林洪記

营业中

休息中

今日book咗呢間林洪記，位於保安道街市頂樓，環境極具本地風味，咁嚟得街市都唔會預咗環境好好，但絕對係食氣氛嘅好地方，不過今日天氣真係有啲熱，所以呢個都算係一個有少少不足嘅地方講完環境就講嘢食，海鮮份量冇得彈，直頭望落去點會估到係二百幾蚊一位，仲要再加任食火鍋，海鮮超新鮮，生蠔鮑魚勁大隻，龍蝦勁多膏，我諗自己買返屋企煮都唔止呢個價先來就蒸左扇貝同其他貝類，仲有象拔蚌仔， 全部野都勁新鮮，扇貝都算洗得好乾淨，鮮甜多汁第二轉就係龍蝦鮑魚，正出嚟之後啲肉超飽滿，啲膏爆曬出嚟，海鮮lover必食，講真出到去其他地方呢個價錢一定食唔飽你再嚟就係蒸蟲草雞，估唔到啲雞又真係幾好味，除咗海鮮呢個雞都係出乎意料之外牛肉就過得去啦，咁我哋呢個都係主要食海鮮嘅啫之後叫咗啲火鍋配料攞嚟蒸，食材質素咁都對得住自己個價錢嘅

📍林洪記（長沙灣）#cteateat_高質推介性價比好高嘅蒸氣海鮮火鍋，仲可以食雞煲，2小時任飲任食，加$20 任飲啤酒，免加一$218。標榜新鮮同靚料，位於街市熟食中心，食物好新鮮！😻唔想喺街市，都可以外賣返家食架！.第一round 先上一大盤海鮮：鮑魚，聖子，鮮蝦，龍蝦，鮮雞件，肥牛、桶蠔等等超鮮甜，貝殼類無沙，海鮮唔夠食可以另外加錢再叫，啲雞勁滑，又入味，我食左勁多（雞無限order)，佢啲雞煲應該好正！.食完海鮮，再嚟任叫火鍋，用返蒸海鮮的水或叫佢比雞湯，但都可以加錢要求選唔同嘅湯底：粥底，雞煲等等。.環境同衛生程度冇得同靚餐廳媲美，要預左自己親力親為，因為店員都好忙，勁多客人，所以要睇清楚餐牌嘅指示計算蒸海鮮嘅時間啊！好味指數：8/10人均消費：$200

聽朋友介紹這家放題蒸氣火鍋非常抵食，今天來到長沙灣熟食中心試試看。店員不多但都很勤快，除了美食，汽水及配料都是自助任拿，而食材則每次再下單。蒸氣火鍋 每位$218一開始先來桶蠔、鮮鮑魚、大元貝、大蜆、象拔蚌仔、美國牛小排、蟲草滑雞及海蝦。我們升級了做本地龍蝦加$20。每件食材都非常新鮮，我們按照指示烹調，全部都新鮮彈牙，好吃呢！雖然剛剛那些不能添吃，但是放題還有另外五十款可以任食的材料，選擇很多！最驚喜的是有香辣炒蟹，惹味又多肉！另外各種海鮮、丸類也不錯的。材料都新鮮，選擇也不少，這價錢真的很值得！

今晚是母親節，與家人去吃晚餐，怕多人排隊，所以6點已經到達林洪記，首先完全沒人來招呼，還有並沒有清楚解釋有什麼海鮮，首先今天要加多30元，冷氣不足加上餐廳環境不佳，最大問題是食物供應，說明是任食1.5小時，但是叫什麼沒什麼，侍應還藉口今日生意太好，所以什麼也賣哂去外賣。如果這樣，不如不設堂食，根據海關的商品說明條例的條文，完全係差店！叫什麼设什麼？還有說沒有美國肥牛，但係其熟客就有，我們則沒有，大細超到咁，以後也不會再光顧！食物質數差，蠔和蜆沒清洗乾淨之下，全部有沙；蟹肉是霉的，只係用蛋皇去炒！如此貸色，還收248元一位！不知所謂！

好耐冇同朋友食飯，諗住搵啲小人啲嘅地方，朋友推薦嚟長沙灣熟食中心，話呢度好多嘢食。見到呢間餐牌話二百幾蚊又多嘢揀，又可以任食，感覺都幾抵，仲要話包一個海鮮拼盤！結果，海鮮拼盤嚟到，果然冇令我失望，淨係睇樣都已經知道好新鮮，可能真係因為街市就喺樓下啲蜆同元貝都超級大隻，仲要有鮑魚添！龍蝦仲要勁多膏超級吸引！等唔切即刻整蒸左啲蝦同埋鮑魚仲有雞件食，本身以為海鮮好出色，點知黃油雞都好有驚喜，啲肉好嫩滑，平時好少機會食到咁嫩嘅雞件！鮑魚同蝦都好新鮮，肉質超級彈牙！因為佢Menu有教每一樣野要蒸幾多分鐘，我哋跟足，所以全部都蒸得啱啱好，唔會過老過嫩，同埋海鮮新鮮都唔需要太多調味，雖然佢有提供豉油蔥蒜嘅調味料，但其實都唔使點！好似啲元貝咁，就咁蒸都超級鮮甜，飲埋入面啖精華，正！牛肉都超級正，都係果句食蒸野最緊要食材新鮮！其實都幾佩服佢，呢度仲有可以叫熟食，我哋就叫咗個蟹試吓，當然冇蒸海鮮咁出色，建議可以留肚試其他！蒸完海鮮就可以用下面層鍋嚟打邊爐！食材都超級多選擇仲要任食都唔知佢賺乜！極力推薦呢度嘅水餃雲吞，都冇諗過食海鮮會食到咁好味嘅水餃雲吞，我哋encore左兩次，因為應該係新鮮包，啲皮好薄跟

今晚係第一日復工，之前放咗成個星期無薪假，收工後約咗同事去咗食火煱放題，呢間位於長沙灣市政大廈三樓嘅舖頭，個名叫林洪記，因為依家禁止人多聚餐，所以一去到都有位，同事先叫一個海鮮拼盤，有龍蝦，鮑魚，蟶子，大蜆，海蝦同兩隻大生蠔，先將海鮮放入蒸煱裏，枱上面嘅餐牌已經教埋你每樣海鮮要蒸幾耐，先食龍蝦，啖啖肉又鮮甜，美味無比，跟住到鮑魚同蟶子，都只係蒸幾分鐘就食得，点埋個自己調較嘅醬汁，令到每種海鮮嘅味道提升唔少，食完哂啲蒸嘅海鮮，跟住可以用呢個湯嚟食火煱，配料我揀咗有，美國雪花肥牛，西班牙黑豚肉，鮮蝦雲吞，新鮮雞件，同埋冇得彈午餐肉，最後叫多一個蟹子墨魚滑同蟹子鮮蝦滑，所有任食配料都嚟得好快，加20元有任飲森堡或青島純生大支裝啤酒，啱哂我地兩條友，唔飲啤酒都有汽水任飲，兩條友食足兩小時，每人都係218元，都算超值，下次可以叫多幾個同事一齊食。

同事最近發現咗間平靚正嘅蒸海鮮，呢日收工特登帶我嚟試。位於街市熟食中心嘅林洪記，離港鐵站6-8分鐘，環境企理，有冷氣歎，地方又大，屬本土地道風味，食物唔錯，價錢平，除咗蒸氣火鍋，仲有任食雞煲！蒸氣火鍋價錢包埋汽水任飲，轉任飲啤酒都只係加$20/位。餐牌上仲有埋各款海鮮嘅烹調時間👍🏻海鮮拼盤有桶蠔/鮮鮑魚/大元貝/龍蝦/貴妃蚌/美國牛小排/蟲草滑雞/海蝦。鮑魚非常新鮮，仲生猛到係咁郁！新鮮肉質的確唔同，食落一啲都唔韌。龍蝦肉雪白，肉質極之彈牙，味道好鮮甜！貝殼類冇沙，好鮮味！海蝦啖啖肉，款款海鮮都好正呀👍🏻👍🏻牛小排牛味香濃，油脂甘香😋蟲草雞肉質嫩滑！差唔多食哂個海鮮拼盤，就事不宜遲，即刻加單。可以免費追加嘅食物超過50款🥳為免浪費，每次可追加十。我地加咗唔少海鮮，仲有肉類，蔬菜😋蒸氣火鍋清清地，又可以食到各款食材嘅原味道👍🏻好驚喜連炒辣蟹都有！好惹味。

這間位於深水埗的平民熟食中心，以至抵的價錢提供蒸氣海鮮及火鍋任食，只需要二百多元就可以享受到平時三百多四百元的海鮮餐。雖然價錢便宜但食物質素並無將價就貨，海鮮全部都即叫即劏，十分新鮮。一開始會先送上一盤一次性的海鮮，6-7款的海鮮包括了幾款貝殼類，海蝦及龍蝦等等，海鮮新鮮味道鮮甜，其中蝦肉最結實彈牙，貝殼就要在火喉控制比較準確才不致過熟，幸好旁邊都有指導蒸海鮮的時間表，龍蝦有蝦膏，是最鮮味。牛小排都是一次性，無論肉味及質感都比一般肥牛高幾班，肉味濃有咬口。食完海鮮就係火鍋時間，任食的海鮮都以蝦、蜆、魚等等。蝦滑及墨魚滑都是必食之一，新鮮彈牙。雲吞及水餃等都很足料，而且標榜即日製造，可以一試。肥牛就比較肥，肉質嫩腍。其他食物都不過不失，款式都算多，足夠食有餘。

最近疫情關係 好少外出食飯 但趁住妹妹就生日 一於挑選妹妹最愛既蒸氣鍋做晚餐哄哄佢開心😊林洪記係朋友所推介既道地餐廳 甚有風味 住於長沙灣熟食市場 入面除左有大排檔 仲有依間主打新鮮海鮮為主既蒸氣·雞煲火鍋店這裏雖然無華麗既裝修 但好處就係平得黎又夠新鮮 環境都乾淨 開左風扇有點涼風都不太熱講番放題 有雞煲或者蒸氣海鮮兩種選擇 再配火鍋 任飲任食兩小時都係$218 免加一 仲要係大大支樽汽水 飲起來特別爽由於林洪記主打新鮮既海鮮🦞 所以我地簡左蒸氣海鮮 先來就係店家附送既海鮮盤 按當天既來貨 所以每日既海鮮都會有少少不同 加$20就有本地龍蝦 是日海鮮拼盤有鮮鮑魚 鮮元貝 蜆 海蝦 黃金蚌 美國牛小排 蟲草花滑雞 海鮮生猛新鮮 特別係龍蝦 帶少少甘甜的蝦膏🤤 肉質鮮甜爽彈 牛小排都係高質 肉質入口柔軟 牛味濃郁🥩蟲草花蒸滑雞 雞件蒸得剛好 嫩滑雞肉完全不嚡蒸完海鮮就換爐打邊爐 任點任食既選擇超過50款 有海鮮 丸類 蔬菜 麵類 肉類等等 雪花肥牛雖然油脂位較多 但質素都不馬虎 好少火鍋店提供咁多海鮮 連東風螺 蠔仔🦪都有 所以食材都係新鮮有質素 而且份量好多 最驚喜有香辣炒蟹 即叫

好耐無食過海鮮啦！趁今日忙完正經事，一於同老公過嚟長沙灣保安道呢間「林洪記」食海鮮蒸鍋，齊齊踢走 Blue Monday。店舖位於街市樓上的熟食中心，地點雖然唔算好近地鐵站，但原來店子來頭不少，自 1972 年已開始發跡，為北河街街市知名的活雞檔，有成 45 年歷史，而海鮮則由香港仔直送。店子主打蒸氣海鮮同雞煲火鍋，一心來吃海鮮，所以坐低後第一時間就點咗「海鮮蒸氣火鍋」，每位 $218，可以任食 2 個小時，包一客海鮮拼盤、任食多款火鍋配料同任飲樽裝汽水，而且仲要免收加一服務費，性價比甚高！海鮮拼盤包括有桶𧐢、鮮鮑魚、大蟶子、大蜆、貴妃蚌、美國牛小排、蟲草滑雞、海蝦，另外每位加咗 $20，將肉蟹轉咗本地龍蝦。龍蝦非常新鮮，Size 比我手掌還要大，肉質肥厚，入口彈牙爽嫩，而且仲有超多蝦膏。桶𧐢肥大飽滿、外形脹卜卜，就算蒸熟咗都無乜點縮水，新鮮重蠔味！鮑魚大大隻，有咬口之餘又夠鮮味、蟶子鮮甜煙韌，另外貴妃蚌同海蝦，食味亦不俗，前者爽滑有嚼頭、而海蝦亦爽口彈牙，全部都貨真價實。蜆隻肉質爽滑，完全無沙，不用蘸任何醬油吃，已能嚐出其鹹鮮味。牛小排雪花分佈平均，肉味香濃，蒸熟後脂香軟滑；而蟲草滑

熟食市場隱世蒸氣火鍋，雖然環境一定比唔上酒樓甘好，但勝在抵食海鮮蒸氣火鍋(每位) $218時令拼盤(美味指數: 😋😋😋😋😋)時令拼盤會根據返人頭供應無得refill既，是日海鮮好豐富，全部都好新鮮鮮甜，用蒸既方法黎煮更加食到原汁原味。龍蝦蝦肉好彈身，生蠔大到成隻手掌甘長，鮑魚又洗得好乾淨，真係超值火鍋配料(美味指數: 😋😋😋😋)有好多選擇火鍋配料任君選擇，最值得讚既係連海鮮都可以任食，海蝦、沙白、獅蚶等等，性價比超高😋整體食物質素：4.5 / 5💰性價比：4.5 / 5👍推薦指數：5 / 5

林洪記一直都係我最鍾意嘅海鮮火鍋，今日屋企人生日，就決定帶佢哋去試吓又平又高質嘅海鮮。佢哋嘅蒸氣海鮮火鍋，所有海鮮都係即叫即劏，首先會送一個海鮮拼盤，有鮑魚、元貝、桶蠔、象拔蚌仔、貝類、牛小排、蟲草、海蝦，仲可以加錢轉本地龍蝦。超級新鮮嘅海鮮，上枱嘅時候鮑魚仲係郁緊，就咁清蒸，唔使點任何醬汁都已經好有鮮味。食完蒸氣海鮮，就可以任食火鍋，佢哋除咗有多款肉類、丸類、菜類等等係任食之外，仲有多款海鮮都係任食，連香辣炒蟹都係任食，所有菜式都非常新鮮及高質素，而且價錢又唔貴，絕對值得一試。

🥰#林洪記.記得幾年前會同一班朋友去食$78任食雞煲。今次再去，🧐發現林洪記轉左型，變得比以前衛生。雖然都仲有雞煲食，🤩但佢推出嘅蒸海鮮火鍋套餐更為吸引。.$218 💰2小時任飲任食.拼盤既食物按人頭計係固定既。💁🏻‍♀️龍蝦仔🦞、元貝、🐥滑雞件、🐮牛肉片、蜆、貴妃蚌、鮑魚、🦐蝦、沙白同🦪生蠔。.最驚訝係連🦞龍蝦仔都有，而且新鮮實肉肉質彈牙。.而任食既海鮮都多花款。🦑魷魚、花螺、🦐海蝦、沙白、帶子、大獅蚶、肥滿既蠔仔、脆肉鯇魚片同🦀香辣炒蟹。.我地我嘅位置可以見到師傅處理食物👀，海鮮果真即叫即割。👍🏻好新鮮加上任食嘅關係，叫野食完全無心理負擔，唔洗計住計住。.全部海鮮都係鮮美。其他食材都幾好食。.個煲上邊蒸架下面係清水。😆我地全程都用蒸既方式。最後令到本身只係清水變到勁鮮甜既湯底。😋用黎淥菜一流。.仲有枝裝汽水任飲！🤓加$20仲可以飲埋啤酒。😎岩哂一大班人麻麻甩甩相聚。.但⚠️世事係無十全十美，抵食加好食同時間並存既時侯就會犧牲環境🤣位於街市熟食市場，簡陋一點大排檔feel無冷氣。趁天氣未熱，好快啲去食啦！.

呢排忙到甩碌，食冇定時，所以襯周未就搵好野食錫下自己先😘我會答你食飯是我休息既時候，食餐飯可以食成晚，同朋友慢慢食傾下計笑下，好享受好舒服，都是我其中一個減壓的方法黎嫁！我好鐘意食海鮮🦞有間性價比高的海鮮餐廳，呢度有火鍋套餐和蒸氣套餐，我就選左後者任食2個鐘，呢度老闆每日都精挑細選生猛海鮮先開舖；海鮮食材多樣化，先黎一大盤海鮮盤，有我至愛的龍蝦、六頭鮑魚、大扇貝，小心睇住時間蒸，龍蝦肉質好爽好鮮甜、扇貝超新鮮，呢幾樣都可以一齊蒸，食完海鮮仲可以食火鍋，任食菜單都有蜆和海鮮食，西班牙黑豚肉仲有即包鳳城水餃和肥牛都叫咗幾轉，haha!下次再約朋友過嚟食先😉

朋友新居入夥梗係要去搵吓佢長沙灣又唔知食咩好朋友介紹話喺街市上邊有間蒸氣火鍋加打邊爐分量抵食夾大件重話海鮮🦞勁新鮮平時食親蒸氣火鍋都要幾百蚊，依度大排檔咁， 價錢相對平民化好多食埋蒸氣火鍋加打邊爐都係$218呢個價錢出邊打邊爐都要啦可能因為我哋平日去人流唔算太多咁就啱晒我哋慢慢傾偈，仲要冇限時間本來冇諗過大排檔有乜嘢服務，但係個姐姐又勁有禮貌仲介紹咗好多野先來左一盤海鮮，無得再refill既龍蝦嘅肉勁彈牙，好鮮味，Even唔點豉油都冇問題海蝦個頭仲有膏，肉質幾結實，彈牙鮑魚大大隻，新鮮厚肉。桶蠔蒸完重係漲卜卜，吾腥貝殼類體積唔算大，但勝在冇沙，完全唔需要加任何調味料，我最鍾意原汁原味，咁先食到佢嘅鮮味食完海鮮之後就可以開始打邊爐因為係蒸海鮮嘅緣故，下面係清水餐廳專登用返海鮮滴下嘅精華做湯底但可能因為我地得2個人，海鮮唔夠，所以鮮味吾濃郁好彩打邊爐嘅時候都有海鮮可以再加海蝦、東風螺同埋沙白都係無限追加嘅項目雖然係冇限食，但係質量完全對得住價錢大胃王真係岩曬啦