樂天皇朝薈萃

营业中

休息中

12月中，同另外一位壽星食飯，選擇咗airside，方便大家由唔同地點，香港九龍新界到達。我哋有5人，叫咗5個餸，最好食係隻雞，現場會火焰燒一燒，本身都炸到皮脆，肉都有好多肉汁又夠滑。話梅元蹄都好味，如果你鐘意甜醬汁，呢個啱心水，有1隻及半隻楝，夠彈性。我就普通喜歡話梅醬的味道，覺得太甜，元蹄肉質夠鬆，肥嘟嘟嘅豬皮都唔膩，可以一試嘅。小龍包一份有8隻，叫咗正常原味，之前食過有幾款味道個款，大家覺得都係原味啱食。雪菜咸肉炒年糕，水準可以，咸肉可以鮮味啲更好。那天雖然要求9 0分鐘用膳時間，但我哋坐過咗9 0分鐘都冇要求我們離開，可能那時都9點，已經冇人等枱。好多吉枱，始終依家大家都係早食完飯就走，少夜食飯。

中菜入面我特別中意上海菜尤其擔擔麵同小籠包見到啓德airside 開左新分店特登過去試下尤其特別想試下個驢打滾小籠包（$80）6粒皮簿得來，佢夾起上來唔易穿，湯汁豐富，個溫度剛剛好，一啖放落口，唔會太燙口。皇朝擔擔拉麵（$75）好多花生碎碎，但唔算好重嘅花生醬味，辣味比較多，我叫咗小辣，但係辣味較搶，適合中意食辣的。無錫脆鱔（$128）甜甜酸酸的外層，配上炸到脆卜卜的鱔，食落口的口感好似食緊簿脆的蝦條，好開胃的小食。驢打滾（$50）3粒軟軟糯糯的口感，配上紅荳蓉，軟的的質地好好食，紅豆蓉配上糯米皮，唔會太甜，很好的飯後甜點。

有一陣沒吃就會掛住的小籠包，同老公決定去樂天皇朝食Lunch ，今次去了啟德Airside分店，Menu 好多選擇也有唔少無肉素食餐單，平日午市12 點左右來都唔少人。壺茶有蠟燭暖住保持溫度，呢個好加分。另外佢哋茶芥前菜嗰碟炆栗子花生好好食🤭🔶招牌原味小籠包🔶必點招牌小籠包，我還是喜歡原味的，每次食都唔會失望，皮薄多汁飽滿餡靚，夾起上嚟又唔會穿👍🏻 🔶上海炒年糕（走肉）🔶年糕質地很煙靭，醬汁幾好味唔會太鹹，配料有冬菇絲、大白菜等也炒得很入味。🔶皇朝擔擔拉麵🍜🔶老公好鍾意的擔擔面，湯底濃郁麻醬花生醬味香，要了少辣也很惹味，越食越滋味。🔶上海媽媽烤麩🔶上海菜經典涼菜之一，吸飽鹹甜醬汁的麵筋吃起來口感有勁。甜點：🔶宮廷驢打滾🔶除咗小籠包，這個甜點也是我們想來的原因🤭之前食過我哋已經勁鍾意，糯米皮黏黏的，包住豆沙餡，上面放滿黃豆粉，食落去好香好軟熟煙靭。

特色小籠包，$148。服務員會介紹每個味道，都幾貼心。味道不錯，但係試一次就夠了，其實都係原味最好食。糖醋魚片，$108。 有眼睇，份量真係好細。。味道還可以，粉漿裹得較少。黃鱔炒飯，$128。炒飯來講算好食，但係黃鱔飯來講就差點意思，冇黃鱔嘅香味。整體炒飯偏濕，所以冇咁香。蟹粉豆腐，$148。其實都係好少，嗰碟係好淺，見到的即是全部。。料酒味好重，芡太穊，完全不推薦。但係最近有下午茶！小籠包半價！應該會再來食下午茶

喺Airside 嘅樂天皇朝薈萃宜家做緊$10優惠，唔怪得晚市勁多人，7:30左右已經full House啦，想去嘅話記得book枱。🥢招牌原味小籠包（10粒）$125超鍾意食小籠包嘅，我哋叫咗一籠十隻。小籠包外皮鮮嫩，肉餡滿滿，一口咬落去，肉汁在口中爆發，令人一試難忘，加少少薑醋，清新又去膩。🥢木樨肉炒拉麵 $93原來係因炒雞蛋色黃而碎，類似木樨而得名。有木耳絲，蛋絲同肉絲做配料，炒得香氣四溢，好惹味，但又唔會過鹹，拉麵嘅質感彈牙，整體不錯。🥢上海炒年糕 $95年糕口感煙煙韌韌，Q彈有嚼勁，加上爽口娃娃菜同肉絲一齊炒，令人一口一口食唔停。🥢宮廷驢打滾 $50個名幾得意，其實係黃豆粉紅豆糯米卷。糯米的質感軟綿綿，捲着冰凍嘅紅豆蓉。紅豆嘅甜味和糯米嘅黏性完美融合，令人感到好滿足。

今日約左朋友去左airside到買啲竉物野，之後就去左樂天皇朝到飲茶😍😍成日見啲人打卡都食佢，想試好耐啦，終於有機會🥳🥳＊＊＊＊＊🐾小食 $15☕️茶芥 $12 / 位🥟特色皇朝小籠包（八色） $148呢個係必食嘅八色小籠包，每一粒都唔同嘅口味，可以跟住佢嘅指示由淡味開始食到濃味🥰有原味、糟溜絲瓜🥒、鵝肝、黑松露、芝士🧀、蟹粉🦀、蒜香、川味🌶️🦆上海特色醬鴨 $78 / 例第一次食醬鴨，佢係醃製左嘅，非常之香呀～😌🍛揚州炒飯 $95 / 例揚州炒飯好足料，啲蝦仁都超級新鮮同彈牙🍤😋＊＊＊＊＊更多食評資訊：IG🔎litcloud_

Yesterday I had a great dinner with my friend at Paradise Dynasty and I would like to recommend the Xiaolongbao😋Eight-Flavored Xiaolongbao:There are eight unique flavors to enjoy, and the Xiaolongbao has a thin and translucent skin with delicious soup inside. The fillings are rich and diverse. Overall speaking, the food here has good quality and the service is excellent and thus will surely come again👍

啟德AIRSIDE呢個真係一個好地方！🥰每次嚟都會發不掘到寶藏食肆！今日呢間…我知道有其他分店，但係今次都係第一次食～😁咁啱佢做優惠，$10有半打小籠包，仲要係「叉燒小籠包］，一定要試下！！見佢餐牌好豐富：有滬菜、川菜、粵菜、點心……真係任君選擇～老細係上海仔，梗係要食滬菜啦～叉燒小籠包：上枱賣相好得意～半紅半黑好得意～皮薄餡靚～食落有淡淡叉燒醬嘅味，唔會好搶～🥰👍🏻要提一提，佢枱面有幼薑絲、辣椒醬同醋，可以自己加調味～油炆筍：筍尖炆得爽爽脆脆，帶啲甜味，好啱老細口味！！上海媽媽烤麩：醬汁比較甜，烤麩炆得好入味，仲有筍絲、冬菇仔，感覺同我老爺整嗰啲有得揮！！👍🏻乾扁肉碎四季豆：炒得好香口！佢有得揀要肉碎定唔要肉碎，所以素食朋友都可以選擇！黑豚肉紅油抄手：抄手用嘅係黑豚肉，另一款有蝦仁～個汁食落有少少麻味，但係唔會辣，蒜蓉可以多少少…不過都幾香口，因為抄手皮薄好滑！一啖一個好過癮！京像肉絲配薄餅：肉絲好圓潤…好juicy！個醬又係甜甜地，仲有啲京蔥絲…用薄餅皮包住，一啖咬落去好有滿足感！！手打紅石榴檸檬茶+青檸檸檬茶：真係估唔到中式食肆而家都有手搖飲～直頭聽到水吧磅～磅～聲～响度手打檸檬

係airside食飯感覺真係好舒服, 地方大, 人又唔多~今日黎到樂天皇朝薈萃既用餐體驗更加係非常之好!!! 好耐冇試過享受到滿分既食物同服務質素!!!餐廳環境好大, 裝修雅致, 又有寬闊既落地玻璃, 景觀一流~呢道所有店員都好有禮貌, 態度親切有善, 服務周到, 絕對係服務界既天花板食物方面主打上海菜式~選擇非常之豐富!! 淨係睇圖都覺得好吸引餐廳而家仲做緊10週年優惠~以$10就可以叫指定菜式, 非常之抵丫!!茶介 $12/位玻璃茶壺好靚呀茶壺底座會有小蠟燭熱住, 咁就唔怕茶會凍啦~小食 $15花生同栗子都炆到好淋好入味叉燒小籠包 $88 (原價)用左10週年優惠只需$10咋~~紅黑色既小籠包外型好特別每粒都脹卜卜, 叉燒餡料同肉汁都非常豐富~~第一次食叉燒小籠包估唔到又幾夾, 好好味喎上海風味醬鴨 $78醬鴨外皮光潤, 滷到入晒味, 肉質幼嫩結實~每口都啖啖肉, 一D油膩感都冇瑤柱芙蓉賽螃蟹 $98賽螃蟹白雪雪好吸睛蛋白炒得好嫩滑, 生熟度剛剛好~~撈埋蛋黃同醋一齊食味道更豐富如果唔想加蛋黃同醋既話落單時都有得揀呢~黃鱔炒飯 $128黃鱔好香, 口感幼嫩, 完全冇骨又冇腥味~炒飯

Airside 4樓有樂天皇朝，餐廳來自新加坡，但小籠包實在好出色！推介❣️👍一坐低就有壼茶，有蠟燭暖住，高級格調。餐廳服務好好，見到有小朋友仲主動offer埋熱水，服務貼心加晒分👍小食都幾好食，有栗子花生。✨️🥢特色皇朝小籠包$142/8粒👍呢度最出名嘅就係佢嘅8色小籠包！完全係佢首創！咁多年都能夠保持到水準，其他地方亦copy唔到,喺出面食唔返！8粒都係唔同味道、唔同顏色，色彩繽紛，令人大增食慾🤩🤤店員好好，會逐樣介紹，仲有張紙仔教點食。食嘅時候有個次序講究：招牌原味➡️絲瓜➡️鵝肝➡️黑松露➡️芝士➡️蟹粉➡️蒜香➡️川味跟住呢個次序，就可以更好地體驗每種味道😋店員仲建議原味同蟹粉可以點薑絲同醋。小籠包全部都係十八摺，皮薄，由於以棉布墊底，都好易夾上黎，冇咁易黐底/穿底。每種味道都濃郁，味道濃烈分明，而且湯汁飽滿清甜、不油膩。絕對係上乘嘅小籠包！難怪長期都係必食小籠包推介榜上有名，大推❣️😋👍適逢10週年活動，最近仲有$10優惠❣️4月8日至4月30日，可以加$10 有叉燒小籠包 (6粒)(原價: HKD$88)咁抵，咁梗係加啦！⚠️留意呢個要另外嗌店員落單,自己QR code落單個list無的。呢個新

Encore! 上次食呢間上海fusion菜有驚豔到😚今次又帶朋友黎🥰水準依然keep到 🌟🥟特色皇朝小籠包 ($148)招牌八色小籠包入面 最鐘意黑松露🖤同芝士 每粒都做到皮薄多湯🥰🌟🦀蟹粉拌麵 ($128)推薦🌟每啖充滿濃郁蟹味 蟹肉蟹膏都唔少 好足料 超掛麵的說 又係搶食🤣🧡刀切小饅頭 ($32)炸到金黃色 外脆內鬆軟 點煉奶食一流🐷上海黑豚肉生煎包 ($52)第一次食 個包唔會厚皮 又未去到爆汁 表現平均嘅一款

昨晚去了這間餐廳食晚飯，雖然枱與枱之間距離有些迫，但是侍應員的服務態度非常好，很有禮貌，值得嘉許。食物質素也很好，但是份量略嫌少了一點。環境也很乾淨，整體感覺良好，值得再一試。

*樂天皇朝薈萃(AIRSIDE)*位於airside間樂天皇朝真係超級推介，值得記錄在案。必食之選👍🏻。首先講吓環境，真係坐得好舒適闊落。而且店員服務很好。上菜速度理想，每碟餸都可以熱辣辣一齊食。今晚我哋叫咗：1）紅油黑豚肉抄手（六粒）- 肉質Juice，粒粒都好大粒。而配合埋自家製醬汁有少少麻辣非常惹味。2）米網鮮蝦春卷 - 唔單止熱辣辣新鮮脆口，仲充滿蝦肉，好足料👍🏻3）成都口水雞雞肉柔嫩爽滑彈牙，配合埋小麻小辣醬料。齒頰留香😌,美味超讚。4）上海炒年糕誠意之作，每件年糕都可以掛到醬料，兜得均勻。啖啖美味。好食到停唔到口。5）叉燒小籠包⭐️重點推介⭐️該店小籠包皮薄餡靚，加上特別製作嘅叉燒味，唔單止食落感覺新鮮,除咗有叉燒味之外，亦食到好Juice嘅肉汁。再加上樂天皇朝既10週年活動。呢款叉燒小籠包係今期$10優惠菜色，只係$10咋📣必食推介👍🏻👍🏻6）宮廷驢打滾巧手甜品，主要係糯米加紅豆。糯米香滑軟糯, 紅豆清甜。傳統宮廷美食。Remarks: 樂天皇朝會既10週年活動第一/二階段雖然啱啱完結, 趁依家仲有第三階段向4月8日至4月30日- $10 週年限定口味小籠包 (6粒) (原價

今日到啟德新發展區探朋友，順便到附近商場一遊，這裏的商場都頗大，亦都很多美食。見到樂天皇朝10週年活動，推出$10優惠菜色，由 3月11日至4月30日，分三階段推出$10蚊優惠，今日剛好推出$10 原味小籠包 (6粒) (原價: HKD$78)餐廳裝修富有中國古典風味，頗有特色且新潮。原味小籠包6粒$10侍應非常貼心，上枱時提醒小籠包要趁熱食，否則凍咗皮會硬，小籠包細細只，皮薄餡靚，非常多湯汁，一啖一個，味道鮮美。木樨肉炒拉麪$93，拉麪不會比想象中的煙韌，但面炒得頗為入味，加上椰菜絲更增加口感。黑松露雞肉帶子燒賣$58，雞肉與帶子味道都不太濃，2者結合顯然沒有肥膩感，加入黑松露更添加餘香。花蔬蒸餃$72，這一款餃子裏面很多蔬菜，食落比較清新，點上醬汁，好清新。清燉雞湯$68，雞湯一人份量，飲得出是老火雞湯，又不會太多油，好清甜，平時少煲湯，這一個就一人份量，價格相宜。正適合我哋少煲湯的人。

突然之間諗起唔同顏色嘅小籠包🫢🫢，就去到Airside食啦，舖頭因為啱啱裝修非常之新淨，而且坐得舒服，枱之間嘅距離都夠大，去到見到佢而家推出左一個新優惠可以消費足夠嘅錢就加$10換小籠包😳唔同時段有唔同優惠，佢仲會分三階段推出第一階段: 3月11日至3月24日-$10 京醬肉絲 (原價$108)第二階段: 3月25日至4月7日- $10 原味小籠包 (6粒) (原價: HKD$78)第三階段: 4月8日至4月30日- $10 週年限定口味小籠包 (6粒) (原價: HKD$88)咁而家即刻試原味小籠包先啦原味小籠包 $10 優惠價食上海野點少得小籠包呢，一上枱侍應就叫我哋快啲食，果然熱辣辣，湯汁10分飽滿，食完之後仲想叫多一籠🤤🤤🤤蝦仁酸辣湯$63嚟到食上海嘢梗係要飲下酸辣湯啦，仲有少少蝦仁🍤，呢個必叫，佢夠酸又夠辣，但係又唔會過分地鹹辣，飲完佢食得更咁多嘢蟹粉鍋貼 $58(3粒)🥟🥟想食蟹粉類嘅嘢見到有鍋貼即管試吓先，表面以為唔脆口，但原來喺底底度，食落去非常脆卜卜，蟹味都出，而且內餡非常飽滿鵝肝叉燒酥 $78(3個)正常叉燒酥就食得多，鵝肝叉燒酥就比較少啲，鵝肝味唔算太突出，不過作