榮少喇沙 (已結業)

-2021.08.21-今日去左食間屯門出名既黃店過左lunch時間都好多人 同男人等左10幾分鐘左右先有位1。燒雞喇沙米粉($58)喇沙湯底真係名不虛傳😋烤雞比想像中驚豔 食落好有烤香味😋肉質嫩滑 仲要有隻雞髀 加分👍🏻2。咖央油炸鬼($18)估唔到新鮮出爐嘅油炸鬼係咁好味仲要加左層咖央topping估唔到都幾夾😆 見身邊有幾檯都叫左果然係必叫item3。雞翼3件 ($18)小食仲揀左雞翼 CP值都幾高😆脆香粉薄，可以一試4。檸檬薏米水 ($18)夏日炎炎 飲返杯凍檸檬薏米水其實真係下火🙂薏米佔左1/4杯，1塊檸檬，再加上淡淡既甜味 唔錯男人叫左豬扒喇沙米粉 偷食左舊豬扒浸湯好惹味😋下次試下佢呢排新出既芫茜湯底先🤩店舖：榮少喇沙 (屯門) 地址：屯門時代廣場北翼地下44號舖

榮少喇沙係屯門開左分店啦～今日特登入嚟屯門度食佢，地點在屯門時代廣場，但經商場入面係搵唔到佢嘅，個門口喺出面外圍，望住公園個邊，其實都唔難見嘅。叫左魚蛋魚片喇沙摻摻，落單一陣就有得食啦，好香喎。都好大碗㗎，如果真係唔夠，仲可以加8蚊加底，哈哈。湯底是咖喱喇沙的口味，超香濃，重重的椰子味同各式香料味，唔覺唔覺飲晒碗湯。有魚蛋魚片數件，仲有豆卜添，豆卜好緊要，吸左湯汁超好味。麵條揀左油麵+米粉，鍾意兩溝嘅口感，貪心嘛～飲品加左杯奇亞籽檸檬薏米水，好似係榮少嘅名物黎？微甜帶檸檬味係好飲喎，夏天消暑一流，但啲渣好難吸出黎，有衝動搣開個蓋食左佢，哈哈。仲加左一份小食咖央油炸鬼，油炸鬼好香脆，唔油膩喎，加左甜甜地嘅咖央醬又幾夾，好味好味。餐廳用QR code落單，介面易用又方便，仲唔怕落錯添。

之前都有聽過係天水圍嘅榮少喇沙，屯門亦都開咗間分店，今日一早就黎試下~ 環境都好乾淨，點餐係掃QR code嘅，非常方便。炸豬扒喇沙 瀨粉溝米粉 ($50)，喇沙湯底非常濃郁入味，有啖啖椰香味，亦都唔會好辣。炸豬扒好大件好厚，好腍唔會過硬。粉麵竟然可以兩溝，兩溝食落多咗好多口感~珍寶芫茜魚湯 油麵溝米粉 ($50)，珍寶有豬軟骨、肥牛、魚蛋魚片、龍蝦丸、花枝丸，好豐富XD，適合樣樣都想試嘅人。佢嘅芫茜魚湯本來以為好清淡，估唔到好香甜，芫茜控必選！咖央油炸鬼($18)，塗上咖央甜甜地，好脆，沾上湯底食都得！檸檬薏米水(+$10)，跟餐只係需要加$10，檸檬加薏米都係第一次飲，食完喇沙飲佢更加清新，而且加上奇亞籽同薏米好健康~

夠鐘食晏⏰《屯門喇沙篇》~思鄉病又發作🤣 今次餓底塔🚈落去屯門一日遊首先去馬拉食野🍲再轉戰去日本濕平🛒係時代廣場地下 對住輕住輕鐵站果邊開咗間經營食馬拉湯粉 / 飯類/ 食店😚小店裝横以粉藍粉紅 白色作主色調😆湯底配塔有 喇沙 魚湯 莞茜魚湯粉麵有油麵 米粉 米線 瀨粉可配另有飲食 小食 甜晶 數款飲品😆👭以QR code 點咗兩碗湯麵小食想點手工蝦多士 但無曬😭#炸豬扒喇沙#豬軟骨喇沙湯底醎香 蝦味濃沃 椰汁味重 啖落好rich 好滋味🤤油麵溝米粉係不二之選 食落有相重滋味❤豬軟骨 豬扒重量級 份量十足 入味軟腍有咬口 食肉獸至愛😋#咖哩角蔬菜餡料 幾香口👌食到飽飽 開開心心去🛒🛒

我哋今次去咗榮少喇沙，位置十分方便，地鐵站行5分鐘就到😍1️⃣珍寶喇沙 完全冇諗過會咁大份，咁扺食，珍寶喇沙有好多配料，加上份量好足，適合每樣都想試嘅食客😍喇沙湯底好正宗，湯底唔會太重梛奶味，食得出黃薑、香茅嘅風味，似足係星加坡食嘅味道，餐廳有提供不同麵底，亦有比較罕有嘅瀨粉，我好奇揀咗嚟試咗下，完全喜出望外，即使浸咗湯好耐，瀨粉依然好彈牙，加上香口嘅喇沙湯底，口感十分滿足，配料值得一提嘅係豬軟骨，醃得好入味，咬落去肉質軟嫩，仲好癡牙，骨膠原十足，啱曬愛美嘅女士🤤2️⃣脆炸雞排喇沙 湯底同珍寶喇沙一樣咁滋味，驚喜嘅係佢嘅脆炸雞塊，佢應該係新鮮炸起，上菜時熱辣辣，外脆內軟，炸粉好薄，咬開啖啖肉汁，食得出應該用咗嫩滑嘅雞髀肉🤤3️⃣小食拼盤 有齊炸雞翼，春卷，炸蝦餅嘅小食，好大份，每樣都有3件，啱晒同朋友share😍炸雞翼同佢嘅脆炸雞塊一樣咁有水準，炸粉薄，肉質鮮嫩多汁，最impressed 係佢嘅春卷，係原隻鮮蝦，仲好貼心咁包咗紫蘇葉，所以炸完都唔會覺得好油膩🤤最後，餐廳好多人食，如果唔想等位就要早啲嚟食

1️⃣炸豬扒喇沙 $50雖說係炸豬扒，但唔知點解睇落比較似煎豬扒。不過唔影響味道，有少少鹹但肉質都嫩。喇沙湯底味道唔算好重蝦味，比較重椰汁味，食落都ok。而配菜有半隻烚蛋同豆卜，少咗一般會見到嘅芽菜/豆芽，覺得有少少可惜，因為整體食落口感好單一，如果食麵嘅時候食到少少芽菜/豆芽，口感上會更豐富，而碗喇沙望落都冇咁空虛。✴️整體而言，今次食到嘅只係普普通通嘅喇沙，又未去到其他人講到咁濃郁，或者期望太大，不過都希望有機會再食下其他麵/飯。

🇭🇰屯門喇沙專門店💛【#榮少喇沙 】🍱小食拼盤 $35雞翼🍗越南春卷🍤蝦丸🟠各三件小食評估就最啱大家每一樣嘢都想試吓嘅時候嘅好選擇，每一樣嘢都熱辣辣咁上盤，分量各三件十分之足夠，越南春卷口感香脆，食落去炸蝦鮮味多汁，特別在蝦丸用咗一塊塊咁上，濃縮左蝦肉嘅味道再加上醬汁真係冇得彈！🧇啡央油炸鬼 $18呢個真係要十分之推介，油炸鬼一口落去完全係脆卜卜，再加上啡央嘅點綴，小小嘅甜味配合埋本身油炸鬼嘅味道，會令你越食越上癮，脆口嘅配搭令你口感大增！🍜脆炸雞扒喇沙 幼麵溝米粉 $50我平時食開嘅喇沙多數都係有顏色冇味道，呢本就截然不同，仲要好貼心咁樣雞扒同喇沙叻上，可以令你食到炸到金黃色嘅雞扒，肉質鮮嫩又多汁，再點少少喇沙湯底令雞扒嘅味道再上一層樓，另外面底嘅選擇都有好多種類，今次就特別少少揀咗油麵溝米粉，嗰種口感幾特別，再加埋喇沙湯底簡直滿分！📍榮少喇沙 (屯門)屯門屯隆街2號屯門時代廣場北翼地下44號舖🇭🇰

香港想食喇沙嘅地方話多唔多，話小唔小。不過想食咁有良心價錢嘅喇沙，真係買小見小榮少喇沙，名氣十足。平時夜晚叫外賣都要等起碼半個鐘。今日早d 番工前去食個快lunch,入面已經有3~4 檯客。好在一個人嘅我都唔洗等位，立即有得坐低。門口一個人都冇嘅榮少喇沙真係好小見。全部卡位已經坐滿，內里環境簡潔。裝飾好靚。lunch 嘅menu 同夜晚有小小唔同。掃qr code落單，好快就黎左飲品檸檬青檸薏米水，唔太甜，夠凍，健康，足料叫左個小食，其實好多小食都吸引，可惜怕食唔哂就試左個春卷。好熱，真係好熱係辣口，唔洗講都知係新鮮炸出黎。入面成隻蝦係到，好足料主角，豬軟骨喇沙湯麵。好香，唔太辣，足料，有豆卜，蛋，豬軟骨整係食食個都好飽肚。好小見有咁好色水咁黃嘅喇沙。個味，真係好開胃，真係會食上癮總結，好彩我唔係住得近，如果唔係平時麵都唔煮就直接落街食，

👍🏻肥牛肉喇沙 $45喇沙湯底勁濃郁，椰奶味同蝦味都好香🤩Creamy得黎又夠辣，平衡得好好🤤👍🏻肥牛雖然唔係啲咩高質靚肥牛，但冇牛騷味/雪味亦唔會太多肥膏同冇乜筋，份量仲好多，唔錯🤣可以揀油麵溝米粉，兩樣都煮得偏腍更加掛湯好食又大份，性價比高😛味道：9/10性價比：9/10-📍#榮少喇沙屯門屯隆街2號屯門時代廣場北翼地下44號舖#hkfoodie #foodiehk #hkfood #foodhk #hkeat #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #屯門 #屯門美食 #屯門好去處 #屯門時代廣場 #屯門市中心 #屯門市廣場 #天水圍 #天水圍美食 #黃店 #屯門黃店 #天水圍黃店 #黃色經濟圈 

想試呢間喇沙店好耐奈何佢嘅兩間舖都位於大西北位置比較遠所以今次嚟到呢邊就一於嚟支持吓除咗招牌喇沙 仲有魚湯同飯最特別係可以揀油麵 米粉 瀨粉 摻摻價錢亦都唔算太貴海鮮喇沙（瀨粉）好耐冇食瀨粉如果唔係我平時一定會叫米粉索哂啲湯勁正🤓喇沙湯算係幾濃郁帶椰香味 微微辛辣入口有啲沙沙地嘅感覺不過個人鍾意奶味重啲嘅湯底所以唔算太驚喜不過碗麵都幾足料帆立貝 蝦 魚蛋 魚片豆卜索哂個湯嘅精華真係超正🤩瀨粉好爽滑筷子功差嘅我夾極都夾唔到😆估唔到一啖湯一啖瀨粉幾正🤤招牌嘅喇沙竟然冇我想像中咁好食個湯好似差咁啲嘢咁椰香味重啲可能會好啲不過食到我好耐冇食嘅瀨粉係幾開心😍

喇沙有好多種唔同味道我就偏好椰奶味重🤤✨脆炸雞扒喇沙$50（可選魚湯喔❗️）面底可選米粉/油面/瀨粉/兩溝識食必定係叫油面加米粉個人認為脆炸雞粒貼切啲雞粒都有四至五件 大大粒架而湯底亦都係椰奶味重啲亦唔會辣 岩晒重口味但怕辣既朋友🙌🏻✨炸豬扒喇沙 $50相比炸雞就失色不少首先豬扒浸住湯底上已經淋晒✨不過整體黎講仍然性價比高的☺️因為價錢唔算貴出面喇湯價錢都會相對高不過就唔包野飲跟餐 檸檬惹米水 可半價$9但冇得簡凍定熱有埋就prefect池喇🤣

喇沙湯底非常香濃，視覺上已令胃口大增，豬軟骨非常大舊，而且有四舊，咬落勁軟熟同超多膠狀既軟骨，好好食呀!惟一缺點系，我食唔曬😂正宗麵底通常系油麵加米粉，但呢間餐廳可以俾你揀米線，米粉，油麵，瀨粉等等，你鐘意米粉溝瀨粉又得，鐘意淨米線/米粉/油麵/瀨粉又得，令你可以食到你最愛既組合👍👍小食拼盤($35)有9件，雞翼 春卷 蝦餅各3件，好抵食😋😋雞翼同春卷都好脆口，最愛系蝦餅☺食完咁香濃既喇沙同香脆既小食，叫返杯檸檬薏米水就最perfect喇

成日聽人講榮少喇沙正終於去試啦！🌟勁勁勁勁勁好味！超超超超超超級推介🌟係小妹暫時食過係🥇香港最好味✨既喇沙好近係新加坡食既🇸🇬仲好味過大家熱捧既灣仔Rempah Noodles，個邊個椰奶味吾夠濃同都無咩喇沙地道既香料味食落味道比較單一🚫但係！榮少呢邊只係$50😍勁平就食到超高質🌟吾口渴🌟既濃郁喇沙🍜❐ 脆炸雞扒喇沙🍜 $50評分 ▮ ▮ ▮ ▮ ▮ ▮ ▮ ▮ ▮ ▮ 💁🏻‍♀️推介❗⟰雞扒份量極多🍗✨又大嚿又香脆🔥而且啖啖肉💦肉質鮮嫩多汁明顯有醃製過⟰麵底勁特別❗️除左普通滲滲油麵米粉仲可以揀米粉加瀨粉或者轉米線💥⟰揀左米粉加瀨粉掛湯能力極強💯加上湯底本身比較濃郁，所以啖啖都有濃郁嘅喇沙湯💫⟰✨一入口係喇沙香料嘅味道，慢慢會喺口腔感受到濃郁嘅椰奶香🥥加上微辣🌶嘅效果，係惹味同埋多層次嘅喇沙湯底🎖真材實料飲晒完全冇口渴，食完回味無窮！⟰配料有蝦豆卜芽菜魚蛋最驚喜💥係有半隻流心蛋，蝦🦐同魚蛋爽口彈牙，豆卜芽菜煮到入哂味，流心蛋勁出色煮到岩岩好🌟❐ 咖央油炸鬼 $18評分 ▮ ▮ ▮ ▮ ▮ ▮ ▮ ▮ ▯ 💁🏻‍♀️推介❗⟰ 從來都冇諗過咖央可以配油炸鬼🌟味道勁驚喜勁夾‼️⟰油炸鬼酥脆而

今日係屯門行街，見到有間喇沙餐廳，即刻好想入去試下！望下menu，唔算好貴，只係正常餐廳價，唔會好似有啲餐廳咁加個「東南亞」/「新加坡」係頭就賣成90幾100蚊。咁抵食緊係要試下啦！入面裝修都幾靚，而且唔會坐到好逼，枱同枱之間起碼有1.5米距離。呢到落單用QR code手機落單，幾方便，唔洗叫staff等黎等去又落錯單，唔錯．掃完qr code一眼睇晒有咩食，方便快捷。今次叫左個肥牛喇沙，望落好濃味，亦超級香！喇沙入面仲有半隻流心雞蛋、豆卜，喇沙配豆卜索晒啲汁一流！肥牛份量亦超級多，比我感覺食極都仲有，真係好抵食！我仲叫左個小食拼盤，有蝦餅、炸雞翼、春卷。全部都係炸野，好香口，岩晒我呢啲肥仔。檸檬薏米水，自家製，好fresh唔會太甜太酸，食完啲濃味野飲返杯薏米水，一流！

其實香港人都幾有人情味，有餐廳定期派飯俾弱勢社群，疫情期間幫醫護人員打折；同行也唔一定如敵國，餐廳與餐廳之間都可以互相扶持，見過持有A 餐廳票根，去B 餐廳會有優惠咁。呢間南洋麵店都做緊d 類似o既短期promotion，可以跨餐廳儲印仔，我覺得個idea 幾好！以「喇沙」自居，喇沙湯麵自然係主打，不過湯底可以揀魚湯都得，而menu 仲bold o左一隻新出o既「特鮮芫茜魚湯」，就試下你啦！我寫o既珍寶特鮮芫茜魚湯麵($50 無加一)，有住多款配料共5 樣餸，未計隻蛋。其中豬軟骨最特別，醃製過後好濃好入味！另外尚有肥牛、魚蛋魚片、龍蝦丸同花枝丸；最鍾意每樣少少，款式多多o既組合~湯底呈青綠色，上面再瀋滿芫茜碎；兩者之中魚o既鮮味始終為主，芫茜o既獨特氣息屬於錦上添花，平衡上我覺得較偏向大眾化，儘管我自己個人對芫茜o既接受程度可以再高一d。麵底都想提一提，有兩溝叫法，我揀o左油麵溝米粉，其中d 油麵有住輕身質感，食落滑滑的。小食先$10 靈蚊，叫多個都唔覺乸利。手工蝦多士($12) 賣相精緻，係懷舊食物，而家買少見少~ 焗翠玉瓜($15) 非常抵叫，呢個必點，佢份量ok，放入多多生蒜去焗