楚撚記大排檔 (馬頭圍道) (已搬遷) 新店位置

很久未食過大排檔，今日來到土瓜灣，見到這間新開張的楚撚記，於是今晚的晚餐就決定了食大排檔小菜式。餐廳裝修企理，牆上掛滿了鑊氣小炒的菜式，因為喜愛食中菜，所以很快就揀到了三個小菜式。醬爆豆豉雞煲$92 整個雞煲都充滿了豆豉的香味，配料還有洋蔥及香芹菜，令雞肉更加惹味，整個雞煲爆得入味又香口！！涼瓜炒牛肉$78這裏的鑊氣小炒真是值得一讚，牛肉嫩滑又入味，涼瓜腍中帶點爽，整個菜夠鑊氣，夠入味。波羅拔絲咕嚕肉 梅頭$99咕嚕肉切成長條形，咕嚕肉比起平時食的少了肥膩感，因為餐廳選用了梅頭肉，咕嚕肉食落外脆內軟腍，酸甜味道及醬汁調得剛剛好，特別惹味！食完後餐廳還送上個蕃薯糖水，認真夠窩心！！

位於土瓜灣馬頭角道楚撚記大排檔 成日都見排長龍要預約先有得食 今次終於book到位。呢個地方都幾骨子 入到去就叫店員推介幾味撚手小菜第一味就係馬蹄肉餅 肉餅總共有八塊。肉餅雲日馬蹄 咬落爽口清脆 肉質味濃郁 整得唔太熱氣。之後就叫成日食的咕嚕肉 咕嚕肉配上菠蘿 最正就係配上如隔蜂巢。 蜂巢的蜜糖混入咕嚕肉當中 非常清甜好味。之後就我多一個腐乳通菜 一鍋相通菜好香口 新鮮貨色的通菜炒得味道恰當好處。叫多兩個白飯 臨走前原來仲有蕃薯糖水送 絕對超值。

今日約一班屋企人食飯 啱啱好朋友介紹我哋去試吓呢間黃店😍😍👍🏻👍🏻間野喺土瓜灣地鐵站隔離好近菠蘿咕嚕肉炒得很好吃 酸酸甜甜配有蜜桃 不是常見的菠蘿 幾有特色 但拔絲略嫌太甜菜乾豬肺湯用幾個鐘煲出黎 啖湯有甘香 依家好難喺出面搵豬肺湯🥲🥲同埋佢有好多湯渣鍾意食豬肺嘅唔好錯過🤣🤣金沙白飯魚係邪惡之選 魚有鹹蛋黃既香味 炸豬手普普通通沒有驚喜脆皮炸大腸很香 小tips上枱後要等一等才吃 等佢散熱後就會好脆🥳🥳最後食完 店員話驚喜送上清補涼或番薯糖水 好抵食🙊🙊

好難book位啊！八月底book九月位，全部都係得翻5:30-7:00pm嘅位，全部7:00同8:30時段爆晒，可想而知幾多人食。果然！真係冇令人失望，價錢抵食，野食份量合理，基本上每一樣野都好食。環境乾淨企理，侍應有講有笑，用香港嘅標準，態度可以算得上非常好，絕對會返兜！*西檸煎軟雞 $88雞肉外皮炸到脆卜卜，入面嘅雞腿肉嫩滑，皮下脂肪唔多，唔會過分油膩。檸檬汁酸酸甜甜，炸衣因為檸檬汁半脆半腍，薄薄一層汁包住炸雞肉，西檸雞作為第一道菜非常開胃。香煎黑松露手打蓮藕墨魚餅 $96墨魚餅有七塊，厚肉彈牙，仲有啲爽脆嘅蓮藕粒，黑松露香味唔算濃烈。外表煎到金黃，香口但唔係脆卜卜嘅質感。老干媽青椒炒牛肉 $80辣！老干媽就係辣，辣得嚟又唔會成碟辣油。牛肉塊少少韌有咬口，唔係醃到腍啤啤嘅肉，成塊肉都帶老干媽辣味。成碟最辣係青椒紅椒，由舌頭辣到喉嚨。豆腐杞子鮮腐竹浸時蔬 $78腐竹唔係行滑嫩路線，反而好香黃豆味，娃娃菜煮到軟腍，而且菜本身已經清甜，又吸晒豆乳湯味，碟湯直情可以就咁飲。飛天通菜煲 $78出晒煙嘅通菜煲，有少少辣椒粒，蒜香味非常重，完全冇通菜菜腥味，通菜亦唔會太韌，非常惹味又有鑊氣。麻辣

與友人第一次去食楚撚記，分別點左秘製鳳爪、原隻脆皮炸豬手、避風塘水魷、飛天通菜煲、涼瓜牛肉！全部都好味，水準都高過一般大排檔，絕對值得去光顧…最令我難忘同回味係通菜、水魷同豬手，通菜真係好香鹹香味，水魷真係口感好好，食落去味道岩岩好，而炸豬手層皮真係好脆，而又吾會話鹹，好味好多德國餐廳整果d！本人有點到啤酒飲，鳳爪好鬼惹味，好岩黎餸酒食！忍唔住寫番食評，希望間店能夠繼續保持水準….

土瓜灣的人氣大排檔，但因為交通不便一直未能成行，而家屯馬線開通左土瓜灣站，那正好可以約朋友放工來試一試🤣楚撚記的食物鑊氣十足，果然好棒，但店面不太，不建議大家Walk in黎食，一定熱死又被蚊咬死，大家要記得預早訂位比較好！食物資料：脆皮炸豬手($135)，豉椒炒蜆($92)，豆漿紀子鮮腐竹浸時蔬($72)，豉汁排骨蒸陳村粉($91)

話說早排食過一次感覺良好，返公司同同事開心 share，跟住就約咗揾晚一齊去食返餐。放工去到 5：30左右竟然話無位 😱😱😱 得返 2 張 2 人檯話我哋 3 個唔介意可以分開坐 😒😒😒我哋望到有一張 4 人檯話訂位，原來無網上訂座仲可以打電話訂位 🙄🙄 跟住望吓隔離鋪，有一張 4 人檯坐 2 個人，我哋問侍應可唔可以問吓佢哋調一調比我哋，侍應話佢哋唔會咁做。侍應話下一輪要等到 6：30 🤔🤔 唔係嘛，企一粒鐘？跟住見到訂檯嗰檯到，原來係 2 人，咁點解唔比我哋坐嗰張檯再安排佢哋坐 2 人檯呢？結果我哋梗係轉場啦… 掃慶！

新派大排檔 以新潮食材加入傳統大排檔小炒舒適嘅室內用餐環境，去保留住依一份香港情懷蜜椒薯仔牛柳粒 薯仔粒走油脆身沾滿蜜糖同黑椒汁又甜又辣好滋味 牛肉粒有驚喜食落唔會太軟身,反而肉味好濃酥炸黑松露牛丸  一碟有八粒牛丸係好彈牙 牛肉味濃  黑松露味更加係勁濃重上湯浸時菜 雞湯娃娃菜 鮮甜新鮮酥炸蠔仔餅 鮮蠔上粉漿炸脆 粉唔多,似炸蠔仔多D但粒粒蠔仔都好大粒又鮮味,脆口惹味! 加埋辣鹽食更加正!蛋白炒飯 炒飯店家推薦呢款 簡單唔花巧,就係蝦仁帶子粒炒蛋白飯炒得好乾身無油,好夠獲氣又好多配料,口感好豐富麥皮蝦球 炸脆大蝦球灑上一堆甜麥皮,蝦身本身帶點咸蛋醬,咸咸香香好滋味土瓜灣馬頭圍道187號地下2及4號舖消費$500

來到土瓜灣「楚撚記大排檔」食晚飯，好彩有訂位，去到人山人海！餐牌都好多選擇心大心細。「拔絲菠蘿咕嚕肉」熱辣辣，咕嚕肉去用上梅頭肉 沒有骨，很貼心，咬下去啖啖肉。拔絲是金光閃閃，拔少少當糖果食，另有一番風味！「椒鹽九肚魚」炸得香口，皮十分簿，一口一啖，加上醬汁好下飯。要是加啤酒 更是加分！香脆可口是高質之選，好想多叫一碟！「金銀蛋配上時蔬」用上菜心，份量好多，是貨真價實之選。上湯好濃味，用上不少豬肉碎，菜心爽口入味！原來餐廳沒有加一服務費，也沒有菜芥等額外收費，好抵食！店員服務好好，很有禮貌！最後仲有蕃薯糖水熱辣辣的，或是涷的清補涼，2款各一！都是好好，不會太甜，仲有滿滿的材料！

📍楚撚記大排檔 (土瓜灣)土瓜灣馬頭圍道187號地下2及4號舖.今日👦🏻自己同屋企人去食楚撚記，平時呢度要排成個月，唔知點解今日冇人排隊，奇蹟呀😂👦🏻媽叫左幾樣餸1.芝士乒乓球牛丸 $952.黑松露蓮藕墨魚餅 $963.香炸豬手 $1384.黑椒薯仔牛粒 $985.招牌干鍋 $78.👉🏻芝士乒乓球牛丸當我一咬既時候d芝士bit左去我家姐個身上面，都幾重牛味，幾好味！👉🏻黑松露蓮藕墨魚餅墨魚粒同蓮藕粒mix埋一齊好夾好彈牙，黑松露可以重手多小小咁就完美啦🤪👉🏻香炸豬手呢個就表現得弱d啦，皮唔係好脆，麻麻地👉🏻黑椒薯仔牛粒鐘意食遍甜既朋友可以試下呢個，因為加咗蜜糖去炒，d牛粒都唔錯，薯仔係爽口嗰種，好食！👉🏻招牌干鍋食得辣既人先好叫，因為都算幾辣，👦🏻媽同👦🏻家姐食左一口之後巳經食唔到，得我一個食曬😛我覺得好惹味，送飯一流👍🏻.整體而言都幾好，服務都好好，上菜時間正常，值得一試😎推薦程度：⭐️⭐️⭐️⭐️性價比：⭐️⭐️⭐️⭐️服務：⭐️⭐️⭐️

楚撚記大排檔之前都去吃過幾次都是值得再次encore 的小店，平時晚上都需要輪待坐位，所以今晚和朋友早點5點半吃晚飯去到小店便有枱了。楚撚記室內用餐環境保留住了一份香港情懷，帶來香港人最愛的撚手小菜同鑊氣小炒！菠蘿拔絲咕嚕肉(梅頭) 咕嚕肉炸至外脆內嫩，梅頭咬落每一口都是啖啖肉；菠蘿味道夠鮮甜而且醬汁酸酸甜甜令人好開胃呀，外觀伴襯的拔絲效果擺碟放上麥芽糖圈相當奪目。香煎黑松露手打蓮藕墨魚餅 蓮藕墨魚餅煎至兩邊金黃色，黑松露味道香氣十足，咬一口墨魚餅入面是一粒粒的墨魚粒，有層次口感吃得出手打的彈牙質感，中間加入蓮藕粒增加了不少爽口感覺。飛天通菜煲原煲上枱熱辣辣好有火喉，通菜爽脆入味，還有加了蝦干、蒜粒、紅椒等配料口感更加惹味咸香，這味小菜真的鑊氣勁十足。最後贈送了兩碗甜品蕃薯糖水！總結來說，價錢經濟實惠，味道很有大排檔風味！

楚撚記長期都好多人，禮拜日既夜晚7點倒去到，侍應話要等張台，諗住都唔會等好耐，就響出便等。點知等等下，等左成個鐘多少少先入得座，響等既途中發覺佢真係好好生意，超多外賣！出便成張台都係放外賣，未停過手。8點10分倒入座，兩個人比左張四人台，所以坐得都好舒適，兩個人叫左黃金九肚魚，五柳炸蛋，排骨陳村粉。本身都完全唔知咩叫五柳炸蛋，上網做左少少research，先知「五柳」指的是五柳菜：酸蕎頭，酸薑，酸木瓜，酸黃瓜，酸蘿蔔。食落酸酸甜甜咁，D蛋又炸得香，如果鍾意食煎炸野應該會好岩食。黃金九肚魚都係依舊好味，炸得脆口又乾身，黃金又唔會過咸，yummy。不過食呢兩味餸都好有罪惡感，唔健康既野永遠都係最好食。

呢個咁特別嘅名留意咗好耐，雖然喺公司附近，但一路都未有機會試到，朋友約咗噚日嚟食飯，電話訂檯話滿咗，咁就早啲 walk in la。未夠 6 點去到，已經有食客食緊飯，原來我哋都唔算早 😅😅入座已經同我哋講用餐時間個半鐘，咁座底就即刻叫個小炒王同豬手先，然後就叫冰凍嘅啤酒，送嚟時連雪凍嘅碗，簡直透心涼 👍👍食物都算上得快，小炒王真係好味，腰果同魚乾仔都好脆口，我哋再加梅菜蒸菜心，芝士琵琶豆腐同手打墨魚餅，墨魚餅好有咬口，有淡淡嘅黑松露味，上檯即食仲辣口，放涼咗食一樣咁好味 😋梅菜蒸菜心好大碟，平衡返今晚邪惡嘅食物 🤣🤣🤣 芝士琵琶豆腐一啲都唔漏，仲連幾粒西蘭花可以點埋個芝士醬 😃😃最後上個豬手就有小小失望，豬皮唔係 lock lock 脆，但味道唔太差，其實 3 個人係叫得太多食物嘅，所以最後豬手都要打包走。臨尾仲有糖水送，我哋揀蕃薯糖水，夠薑味，攬住個肚肚結束完味嘅晚餐 😍😍

土瓜灣大排檔 每次經過都見到很多人排隊，看起來很好吃，這次早一點來吃晚餐。我們點了燕麥金沙蝦球：整顆蝦球肉加上黃金鹹蛋醬，炸熟，上面灑上已熟的燕麥。蝦肉新鮮彈牙，鹹蛋黃醬的鹹酥味非常惹味。燕麥食感香脆，這個配搭很特別。啫啫滑雞煲：雞肉嫩滑，不會煮得過久變硬，調味適中，很有鑊氣。金銀蛋浸時蔬：選擇了通菜。通菜新鮮，煮得剛剛好。鹹蛋和皮蛋份量很多，菜都均勻入味。還加入了少少肉碎。這裏的食物有大排檔的風味和鑊氣，但是不會像大排檔一樣太油膩和加入味精；staff 很有禮貌，推薦。

之前見到呢間餐廳冠名贊助一個演唱會，所以就心思思去試吓佢個大排檔餐廳，舖頭喺土瓜灣馬頭圍道，都幾方便搵嘅，估唔到佢貌似大排檔，其實都係一間乾淨企理嘅餐廳。我哋嗌左個招牌菜黑松露蓮藕墨魚餅，墨魚餅煎得非常香脆但唔油膩，墨魚肉爽口彈牙，配埋滿滿嘅黑松露，真係一個好好嘅小食。另外就嗌咗兩個小菜，小炒王方面，鑊氣十分足，材料非常之多，叉燒蝦乾魷魚腰果，一啖食落去有唔同嘅口感同層次。另外薯仔牛柳粒亦都係我大排檔必點嘅菜，薯仔粒恰到好處，切得細細粒一啖一口，而且外皮香脆，沾滿左滿滿嘅蜜糖，而牛柳粒更加係淡淡牛香，配埋白飯真係送飯一流。最後仲有糖水送埋，今日係有得揀番薯糖水或者係清補涼，食完飲番碗清補涼清清喉嚨，真係一個好貼心嘅服務。