榮式燒雞扒 (已搬遷) 新店位置

昨晚和女友來此用晚膳，可能時間還早，人不多。那更好，小店人太多就擠咯。點了雞扒拚藕餅飯和雞扒撈檬雞扒煎的薄薄的，又不油外加一點黑椒，好吃又好香。加在飯裏的蔥油太香，真是想吃多一碟。

再訪榮哥雞扒, 上一次係金鐘開飯, 今次終於係我既地頭啦 ,呵呵 星期六既銅記, 人多過路, 我同大舊5 點到, 幫佢唔使等位果然一個客都無 Nana : 咖哩汁雞扒飯 $42 : 咖哩汁另上, 不夠香濃, 只係一般貨仔, 主角雞扒還是三個字“薄”滑”香”… 真係無野講啦 大舊 : 我力推既 )))) 蓮藕餅雞扒飯 $38 : 我死都要佢比一件藕餅我, 其實我鍾意藕餅仲多過雞扒架….勁心多呢, 點解, 咪因為藕餅口感豐富, 香而不油, 加埋個炸菜豉油汁飯, 無得頂呀 今次衰心多, 下次都係還原基本步先

o係門口已睇定食乜, 唸住唔會等太耐 , 見到餐牌o係有餐, 無一隻字寫過星期日無餐。坐低無水, 叫左個人寫野先話: 下?! 今日無餐架wor. 心唸算la, 寫左o的飯 再另加 野飲野食唔算太耐, 不過 冷氣其細, 熱到流哂汗, 又唔開風扇疏通空氣。。。 叫左2個咖哩薯仔雞扒飯, 一個豬頸肉拚雞扒再加一個雞扒飯我可以用極之普通黎形容!!!咖哩汁有少少辣味, 無咖哩香味, 薯仔無特別, 雞扒完全係普通到不得了。叫左個服務員幾次俾水, 最後俾得一杯 !!! 已經嗌左野飲, 不過想飲杯水o者, 咁都俾得一杯 ? 仲要俾熱滾水, 乜野料呀? 5個人一致同意唔會再寫, 並唔會介紹親朋戚友黎食~

舊年年頭發現這裡﹝灣仔老店﹞的燒雞扒很好吃，年來吃過幾次，水準依舊。一天往附近飲宴時，路經此地，原來在這裡開了分店，於是又一試，看看水準會否跟老店那邊不同。但見這裡連舊店子的招牌也未拆，只用簡單的橙色帆布作臨時招牌，應該是開張不久吧。第一天下午一時多來，一個人也要等好幾位，立即放棄。第二天學精了，一時未夠就來到，不用等位，但全店只得四人位置的一個單丁位，行慢半步也要等位。開在這個比較偏僻的位置，也有這個受歡迎度，可真犀利。要了個榮式雞扒併豬頸肉飯，及凍咖啡。這裡也做起了名字，眼見左右隔離也是吃這一味榮式雞扒的，差別只在於淨食或配搭其他菜色。這裡的烤雞扒水準依舊，將雪藏雞扒弄得扁扁的一塊，在烤板上烤得皮脆脆的。而因為是雪藏肉，肉質較嫩滑，加上調味做得好，加起來是很好吃。醬汁方面，選咖哩汁美味，但簡單的選其蔥油也很好，另外只下一點醬油，就已經可以吃了一大碟飯。總括而言，這間分店的雞扒，仍然出色。雞扒好吃，但豬頸肉就普普通通了。切得太薄身，欠缺了豬頸肉應有的爽口口感。而這裡的豬扒、鴨胸也一般，只有雞扒一味是最好，其次就是蓮藕餅了。連凍咖啡一杯，埋單38蚊，已比第一次來吃貴了5、6蚊，不過做得

無耐前食過灣仔總店的燒雞扒及藕餅覺得幾掂 (詳見 http://www.openrice.com/restaurant/commentdetail.htm?commentid=1925856), 今日帶埋朋友0黎試試銅鑼灣店質素如何. 0係最入的勁窄 2 人位坐低後, 朋友一見 menu 上有「榮式燒雞扒 + 豬頸肉」的 combination, 立即要了雞扒併豬頸肉飯 + 凍奶茶 ($38); 我就簡單要了燒雞扒撈檬 + 凍奶茶少甜 ($38).先0黎兩杯奶茶, 朋友0個杯「正常」的奶味茶味 50:50, 甜度亦剛好; 我0個杯少甜就變了走甜, 茶味欠奉, 唔0岩飲. 早知唔出聲啦!再0黎朋友的雞扒豬頸肉飯, 香噴噴的, 好吸引. 試了一小塊豬頸肉, 係好肥的, 味道濃郁, 不過好漏; 燒雞扒有一大塊, 朋友非常欣賞, 一路食一路話「雞扒好好食!」之餘, 仲0係自己的 Openrice 專頁將呢度 bookmark 為「心水餐廳」, 哈哈哈. 而我的燒雞扒撈檬, 亦不錯 -- 熱到燙嘴的燒雞扒有 3 件 (1.5 大塊), 燒得皮脆, 肉就勁嫩滑, 加埋黑椒香, 十分香口, 比

雞扒飯好味！耐唔耐就會想起，銅鑼灣係新開嘅，坐得舒服D，但食完之後全身都有油煙味，灣仔嗰間都係，仲好臭添，所以銅鑼灣收9點食完可以返屋企冲澡，都好D。灣仔嗰間D菜多D同攞多D豉油汁都冇問題，銅鑼灣差好遠囉，個哥哥仔話比多小小你咋，咁食得咸D緊係攞多D啦(我心捻)，個哥哥仲成日話個女伙記，個女伙記都幾冇自尊，因為我上次去佢巳經係咁對佢，都幾hurt！不過唔關我事，仲之好味咪得囉。雞扒、藕餅加豉油汁好味，豬頸肉麻麻吔！

可能期望過高, 和朋友叫了雞排撈丁, 雞排+藕餅飯, 再加杯熱啡撈丁d汁帶辣, 幾好味, 可惜不夠熱.雞排皮脆, 肉多汁, 不過始終雪藏貨, 雞味很淡.藕餅較好味.當日看見一位戴cap 帽的男士, 猜想可能就是老闆 : 榮少?那位女侍應, 著實服務未夠水準.客人點了食物, 應該問客人, 需要飲品嗎? 而不是直接問客人飲咩?柑樣問會令客人以為果食物包埋 or 只加收 $2 or $3...但事實是另外計錢的.另外來了熱啡, 要客人問才拿沙糖來...進食途中, 有一班說英文的顧客光顧, 似東南亞藉..但女侍應連餐牌上的菜式英文怎樣說也不曉得...來來去去只有那幾個款式都不懂, 老闆的培訓和員工的質素也有問題.話雖如此, 眼見女侍應和男廚師只用不足5分鐘的時間完成自己的午餐, 實在又太辛苦和壓迫了...老闆應該加點人手在員工膳食時間.說實在, 食物和服務都已令我試1次就夠了.

好耐之前睇阿蘇介紹過, 但一直都苦無機會去灣仔舖度食, 估唔到會有銅鑼灣分店, 仲要係有晚市架, 一於去試下 lu.兩人去叫左榮式雞扒飯, 蓮藕餅, 春卷, 朋友叫左杯凍飲 (唔記得係乜). 榮式雞扒飯果然名不虛傳, 塊雞扒本身係比出面食開o既雞扒薄身, 雞皮有燒烤過o既坑紋, 有香脆可口o既感覺, 但出奇地雞肉仲係有肉汁同嫩口, 唔知係咪開佢薄身事呢 ?? 飯本身已加有豉油同蔥油, 已經勁夠味. 蓮藕餅睇樣好似幾好, 但食落豬肉唔多熟喎.... 唯有叫阿靚仔幫手整熟d 啦. 其實 蓮藕餅都幾好食架, 都係香口o野, 肉餅煎炸到外皮脆, 內裡肉有少許咸魚味, 有d 咸魚肉餅o既感覺.春卷係似越南春卷, 呢樣係靚仔介紹o既, 又係送酒小食咁, 餡係似 蓮藕餅咁, 都係豬肉, 但當然係少少咁. total 都係一百蚊, 茶餐廳價錢同格局, 但食物有令人驚喜之處.

aug 27, 08去睇戲前嘅dinner,2人叫咗 : 1) 榮式雞扒撈丁-初時唔知點解雞扒會碎上,而且仲嚟咗個米線,收留咗雞扒,換番個撈丁-後來知道店員上錯咗,其實喺隔離枱嘅-叫友人(未食過)趁熱即刻試吓塊雞扒先,個皮脆薄,都仲熱,雞扒嘅肉唔厚身,1如以往-撈丁我就無試到,唔知腍唔腍呢??? 2) 章魚煎藕餅湯濛-我就試吓新嘢,呢個好熱氣騰騰,裡面食到有冬菇粒,肉餅,小小藕粒-友人同我都覺得章魚味無嘜,撇除咗呢個之外,熱辣辣嘅味道的確為佢爭嚟唔少分 3) 青檸梳打-1般 4) 凍鹹檸7- 個上餐服務麻麻哋因個女侍應懵懵哋(唔多識講廣東話),將d嘢上錯晒,之後都唔知有無通知番個廚,結果要再上番個時間等耐咗好多。而個店長就怪佢累大家做多好多嘢,其實個女侍喺咩質素佢應該好清楚,佢自己都無要求侍應放底嘢之前話吓比個客人知喺咩嘢............... - 呢間喺灣仔總店嘅分支,比總店好喺個營業時間長(有晚市),但就無炒烏冬食,咁我都喺要搵個星期6去總店試吓先

行完銅鑼灣，就地找新地頭食野，記得以前睇完波，大球場行返出黎，有幾間古舊茶餐廳。不怕大汗，行過去看看。茶餐廳早已關門，然而有幾間特別風味的餐廳仔。看看水牌，只有兩間覺得合乎一人晚餐的ｆｅｅｌ。榮式雞扒，個名幾特別，看見蘇絲黃，森美，等人的合照，有明星光顧，雖然未必代表好，但已經加了分。況且我不想食漢堡。今日原來榮哥在場，招呼不錯。發現有不少食客是慕名而來。招牌雞扒，來這裡，不吃雞是罪過。不同的雞扒配搭，當中有些特別的，但只有一個叫雞同鴨講吸引，只可惜，lunch time only。算吧，簡單少少，一個雞扒撈意。簡單得黎又中西合壁。榮哥講明要等，即叫即煎是也。雞扒皮脆，夠乾身亦沒有因為燒得過火而令水份流失。是有水準之作。門面大橫額榮式燒雞扒，店名又是什麼台式食店，幸好記得收據寫膳食小廚，不然，我又要add店先有得寫。榮哥寫明，好食唔准講，唔好食都唔准周圍講。攪gag

一日之內, 朋友公司竟然不約而同地有至少6個人都去咗食(未計食完再幫同事買外賣噃...), 以一間開咗一個多月嘅食肆嚟計(雖然係分店), 有咁嘅號召力應該靠得住...晚上八點去到, 唔洗排隊...叫咗一個榮式燒雞扒湯檬同榮式燒雞扒意粉...講真, 食嘢一定要講求"色、香、味"俱全...佢賣相可謂無乜...最難受係整間舖竟然充斥住濃厚嘅油煙味...而"即叫即燒的雞扒要耐心等候"...卒之... 我同朋友尤如置身一部巨型抽油煙機內呆等...榮式燒雞扒湯檬嚟先...總括嚟計,塊雞扒真係燒得幾好。咬落去, 覺得皮可以再脆d;好香口, 但係塊扒真係太薄, 無乜口感可言;又, 以咁薄仲要燒嚟計, 一d都唔dry就算係咁, keep到肉汁;不過, 佢始終都只係一塊雞扒...湯檬方面, 我承認, 我係應該嗌飯先客觀... 因為個個都勁讚個飯同d配菜..但係唔多鐘意食飯嘅我就揀咗湯檬...點知... 完‧全‧無‧味荒謬的是, 店中竟然無辣椒油/醬... 得tobasco?!!!結果, 我加咗tobasco同侍應提議拎入厨房加d豉油(?!)都掹唔番...朋友個焗意粉, OK嘅, 不過即刻令我諗起以前"超羣

收工同女朋友行開哩頭,佢話哩間野幾好味,咁就入行一試,我就叫左雞翼雞扒飯,女朋友就叫左藕餅雞扒飯,跟手叫個燒茄子,因為未到開飯時間,所以唔使好耐就有得食,雞扒一來就好香,食左一啖,嘩,真係唔錯,又香口,又唔乾,good,同出便比可能薄少少,但唔係薄d又燒唔到咁香,但都算大塊,雞翼就一般合格水準,試埋女朋友同藕餅.....good....好味...唔太油...炸得剛剛好,個心已經好滿足,簡簡單單都可以做得咁好,個燒茄子到埋,加左少少車里茄伴碟,個汁少少辣,但幾醒胃,個茄子有少少黑胡椒,真係燒得唔錯,本人太愛茄子,見到茄子佢地有咁ge下場,我都為佢地感到高興haha

新店人客不多，反而有一種閒暇的感覺，即使是中午都沒有晏頓街那邊的忙碌。雖然如此，但他的雞扒還美味依舊，其實他的薑蓉和配菜都很好味。但這裏的價錢己經加到$40一個午餐，早半年還三十多元，香港通脹可見一班，榮式雞扒飯加一杯飲品，雖然幾貴，但都算美味。http://icuteee.mysinablog.com/index.php?op=ViewArticle&articleId=1256334

我去既係銅鑼灣加路連山道的分店個舖面同灣仔店完全唔同嫁，大大隻字寫住榮式雞扒我叫左雞扒加咖哩薯仔汁，我個fd叫左雞扒加鴨胸，佢個飯黎先，我試左佢d鴨胸嗯... 我覺得無咩特別... 只係普通街買到的鴨胸之後我個飯到梗係即試招牌的榮式雞扒啦好味呀!!! 皮香得黎有少少脆肉質嫩滑仲有肉汁而且調味好好，有香濃ge黑椒同蒜味但又唔會濃得過火!!!正！咖哩汁都幾惹味，不過如果香d就仲好呢度d凍奶茶都幾好飲，係多奶的！

我好早前以有在灣仔吃過雞扒.果然一絕.好食就不用多講.自己去食過先知.不過環境就一般.銅鑼灣分店就比到一個好好的感覺了.我晚上又有一個新飯堂啦!!!