樓下火鍋飯店

营业中

休息中

今日去開銅鑼灣、灣仔，聽聞樓下火鍋飯店啲嘢幾好食，所以特登嚟試下打邊爐，我哋叫咗胡椒豬肚雞湯做湯底，個湯好鮮甜，入面啲豬肚又多，同埋啲雞都好滑，個湯底冇叫錯。我哋另外叫咗大嘅手切本地肥牛、墨魚丸、牛脷托、桂花蚌、脆鯇魚片，同埋紅薯粉，仲有紫菜炸響鈴。個紫菜炸響鈴真係好味，放落個湯底度焯大概三至五秒食最啱，中間個紫菜可能吸咗啲雞湯嘅味特別鮮甜，大嘅手切肥牛就好有牛味而且賣相亦都好精緻，牛利托我覺得係必食之選，鍾意食牛嘅朋友一定要叫，而脆鯇魚片亦值得推介，每片都切得大細一樣，而且冇骨，最緊要就係夠新鮮，桂花蚌同埋墨魚丸亦食得出好有海鮮嘅鮮味，而且份量都畀得好足，食到我都飽曬，最後嘅紅薯粉入面有成五至六碗，亦都係十分抵食，擺落湯底度浸大概三分鐘其實已經食得。又係好滿足好飽嘅一夜，下次同朋友聚會食飯我會再嚟樓下火鍋，因為最緊要佢哋地方夠大，同埋枱同枱之間亦都好有空間，唔會有壓迫感。

係屋企吽左太耐, 都想出下去食下野, 忍唔到口既我同朋友子去左打邊爐, 難得出去食, 一定要食靚料靚環境既火鍋店呀!今次就同友人去左樓下火鍋店, 間野真係叫樓下火鍋店, 唔係我樓下間火鍋呀.門口個設計已經好搶眼, 一睇就知好俾心機同諗法去設計, 主要扮舊式香港既感覺, 入面既枱都係用以前大排檔款式既枱但係全部是正靚仔好多, 打卡真係一流呀!打邊爐最緊要係湯底, 佢有成10幾20款唔同既湯底俾大家選擇, 並唔係普通既打邊爐湯底黎! 我地叫左醉雞拼胡椒豬肚雞, 每個湯底都至少有4分1隻雞, 雞肉好嫩湯底好濃, 真係可以當湯飲! 湯底我會俾滿分.另外野食方面當然唔少得牛啦, 叫左牛肉拼盤, 牛味好足呀! 份量都夠既! 仲有叫了紫菜炸響鈴，由炸的腐皮包住香脆的紫菜，這個口感又脆又香，配搭好特別.另外有一個竹笙包墨魚滑, 咬既口感係有爽脆感, 呢個都好特別, 可以一試! 白鱔片好新鮮同埋好爽口, 無後悔叫呢個呀特別推薦係小食黃金鮮魷, 炸皮不厚, 味道剛好, 夠蛋黃味, 入面既鮮魷仲又鮮又嫩, 咬落去係有好多汁出架!! 超好食綜合黎講, 係一間高水準又好食又睇得既邊爐店! 大推!

門口非常搶眼，用了鮮豔奪目的霓虹光管配上舊式老舖的玻璃櫥窗，充滿老香港味道。店內裝潢設計有心思，以香港懷舊風做主題，老式酒樓餐具桌椅、涼茶舖、趟拉鐵閘等，富有香港特色，風味十足！有些配料可以點半份，這樣客人便可以試多點不同的配料，不用擔心份量太多，真的很貼心，值得一讚！花雕肥牛 ($108)色澤鮮紅，入口軟腍，花雕味道濃厚。西班牙豬肉 ($82)肉質鮮嫩，豬味香濃，一點也不柴口。蒙古羊肉片($85)羊味香濃，沒有羊羶味，肉質鮮嫩，配上香濃沙爹湯，齒頰留香。廣島蠔(8隻) ($98)每隻都非常飽滿，蠔味濃厚，鮮味十足。貢丸拼潮州白魚蛋 ($72)貢丸豬味濃厚，香口彈牙；潮州白魚蛋口感彈牙爽滑，很好吃。南瓜片 ($28)味道香甜，口感軟綿，入口即化。粟米($40)飽滿金黃，味道香濃甘甜。湯底選了雙拼：懷舊濃沙爹湯和清甜椰子雞湯未開始下配料先喝一碗椰子雞湯，相當清甜，非常足料，粟米甜美、雞件嫩滑。而沙爹湯濃而不咸，味道帶點辣，認真惹味，即使多次加湯都仍能保持香濃味道，不用蘸任何醬料都已經夠味。食物質素和服務水準皆相當出色，而且環境很適合打卡，絕對是火鍋的好地方！

樓下火鍋飯店趁天氣還有少許凍凍地， 就要快啲趕去食 火鍋了。 今日有機會嚟這間樓下火鍋。 看過圖片，以為是後巷大排檔。 去到之後才知道，原來餐廳是沿用了舊香港大排檔的方式來裝修～他們連一個小杯子或者茶壺也是用舊式香港的物品來做的， 在哪裏吃飯，就感覺猶如置身舊香港大排檔的感覺一樣。做得太真實了， 差點被騙到～我們先選了個羅宋湯做火鍋的湯底， 他們用的是真材實料裏面有牛骨肉碎成盤滿滿的。 然後再點了他們的皇牌美食， 安格斯牛。 老公是肉食愛好者， 看到那盤又新鮮又嫩滑的安格斯牛， 他非常興奮呢。 牛質非常新鮮， 我們估計他的質量像安格斯牛扒一樣，只是將他們切開一片片。另外一道菜是鮮蝦雲吞。 非常大顆的， 裏面有最少兩隻大蝦， 正常新鮮和爽口。我就喜歡吃清淡一點的腐竹， 非常新鮮， 豆味十足。 最後再點上了烏冬， 火鍋湯底在這個時候味道已經非常濃郁， 配上烏冬， 有飽腹的滿足感。 最後再飲這個羅宋湯火鍋湯底， 所有剛才吃的食物的精華也在這個湯底裏面，很鮮味， 感覺就更完美。整體我和老公也十分欣賞這裏的特色環境設計和新鮮食材。

🤎懷舊特色火鍋店🤎幾個朋友仔話太耐無打邊爐忍吾到口🤐人少少去左附近樓下放鍋 俾佢個霓虹光管招牌吸引左我地入去🙈🙈依排費時太過熱氣無叫到麻辣鍋又吾想食芫荽皮蛋咁悶 我地叫左火焰花甲湯底試試 有驚喜😳😳👍🏼原來落左少少玫瑰露酒令到個湯底好香好好味💯💯d花甲仲要好鮮甜🥰🥰-🔸極上牛肉刺身 肉較薄🙈但食落好新鮮再沾埋師傅秘製嘅醬汁一流🤤🤤🤤🔸鵝肝墨魚丸都好出色！滾耐少少先食 鵝肝味會出好多🥰🥰🔸紫菜炸響鈴 響鈴係香港人打邊爐必食‼️依到係即叫即炸 一食落口勁爆脆🤩🤩🤩題外話竹庶水先$35一大壺🈵-店入面仲成日播80年代嘅懷舊金曲🎶🎶完全符合哂佢地嘅懷舊設計風🤎周圍都係打卡位📸📸📸

係時候同老公拍吓拖撐枱腳❤️今晚佢帶咗我去一間好有老香港大排檔風味裝修嘅樓下火鍋，去到門口個裝修已經非常吸引👀入到去每個角落都好有五•六十年代feel!📸好似入到片場咁🎥，不過今次 #wingchengmakeup係食嘢而唔係開工喔，哈哈😄輪到食物非常美味新鮮😋我哋叫得好豐富呀，成枱都係食物😁睇到都開心🥳食完依餐一啲都唔口渴，証明真材實料，值得推介給大家😊不如我重點講吓啲食物給大家啦👇🏻 🎀我哋依對👩‍❤️‍👨鴛鴦當然叫番個鴛鴦鍋啦，大紅袍麻辣湯拼豆腐清湯。打邊爐湯底好重要，一啲都無失望，麻辣度適中，好香超讚👍🏻豆腐清湯一啲都唔輸蝕，好清甜😋(食完唔口渴就係睇依個鴛鴦湯底了)🎀桶蠔，鮮甜肥美夠大隻💪🏻🎀花雕肥牛，酒香味濃，一試難忘🎀白膳片，鮮甜，刀切的厚薄適中，一啲都無碎骨🎀豬紅，滑嘟嘟，唔洗講麻辣火鍋指定動作🎀鮮打五寶丸-蝦丸和墨丸鮮甜美味，牛丸牛味十足，鯪魚丸果皮味好香一啲都唔腥，梅菜豬肉丸好有家的味道🎀三拼餃-韭菜餃香濃，鮮蝦雲吞好好味，黑松露蟹肉餃夠晒矜貴

位於銅鑼灣嘅「樓下火鍋」餐廳裝修大玩懷舊風還原舊陣時香港面貌設計好有心思💞有好多特色懷舊湯底我今日揀咗椰子雞＆木瓜雞腳潤住打邊邊無咁燥❤️。湯底好，邊爐料都好重要！特別推介🤩紫菜響鈴、手打 墨魚丸、羊肉片、爽脆豬潤…。除咗邊爐配料…💞一定一定要食刺身！！極上牛肉刺身🐂口感嫩滑入口即溶🤤刺身日本廣島蠔❤️必叫超級甜＋微微海水味肉質肥美😍食完想encore仲要非常掋食👍🏻👍🏻👍🏻。環境裝修主打懷舊風好多靚靚打卡位大牌檔、涼茶店、牛肉檔等😆仲配埋80 90年代懷舊金曲打住邊邊就會忍唔住跟住唱超級容易暴露年齡呀😂。如果你未聽過呢啲舊歌嘅話都可以帶父母嚟懷念一下當年佢地拍拖食火鍋😂💞。。。樓下火鍋飯店銅鑼灣駱克道441號駱克大廈A座地下A號舖及地庫。#銅鑼灣美食 #樓下火鍋飯店 #打邊爐 #好食推薦

銅鑼灣嘅 樓下火鍋，佔地9000呎非常寬敞，餐廳重塑70年代香港街頭景象，猶如民間歷史博物館，有理髮店、牛肉檔 、涼茶舖、士多汽水機和鐵拉閘，置身其中，彷如穿梭時空回到過去！枱櫈、餐具甚至餐牌都充滿懷舊氣息， 餐廳有提供 沙嗲和豬雜 兩款老香港經典湯底! 點了沙嗲湯底，沉醉一下昔日回憶！打邊爐一定要食牛！牛王拼盤 有安格斯牛肩脊、本地肥牛、澳洲和牛、牛肉粒和牛舌粒。牛肩脊牛味濃郁入口鬆化，本地肥牛鮮甜嫩滑，澳洲和牛油脂分佈均勻甘香軟熟，牛肉粒牛味重堅韌有嚼口，牛舌粒 爽口有質感! 脆鯇片 新鮮爽脆，肉質結實，無骨啖啖肉，火鍋必食配料！西洋菜 清新翠綠爽口，食番多啲新鮮蔬菜，中和一下肉類消滯減膩！小時候記得 粉絲 就是沙嗲湯底最佳配搭，每條都吸收了湯汁精華，彈牙惹味， 童年回憶即刻番曬嚟！

若是經常出沒銅鑼灣的話，也知道駱克道有不少餐廳選擇。是次就到了裝潢10分特別，也算是新進的港式火鍋餐廳，樓下火鍋飯店。餐廳裝修風格好特別，是老香港的特色感覺，餐廳不停播放80年代90年代的廣東歌，很有回憶，亦充滿霓虹燈和金句作裝飾，非常有港式情懷。湯底選擇足夠多，賣相吸引，這裏的手打食物質素不錯，例如有自家製丸及餃子🥟亦有一般的豆製品如響鈴。我特別喜愛他的黑松露餃子，肉質爽滑，充滿濃郁的黑松露味，是我的最愛！必食！

因為新肺炎的「邊爐家族」事件，相信飲食業，特別是火鍋店大受打擊。想起月頭時在這店跟朋友聚會，過程愉快。在地牢的這店，裝修以港式情懷作主打，營造有點懷舊的大排檔感覺。價錢不算貴，火鍋湯底的選擇比想像中多，而且甚有特色。而配料的價錢也合理因為是港式火鍋，有一般香葸、蒜頭、辣椒、沙茶醬等的調味架最要讚的是：這裡的食物份量是大的，更覺抵食。這裡的地方大，枱與枱之間的空間也多，食得舒服，希望疫情快過，各行各業能繼續做下去。

繼早前去咗間以懷舊為主題嘅火鍋店🥘後，今次阿叔👨🏻又去咗間同樣以舊日香港為主要特色、咁橋又係銅鑼灣嘅火鍋店打邊爐。呢間火鍋店面積更大，餐廳內嘅裝修充滿舊陣時嘅香港面貌，大牌檔🥢、剪髮舖💈、涼茶舖🥜等，好似番咗電視劇「黃金有罪」嘅年代咁。.呢度嘅湯底🥣選擇都唔少，三個人嚟揀咗台式養生美人鍋同埋大紅袍招牌麻辣鍋，前者個湯幾鮮甜😋，藥材味唔算太濃，後者麻多過辣，阿叔絕對接受到😇。.食物方面，除咗一般火鍋配料外，都有啲特色小食或者海鮮刺身選擇，如果你唔怕食生嘢，阿叔推介你哋食 #極上牛肉刺身($138)，第一次食生牛肉🐮，原來口感咁嫩滑，入口即溶嘅感覺好似食魚生咁！😊😊😊

這間樓下火鍋位置方便，鄰近消防局，懷舊嘅設計你一走進去就彷彿好似進入六七十嘅年代，這個設計好有心思！湯底算幾多選擇，今晚我哋叫了胡椒豬肚湯同麻辣湯底，湯底夠濃，而且用料新鮮和特別！我特別推介是紫菜炸響鈴，由炸的腐皮包住香脆的紫菜，這個口感又脆又香，配搭非常好，放在湯底滾幾秒再吃！仲有牛肉，翡翠苗都好新鮮！音樂如果再播懷舊d會更加好！

鑱咀萬萬歲!🙌🏻ChamZeoiLongLongLife🙌🏻喺樓下嘅樓下火鍋非常萬歲！裝修特別，有懷舊氣氛，充滿香港情懷！將所有香港特色場景濃縮係一個空間，好似去咗博物館醬料非常乾淨衛生，顏色鮮艷，一睇就知非常新鮮！火焰花甲煲$138賣相👅👅👅👅👅味道👅👅👅👅👅口感👅👅👅👅👅份量👅👅👅👅性價比👅👅👅👅👅🐭服務員會在你面前點起火焰，再落湯底，非常特別。花甲大粒鮮甜，而且有鮮嫩牛柳粒，湯底呈奶白色，非常濃郁好喝。安格斯牛頸脊(大) $298賣相👅👅👅👅👅味道👅👅👅👅👅口感👅👅👅👅👅份量👅👅👅👅性價比👅👅👅👅👅🐭入口即溶！牛肉味濃郁！油脂分布均勻!梅菜豬肉丸 $68賣相👅👅👅👅👅味道👅👅👅👅👅口感👅👅👅👅👅份量👅👅👅👅性價比👅👅👅👅👅🐭足料手工丸，梅菜及豬肉味濃厚，優秀！皇帝菜 $45賣相👅👅👅👅👅味道👅👅👅👅口感👅👅👅👅份量👅👅👅👅👅性價比👅👅👅👅👅🐭新鮮蔬菜零舍不同！廣島蠔8隻 $98賣相👅👅👅👅👅味道👅👅👅👅👅口感👅👅👅👅👅份量👅👅👅👅性價比👅👅👅👅👅🐭雖然不算大隻，但味道很鮮甜鬼馬蝦膠 $68賣相👅👅👅👅👅味道👅👅👅👅👅口感👅👅👅👅👅份量👅👅👅👅性價比👅👅👅👅👅🐭很特別的菜式，依足指

凍冰冰真係最好攬住個暖爐啊，又係時候一大班人出去㷫烚烚打邊爐啦，講到打邊爐，梗係要搵間食物材料新鮮，又多花款，又盞鬼嘅樓下火鍋啦，貪佢地點響銅鑼灣夠方便，班friend一放工即刻報到。真係好鬼鍾意樓下火鍋嘅裝修，好鬼盞鬼，雖然今日打電話book位，但七點幾已經滿座，好彩一早攞定位，今晚想是鴛鴦喎，叫咗個雞煲同埋豬肚鍋，呢度嘅湯底同埋食材真係無得輸，用了好正，梗係啦，樓下老闆好識食，轉入靚貨！呢度一定要食豬腳筋，豬腳筋唔係度度都有得食，水滾要煮九個字先食得，簡直係林甜滑，女人最鍾意食膠原蛋白㗎啦，超正。仲有打邊爐我都好鬼鍾意食豬紅，佢呢度嘅豬紅好彈牙，必食！其實好多嘢都好好食，好似鬼馬蝦膠，手打牛丸，用嘅料都係高級食材，價錢又唔算好貴喎，大概$300左右一個，當然呢度都有海鮮，如果叫海鮮嘅話有象拔蚌、刺身等等。除咗食材店，裝修都係一絕，冇諗過餐廳可以裝修得咁鬼盞鬼，成班friend好似去咗大排檔咁，食得好高興！　　

最近我最喜歡的火鍋店，上至裝飾，下至食材，甚至服務都是很棒的，一走進去，就可以看到老香港的大排檔裝潢，這個設計真的很有feel，是一家很有心的店，所有細節位都做的很好，讓人留下深刻印象。一坐下就可以點湯底了，我非常推介沙嗲湯底，沙嗲湯底非常龍口濃郁入味，令我一試難忘，後來我幾次來到這家店都一定會點沙嗲湯底。然後店員就會送上兩款小吃，都是冷盤。由於店的是沙嗲湯底，將所有食材放下去，都會非常入味，沙嗲湯底一試難忘！我強烈再推介一下大家以下幾款店的火鍋材料：炸響鈴，炸響鈴揸得非常香脆的，非常新鮮，這是單點火鍋店必定要點的菜色，絕非是一般平價任食火鍋店能出現的水準！所以我去單點的火鍋店必定會點的就是即炸響鈴、即炸魚皮等等...令一款必點的就是本人最愛：鬼馬油炸鬼，老油條上包着蝦膠，這個配搭非常好，有很多店都有出過這款特色的火鍋材料，卻做不出這一般的水準，鬼馬油炸鬼必須用上老油條，因為在火鍋滾燙時，只有老油條才不會這麼快淋掉，淋掉的油炸鬼口感非常不好，所以這家的鬼馬油炸鬼是我最喜歡的，而且裏面包着的蝦膠非常彈牙可口。最後我推介的就是必須要點1份澱粉質類的東西，例如粉絲、寬粉等等……因為這些澱粉質