正宗上海生煎皇 (已結業)

經常在大埔一帶找吃的，吃來吃去也不外乎是日韓泰菜、西餐，也有好一段時間沒有吃過別的了。今晚寶寶提議再戰「上海生煎皇」，想起來也好久沒吃過好吃的生煎包了～抵達店舖後等了5分鐘左右便有位👍🏻 桌和椅子不太乾淨，我們自己拿紙巾清理了一下。今天晚上我們點了4道菜：「上海生煎包」、「灌湯小籠包」、「糖醋排骨」及「上海炸排骨粗炒」。上海生煎包桌子上面是有建議食法的。我們跟著建議食法，先咬開包的頂部，可見包的皮真做得很薄，入面的湯汁非常的熱，熱得一直在冒煙，我們放了3分鐘左右才繼續吃。裡面的肉餡也不少，味道也不錯，生煎包的包底煎得微脆，酥香同時也有口感，肉汁也多，不愧為店舖主打😍灌湯小籠包皮不算得是很薄但也不厚，包湯帶有濃郁的肉汁香，加點醋一起吃消消肉膩感更美味。小店水平來說很不錯😋糖醋排骨不算太多肥肉也不油膩，非常入味，很容易咬，一點也不韌，挺有家鄉小菜的味道😌上海炸排骨粗炒粗炒是用生抽炒的，有香菇、肉絲、椰菜，不算鹹，麵條有彈性不容易斷，但算不上很特別。反而炸排骨很出色，既入味又軟熟，雖說是炸排骨但一點也不覺得油😋

這店由上年開張至今，我都末去光顧過今晚終於和妹去試一下～～既然店名叫生煎王，就點了生煎包啊～～另外還有灌湯小籠包及四川擔擔麵四川擔擔麵，有蔥花﹑肉碎和花生等配料辣度足夠，但花生醬味不夠濃郁麵質不會太稔，都算彈牙有咬口灌湯小籠包，size大隻，皮不會太厚湯汁都夠多，熱燙燙的湯汁帶肉的鮮甜！幾好味～～！！生煎包，最後才上桌枱面上有張「生煎四步曲」，確實要跟它指示的吹涼一下生煎包因新鮮煎起的啊～～底部煎得夠香脆，肉餡及肉汁都好豐富可我們點的生煎包，外表太油膩了一點，要扣一點分呢！！總的來說，食物質素不算好差但仍有進步的空間呢～～

我諗個個都係慕名而來就係為咗呢個：生煎包。細細個，個底煎得乾身香脆，內裡肉料多同juice,勁！如果乾身再配埋出邊嘅包一齊食就會太過乾。另外見到鋪頭做緊推介純素食嘅生煎包，我覺得呢個諗法唔錯，其實近年都多咗好多人食素食，絕對係世界大趨勢！所以我覺得呢度都可以仿效，大家繼續為環保出力！🍀🌎💚♻️另一樣唔可以錯過嘅係上海菜飯。一直都覺得菜飯幾好因為會好健康。係食咁多澱粉質嘅主食入邊加啲菜其實不知不覺自己身體都會吸收左多啲纖維，又好味又健康，何樂而不為試呢！而上海店好特別特色嘅菜式必包括豬扒菜飯啦！而且炸醬拌面的炸醬應該都算係有名嘅上海野，份量都幾多，麵質幾有咬口，粗度細細地易入口，應該係上海麵。好多肉同最好就係有啲清新嘅青瓜絲一齊食，都唔會覺得拌麵乾。自己好鍾意飲豆類嘅嘢所以一定唔可以錯過上海舖嘅豆漿啦！不過可以改善提高的係，店裏枱面等環境好似有一啲昆蟲，如果呢個改善埋我諗食客就食得更加安心放心同埋坐得心安有排坐呀。隨時食多幾個生煎包添呀！

記得兩年前左右都幫襯過呢間上海餐廳，因為嗰陣時知道老闆好用心做，本身都算知道佢，有啲認識。加上嗰陣時稍有名氣就決心一試，同自己都好鍾意食生煎包。不知不覺都好耐冇食過，今晚就一於再試吓。一定要叫你個前菜就係蒜泥白肉啦，因為食上海野呢啲都好出名好惹味，同最鍾意佢就係帶啲辣辣地加埋啲蒜頭同埋蔥花非常之香又惹味，呢度啲白肉切得好薄啱啱好包住啲配料一齊食。底下墊埋啲粉皮吸埋啲辣汁勁正！做前菜就一流啦！咁嚟得呢度生煎包一定要叫呢個招牌喇。見到鋪頭有推介做緊呢個純素食嘅生煎包，個樣綠綠地色幾可愛好吸引好吸睛，但係太心急叫咗普通生煎包之後先醒起添傻咗啊！好似印象中同我之前食有啲唔同但係實質分別就唔好記得。依然都係細細個，底下就好香脆，最深刻係一咬落去肉汁根本擋都擋吾住，仲食到件衫污糟左添😂😭入邊就依然肉汁豐富，根本都唔會乾㗎。另一樣上海嘢食我最鍾意嘅就係年糕，因為煙煙韌韌好有咬口，咁我就最鍾意。叫左上海炒年糕。不過鋪頭呢隻年糕我覺得應該係自家製，所以唔似出邊嗰種買返嚟嘅機械化製作的一式一樣的年糕咁，口感一樣咁有咬口。其實配料都好豐富有好多肉絲有黃芽白同埋啲小棠菜一齊炒同埋冬菇絲。雖然口感不似預期，但好

媽媽喜歡吃中式，今天不用工作，帶佢去食正宗上海生煎王，聽個名就覺得要叫生煎包食，一坐底就見到👇🏻👇🏻純植物新豬肉生煎包 Omnipork $20太有趣的名字，原來新豬肉係由碗豆，非基因改造大豆，香菇同米製成，仲標榜0毫克膽固醇，少62%熱量同低脂肪，仲要係期間限定，梗係要試la🤤貼心的店員在上菜時亦溫馨提醒小心熱，多麼期待一口吃下去😍一夾起feel 到脆包底已經加分，咬落已經爆哂汁，豬肉既口感同平時食既豬肉差不多，雖無豬肉果陣濃味，但唔講其實真係會當係普通豬肉蟹粉小籠包 $35眼見其他小籠包差不多價錢但有4件，呢個得2件，應該係更足料吧，熱騰騰的蒸籠上黎，一食落去🤤🦀🦀勁重蟹味👍🏻👍🏻果然落足料涼拌青瓜海蜇 $30如果唔係媽媽話要點呢個菜我都未必會點，但一上枱又有驚喜wo, 勁香濃蒜味😂青瓜夠脆，辣油除左辣味仲麻麻地，不錯的前菜芝麻醬五彩冷麵 (涼拌）$40食上海野，最愛就係點類似雞絲粉皮既餸，不過有d 鋪係用類似口水雞既汁，有d 係豬腸粉果種麻醬，今次呢個係日式冷麵果種麻醬，勁足料，同埋d 雞用絲唔會韌，好味糖醋排骨菜飯 $46又稱百彈師太既媽媽竟然主動讚的一道菜，其實我最怕就係d

店舖唔算好大, 但都整整齊齊.座位雖然唔算多, 但都坐得舒服既.野食選擇都好多下~同埋價錢都好大眾化~一場黎到, 當然要試下鼎鼎大名既生煎包!有埋個食生煎包既手繪圖教學! 好得意~生煎包煎得好香! 個底脆卜卜.而且好多肉餡, 所以真係會爆肉汁! 要小心地食, 唔好side左D湯汁XD黎到一定要試!炸雲吞, 好多餡, 唔會好乾, 味道OK! 松子魚塊, D魚肉唔會鞋口, 而且酸酸甜甜, 好開胃. 蔥爆牛肉, 望落去好多蔥, 但其實都好多牛肉!糖醋排骨, 好入味, 一咬好似會滲返D汁出黎咁!擔擔面, 個湯底都幾濃, 辣度適中!野食都幾快上枱, 叫到成枱都係送, 好滿足!

生煎包係主角，所以每次去都必點，夠熱，小心大啖咬落去入面d湯汁會燙傷咀，食之可參考枱面既溫馨提示，每張枱都有。跟住係粉皮，好好味，涼拌食物夏天食簡直一流，只點兩樣野當然唔夠飽，是但點多樣粉麵飯。

大埔一向都係平民美食天堂，行過出名多美食既舊墟，見到開左上海生煎皇，即刻要去試！一場黎到緊係要叫招牌菜生煎包，兩面煎得金黃，一咬落去熱騰騰既肉汁爆住出黎，人間美味！黎到一定要試枱面宣傳品見到新出泡菜豬肉生煎包，唔理幾飽都要叫！呢個fusion生煎包比普通款多左一重酸辣味，食落更加滋味！唔知幾時會promo完，如果去開一定要試！鮮肉小籠包亦有水準，湯汁十足，味道香濃，正！仲叫左回鍋肉炒年糕同川味雞翼，都十分有水準，滿足的一餐！

今日去咗大埔搵食, 一直都好想諗生煎皇好耐, 老闆OSCAR話自己親自去上海學師返黎做~ 咁就去諗下啦~ 我估唔到夜晚9點幾去到都坐滿人~ 聽講平時食飯時間好爆好多人等位~ 要食記得預早少少時間等位~ 唔好餓親丫~入到去自己睇紙仔剔食物的~ 店員推介佢地今期新出咗炒野~ 叫我地可以試下~ 咁我地叫咗個回鍋肉炒年糕~上海生煎包必叫啦~ $34蚊有4個都幾扺食~ 今期限定泡菜生煎包~ 18蚊2個, 叫埋試啦~另外昅到隔離枱叫小籠包又好優秀咁~ 叫~ 好似無乜肉食咁~ 再叫多個川味炸雞翼~ 收手~小籠包黎先~ 店員好貼心叫小心D食~ 入面D湯汁好熱~ 咁我就咬開少少啜下D湯, 鮮甜到不得了~(邊打食評, 回味都吞口水) 小籠包皮好有咬口~ 好好味~再黎係主角生煎包~ 底煎得好香脆~ 好多肉汁, 再加埋D蔥花~ 我就開始諗我係咪應該ORDER多4個~不過仲有個回鍋肉年糕未食~ 算~ 下次先~ 回鍋肉年糕炒得好有鑊氣~ 年糕煙UN~ 十分好吃~

大埔有好多隱世嘅美食，終於嚟到呢間上海正宗生煎包去品嚐一下出名的小籠包。第一次惠顧的上海店，我一定要點三樣嘢；小籠包、四川擔擔麵，涼拌萵筍如果呢三樣野都整得唔好嘅話，根本上可以唔需要再試其他嘅菜式。灌湯小籠包四個肉餡比例適中，皮唔算太厚，咬開湯汁非常多，味道帶甜，肉嘅份量剛剛好，點上醋汁鮮味更突出四川擔擔麵足料，花生味略嫌不夠濃，可能是被酸味蓋過。不過麵質彈牙有咬口，我幾鍾意。32蚊來講確是超值，份量也不少涼拌萵筍碟味道清新好爽口，唔錯

今日lunch一個人行咗去正宗上海生煎包上海嘢，下午茶優惠套餐都幾抵食，主食A可以揀湯面、客飯、炒麵，加錢小食B或小籠包，包一飲品，下午茶有10個種類都算幾多，今日第一次喺呢間餐廳食，唔知份量有幾大，我都係點咗炸醬拌麵+灌湯小籠包+熱豆漿一個人超級豐富。灌湯小籠包新鮮蒸起~多汁，肉餡比例適中，皮唔算太厚~我覺得醋同薑絲用來減低油膩感~呢個湯汁豐富但不覺油膩~~唔點醋都ok炸醬拌呢個炸醬有肉碎、豆乾，調味啱啱好~仲有青瓜絲減少油膩感～

今日下午6點幾，店舖內連我倆，共有2-3枱幾個客女嬸侍應4個，後生收銀1個，女廚房1個，師傅3個……招牌生煎包……雖然多汁，但又乾又硬，眼見有3位師傅係度，如果您同我講新鮮制，要等15-20分鐘，我非常樂意……糖醋排骨……係薑醋味，肉質淋但太“鞋”口……蒜泥白肉……好彩媽咪怕太辣，汁分開上，肉帶點凍，汁味道帶點麻辣味超怪……上海粗炒……賣相唔錯，但啲麵太硬，似烚唔熟咁，失敗……小籠包……係成間店最最最正常嘅食物，多汁夠熱多摺痕(聽聞正宗小籠包一個係要18摺痕的~)6點幾，夜市都未到，凍豆漿就話無，但佢哋又唔會講有熱窩……茶，原來係有嘅……見隔離枱叫…先比咁囉……4-5個嬸侍應不斷係您背後大聲喧嘩，話邊個放星期日呀，邊個無放星期日呀，個個都想放星期日呀…傾計~係人之常情，但…我嚟比錢食飯，唔係嚟聽您哋講是講非講咸濕嘢，請檢點吓，不要再擾民……🙏🙏🙏個個姐嬸侍應右手帶上一只藍色膠手套，攞碗送餐係佢，抹枱係佢，攞洗碗灰箱係佢，聽電話係佢，㩒收銀機又係佢，其中一個嬸嗰只仲要唔同色，如果係做開食品嘅人嚟講，肯定係只手套番用番用再番用……(我相信唔會係您老闆要您哋慳囉，如果係，咁真係無辦法…………

正宗上海生煎皇有很多間分店，每次經過都唔會入去食，因為我實在太喜歡食 這裏的生煎包去上海旅行的時候，都會到處食生煎包，小籠包，而在香港，我覺得這間是比較正宗的，可以食到真正上海的風味。星期日下午五點多到步，都有很多人排隊，由於不太肚餓，所以食少少啦😂排隊時已見到開放廚房的師傅在努力整生煎包，小籠包，睇到口水流🤤🤤有好多菜式揀☺️上海生煎包兩個＄17，豬肉的鮮味，一口咬下去，好正包的兩面煎到微微金黃，外脆肉軟，好到位仲有芝麻香。蟹粉小籠包兩個＄35，真正皮薄涵靚，熱辣辣，沾小小醋，一定要一口食曬😂那樣湯汁先唔會浪費，我太鐘意湯汁啦。涼拌萵筍，每次都食，出面餐廳小有的菜式，所以每次黎都必點，清爽外婆紅燒肉菜飯$48 ，上海名菜，最簡單的菜色往往最考廚師功夫，紅燒肉肥瘦分明又食曬成碗飯，太有罪惡感😂價錢唔貴又好食，生煎包真係必推👍

我剩想講係生煎皇到食野， 睇黎都係叫生煎包食會安全d...我都係想食個正常醉雞姐... 佢d 醉雞係完全未解凍... 我要用筷子砸開佢地，食落去全是冰粒。價錢重要成45 蚊。 唉， 洗唔洗hae到噤呀...定係其實我要求太高...小籠包又上菜俾左遲過我地order 既人😕食餐飯姐。最正常係個熱豆漿lol 可能叫生煎包就未必有噤唔開心ge 經歷。最後兩個人食左130蚊... 噤早知去食譚仔三哥可能重滿足好多。真係唔會要黎食@@

見咁岀名就試一次，但真係一次冇下次，同老公兩個人叫咗6樣嘢1.小籠包 - 算係正常，4粒分量食得哂2.生煎包 - 皮硬，食咗啲饀塊皮掉咗3.雞絲粉皮 - 用芝麻醬撈既，只可以話唔正宗4.担担麵 - 從未食過咁難食既，有麻辣味，怪5.酸辣湯 - 又係從未飲過咁難飲既，有甜味，酸味似係茄汁味，怪6.紅油炒手 - 一滴紅油都見唔到，個醬有沙嗲味既，雲呑皮硬既結果除咗小籠包係食哂之外，其他5樣嘢都食剩咗，我真係唔知正宗生煎皇到底有幾正宗