楚撚記大排檔 (馬頭圍道) (已搬遷) 新店位置

朋友話楚撚記係非常人氣 搞到我一直都好想試 今日終於有機會食到 開心仔😋 原來喺土瓜灣嘅一條巷入邊 冇人帶我去真係唔知喺邊度豬油撈飯🍚呢啲咁唔健康嘅食物真係好好食 有豬油之外仲有豉油芫荽蔥俾埋你自己撈 真心好食過大x華 香煎黑松露蓮藕墨魚餅🐙呢個真係煎得好香 墨魚彈牙夾埋蓮藕爽脆仲有啲黑松露香 好正燕麥金沙蝦球🦐呢個有少少似新加坡嗰啲麥片蝦 食落甜甜地 麥片都可以食埋 其實幾開胃 我都好鍾意 不過我朋友就覺得麻麻地楚撚沙拉骨🥗呢個有少少失望 真係好普通 唔可以話係唔好味但又唔難食既 只可以叫係正常味道 同平時出邊嗰啲差唔多 冇乜驚喜由於得兩個人食 所以叫得唔算多嘢 希望下次可以多啲人一齊食 最後餐廳仲送埋番薯糖水俾我哋 糖水好夠薑味 味道唔錯 多謝晒😋

之前一直想試，但好難book位，本身book到1月頭，點知因為疫情停晚市，又無得食！終於，事隔2個月之後，終於，book到了，終於，食到了！一坐低見到餐牌，好多都好吸引，不過，我地得2個人，所以最後都只係揀左4個餸，再加支啤酒！飛天通菜煲（$69）用煲盛載既通菜，非常翠綠，爽口，重點係熱辣辣，好惹味！金沙黃金白飯魚（$75）用咸蛋黃炸白飯魚，食到咸蛋黃味，但可能白飯魚太細，唔太有口感，似食緊炸粉多啲。菠蘿拔絲咕嚕肉（$88）呢個好出色，咕嚕肉好鬆軟有口感，酸甜度適中！新鮮滑雞粥（$79）粥底好綿，又好鮮甜，雞件好滑，正！

鑊氣小炒一定係食楚撚記，貪佢啲嘢夠鑊氣又夠味，薯仔牛柳粒 甜甜地 又惹味 我覺得幾好味，魚香茄子🍆 辣辣地幾好送飯唔錯！仲送糖水不過因為呢度人流多所以都要排成個鐘，人流係反映咗食物質素！會再encore

如何外賣而不失鑊氣🥸 楚撚記大排檔就做到🍖屋企都食到大排檔風味🤤 成盒飯都食清光🍚仲送老薑番薯糖水 🍠 人情味滿分💛沙律骨炸得好香脆，個醬汁入味，酸酸甜甜好開胃。上面既沙律醬唔會太多，唔會膩，醬汁比例拿捏得岩岩好金沙燕麥蝦脆🍤，蝦爽口新鮮。個鹹蛋黃醬少少鹹而帶流沙感，但炸燕麥係甜而香脆，非常特別，屋企人一邊嗌邪惡一邊又忍唔住係咁食啫啫芥蘭惹味🥬，鹹魚味濃，芥蘭爽脆得黎唔會太硬，好有鑊氣送既番薯糖水都好足料，唔會稀框框，薑味辣得黎岩岩好，飲完個胃都暖哂嗌左一人一盒白飯，飯裝滿哂成個外賣盒，但因為d餸太好味，平時食少飯既我都食哂d飯Openrice預早落單，去到就有得即刻拎 新客戶仲有得減$20，又抵又方便

味道：⭐️⭐️⭐️⭐️⭐️ 抗疫既日子裏 留家食盆菜 畢竟係一個最好嘅選擇😷盆菜取其寓意盆滿缽滿 溫馨團圓迎新年🧧年尾當然繼續支持黃店🏬明年既日子 繼續齊上齊落💛 💛 ❶豪華盆菜🍲 （小）$768用料🥢鮑魚、鵝掌、花膠、瑤柱、大花菇、金蠔豉、海蝦、燒肉、雞、豬手、魚蛋、豬皮、木耳、芋頭、枝足、蓮藕、蘿蔔、西蘭花及唐生菜一客盆菜足料 質素非常高👍🏻鵝掌軟腍入味 花膠充滿滿滿骨膠原金蠔鼓脹卜卜帶甘香豬皮、枝足、蘿蔔、同埋厚身既花菇 吸收左鮑魚汁鮮香之味 🧽夠晒惹味😈魚蛋彈牙 芋頭質感綿綿🐟返到屋企只需要在盆菜面淋水餐廳秘製鮑魚汁 番熱就可以食用了 非常方便🏠一個幾搞笑既小插曲：食食吓嘅時候發現冇咗四隻鮑魚🤣原本諗住算數 最後都打咗俾舖頭同佢講番件事舖頭主動同我哋講補返俾我哋或者退錢💰加分加分！💯始終咁多訂單 有出錯都在所難免講真舖頭即刻作出補償 真係幾欣賞🙌🏻唔似得正苦咁🙂Ps: 荃灣、西環同土瓜灣都有分店㗎😋

冇得去大排檔 同班frd隊啤吹水咁就將個大排檔搬番屋企啦以下係將屋企變成大排檔全攻略首先你需要自備摺枱摺櫈有呢隻傳統木紋枱櫈 先最有feel直接加左一百分冇呢唔緊要 食物搭夠 野食嚟講呢識叫一定叫楚撚記大排檔嘅外賣出名好味 網上可以order 仲要勁多選擇黃金椒鹽粟米 $74外面一層咸蛋味好香 包住腍身嘅粟米 呢個超好味 香煎黑松露手打蓮藕墨魚餅 $114呢個又係好推薦 外面煎得好香 黑松露味好濃內裡嘅墨魚餅加入蓮藕 口感多左個層次楚撚記原隻脆皮炸豬手 $162就算外賣 外皮依然香脆 啖啖肉楚撚記小炒王 $106炒得好香 好惹味菠蘿咕嚕肉 $98最經典嘅港式小菜 味道香濃 肉好軟腍雲耳百合炒勝瓜 $83又一經常食到嘅小菜 但炒得啱啱好 勝瓜夠爽身仲有兩款靚湯預備好食物之後 到飲品啦其實網上order 可以訂埋啤酒懶嘅當然可以訂埋啦但呢啲野要自己預備都唔難 為左配合番港式大排檔嘅主題本人強烈建議要飲就飲藍妹 咁先夠貼地嘛你睇下張相入面支藍妹道具先啦襯埋摺枱摺櫈 簡直冇得輸如果你買支德國黑啤襯埋高貴雲石枱絕對唔係嗰回事 所謂做戲做全套嘛 哈哈大家諗外賣應該已經諗到頭痛新年又要諗的話 可以試

第二次嚟食，人流比較多，每次都比較難book位。今次宵夜時段食有八八折，但唔係好肚餓所以就淨係叫咗兩個餸。黑松露芝心牛丸即叫即炸，非常有牛丸味，但真係要小心啲食，啲牛丸汁熱既程度搞到我朋友隻手起左水泡😓😓 個黑椒牛柳都好入味，好有咬口，加埋蜜汁薯仔好正！不過整體黎講覺得略貴，折左之後一個餸都差唔多一百蚊一個，性價比一般。

做冬叫楚撚記，預左要等耐dd，最後差不多1個鐘送到。 沙拉骨-味道濃郁，調得幾好食，份量都唔少，但有幾舊近骨位未熟透燕麥金沙蝦球-佢2個炸野個盒都剪左個洞，等佢地唔好焗到淋晒，不過可能都唔係即食既關係，黎到都係淋左。 但個味係好食既，蝦夠爽口，感蛋黃汁好惹味，配埋d燕麥個口感好正。個炸豆腐其實唔係我地叫，應該係執錯左，新鮮炸起應該好好食，皮好薄糯米飯-多臘味，飯夠煙韌，都幾大碗豬油撈飯-豉油同豬油另上，自己撈，邪惡又滿足最後仲送左蕃薯糖水，薑味濃，蕃薯大大舊又夠淋，唔會過甜，食完飯整番碗真係好滿足。下次真係要去堂食，應該再好食好多。

尼間咁有特色既大排檔無理由未聽過啦 😉 佢出名碟碟都咁有鑊氣而且款式夠特別，一班朋友吹水食飯就最岩啦 😌 （雖然疫情爆發又再收緊措施，不過希望好快又可以一班人去食飯）今次order左「金沙黃金白飯魚」「招牌原隻脆皮炸豬手」「招牌小炒王」「芝士琵琶豆腐」「瑤柱蝦粒帶子蛋白炒飯」🧀🥘🐷🥬🍖推介/意見‼️（5隻🐻最高分✨）✨「金沙黃金白飯魚」🐻🐻🐻🐻🐻 每條白飯魚都滿佈鹹蛋黃既粉漿，超鬆化好味，送飯一流❗️推❗️✨ 「招牌原隻脆皮炸豬手」🐻🐻🐻🐻🐻招牌無得輸，起曬肉出黎，而且咸香味剛剛好，皮脆又夠肉嫩❗️推❗️✨ 「招牌小炒王」🐻🐻🐻🐻惹味而且最岩配啤酒，但偏咸，要食番幾粒腰果中和番✨ 「芝士琵琶豆腐」🐻🐻🐻🐻幾特別既芝士汁，濃郁但會膩一點，愛芝士之人會愛上尼個配搭✨ 「瑤柱蝦粒帶子蛋白炒飯」🐻🐻🐻正常發揮，唔算好特別，而且唔夠熱辣辣價錢‼️$76「金沙黃金白飯魚」$135「招牌原隻脆皮炸豬手」$88「招牌小炒王」$78「芝士琵琶豆腐」$78「瑤柱蝦粒帶子蛋白炒飯」*今次食飯有蕃薯糖水贈送*

我曾經家住在附近，經常光顧這間出色的小炒店，其中幾道名菜如原隻脆皮炸豬手，脆皮炸大腸，燕麥金沙蝦球以及金沙蛋黃九肚魚，都是我經常會點的菜式，味道一流！鑊氣方面，絕對比美大排檔的風味，值得一讚。唯獨光顧的客人太多，需要有心理準備等候一下，但是絕對值得，在香港有大排檔風味的小炒店已經買少見少，這間店舖絕對是品質上盛的優質小炒店！雖然已經搬離了這區，但是我也經常回到舊居幫襯這間店舖，品質從來沒有改變，都是保持着高水準的餐館，是一班朋友歡聚的好地方。

楚撚記這個店舖已經開咗一段時間，以粗鄙文字作為店名，就好像火鍋撚這些店舖，不會特別吸引人，因此我也到這刻才到來試試。近來都不太吃牛或者海鮮，因此點了牛仔骨也沒試。炸大腸菠蘿墊底，想不到小菜店的炸大腸，如果叫外賣，也不會特別回氣或是令到外皮不脆，相反，剛剛端來立即吃，仍然夠熱，豬大腸外皮夠脆，內裏脂肪有肥瘦均勻，不會覺得特別肥膩，外賣也不會特別扣分。椒鹽粟米，還以為有什麼特別，會不會炸到連粟米芯都取到可以一併吃落肚，🤔但原來只是將一些雞蛋黃，搽在粟米粒粒外皮，就好像黃金魚皮那個做法，那應該叫黃金粟米會比較合襯，🤔因此我不覺得有什麼特別。雜菜煲，自行倒湯到菜內，有白菜、生菜等等，此外還有些少海鮮粒粒，算是比較清的一個選擇。🤪沙拉骨亦都好像有點奇怪，因為它是先用生炒骨那些酸甜汁將炒過金沙骨，然之後再在面頭「唧」一層沙拉醬而已😕😣和真正的沙拉骨，即使在骨包圍着排骨，好像大相逕庭。椒鹽豆腐反而比較可惜，因為外賣，令到外皮都比較軟林，炸豆腐的外皮軟化，就沒有意義了。😒啫啫雞煲，聽來好像非常吸引，但翻一翻，發現找不到雞肉，反而有些田雞，簡直令人驚喜，但是它的田雞又不是有很多肉那種，反而吃了其中一塊豬

想試好耐嘅選楚撚記大排檔~其一個名好特別😀其二成日經過都見門口排滿人，門口長期排隊等位真係總有原因，鑊氣真係相當之好碟頭有夠又唔貴👍👍不過唔想等位記得一定要訂位，有興趣又可以做會員真係非一般的大排檔古法涼瓜炆魚雲煲~重魚雲好新鮮好正😋店員好有禮貌地提醒客人小心個煲好熱👍$99楚撚記小炒王~材料豐富大量腰果,鮮蝦,蝦干,銀魚干,魷魚,吊片,韮菜花……😋$88蒜香骨~炸蒜鋪滿整碟蒜香骨又唔會太乾😋$83豆豉鯪魚油麥菜~$68食飽仲有糖水送~是日糖水係番薯糖水或清補凉👍😋

係你喇😏 《楚撚記大排檔》🥢香港好食既大排檔已經買少見少、但係呢間個人來講係真係幾鍾意🤗款式幾新穎、聽聞經常大排長龍😲所以記得book位呀下🤫🦑香煎黑松露蓮藕墨魚餅 （$88）松露味都算出！好多蓮藕粒🤤好爽口！墨魚餅厚身得黎口感QQ的！食落好有咬口！而且炸得夠乾身！冇滴油！（呢個我見都幾多人叫㗎！夠香口）🌽黃金椒鹽粟米 （$58）鹹蛋黃真係俾得唔孤寒、而且好濃味！粟米炸得出色👍🏻好香脆同充滿鹹香味！特別鍾意個鹹蛋黃醬偏甜😻呢間係我食過最好食嘅黃金粟米！（我直頭刮起晒個底啲鹹蛋黃醬送飯）🐟椒鹽白飯魚 （$72）呢個份量真係細咗啲🙄椒鹽味唔係好出！比啱啱上面兩款來講失色左小小！上枱後快啲食呀、凍左林左更加失色😂（椒鹽白飯魚來講好普通）🦪豉椒炒蜆 （$89）份量適中、味道少少偏鹹！不過不失同平平無奇既之間🤓（可以唔洗叫 留返個位叫第二啲）🦑椒鹽避風塘水魷 （$68）呢個我地全部人都誤會咗😂我哋以為係炸嘢香口野、點知黎到係成碗都係汁的濕野😂呢道菜就真係有啲失望、個味好似食車仔麵果啲沙嗲汁個杰板！味道冇特別、不過鮮魷幾新鮮爽口！另外仲有嗰啫啫雞煲同埋福建炒飯、都係正正常常啦冇乜特別要介紹、佢呢間

宜家好食又有鑊氣嘅大排檔真系買少見少，冬菇亭都好似少左好多，想食啲有鑊氣嘅風味小炒都吾容易。之前聽朋友講土瓜灣有間食店標榜大牌檔小炒，撚手小菜，個名重要好搞野 “楚撚記”，好似講緊粗口甘。大排檔形式都做到會員制，積分當錢使，好勁呀！梗係要點下佢啲招牌菜 ～ 燕麥金沙蝦球，夾住燕麥一齊食，罪惡感無甘大楚撚記小炒王 ～ 材料豐富蝦乾，蝦仁，乾魚仔，吊片絲，韮菜花，腰果，菜脯菠蘿拔絲咕嚕肉 ～ 賣相好靚咕嚕肉講明系用梅頭肉整，所以特別好味，旁邊有拔絲＋蜂糖，好有心思。金菇粉絲肥牛煲 ～ 濃濃嘅沙嗲味，芽菜又多，好味有飯後甜品送，熱嘅有蕃薯糖水，凍嘅就系新補涼糖水

面對第4波的疫情，政府剛剛宣佈晚市禁令，星期４實施。街上人流稀少，放工時間竟然完全沒塞車可說是極為罕見，但！這家中菜館無論門內門外都滿滿都是人，非常難得。滿滿的創意系中菜菜色，非常適合年輕人，又適合中年人，所以看見舖內外什麼年紀都有，非常厲害食物：古法涼瓜炆魚雲煲＄９９惹味濃香，涼瓜稔得來不會太軟爛，魚雲的份量不少，在冬天吃煲仔特別溫暖人參濃湯時蔬＄７２芥蘭用雞湯浸著，並加上一大條人參，味道不會太淡，芥蘭夠甜份量也多，唯一是芥蘭略略帶渣，未算最好避風塘田雞＄９８不得了，真的不得了的炸田雞，皮薄而脆，裡面極ＪＵＩＣＹ，避風塘炸蒜非常惹味也不會辣，亦不會太過淋油，香口爽脆但不太油膩，這根本是會吃上癮的東西啊！瑤柱蝦粒帶子蛋白炒飯＄７８飯粒非常分明但不會太油亮，蝦粒跟帶子夠圓潤而且彈牙夠鮮，帶鮮甜味，蛋絲夠嫰滑，瑤柱乾身但不會乾硬而難咬，不貴但炒得很不錯的炒飯最後送了一人一碗薑汁番薯糖水，湯底沒有死甜，微潤的甜加上薑汁的微辣，粉粉的番薯，吃起來完全不像是免費送的甜品！出色！