有幾多龍蝦但略嫌多咗D牛油果，青瓜絲又少咗D。上面仲有金箔，幾矜貴蟹肉蟹籽沙律，都係我必叫嘅，健康D食下菜嘛吞拿魚沙律軍艦，雖然係即做，但有點"馬虎"，吞拿魚沙律起舊飯上面未有放平滑，仲有好大個"咕窿"海膽玉子卷，係全晚最唔掂，有D腥腥地，番叮完個賣相又唔掂，個玉子又"鞋鞋地"Summary:飯握得都夠實淨，都唔細舊，魚生都幾新鮮，特別海膽都能保持水準。因為對面有枱客好似少食壽司，提出好多問題有個職員好有耐心去解釋，所以我覺得呢個職員眞抵讚繼而枱客仲起自已個袋攞出自攜日式食物，起大脾位置援援施開點解敢都得莫非佢自攜嘅嘢食好食過板長嘅我地其實都幾唔好彩，經常食飯都會坐起D嘈雜位唔明D人講嘢嘅聲有冇需要咁大囉

無原無由的﹐很喜愛食壽司﹐也許鐘意那一啖啖咀嚼魚生的感覺。生日去板長食﹐別人可能覺得無咩特別﹐但我覺得幾好呀! 只係因男友要攪掂手尾才可收工﹐變相要在店前大排長龍。一坐下﹐只消第一時間點了珍寶帆立貝﹐愛死了那滑滑的口感﹐是普通的帆立貝比不上的﹐我第一次吃珍寶帆立貝是在另一分店吃的﹐吃過一次就愛上﹐次次都要吃哩!! 慢慢的再加單﹐也點了其他的﹐如油甘魚、海謄軍艦、章紅、甜蝦﹐二人吃得很飽﹐結帳才近三百!! 打完這篇﹐又想再去Encore哩。不過... 侍應生們未能一眼關七﹐隔鄰是一人坐位﹐那小姐叫了很多次都沒有人幫她加茶﹐氣得她不得了﹐幸好我飲得慢﹐才不致跟這位小姐一樣。

原本一向都好喜歡板前壽司, 所以連帶都會去板長壽司食!!!記得大約由2008年10月開始推出 「$3三文魚壽司」真係好吸引,經常食-- 不止堂食, 外賣, 去到機場都食!!!!因為三文魚的質素無因為價錢而下降, 真係好滿足!!!可惜板前(長) 愈來愈 mean, 先後 cut 左外賣及機場的優惠,現在連堂食都限住一人五件??仲要d三文魚細左薄左又有筋.....唉!!!會唔會為左慳 $7.5 「(4.5-3)*5」而優先考慮板長呢....唔好當d消費者無腦的, 好嗎??相反, 消費者唔會坐低淨食三文魚壽司, 一定會 order 其他食物!!一係一早 cut 左整個 offer, 唔會有不滿, 明白做生意的難處現在保留 offer 下 cut 晒 quantity, quanlity, service 又唔係好過人, 反效果出晒黎....無必要都會少食!!!Focus 返 apm 呢間板長, d staff 的態度一向麻麻地, 可能人手不足啦, 樣樣野都要等!1) 明明下一張就到, 佢話執緊, 都要等 5mins2) 想 order 揮左好耐手都無人經過.....3) 食完成餐無人會幫你加

好耐冇去板長度啦～原來６月１日開始，有限一個人叫幾多碟三文魚壽司同埋4.5元一客的三文魚醬油漬壽司三文魚醬油漬不錯呀~火灸後的魚油很香今次鰻魚壽司不太好，凍的。。而且很遲先黎鵝肝壽司不錯，入口有少少即溶的感覺～龍蝦沙律軍艦&蝦膏甜蝦軍艦,甜蝦唔腥幾鮮甜今次有漏單情況呀。。客人唔多都咁