板長壽司 (創紀之城五期) (已結業)

嘩！老細請食飯，大家當然老實不客氣，咁同事就揀左板長！一於食餐好！唔洗睇價錢，當然食得特別爽，叫左好多野食，就推介幾味啦！燒三文魚頭：燒得幾好味，少少油但仍可接受！軟殼蟹手卷：水準之作，佢地整的軟殼蟹的確好味，後來更叫了軟殼蟹卷和小食。甜蝦壽司：嘩！好大隻，每件壽司有兩隻，有抵食，而且隻蝦很甜。其餘如蟹籽沙律、吞拿魚腩壽司、蒸蛋等等都係OK的！但係仍有地方要扣分，就係服務質素了，可能係新舖，服務員普遍不濟，只有經理級幾名有番咁上下。但係漏單和叫極唔理你就真係好唔要得！

同男朋友食飯, 簡左食壽司。 基本上我地一個月都會食一次壽司, 呢間都食過好多次。但係…..水準真係每況愈下。當晚食左好多壽司, 都係大路野: 三文魚壽司, 帶子壽司, 海鰻壽司, 蟹棒壽司, 吞拿魚壽司, 海膽軍艦軟殼蟹手卷, 等左好耐, 但並不是新鮮炸好, 有d 失望。每次都會叫冷燒玉子, 今次都唔例外, 唯一水準之作。整體食物質素都一般, 短期內都不會再食。希望下次再食個陣, 會有新驚喜啦。

10月1日諗住食好d啦~~~去到板長門口比佢張藍鰭吞拿魚poster吸引左入去~~~注意:坐低左佢都仲有獨立menu比你叫...order左2碟...點知佢話冇!!!!果時只係6點左右!!!算啦咁咪叫自己最既三文魚腩4件海膽等等每樣要兩件...點之每樣黎左1件...咪同佢講囉話會改單啦...好喇果d都黎齊只係三文魚腩仲未黎...問佢先話冇喎!!!!冇又唔講!!!!!!!!!!!!!我地咪要普通三文魚之後再叫普通吞拿魚腩...點知普通吞拿魚腩都係冇架!!!!我地睇下張單佢又落左藍鰭吞拿喎...咪又問佢囉...佢仲問返我係咪未黎!!我就話你地話冇架喎!!!佢又再改單...到埋單張單唔對路....原來冇取消4件三文魚腩!!!!由頭到尾都係錯架!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

尋晚同女友11點到去左板長宵夜 (之前好少去板長系....), 其實壽司好難整得唔好食, 除非係d料唔新鮮, 當晚叫左十零件壽司, 冇咩特別, ok啦.但d服務就真係唔掂....:1. 去到已經見到3個吉既bar位, 當時冇人等位, 服務員仲要比張飛我地等位, 等左5分鐘, 就係比番幾個位我地, 攪咩呀?2. 坐低左, 見到班壽司師傅(學徒?)就唔開胃, 唔戴口罩開工之餘仲要一路傾計一路整壽司, 有一個仲有幾聲咳添, 咁唔衛生, 有冇攪錯?3. d服務員真係fresh到呢...未train好就出樓面, 連壽司款式都唔識分別, 問佢係咪油甘魚壽司, 佢竟然呆左, 然後攞番碟壽司去問冇戴口罩既師傅, 成個過程口沬橫飛, 點食? 不過, 碟野係隔離檯, 唔干我事, 我係側邊睇野架o即(haha~), 唔係我實叫佢換過碟~4. 有關 ordering system, 張order單放係人椅背, 於是久唔久就有服務員"控"埋呢check野mark野, 煩到死, 本人覺得非常annoying!5. 漏單, 我相信係個別事件, 不過係非繁忙時間都可以漏單, 實在有點兒那個...... (於是叫左fr

昨天跟朋友想住去板前,點之apm個度得板長. 見佢同一個老闆就去食啦.. 看到餐牌價錢比板前便宜左一半. 好奇怪. 還有點懷疑是否一碟得一件. 跟著叫左個waiter埋黎問.. 原來真係咁.. 我覺得幾好，單件上，有些可以唔洗吃兩件咁包肚. 朋友叫左個墨魚咀小食. 佢話麻麻地, 佢話炸得硬左. . 可能價錢平左一半，細碟左好多。其他食物都一樣咁好妹.. 唯獨是我們至愛的蒸egg, 太差了蒸到過左火咁, 但係滑ga..唔知點解d egg色於黑色咁. 唔黃囉. 同埋好鬼喊 ! 不過都值得再去一次。

薑餅人出奇地早放工, 於是便提議去這裡來個早鳥晚飯, 不用排隊嘛~二人叫了:1.温室蕃茄沙律 - 蕃茄新鮮多汁, 醬汁有醋也有沙律醬, 整體清新開胃.2.帶子壽司 – 軟嫩但不夠鮮甜.3.板長蝦壽司 – 爽口彈牙, 類似峰壽司的細峰蝦.4.墨魚鬚壽司 – 色澤鮮明, 肉爽不韌.5.章紅魚腩壽司 – 肉嫩細緻.6.芥辣八爪魚壽司 – 紫菜不會淋pat pat, 八爪魚黏糯新鮮.7.活北寄貝壽司 – 肉厚爽脆, 但有點腥.8.池魚壽司 – 鮮嫩但肉味稍遜.9.秋刀魚壽司 – 比池魚味濃, 有驚喜!貪吃的我們真的難去減肥呀!

昨天lunch去了板長試吃"三色魚生飯", 味道是不錯的, 海膽和三文魚子都算新鮮, ok的; 三文魚, 都ok喇~ 冇乜期望. 但service同份量就冇乜保證囉! 隔離個先生, 佢與我一樣order三色魚生飯, 但佢的份量都比我少, 最搞笑連飯量都少過我, 佢同侍應同"廚師"講, 投訴與照片相差實在太遠, 最後竟只是加了數粒三文魚子給他... 哈~ 我看到他的飯, 我都會唔夠飽.... 之後, 我個飯黎左, 好明顯係多過佢, 不過... 我連成個飯都食晒, 個沙律同湯都未黎, 追左兩次果d侍應都冇反應, 只係話"幫你睇下喇", 我連飯都食晒都等左起碼5分鐘, 終於忍唔住叫個著西裝褸的姊姊(所謂經理)黎"炳", 佢先好快咁幫我拿沙律同湯黎, 唉~~~ 雖然味道ok, 但我都唔會再幫襯囉, 因為服務太差, 同埋d所謂"廚師"成日做遺留野, 連人地個壽司飯放少左兩件蛋都唔知, 要個客追...... 我覺得好差囉, 我埋單都$66蚊架, 話晒都係日本餐廳丫, 唔係日式茶餐廳呀! 咁o既服務, 唔多掂.

一向都係板前支持者，價錢平均貴幾蚊，但味道材料的確比其他新鮮一點..今日第一次試姐妹店板長，食完之後覺得，兩間冇咩分別.....牛奶甜蝦湯一樣鮮美toro肥美少筋一樣滑軟殼蟹手卷一樣可口只係極上海鰻壽司就差左少少，汁唔夠濃，而且上台是饅魚散左 其他壽司好帆立貝、甜蝦、蟹棒、三文魚、醋鯖魚等等都保持水準每次食sushi,最開心就係有人同我share一板海膽，暫時得板前/板長的海膽，我每次叫都係夠新鮮.....最怕吃到開始變苦味的海膽.....4件海膽一起入口o既感覺真令人幸福 比較好o既就係可以壽司單件叫，咁樣更適合唔同口味o既朋友點菜....但係卷類係1份兩件，我同朋友誤會左...叫左兩份親子卷，來左4舊....勁飽 =0=4xx埋單，今次叫得太多了 =口=帶位o既女仔禮貌好好，另外有個後生男waiter，樣子靚靚仔仔，服務態度好好，不過我睇唔到佢地叫咩名

是日 放榜 搞好晒所有野 同朋友就o黎呢道慶祝一下今次食既同上次差唔多 三文魚腩x6 依然係咁好味^v^吞拿魚x1 都係咁好味三文魚生春卷x2 冇上次咁好味鰻魚生春卷x! d鰻魚好少 不過入面d菜同番茄好新鮮海鰻x2 好甜 勁好味 北寄貝x1 唔鐘意食 好硬油甘魚x1 好味^v^南瓜雪糕x1 好滑 不過少o左d不過d待應唔再勁快收碟啦 係有個四眼哥哥好冇禮貌叫我收返自己帶入o黎既野飲 是次又係朋友請 在此謝過;*)

因為唔記得帶相機，所以今次食評冇相啦。是日，與朋友行apm，行到餓就ｏ黎ｏ左呢度食na一入去就有位可能唔係食飯時間na...佢冇迴轉bar所以要寫紙仔-_-都幾唔方便。咁其實我都係亂咁點，因為我只係鍾意食三文魚。其他壽司就好隨便咁揀。大約只係記得食o左:三文魚腩x6件-好肥美^^玉子x1件-ok吞拿魚x1件-唔腥，我唔鍾意食都覺得好味＾＾凡立貝x1件-ok蝦x3件-ok面鼓湯x2-好足料，最鍾意飲呢度既湯^v^cheeses cakex1-過份細件，冇芝士味。12蚊唔抵-,-三文魚子手卷x1-好少少腥板長鰻魚x3件佢食夠一百蚊送栗米，估唔到生栗米都可以咁甜兩個人食o左三百幾，d野就好食na...之不過d待應姐姐收碟太快na，我一拎起件壽司就即刻收，好趕客但因為食o左咁好味既壽司，所以俾笑樣＾＾

昨晚提議同女朋友及媽咪去板長壽司食....本來諗往佢個名衰個一排...應該個服務質素會比較嚴緊...誰不知又中計:去到要等51張台先到我地...算數!!我地就等.....等了差不多45分鐘終於有位啦...1. 入到去立即叫野食呀.....tick完想比張單伙計...伙計好似唔係好想理...2. 野食到左，但係質素比起淘大有天壤之別3. 食緊既時候，有一個伙計hard sell廚師推介...(你好distrub我食野呀)4. 有張單亂左...個伙計竟然逐張台問: "你有無落個呢張單?".(你好好好distrub我食野呀)5. 隔離台有個客唔識tick單order....個伙計竟然闊化懶理6. 最離譜!!!埋單等左好耐....媽咪眼見有一個埋單用既硬皮簿放左係客人等位既梳化上面，女朋友過去一睇...竟然係我地張單連credit card...我地立即拿回，並叫伙計過來希望有合理解釋，點知個伙計一句道歉都無講...仲一句得埋o黎 : "邊個比你地呀??"....好似係我地錯!!!呼籲全香港人士....小心板長.....

七月十六日(星期三)本來約左幾個同事去食火鍋, 點知全部都突然俾老闆綁住, 我地等到九點幾都無起息, 火鍋唯有告吹…臨時改行程去觀塘食板長…早前板前傳出食物中毒事件, 而家應該會加強衛生工作罷, 因此都不太擔心…因為太夜, 不吃太多…但都唔少^.^:油甘魚腩壽司, 係我地近期既至愛, 魚油非常甘香…食完後油香仍然滿溢於口中…芥末八爪魚軍艦, 因為八千代, 所以我地愛上八爪魚軍艦, 味道尚可, 不過八爪魚粒略嫌靭了點…海胆軍艦, 可能已過了食海胆的季節, 海味不太鮮甜, 不過都唔腥, 尚可…三文魚腩壽司, 一貫的板前板長系水準, 入口鮮甜北寄貝壽司, 頗為新鮮, 有咬口龍蝦軍艦, 好似無以前咁好咁有蝦味…炸蠔, 略為細隻了點, 不過都幾新鮮, 幾有蠔鮮味…和風沙律想一提的就是這裡的壽司師傅非常唔尊業, 弄壽司過程中不斷說話, 如果我地食物中毒, 一定係佢地既口水所致, 而且飯團搓得較為鬆散, 對於我地坐係bar枱面前既顧客真係大熬風景…提提大家, 而家板長做緊Promo, 有較罕有的北海道三文魚壽司(HK$30 2件), 食滿HK$100又有可以生食既粟米送…因為我地兩個都不太好粟米,

早兩個星期既一個平日晚上, 放工後走左去APM行街, 先知呢到開左間板長, 壽司癮起, 決定唔理當期熱門既中毒事件, 一於去食!~不過等位既經歷有d唔好, 朋友先到, 拎93號, 人齊時已經叫到103, 以為冇得補, 諗左陣都係想食, 無奈唯有拎過張114, 果刻叫到109, 等左半粒鐘有多都冇再郁, 我地行前d到個counter打聽下, 先知原來佢不停補檯, 仲要由9呀幾號開始補, 唔係呀fa, 明明大隻字寫住超過5個number冇得補ga bor!! 咁我地咪白等!!! 心情轉差, 去個toilet calm down一下, 點知一返返去就飛檯飛到去12X, 頂!!!! 好彩佢都肯補, 等多兩分鐘終於入得, 不過前前後後都攪左粒幾鐘, 果一刻已經冇晒食壽司既興致...雖然有好幾個月冇幫襯板系壽司店, 不過menu似乎冇咩點改, 除左加價。我地都係叫d大路野: 三文魚, 火灸三文魚, 蟹棒, 墨魚, (熱)燒玉子, 芝士飛魚籽, 油甘魚, 珍寶帆立貝..... 唔逐件咁describe喇, overall感覺跌左d watt, 得油甘魚仍保質素, 有入口溶化之感, 三文魚都仲算鮮美,

很同意樓上的一篇食評此店由開張到現在已幫襯第四次了!頭三次的經驗真的得很不錯,環境舒服又服務亦周到,魚生新鮮,最值欣賞係每客一件,與朋友可各自點選喜愛的.. 可惜, 不知是否因為近排米價爆漲..最近一次光顧,魚生雖然依舊美味新鮮 但癹現所有壽司的飯質變得地又鞋又乾,肯定不是用平日用來作壽司的壽司米搓成), 應該轉用了別的品種, 鄰座的朋友更說觀乎口感和外觀和家中那袋國產櫻城珍珠米,應屬同一品種!!

最近有好多日本食肆食物中毒既消息傳出, 尤其是板前。但我對於新聞一於少理, 因為我深信唔會有邊間食肆發生問題而唔去解決,所以事後既衛生程度應該係最高既!! 我今日就去0左食APM新開既板長壽司啦!我一直係板前壽司既擁護者, 一直都好支持, 幾多人都會去排隊食~今日六點幾去到板長竟然冇乜人, 兩個日去食等十分鐘就有位,哩間板長同其下集團舖頭有點不一, 哩間舖頭係冇迴轉龍, 全部都係即叫即做, 而且上菜速度奇快,order後約十分鐘就送到, 所以食物唔會咁容易變壞, 最怕D壽司暖暖地, 唔凍唔熱既食物最易有問題...今日食0左玉子壽司, 杋立貝壽司, 海膽軍艦壽司, 火灸三文魚壽司, 火灸鰻魚壽司, 墨魚壽司, 森巴卷,仲叫0左客日式caesar salad添! 其中最好食既當然係火灸三文魚壽司啦, 其次係日式caesar salad,個salad好fresh, 其實除0左森巴卷冇乜芝士味同海膽軍艦壽司唔夠多海膽外, 全部都好好食!朋友食過咁多間都話哩間d飯最好食!