桃園眷村 (已結業)

呢間餐廳一開嘅時候成日排隊排到嘔，想食都無機會食，最近人流終於平均番，睇戲之前同朋友一齊黎食～～我地3嘅女仔可以叫多D野食，所以飯糰同燒餅都叫咗兩款～D飯糰其實就係秶飯，都幾大條！台式香腸蔥蛋飯糰 $42兩款飯糰比較我會推薦呢個，因為佢真係爆料！裡面有台灣腸仔，好大條～～腸仔甜甜地外層有脆脆地，增加口感，最開心係蛋都係厚厚嘅一層，其實我唔係太喜歡食蛋，但咁樣加埋又唔會覺得蔥味好濃郁，一口食曬口感懂味道都係好豐盛～～咁樣食半條其實都已經好飽～～肉燥滷蛋飯糰 $32就咁睇真係唔知道佢係甚麼東東XDD 不過食食下會發現裡面原來有好大粒滷水蛋！因為我第一口已經咬咗粒蛋，以為朋友無得食，點知原來佢半條都有完整一粒滷蛋，真係好足料～～D肉燥唔會好肥膩，鬆化到好似肉鬆咁，咸度都適中嘅。芝士蛋燒餅 $42邪惡到一個點呀～要落去仲見到芝士流曬出黎，燒餅佢呢個扁身設計都幾好，無咁heavy，個蛋都好水潤，燒餅食落唔會好乾，燒餅上面有好多芝麻粒，所以特別香口。蔬果色拉燒餅 $36Menu中呢個係最接近蔬菜類，所以我叫咗佢當食咗菜～～蔬菜好爽脆，酸酸嘅千島醬可以降膩，入口都算幾fresh，最搞笑係有D提子乾，

之前行朗豪坊成日都會經過呢度，一路耂好想試，因為我視台灣為我第二個家🤭但係香港要食到正宗台灣野係一件難上加難既事😑今次就等我試下你先位置係朗豪坊長扶手電梯隔離好易搵鋪頭係自助形式，先點餐，再拎餐具，後搵位餐廳裝修雖係開放式但一啲都唔馬虎，好有格調👏🏻餐廳以輕食為主，無飯無麵，啱哂減緊肥既我😏黑丸瀑布豆漿黑糖味超濃，丸子彈牙，豆漿超香濃豆味而且入口夠滑，配埋黑糖甜度適中👍🏻米漿係我係台灣早餐店必點，呢個米漿夠哂杰生而且一聞就有香濃花生味🥜，入口仲食到一粒粒花生碎😋甜豆花超滑！無渣！糖水仲要係清甜個隻唔似平時食黃糖個隻咁膩，再加少少花生增加口感🤩功夫辣雞腿燒餅用料十足。雞腿🍗鮮嫩多汁，辣唔算太辣但刺激味蕾，加蕃茄生菜食剛剛好台式香腸蔥蛋飯團🍙入面滿滿的酸菜榨茶。台式香腸燒得剛剛好，配蔥蛋增加香氣🤤雖然話係輕食，但我同男友share以上食物都已經飽到死了

飢詩去過幾次台灣 從來都未飲過米漿～ 見到桃園眷村的餐牌上有米漿， 以為米漿是比較杰的米水 😅 當真貽笑大方 🤣🤣 米漿 $24～開咗蓋 有微微的堅果香氣～ 淺啡色～ 味道比想像中美多了～ 似少甜的合桃露/花生糊 😀 飲完是有點飽肚的 😊 及後再去台灣旅行 就發現 在早餐桌上的確有米漿供應 😉米漿做法唔同煲粥～ 先將米浸過夜～ 瀝乾， 加上炒好咗嘅花生， 加水打爛～ 再煲5至10分鐘後 加冰糖～ 完成😊～ 仲可以有不同嘅變化 用唔同嘅米 及養生材料好似 元肉 杞子 等等～ 😁蔬果沙律燒餅 $36～ 食肉獸從前食燒餅都是夾肉的～ 其實夾生果都幾 fresh 😚～ 中間有提子乾 口感帶煙韌～ 讚！😘飢point: 7/10#hungermarch #飢詩 #非飢詩

突然間好想吃燒餅，於是上網搜到呢間餐廳，然後驱車前往。餐廳在旺角朗豪坊四樓food court，星爸爸的隔壁。装修風格清新文藝，典型台式餐館。點了香辣雞腿燒餅和香肠飯團，外加一杯豆漿。等咗十分鐘，終於有得食。燒餅非常脆，芝麻又多又香，雞腿完全沒有辣的口感，正合適我這類不吃辣的食客。飯團很粘，外層也比較硬，不太喜歡。豆漿的豆味十足，不過24元一杯似乎太貴。

下午又到了同同事們四處找吃午飯的時候了近近地就去咗朗豪坊度食，之前見過琴師喺度嗌外賣蛋餅就已經好想食是家4個人都唔算難等位，景觀仲幾開陽， 可以坐低慢慢睇吓朗豪坊個極高樓底🙈黑糖當道， 係飲品界嘅潮流尖端😂但係呢度冇奶茶，只有豆漿黑丸豆漿🙈👍🏻隔離個杯係同事叫嘅冬瓜茶仙草一行四人，叫左4個飯團，4個蛋餅， happy share熏肉蔥蛋飯團 2個，會切半上台式香腸蔥蛋飯團+肉鬆青瓜飯團原來台灣嘅飯團之係痴飯一人一個都幾飽😂😂😂所以我都係食咗半個咋😂😂😂留肚食蛋餅功夫辣雞腿燒餅 😋係咁多款燒餅之中我最鍾意食D辣汁豐富了整個燒餅，而且又啖啖肉沙律燒餅健康人士之選😂有青瓜蕃茄生菜仲有啲提子乾🙈不過我都係鍾意有肉多啲薫肉葱旦燒餅，味道淡香燒餅係脆脆又鬆化的咸豆花👍🏻非常特別，未食過咸食嘅豆腐花上面有櫻花蝦、菜圃、蔥、紫菜以甜豆花作結尾

星期五晚上嚟到朗豪坊行街，行到攰想搵個位坐下，好多餐廳都逼滿人，要等位都唔容易，好彩有餐廳有位。記得初初開張時，呢到經常大排長龍，今日終於有機會試吓！一直都偏向喜歡飲豆漿飲品，呢度有杯類似現時熱賣嘅虎紋奶茶相近似的豆漿，感覺冇咁肥膩。我就揀咗一杯紅豆流心豆漿。買相唔錯，味道一啲都唔甜，感覺比較健康。另外仲嗌咗一個粟米蛋燒餅，燒餅外層比較硬，裏面夾有山菜同粟米蛋，第一次食呢種燒餅，又真係幾特別，唔錯

記得之前旅行喺上海試過桃園眷村，還真的不錯！但今次喺香港食實在大感失望，整個豬扒蛋燒餅同燻肉蛋燒餅都好乾身，食頭一兩啖還可以，但越食越難入口。同埋燒餅餡料比較普通，性價比超低。冰豆漿就係一般豆漿咁，而杯黑丸瀑布豆漿就係黑糖珍珠加豆漿，諗住大膽試吓呢個配搭，點知出嚟嘅效果係勁唔掂。仲有啲珍珠仲未煮熟，食到啲粉咁。(too disappointed)There is no reason for me to come back again.

早Gym前想搵啲輕食醫下肚，啱啱去完台灣返嚟，自然就零舍記掛當地出名嘅早餐店，食材簡單價錢實惠，但味道真係一啲都唔輸蝕！朗豪坊呢間桃園眷村網上評價不俗，平日四點幾嚟都依然坐滿人。我就叫咗佢其中一樣熱門招牌菜功夫辣雞腿燒餅黎試，無得跟餐叫野飲，其實售價係有啲貴。定價就好似將台幣嘅價錢轉港幣，所以你話香港物價幾高丫🤦🏻‍♀不過我成日覺得食落肚梗係要對自己好啲啦，如果佢好味嘅話其實我願意俾貴少少。但係好可惜嚟到嘅時候發現佢都唔係熱辣辣，而且塊雞有雞皮，都頗多脂肪，好明顯店家冇細心處理過塊雞扒！猶幸塊外皮脆脆地口感幾得意，先無咁total lost嘅感覺。不過我諗我未必再俾機會呢間餐廳了，始終台式食品係香港真係有好多選擇！

星期日下午預約了在朗豪坊做facial，趁有點時間便來此台灣輕食餐廳吃點東西消磨時間。餐廳設有室內及室外坐位，數量不算少，頗容易找位。餐廳採用自助形式，先往收銀處下單，職員會給你一個圓餅形的響鬧裝置，看到亮燈震動後到取餐處取餐便可。由於不太肚餓的關係，只點了肉燥滷蛋飯糰及黑丸瀑布豆漿，約等了十分鐘便有了。肉燥滷蛋飯糰份量不少，餡料十分多，吃至底部仍有肉燥，很有飽足感。黑丸瀑布豆漿即黑糖珍珠豆漿，豆香味十足，惟黑糖味不算濃。

眷村本指軍人家眷的村落，她們的飲食文化滿載地方特色，而來自上海的連鎖品牌桃園眷村，便集合了上海及台灣兩地的特色小食。不少顧客都點了鹹豆花，自問貪新鮮的我又怎能錯過，豆花鹹中帶辣，配以菜脯、蝦皮、紫菜、葱末，果然是招牌之選。豬排蛋燒餅，用上台式早餐店的漢堡扒，調味香口，加上煎蛋份量豐富，燒餅外脆內軟。台式香腸葱蛋飯糰，即是我們慣稱的粢飯，糯米都浸透8小時才蒸作飯糰，加上台式腸仔、葱花煎蛋，踏踏實實好飽肚。紅豆流沙豆漿、苿香洛神賦點了冰的，大大杯好抵飲，前者紅豆味濃厚，豆漿順滑，聽講用了獨特的漿渣分離法，使豆漿質感份外細滑；後者酸酸的好清新，是一杯飲不膩的花茶。

上次同M佬去上海迪士尼玩之前就係去咗桃園眷村食早餐，好難忘佢嘅台式古早味早餐三寶：油炸鬼、豆漿同燒餅，仲有簡約嘅文青裝修。自從桃園眷村上年發陸香港嘅旺角朗豪坊之後，一直都想再次回味呢份早餐，見到今日無咁多人排隊，就即刻試吓！肉燥滷蛋飯糰飯糰嘅飯夠香又煙煙靭靭。餡料好足，裏面有脆口油炸鬼，加上肉燥同滷蛋，口感一流。功夫辣雞腿燒餅呢個功夫辣雞腿燒餅，以微辣嘅雞腿最吸引，肉嫩juicy，配上脆口嘅燒餅同生菜蕃茄，好惹味。眷村油條油炸鬼配豆漿真係絕配，油炸鬼外皮香脆，內裡柔軟，唔算太油，同M佬share就最啱。豆漿盗仙草豆漿無落糖，健康之餘更重要係飲到豆嘅香味，加上仙草，好有層次。

行旺角覺得肚餓又唔想食到正餐咁飽，就去咗桃園眷村坐低食啲野。叫咗2款燒餅，玉米蛋燒餅 ($42)同功夫辣雞腿燒餅 ($48) 燒餅都幾脆又帶少少煙韌，就咁食都得。玉米蛋食落有少少乾，如果加啲醬汁會好好多。雞腿燒餅就比較惹味，肉嫩多汁。台式香腸葱蛋飯團 ($42) 呢個食完係好飽架！好多既糯米飯包住2條台式腸，仲有薄薄地一層葱蛋，食落有啲乾身但味道都ok!鹹豆花 ($32) 鹹豆花岀面真係好少見！有梗係要叫啦！ 豆花大大碗，上面放滿蝦米，辣菜甫，葱花，紫菜同好似炸油炸鬼粒既脆脆。口感，味道都好豐富，豆花都好香滑🙈飲品就試咗黑丸瀑布豆漿 ($32)同紅豆流沙豆漿 ($32) 豆漿好飲，紅豆又唔太甜，但珍珠就太硬好難硬咬。

終於有時間到旺角店試下啦！上次出差同事介紹食過咸豆漿一試難忘，所以特地放工食下 😋咸豆花：好足料，有蝦米仔，菜圃、紫菜同埋炸麵衣嘅friend, 咸香味十足，口感okay熏肉蛋燒餅：同上海比較，呢度燒餅唔多脆同熱，有點失望；熏肉係bacon,beacon &egg 嘅combination 冇得輸，但蛋餅太乾，要配飲品或豆花先得環境服務：okay, 但好少人，驚佢做唔住。。整體而言，份量足夠，但我估一段旺角消費者覺得六七十蚊食上海小食會覺性價比低。在我的角度，這些小食給你十足材料及味道，價錢公度

今日是假期，終於可以悠閒地吃早餐。我跟男朋友點了一杯紅茶豆漿，一杯紅棗豆漿，一個辣雞燒餅，一個眷肉蛋燒餅跟一條油條。紅茶豆漿沒有甜味的，味道淡淡的，喜歡淡口味的人應該會喜歡。紅棗豆漿真的好好味，紅棗味不會喧賓奪主，跟豆漿意外地配合🤓🤓🤓🤓感覺很健康，加上紅棗保建，好適合女生燒餅不過不失，略為重口味，因為我吃完好口乾🙁🙁我認為辣雞味是好吃一點。油條太油了，做不到油不膩的感覺🙁🙁🙁但油條沾了豆漿吃，就剛剛好了。但我下次就應該不吃油條🤭吃完都很飽肚🤣🤣🤣簡單早餐很幸福🤓

15:15一行3人行經朗豪坊， 諗住搵少少野食，見到依間桃園眷村有位， 入去坐下休息未食過鹹豆花一於入去試試。排隊買野食， 收銀員比單同機仔你返位等機震先出去食野食鹹豆花：好豐富，好多料： 紫菜、蔥、菜甫、蝦皮、辣油 等等材料， 好香、味道都好夾😋甜豆花（友人食）： 友人表示唔夠甜、 尚算滑、無得特🙈眷村燒餅： 香口， 鬆脆，都幾好味。👍3個人食的份量， 以為少少地， 但食完覺得好飽🤣總結：味道都幾好， 尤其是鹹豆花覺得好特別。下次有機會再黎會試下其他野食