林洪記

营业中

休息中

老公最鍾意食又識食，所以搵地方都唔易。見呢間個個都話好新鮮，就一於試下先。$218就可以任食，呢個價錢我地都不敢太大期望。一落單，就先來個海鮮拼盤 眼見樣樣都好新鮮隻蠔都大大隻佢地menu有寫明點款野食蒸幾耐，我同老公真係好乖咁2款2款地蒸，仲計哂時架! 但真係要跟，因為個時間真係剛剛好!上面係蒸前蒸後既樣，我平身唔鍾意食鮑魚，因為好un又飽肚，但咁蒸完後勁鮮甜，又唔un，真係好好食龍蝦仲正! 出面就算酒樓食親都係離殼，因為唔新鮮。佢呢檔新鮮到爆炸 肉質勁爽口，彈牙，d膏仲蒸得剛剛好，好香口好juicy雞平時打邊爐真係唔會食，因為一定烚到柴哂。但呢道既雞好滑，好有雞味，冇諗話會好食到咁炒辣蟹任食，好香口!平時打邊爐既雞腸一灼就好鞋，但新鮮真係唔同d，仲好濃雞味，好爽口。雖然熱左d，但叫返2支啤酒再有咁新鮮既街市貨，好值得推薦比大家

最近成日都要OT, 今晚收左工之後就去左附近街市打個靚邊爐🍲先番屋企😂, 今次就去左E間林洪記到試下佢地嘅蒸氣海鮮火鍋! E到嘅海鮮幾新鮮全部即叫即劏🔪, 老闆娘仲叫我地先食左個海鮮拼盤先再叫其他火鍋配料!E到嘅汽水係用玻璃枝裝嘅, 所以飲落特別爽😆!海鮮拼盤份量同種類都幾多, 有桶蠔, 鮮鮑魚, 大元貝, 大蜆, 海蝦🦐, 青口, 龍蝦🦞, 美國牛小排🐂, 蟲草滑雞🐓, 每一款海鮮同肉類嘅蒸煮時間唔同⏳, 而所需嘅時間都可以參考餐牌所寫嘅! 所有海鮮都處理得好乾淨無沙, 食落亦好鮮甜, 肉質爽口😊! 雞肉口感嫩滑, 牛小排牛味濃郁, 口感鮮嫩無筋🤗!任食火鍋配料亦有多款海鮮選擇, 我地點左東風螺🐚, 蟹籽鮮蝦滑, 貝類, 海蝦, 仲有好少係火鍋食到嘅大獅蚶, 幾有驚喜😝🥳! 整體所有食材都好新鮮, 味道唔錯😋!

今晚父母去了姨甥女果邊，返到娘家摸門釘，就跟老公去保安道街市食野因為都好餓，見到林洪記有任飲任食海鮮火鍋，唔洗諗，即刻坐低等開爐，由於地理位置極佳，食材都好新鮮，食得過。先來一盤海鮮拼盤，有龍蝦仔，海蝦，鮑魚，元貝，青口，大蜆，蠔，仲要洗得好乾淨，仲有牛肉，蟲草花蒸雞，好勁的蛋白質晚餐。蒸完一輪後，龍蝦仔有膏，肉質鮮甜結實爽口，海蝦肉質爽口，鮑魚嫩滑很鮮，元貝我們衰，蒸過火，但都食得出鮮味，青口很滑口，老公話蠔很大隻又香，大蜆新鮮，蒸完開曬殼，無沙，很滋味，基本上我無沾上豉油，海鮮清蒸食原味,甘先正宗。食完蒸海鮮，就打邊爐，湯底已經有海鮮味道，我們叫了肥牛，芝士丸，芝士腸之類，繼續叫海蝦，當然叫香辣炒蟹，泡過油再炒，蟹肉結實，食落辣辣地，胡椒味重，炸魚皮大大塊，脆卜卜，正呀。

今日黎到長沙環探朋友，傾傾下計，佢話不如今晚一齊食飯，咁我就話好啦，叫佢帶路👍🏻佢帶左我去一座熟食中心，有一種好熟識既感覺，因為細細個，屋企人都成日帶我去熟食中心食晚飯😀入到去，有好多間餐廳，朋友話帶我去食果間叫林洪記👍🏻坐底左，侍應即刻過黎介紹餐牌，原來係任飲任食海鮮火鍋，好抵喎👍🏻👍🏻 啤酒+$20就可以任飲，都幾抵抵食。首先，餐廳會送上一份海鮮拼盤，入面有龍蝦仔，鮑魚，元貝，蠔，生蝦等等。佢地雖然係熟食中心，但估吾到啲海鮮可以咁新鮮，隻龍蝦仔啖啖肉，而且係好鮮味😋😋其他海鮮都吾例外，鮮甜美味，生蠔超級大隻，蒸完都唔會縮水食完第一轉既海鮮拼盤，一定吾夠喉，佢地重有好多野食同海鮮都係任食嫁，我地叫左生蝦，蜆同埋炸魚皮，重好其他野食。海鮮一定係蒸最鮮味，食完啲海鮮，可以用返海鮮湯打邊爐，正呀👍🏻👍🏻估唔到仲有香辣炒蟹，都係任食，炒得好香好惹味，有得任食海鮮

女仔gathering 最麻甩試過做啲咩？🧍‍♀️一齊係街市打邊爐又試過未？🍲.係保安道街市3樓既林洪記幾出名海鮮套餐火鍋🦞7款海鮮加蟲草花雞同牛肉🥩🐥用蒸既烹調方法食到原汁原味💦龍蝦🦞都好厚肉彈牙 蠔都大隻肥美🦪食完蒸海鮮仲可以用海鮮雞肉牛肉精華用嚟打邊爐🍲火鍋配料可以任意選擇小編就揀咗好多蔬菜🥬 都真係好多款🤳🏻玻璃樽汽水仲更加有地道同埋麻甩嘅風味😆.呢間打邊爐喺熟食中心入面 衛生程度都要有心理準備🙈以平價價錢食到咁多款海鮮 想麻甩一番既話既可以bookmark 下👍🏻😌

今日成班同事約埋去長沙灣保安道街市熟食中心食蒸海鮮，因為有同事試過林洪記的蒸氣火鍋好抵食，海鮮新鮮，火鍋料和汽水任飲任食，所以大家都話要去試吓！因為店舖是街市樓上，所以老闆能夠買到生猛海鮮，上一層樓咁近，海鮮還是活的，即叫即劏，非常新鮮。海鮮劏好清洗乾淨，並用冰執底送上枱，一大盆海鮮以人頭計，每人一份，有龍蝦、鮮鮑魚、桶蠔、海蝦、象拔蚌仔、大元貝、大蜆、美國小牛排、滑雞蟲草。待蒸鍋水滾起就可以放入海鮮蒸。餐牌上有溫馨提示海鮮蒸幾耐，唔怕唔識蒸。因為海鮮新鮮，所以味道非常鮮甜，龍蝦和鮑魚彈牙，大元貝、象拔蚌和海蝦鮮味十足，美國小牛排肉質鮮美滑嫩，滑雞鮮嫩，加上滋補又爽口的蟲草花，特別惹味！食完海鮮就用鍋內的水打邊爐，因為蒸海鮮時，海鮮的精華流入鍋中，用來做火鍋湯底特別有鮮味！紙上火鍋料任叫任食，材料都好新鮮。西班牙黑豚肉，色澤鮮明，肉質鮮嫩，豬肉味香濃。蟹籽鮮蝦滑鮮味彈牙。脆肉鯇魚片口感爽脆，火腿午餐肉真的冇得彈，係高級的白豬仔午餐肉。生猛海蝦任食，好鮮甜。還有香辣炒蟹，好夠鑊氣，蟹肉鮮甜又香口。大眾化價錢就食到咁多又咁新鮮嘅海鮮同火鍋料真係好抵！枝裝汽水任飲，啤酒只需加20元又可以任飲

邊度可以食到又抵食又新鮮嘅海鮮任食火鍋呢？😆 呢度就見到呢間價錢非常相宜，而且又衛生嘅任食火鍋嘞。⁣🤑⁣蒸氣火鍋（$228/1位）［好味度：7.5/10］⁣⁣⁣⁣⁣首先，就會上咗呢個海鮮拼盤嘅。😙 海鮮嘅數量就係按人頭嚟畀嘅。👥 海鮮嘅種類都好多，有大元貝，龍蝦，海蝦，蜆等等。😉 雖然佢唔係任食，但係真係好新鮮，符合佢哋嘅宗旨「賣靚料」。👍🏻 尤其是本地龍蝦，多膏之餘，每一隻都非常之鮮甜，肉質又爽口，媲美唔少貴價餐廳酒樓。⁣😌⁣食完呢一個海鮮，之後就可以拎走個蒸架，轉做打邊爐嘞。😁 配菜就係任食嘅，而除咗豬肉同牛肉呢啲基本嘅肉類為，仍然有唔同嘅海鮮揀，例如東風螺呢啲比較少見嘅海鮮啦，都食到㗎喎。😋 而且蒸海鮮嗰陣時，啲汁流曬落去下面嘅火鍋入面，所以火鍋嗰度就特別鮮甜。😏 不過呢佢嘅湯底呢就比較清，如果介意嘅朋友都可以照用番蒸架嚟蒸肉類同埋其他海鮮嚟食，都係冇問題，仲健康啲添。⁣😅⁣除咗呢啲之外，值得提嘅一點就喺佢仲有任食嘅炒辣蟹。🦀 炒辣蟹每碟都真係超豐富，而且極惹味。🤤 嗌番幾碟都回本，記得襯佢一出爐嗰陣時就嗌啦。⁣💬⁣咁當然提提你，雖然真係好平，嘢食又高質。☺️ 但係佢位於熟食中心，

今日真係超開心， 放工之後同麻甩佬一齊去打邊爐， 仲要喺熟食中心 食蒸氣火鍋， 啲蒸氣蒸上面， 飲住啤酒， 講嘢大聲啲都冇所謂， 夠曬麻甩，正一上枱先嚟一個海鮮拼盤， 喺街市食海鮮果然係正， 特別新鮮， 兩隻鮑魚清蒸 爽口彈牙， 扇貝等等嘅貝殼類都好有鮮味， 清蒸海鮮仲係原汁原味嗰隻幾特別嘅係 原來蟲草雞攞嚟蒸 海鮮鍋 同食雞煲好唔同， 一來正氣好多， 冇咁熱氣， 二來蒸雞真係好滑， 計啱時間打開蓋， 啖啖肉 唔會老佢嘅手切肥牛都好有心思好有工架， 一路食一路睇住師傅攞成條牛肉出嚟一片一片咁切， 每一刀好準， 仲好有心思咁卷埋佢當你等蒸氣 等得耐嘅時候， 可以叫個辣炒蟹即刻食， 炒蟹都一定係新鮮 劏， 廚師手藝好好， 炒到緊緊熟唔會老， 調味適中 少少辣調味， 愈啜愈上癮另外街市菜都好新鮮， 廚房 執菜執得好整齊， 應該揀走曬啲唔靚嘅， 生菜都好爽口特別一提唔好以為肉丸係cheap嘢， 佢個香菇貢丸 唔止大粒， 咬落入面仲有好多肉汁， 絕對唔係填飽個肚就算咁麻甩嘅地方， 下次一定要同班巴打一齊再嚟過，正

我好熱愛食野😻，特別好鐘意食火鍋🍲，我好鐘意周圍去搵下香港火鍋店🍲好食，我今日就去長沙灣保安道街市搵食啦，呢個地方對我來講都幾熟識，因以前係呢到附近返學，雖然畢業後都好耐都冇來，係近排先間唔中會約朋友來呢到食下飯，一去到街市三樓熟食中心果層就會諗返起以前同學學食成日來呢到食Lunch。我今日就來林洪記食呢個蒸氣海鮮火鍋🍲，最正係賣點係$238任飲任食海鮮🦐🦑🐙🐙🦀，最正重要用龍蝦比你食。雖然熟食中心環境唔及平常火鍋店，加上冇冷氣，但好在樓周圍都好多風扇對住你。對我呢啲冇冷氣會生存唔到嘅人來講一啲都唔辛苦，唔會一路食一路流汗，再加上呢道比人感覺好草根地道風味我最like!!!海鮮拼盤有桶蠔、海蝦🦐、龍蝦🦞、大蜆、牛小排🐮、蟲草花雞🐥、元貝、蟶子、貴妃蚌、鮑魚等，食材夠新鮮及龍蝦都幾多蝦膏呀。除左海鮮拼盤外都有幾多種類火鍋配料、丸類及最like佢有個香辣炒肉蟹，炒得好香好有鑊氣，呢到重有樣正野就係加多$20就可以任飲青島啤酒。我好熱愛食野😻，特別好鐘意食火鍋🍲，我好鐘意周圍去搵下香港火鍋店🍲好食，我今日就去長沙灣保安道街市搵食啦，呢個地方對我來講都幾熟識，因以前係呢到附近返學，雖然畢業後都

近日係網上見到呢間係街市樓上的大排檔好多人去食，而且海鮮感覺新鮮，所以一於同友人去試試。好耐冇去過街市樓上的熟食中心食飯了，大排檔當然有大排檔的風味!這間餐廳正有一個2小時任飲任食的蒸氣火鍋，海鮮即叫即劏，十分新鮮!而價錢只需二百蚊多D就可以食到，非常抵食!汽水可以自己到雪櫃取，而且還要是玻璃樽裝，特別好飲!坐低後，店員會先上一轉海鮮先，包括有鮑魚、青口、桶蠔、海蝦、大元貝、蜆、美國牛小排和蟲草雞件，還可以每人加$20有龍蝦!把海鮮放進蒸鍋，不用等太久便有得食。所有海鮮都好鮮甜，蒸出來的海鮮汁會流落打邊爐的湯內，令湯更鮮甜!龍蝦多膏，蝦肉彈牙，牛肉味濃，蟲草雞沒有想過那麼美味鮮甜，雞肉嫩滑，而且好有雞味!食完蒸海鮮，便可點火鍋配料，大部份火鍋配料都是任點的!餃類味道都不錯，皮薄餡靚!這裡還有香辣炒蟹這款熟食可以點，這個炒蟹很香口，帶有微辣，蟹肉炒得脆口，非常惹味!!海鮮質素高，值得再來!

真係第一次去熟食中心食海鮮蒸氣火鍋，之前已經好想去試但是又怕熱今日終於去試，雖然冇冷氣不過又真係唔知點解唔係好熱可能樓底高又有好多把大風扇，先來一盤海鮮~龍蝦,蝦,元貝,鮑魚,桶蠔,蜆,油甲,蟲草雞,牛小排，食完以上嘅蒸海鮮跟住再可以任食其他火鍋料，每位都是$218免加一連玻璃樽汽水都是任飲~正，龍蝦,元貝,鮑魚都幾大隻爽口鮮甜彈牙,特別是桶蠔真係好好食蟲草花蒸雞好滑好味，火鍋配料都有好多較特別嘅選擇~海蝦,田雞,脆肉鯇魚片,獅蚶,花甲,魚卜,香辣蟹……其實我地食完海鮮盤都已經飽飽地，所以我地都唔係叫咗好多嘢~香辣蟹,魚卜,肥牛,魚片頭……咁嘅價錢咁多選擇都真係幾吸引

林洪記係喺熟食中心入面一間任食火鍋店，最大賣點係每位$218有兩個鐘任食海鮮火鍋，雖然某幾款較貴價嘅海鮮冇得任食，但海鮮質素的確唔錯，淨係食啲海鮮都已經值回票價。熟食中心環境比較麻甩，雖然冇冷氣，但樓底高加上大風扇，又冇想像中咁熱喎。打邊爐點少得啤酒汽水，任食邊爐包左汽水任飲，係好懷舊嘅玻璃樽裝，如果想飲酒嘅可以每位加$20就有得任飲青島純生。唔記得幾耐冇飲過玻璃樽汽水喇！海鮮黎喇～！！嘩嘩嘩～！！大大盤海鮮有大元貝、蟶子、鮑魚、大蜆、花甲同海蝦，另外仲有牛小排同蟲草滑雞，有睇頭得黎啲海鮮都睇得出好新鮮，我地仲加左$20轉本地龍蝦，除左海蝦同花甲可以任食外，其他都係一次性，不過淨係哩盤海鮮都已經值回票價。我地首先體海鮮放上爐上面蒸，餐牌有寫唔同海鮮要蒸幾耐，跟住蒸就唔怕蒸到過左火喉。大元貝真係好大隻，就算蒸熟左都仲好有睇頭，鮑魚好彈牙唔會太韌，蟶子爽口，大蜆冇沙唔痴牙。海蝦雖然唔算大隻，不過肉質都結實唔霉，牛小排帶少少彈口，花甲唔會太細隻冇肉食。本地龍蝦都唔算細隻，有成隻手掌咁大，肉質都好結實爽口，滑雞唔會太老太鞋。食完蒸海鮮，就可以叫火鍋料打邊爐，因為湯底只係清水，味道全靠之前啲海鮮

雖然蒸氣海鮮火鍋熱潮退減，但耐唔耐仍想食但高質同實惠基本上好難兩全其美，聽朋友介紹林洪記幾好食一於今日癮起去試試佢😍位於街市既林洪記，夠晒地道夠晒麻甩😆價錢平出面平好多！！$218又有鮑魚又有蠔又蟶子勁鐘龍食龍蝦🦞既我叫埋龍蝦😍真心期待坐低睇一睇火鍋🍲料既點單紙發現海鮮竟然都可以任食😯😯😯蝦🦐、蟹🦀、魷魚🦑、蠔同花甲等等當然仲有好多打邊爐既配料可以揀求其食都回本啦🤣🤣坐低無耐就上左海鮮用冰冰住，睇得出好新鮮樓下就係街市，所以佢地既海鮮新鮮度有保證👍🏻急不及待放晒上蒸架到蒸，因為唔同海鮮熟既時間唔同所以除左第一輪要等之外，之後都係keep住有野食，仲有啲食唔切要夾左出黎先廢事太熟🤣一蒸好我地已經食指大動🤤🤤🤤一打開有一陣好香既海水味，即刻開動！👍🏻帶子 - 火喉剛好，入口軟嫩微微咸味夾雜淡淡鮮味👍🏻花甲 - 有少少沙，但未至於影響口感，幾爽口同埋鮮味突出👍🏻龍蝦 - 肉質爽口彈牙，超新鮮！入口濃龍蝦獨有既香味，有啲海水味，而且都幾大隻😍蝦膏甘甜味美，令鮮味更上一層樓！👍🏻鮑魚 - 清蒸鮑魚真係好睇鮑魚新唔新鮮，入口韌勁適中，有咬口得黎又唔會咬極唔爛清蒸更加特顯到鮑魚既鮮味，好食！👍🏻蟶子

一星期媽咪總有一晚突然想出街食唔煮飯，咁我明白嘅，我就主動問媽咪咁你想食咩我同你去食啦！佢話未食過蒸氣海鮮火煱，我話咁我明白了。我就找左 （林洪記），因上網d人介紹好抵食，來到街市樓上座低食幾有以前的風味，價錢真係幾抵喎，200幾蚊，有蒸海鮮，食完再打邊爐，火煱料都有幾多選擇，仲要汽水任飲，係支裝可樂。講一講個蒸海鮮，有龍蝦， 扇貝，鮑魚，聖子，桂花蚌 ，蝦， 牛肉，蟲草花雞，呢個價錢食到以上海鮮真係超值，最重要係夠新鮮， 不過記得要自己控制時間，蒸過頭就冇咁好食架。我和媽咪蒸的時間剛好，所以龍蝦都好彈牙好味。 呢到食完蒸海鮮就即打邊爐，配料都好多。我最欣賞佢呢到竟然有炒蟹，仲要炒得好惹味搞到我食左兩碟。總結抵食。

如果你想食海鮮嘅真原味？食蒸氣海鮮的確係一個唔錯嘅選擇！呢度嘅海鮮係即劏就即蒸，鮮味十足，唔需要點任何配料就可以食到海鮮嘅原味道～呢度嘅海鮮隻隻都好新鮮，入面有晒我最鍾意食嘅海鮮，少不了龍蝦鮑魚、仲有大大隻聖子、大蜆、蠔等等，上碟時鮑魚仲識郁嫁，新鮮成咁真係唔好食都好難！除咗蒸海鮮之外，仲有唔少食物可以選擇，炸蟹都係🦀任點任食，炸到脆卜卜🐙好惹味，性價比真係非常高！食完蒸海鮮唔夠喉？仲可以有任點任食打邊爐，湯底係岩岩蒸海鮮流出嘅精華， 唔怪得特別有鮮味啦！呢間店真係令我幾難忘，我一定會再幫襯hehe~