樂園潮州粉麵 (已結業)

三人晚市想潮一潮，決定到美孚一家潮州店打冷。三人點了一客細的鹵水鵝片，豬皮蘿蔔併豬紅，腐乳通菜，鹵水豬大腸併墨魚及鹽焗烏頭。鵝片切得比較簿身，鵝肉肥美多肉汁，墊底的鹵水豆腐及鹵水花生亦炆得相當入味。豬大腸併墨魚，鹵水豬大腸一點也不肥膩，墨魚肉較實有𡁻頭。本來想點大眼雞，可惜店員説賣光了。我們只好點鹽焗烏頭，烏頭比較細條，肉質結實。豬皮蘿蔔拼豬紅，豬紅又滑又入味，吃了一嚿又一嚿，停唔到口，蘿蔔亦無渣。腐乳烚通菜$20/碟，餐牌上寫椒絲腐乳炒通菜要$60/碟，烚的只需$20/碟，精明的消費者要自行判斷喜歡炒還是烚菜了。如三五知己想不太拘束地坐耐一點，傾下計，這裡是不錯的地方。

由於我同老公你結婚前都係美孚住過，對美孚嘅環境同食肆都非常熟悉。 美孚都有好多號食肆,而呢間鋪歷史悠久，亦係我地其中一間favourite。我本來唔識食牛雜，但由於老公好鍾意食牛雜河， 感染到我都好鍾意食食埋一份。牛雜唔係好多食肆有，有亦唔多地方好食。好食嘅牛雜軟硬要適中，腸要林、清左腸臟內嘅肥膏唔肥膩，入味但唔太鹹，湯底香濃。呢間餐廳嘅牛雜河達到以上嘅requirements。加埋杯凍咖啡、加碟通菜就正晒。

如題 豉椒蜆肉無豉椒味頌要有芹菜 問佢佢就話「係甘嫁 我地係用豉椒炒完再攞返d豉椒出黎 潮洲菜呀嗎」我真係無如 見我個樣童顔博我好哈？ 隻碟頌要凍嘅 價值$40？？？ 碟野叫凍芹菜蜆肉就差5多 真係未試過食嘢咁貨不對版

住美孚咁耐，呢間都係試過第二次， 上次黎食潮州野，印象中都幾貴。今次就黎呢度食粉麵，老公就叫左牛四寶飯。我就叫左魚三寶河粉，um.......魚皮鮫我都係鐘意食南記個d!整體黎講都幾好，不過不失！

沒有煮飯，打算在家附近茶記食晚飯，想起了打冷味道，走到樂園吃一頓！在香港小店食物買少見少，而呢間潮州店開業很久了，我當然亦不是第一次食吧！菲菜豬紅可說是我例牌點選的菜式，今次兩個人食再點了一個油鹽水煮蜆、腐竹火腩煲、牛腩麵！再配支可樂真係正到冇得頂....豬紅非常入味，完全覺得可媲美台灣某某火鍋的鴨血....油鹽水蜆味道亦恰到好處，可保留到蜆的鮮味，而且份量亦唔少！但腐竹火腩就冇特別，還要找很久才找到火腩呢！牛腩唔算肥，但煮得很腍，味道亦好濃，相當不錯！整頓晚飯吃得很滿足，價錢亦算合理！

話減肥但又抗拒唔到引誘，晚媽媽就走左去杜為食蟲啦2個人簡簡單單咁叫3個野同一枝汽水啦~墨丸河~ 雖然墨丸有墨魚味，但口感比較“林”，唔似人地手打嗰d咁彈牙煎蠔餅~ 外脆內軟既蠔餅，中間有不少青䓤點綴，蠔味同蛋香十足。雖然蠔仔的數量不算很多，但勝在分佈均衡，每口都可以吃到記得要擠上鮮檸汁減少油膩感，味道更加好。鹵水鵝片~ 雖然覺得有骨既會好味d，但今日想啖啖肉就叫鵝片啦。入口就有香濃鵝味，連加塊皮既油脂更濃郁，點唔點醋都咁正，轉眼間碟鵝就冇哂啦… 好彩食埋底下既鹵豆腐同花生先岩岩好先殺死條為食🐛踏著月色又歸家了，明早訓醒才多做點運動吧

今晚收工後同同事去飲野，飲到半夜歸家，感到餓餓地，想起這裡仲係營業時間，就黎食碗魚蛋河。魚蛋係潮州魚蛋加魚片，魚蛋都幾爽口，魚味夠，但魚片就無咩特別，稍為偏鹹。河粉都算滑身，但係比較碎，好易斷開。大地魚湯底突顯潮式風味，不過略鹹，相信都係潮州特色之一。

下雨的中午，午餐時間，不想吃得太油脷，也不想到處找餐廳。外賣四寶河吧！ 湯底雖沒特別，而河粉內的四寶是牛丸、豬肉丸、扎肉、魚皮餃、魚蛋。 吃時還是熱騰騰的，河粉煮的時間適中，沒有太腍，也沒因外賣時間長了而令粉麵發脹。⋯是午飯懶人的選擇吧！四寶河加凍奶茶也只是$42。

一心打算吃一趟豪大，怎料原來已人去樓空，招牌也沒了，上次吃什河不痛快，就多走幾步去樂園。落得三重沮喪。沒豪大吃，上次金銘小打擊，樂園這碗加了三粒魚蛋盛惠$39的什河也吃得不痛快，牛什份量不及金銘多，但炆得夠較惹味，敗筆是河粉不滑，湯頭也淡，葱是放了許久風乾了的，每張枱的辣椒醬有油沒醬，魚蛋是overdone, 皺皺皮。

以前常常說潮州魚蛋偏向用貴價魚，這個其實很難分辨。如果按人們說的「滑、爽、白、鮮」標準來衡量，樂園的魚蛋只能說是夠白夠滑。魚的鮮味是有，但不算強烈，口感亦不夠爽彈，如果說是鎮店之寶，那就有點令人失望。魚蛋河的賣相和份量跟相片明顯有落差，魚片頭很鹹，乳白的湯底味道卻很淡。嚴格來說，這頓是我的午餐，但卻是四月男的下午茶餐，嗜牛的他，原本打算陪吃，但又忘了看價錢，結果誤叫了個$42的牛三寶回來。三寶就是牛腩、牛筋、牛肚，令人失望的是牛腩雖然入味但口感比較乾硬，牛筋則連入味也談不上，而且不夠腍身，牛肚表現比較理想，不過花椒八角的醃味過於濃郁。腩汁味道很淡，老字號的水準實在不應如此。

環境：沒裝修、大排檔格局，談不上清潔乾淨。午市粉、麵餐，晚市宵夜另有小炒加打冷。服務：尚可。食物：宵夜加晚飯，先來個牛什麵，沒特別。 豬紅加上汁，有小辣，是打冷必叫的。鵝片夠入味，炒蜆又是微辣，入口沒沙粒，好！生腸墨魚均爽口。

平時星期日比較得閒啲，都會下廚同屋企人晌屋企食，不過依晚同太太都有啲事，索性同埋姨仔舅仔一齊出街食，好耐無打過冷，所以就去同區嘅樂園食吓潮州嘢。樂園晌美孚都好似好耐，一室無乜裝修，係街坊食堂，逼逼狹狹，食碗粉麵又得，鹵水打冷又得。門口明檔掛滿鹵水鵝、紅腸、墨魚、生腸及多款潮州嘢，價位唔算貴，都有幾多街坊幫襯。所有潮州嘢，一張餐牌睇晒，各款鹵水、小食、泡粥、炒蜆共40多款，點咗幾款小食，加個炒大蜆，一個鹹菜豬肚湯，再整個泡粥，咁就已經好夠數。鹵水鵝掌 $55鵝掌一向肉唔多，志在「倫」吓個鹵水味，雖則鵝掌好入味，可惜鹵水偏鹹，有啲失望，否則應該個鹵水鵝掌唔錯。蘿蔔豬皮 $25蘿蔔好腍，不過唔夠清甜，而且有渣；豬皮亦都係普通，問題在於有啲啲韌，而且份量亦好少。香腸墨魚 $50賣到$50一客，都咪話唔貴，但係墨魚唔少，同香腸有一半一半。香腸就一般，有少許肥肉，反而墨魚幾好，柔韌得嚟有墨魚味。即炒大蜆 $40大蜆果真即炒，上枱好香，豉汁幾濃香，蜆肉都鮮甜，不過空殼唔少，有啲搵笨。鹹菜豬肚湯 $48我見有啲食家寫依道係胡椒豬肚湯，相信記錯居多，店家只有一款鹹菜豬肚湯，亦係打冷鋪常見湯水，有啲店舖都

剛剛去完客人個party , 有少許酒意,還有點倦,只想快快吃點東西便速速回家魚旦河-魚旦爽口,魚味＋足,真材實料,河粉滑溜,不用太大力氣就啜下去魚旦牛肚河-牛肚是可以的,但相比＋三座又實在相距甚遠......始終不是同類食店....比較是不太公平....但仍美味九菜花跟腐乳-九菜花太老,强行的吞下去,始終我們都需要Fibre....

宵夜叫了牛筋丸河，凈雲吞，淨水餃，　油菜及豉油王鵝腸．　食物水準一般，但碟豉油王鵝腸成四十幾蚊，入口好似濕水砂紙，又霉又鞋，無法入口，只好放棄，成碟方晌度，埋單時向收銀反影，但毫無反應，錢照收，無所為，你都無成意改善．　事後聽其他朝州食店師傅說，Ｄ鵝腸係比鹼水淹過龍．　另外，該店處理食物的大叔經常煙不離手都是一個問題．　

食左十幾年，雖說係有感情投射，但仍然係小弟係云云潮式牛腩粉中，排第一位。好食重點在於湯底係用牛骨熬大地魚，可謂清澈得黎又夠味，比一般用落大地魚末的無得比。要知道坊間因為用大地魚末，料價可平大約六七成，所以要加大量牛汁去去加味，最後就會太濃而過鹹。牛腩，小弟多年口味一致，首先要食懂得用掛去掛鬆牛腩的，原始智慧，那牛腩就會跟從紋理而鬆散牛腩。而鹵左既牛腩，要食到少少花椒八角既味才成，米粉河粉均有索湯功效，各人有各人特式。這樣，小弟覺得才是一碗好的牛腩粉。