榮少喇沙 (已結業)

幾年前係天水圍食過一次已經覺得好好食但天水圍真係好遠🥺 好彩依家屯市都有勁方便！屯門呢間分店一直都係食佢地外賣 今次係第一次堂食😂佢地堂食係要自己掃code落單朋友叫咗個炸豬排喇沙米線 $50豬扒依然係咁好食 不過如果可以剪完先上枱就更好🤣我就叫咗珍寶喇沙摻摻$50 包魚蛋魚片墨魚丸龍蝦丸豬軟骨肥牛 $50係勁抵食！不過豬軟骨真係硬到咬唔到🥲😅摻摻係油麵溝米粉 啲麵多到痴線😂 最後食淨1/3個人都係推薦番食即炸豬扒🤤🤤🤤成碗野嘅精華一定係個喇沙湯底啲椰香 蝦醬(?) 啲味係個口度勁奈仲有香味勁想買佢個湯底番屋企飲😍🤣😂😂😂仲叫咗個蝦餅$18 有三塊個人覺得正正常常 不過不失 一試無妨提外話我地12:30前去到 食到1點走佢地堂食都係唔full大家經過就去食啦！！！

想試左好耐既榮少喇沙~每次經過都見好多人係門口等梗~👫👫👫因為佢地仲係6點後不設堂食~當日5點鬆d見冇人等而且仲可以堂食~梗係黎個early dinner先啦~😚😚特別既地方係每款喇沙除左可以揀米粉,米線,油麵等等之外~仲可以揀油麵溝米粉或者瀨粉溝米粉~🤩🤩🤩可惜當日2款溝麵已經sold out啦~😔所以我地揀左最吸湯既米粉~▶️珍寶喇沙($50)有豬軟骨,肥牛,魚蛋,魚片,龍蝦丸,花枝丸~十分足料豬軟骨大大舊咁又夠哂軟腍~另一樣冇唸到既就係原來肥牛同喇沙湯係可以咁夾喇沙湯既湯底咁黃金~一睇就知夠哂濃郁啦~而且有椰香味勁重~邊食邊忍唔住會不斷飲個喇沙湯架~▶️脆炸雞扒喇沙($50)脆炸雞扒分開上~黎到熱辣辣之餘~仲要炸到脆卜卜咁好正~🤤🤤雞扒大大舊~份量又多~真係好味又抵食~

何文田街市舖接埋開起屯市, 屯門🐃有福了。平日夜晚來到, 因安心出殯無晚市, 今日再接再厲, 周末午市見等外賣的人較多, 門面未坐滿, 所以侍應哥哥勁好人, 未齊人都可以入座, 但侍應哥哥個樣少少惡, 成個陳浩南再世上網見報導店家原來是銀行職員, 後來學師做廚, 雖然跟馬來西亞人學過下, 但唔執著於正宗, 好著重配合香港人口味, 椰奶加底, hurray, 果然是真香港人點了肉骨茶飯和豬扒喇沙, 兩者相比, 前者真的清淡, 半兩藥材味都無, 後者辣油浮面但小辣。 豬肉方面, 份量足, 味道不過不失。值得一提麵底選擇多, 有米粉、米線、油麵和瀨粉, 可雙拼友人點了小食拼盤(炸), 賣相官仔骨骨, 未至於陶瓷娃娃般精緻, 整體風格與店家路線一致, 是屬於香港人的(茶記)喇沙

屯門新開黃店不可不試。我不嬲有碗話碗，有碟話碟，就算黃店都一樣講真話。我2點左右落去買外賣，鋪位對正個太陽，係有啲曬嘅..但外賣無所謂啦。我就叫左個炸雞扒喇沙黎試下，價錢正常，around 四五十蚊。等果陣望到入面仲有其他產品賣嘅，大家等嘅時候可以留意下。拎返屋企，發現佢係湯，雞同麵都係分開裝嘅，都好細心。睇到個湯好濃，好啱我口味。因為我真係好鍾意喇沙湯，如果唔夠濃就差好遠架啦～另外炸雞舊舊都好大舊，CP值高，值得試試

日前經開屯門，周圍搵嘢食，見到以前屯門戲院個位開咗3間新鋪，所以就同老婆去試下。嗰日去到大約中午，烈日當空，企係門口度等入，等咗大約15分鐘就入得，都算快。入到去之後，諗住叫人落單，之後就有個男仔同我哋講要用QR code 落單。落完後好奇怪，個電話都係顯示賣家未接單，大約15分鐘左右，先有個女仔行過來確認訂單，可能新開鋪系統未得。確認完後就好快有嘢食，但就認真失望，喇沙味唔係太香，好似一般即食喇沙味粉，之後啲料先最失望，啲丸同肥牛就係一般超級市場既，總括來講屋企煮會好食過佢。香港加油，但我唔會再食依間。

係網上睇到有間新既黃店落戶屯門，咁岩想食喇沙，所以就約埋朋友去開餐。入到去坐低，見到枱與枱之間已經間隔好晒，用餐牌做阻隔都幾聰明，客人唔使用手拎餐牌睇tim。豬扒喇沙米粉 $50喇沙湯底好重椰奶味，對於我呢個少辣食家黎講都唔算辣，所以唔需要太擔心會過辣，因為奶味已中和咗晒。米粉份量正常，配合喇沙湯底，好香口惟跟餐飲品唔算多選擇。小食拼盤 $35拼盤即係將三個小食組合成一個，感覺上食晒三樣係抵d。雞翼：如圖所見，好厚粉，我覺得浪費咗隻雞翼。蝦餅：少量蝦味，唔算太突出的，不過剛炸起就係正！越南春卷：係幾脆口好食。將原隻蝦塞落去，感覺好少餐廳將蝦尾壤埋落去吧？總結來說，小食拼盤不是特別太推薦，可以考慮將價錢加底加飲品，可能會更高性價比的。

食過要encore既<<榮少喇沙>>今次轉左新menu,多左啲選擇珍寶喇沙配油面溝米粉*比之前多左龍蝦丸同花枝丸,雖然配料每樣得一件,但成碗夾埋份量岩岩好*豬軟骨超淋,正*肥牛唔會太un咬唔開咖央油炸鬼*新出品*超正咖央醬係面*雖然望落好淋好油膩,但食落係肥卜卜嫁,加埋個咖央醬真係好襯,不過真係有啲油

我跟新加坡兼馬來西亞菜餐廳「榮少喇沙」實際上的緣份程度，我覺得其實非常一般，第一次本來想光顧位於「何文田」「何文田廣場」地下街市裡面的分店，可惜我來遲一步，趕到時「何文田」分店已經關門結業。結果「何文田」分店「榮少喇沙」宣佈關門結業，打亂了我原本一早計劃好，把「榮少喇沙」當作星期日晚餐的部署，直至我看見「何文田」店舖被裝修工人拆卸，我才真正放棄光顧「何文田」分店。我放棄了光顧享用「何文田」分店「榮少喇沙」計劃之後，轉去坐比較長時間的港鐵，才終於找到位於「天水圍」「天盛商場」街市裡面的「榮少喇沙」分店。結果當時我發現「天水圍」分店「榮少喇沙」，居然沒有提供即場享用堂食的檯櫈座位，店舖裡面坐滿正在製作喇沙粉麵工作的廚房店員。於是我被迫外賣自取，購買一碗實際價錢最便宜的「魚蛋魚片喇沙湯麵」，一個人坐在「天水圍港鐵站」天橋底下的公眾長櫈上，享用完辣味不算非常濃厚，但是勝在沒有麻痹感覺的甜味微辣魚片「喇沙麵」。至於我真真正正，第一次以堂食方式光顧享用「榮少喇沙」的機會，最後留了給位於「屯門時代廣場」裡面，地下舖位位置裡面的分店裡面。「屯門時代廣場」的實際位置相對「V City」而言，需要食客和行

今日本身諗住同fd試吓牛摩優惠下午茶，點知遲咗到截曬龍冇得食，又好餓要搵其他嘢食，點知開openrice睇有間榮少喇沙，之前一直已經想試，可惜喺天水圍又係得外賣就自然冇得試啦，今次分店開喺屯市，又有堂食，梗係要試吓啦!入去一睇，裝修其實都算簡潔，一邊牆身擺咗幅畫，另一邊就係白色一幅牆，有啲寄賣賀年糕點嘅poster咁，近門口嗰邊係落地窗，有張bar枱喺嗰度，不過其實喺3點幾嗰陣喺嗰度坐已經覺得好熱，希望佢哋遲啲加返塊窗簾啦🥺 不過大懵嘅I先生就唔記得影返啲環境嘅相俾大家睇啦🙈🙈諗住嗌啲嘢食，但係Menu度其實嘢食唔多，大致都係分咗麵/飯/小食/飲品4類，每類大致都係有幾款咁，最後我同fd都嗌咗個珍寶雜錦喇沙，要油麵溝米粉，另外再加個越式米網春卷同要杯檸檬薏米水。話說回頭，幫我哋落單嘅應該係老闆，唔好見佢紋身又食煙咁，其實好豪爽親切㗎!等咗幾分鐘左右，啲嘢食到啦，完全唔耐，傾陣計就到，試咗個喇沙嘅湯底先，唔算好辣，就算唔食得辣嘅都食到，好重椰奶味，正! 食吓個麵，啲米粉同油麵撈埋一齊，兩重層次咁樣，好食! 個豬軟骨就夠淋夠入味，都好好食! 個薏米水唔甜，篤吓塊檸檬酸酸哋咁，啲薏米大大粒好

第一次試榮少喇沙，當然試招牌喇沙。麵質好特別，除咗一般嘅米線/ 米粉，仲有得兩溝。據說新加坡嗰邊真係會咁樣食，我就真係第一次見。我點咗豬頸肉喇沙瀨粉溝米粉。兩隻粉份量又真係大約五十五十。瀨粉滑，米粉吸收湯嘅精華，溝埋一齊食好夾。可改善嘅地方係啲粉有啲碎。喇沙湯底香濃，如果再多啲椰奶味就更好。豬軟骨正常發揮，夠淋。喇沙配有三舊豆腐卜、半隻唔太流心嘅流心蛋，豆腐卜好吸湯好正。外賣麵食最怕係啲面浸到淋晒，欣賞佢有分湯。

屯市開新黃店咁大件事冇乜人講？冇人講咪我講囉！我唔委屈㗎！.上兩個月見到榮少喇沙未營業就已經出左張靚到爆魔法卡，仲要我最鐘意既藍鯨，嗰陣我就已經mark實左一定要試呢間新黃店，一舉兩得啊嘛！而今日就特登約咗朋友出黎食。首先講吓佢位置先，佢個位置都幾隔涉架，要落到最底之後出商場再轉個彎先揾到，未行到埋去未見到招牌就見到一堆人等緊，我就知我冇揾錯。去到攞籌就要等幾個號碼，但唔緊要，呢啲小問題無阻我食黃店既決心，好好彩又唔算等好耐。.今次嗌左個脆炸雞扒喇沙米線，再同朋友夾咗個小食拼盤。首先，一定要讚就係個喇沙湯，好香好入味，又唔會好辣；而嗰幾舊豆卜都好腍好吸湯，呢個位真係好出色。而佢既脆炸雞扒都冇呃人，真係好脆，但個人就略嫌雞肉乾身，冇肉汁；米線都偏硬，好似未煮腍咁，同埋唔係好入味，食落既感覺係用水烚過下就出餐咁，今次出餐既時間好快，但我唔介意等耐少少換取一個腍啲入味啲既米線。希望下次去可以改善下，咁就完美。而朋友嗌左豬軟骨，佢話好腍好入味，望落都真係好吸引！然後因為唔想飲汽水，所以就嗌咗檸檬薏米水，薏米好腍，檸檬有味，又唔會太甜，仲要冇冰啊，係常温出既野飲，真係好吸引！而我最欣賞嗰個位係喺

星期日一起身就一點鐘,賴床賴到兩點幾先起身,唔到肚餓都唔起身。。。。試左呢個<<榮少喇沙>>我叫左脆炸雞扒喇沙心大心細珍寶(豬軟骨肥牛魚蛋魚片)定雞扒好特別有得揀賴粉溝米粉,難得我夾到啲賴粉。雞扒炸粉唔厚,入面雞肉仲好滑添。但我覺得個湯辣囉💁男人話唔覺。(我地都唔食辣😂)但係係好食既辣男人叫左突然有番既2分鐘炸豬扒喇沙(佢好想試,本身無,諗住佢叫雞扒我叫珍寶,有番就叫左)佢揀左係平時既油面溝米粉但佢有啲失望咁,炸豬扒唔係另上😣仲唔係脆炸個隻。我話menu無寫脆字,所以就咁生炸=煎咁😂😂因為我太為食,叫埋小食拼盤越南春卷--咁樣包有啲特別,又幾好食,脆卜卜,好有咬感,可能未食過,應該咁先係正宗,因為妳最愛<<小巴黎>>個啲唔係呢個料做皮雞翼--脆炸到似<<m記>>脆香雞翼咁,雖然唔辣,但雞肉都滑蝦丸--生炸龍蝦丸咁,好食既,但唔特別最後我驚口乾,同男人講不如叫罐汽水share(師奶格上身,想飲啲又飲唔晒,兩罐又覺得曬錢曬Quota😂)總括黎講,個人比較推介😋😋脆炸雞扒同越南春卷😋😋有機會想試埋

網上睇到屯門開咗間食喇沙嘅黃店，鐘意食喇沙嘅我冇理由唔試。今日下午約2點去到，都有少量人排隊。店內有分吧枱同正常位，位都坐得舒服，係店內冷氣少少唔夠，坐吧枱位有d 熱。職員服務好，食物亦黎得快。食物方面，今日叫咗豬扒參參，我就揀咗賴粉同米粉。米粉爽口，湯底唔太辣亦唔太咸，椰香足夠。豬扒唔會過冧同冇醃肉粉味，最怕有d 為咗冧就豬扒唔似豬扒。要改善嘅係杯薏米水，只係飲到微甜糖水咁，希望呢個下次去有改善啦。另有其他小食同甜品，不過一個人就冇試啦，碗炒份量都唔少，所以都夠飽。

之前經過時代廣場發現會開三間新餐廳, 等到十二月終於開張了.店面不大,主要是兩人及四人檯.餐牌選擇不多, 但麵有三款選擇: 米粉/米線/瀨粉, 非常好.今次食豬扒喇沙跟油面溝米粉.先來薏米水, 普通, 薏米夠淋, 不太甜. 但加$8同汽水同價, 汽水好似抵D.豬扒是偏淋的做法,好味. 豆卜好入味. 油麵沒有怪味,非常好.總共$58.  在市中心是非常抵食. 市中心有新選擇了.

屯門難得有新餐廳，由於疫情嘅關係所以都係叫外賣啦，小店嘅位置比較古怪，要行出個商場，近馬路同噴水池先會見到佢，而家喺屯門未開嘅時候已經聽聞過佢嘅湯底係非常之勁嘅，今次就嚟食下睇吓佢掂唔掂餐牌非常之簡單主要就係食喇沙同埋飯，見到2分鐘炸豬扒好似好犀利咁所以就叫咗個2分鐘炸豬扒喇沙啦問咗個店員原來每一日11點就開門㗎啦，如果唔想排隊嘅話朝早食喇沙啦豬扒份量都幾多，面底就叫咗馬來西亞本身都好興嘅油面加米粉第一啖就即刻試吓個湯底，夠濃郁，一打開個湯非常之香😂攞個匙羹搞一搞，竟然有花生😂😂仲有必備嘅椰奶，豆腐卜索晒啲湯非常之好食，屯門市中心不嬲都好少咁高質嘅嘢食，依個湯底，正！薏米檸檬水都唔甜，正！最驚好甜嘅嘢飲仲可以解下啲油膩，正2分鐘炸豬扒本身我期望太多，味道都正常嘅不過就冇乜特別囉，下次試吓其他肉先難得小店可以登到大商場咁勁，當然要支持下啦！