正宗上海生煎皇 (已結業)

仲記得由中學時期已經覺得呢間生煎包真係好好食, 又夠熱又會爆汁, 今次同呀媽去開深水埗食LUNCH, 好似幾抵食, 可以1個飯/麵再加配小食。我地叫左2個SET, 1個擔擔麵配生煎包, 1個外婆紅燒肉配小籠包。擔擔麵個湯底比較稀, 個人覺得唔夠濃味, 麻麻地。外婆紅燒肉好好食!!炆得超淋!! 而且係一層肉一層脂肪, 好鬼正。小籠包熱辣辣, 入面都有湯汁, 唔錯生煎包等左好耐, 就黎食晒先黎, 今次個包底煎得太硬, 有D乾, 不過入面都有湯汁既, 有D失望~

之前食都係嗌外賣多，因為午飯時間其實都多學生等位。同埋望入去都唔係太光，所以唔係好吸引堂食。今次第一次同朋友兩個人坐入去食，位置唔多，基本上都要搭枱。佢個午餐真係好抵食， 40幾蚊就有A加B，再加杯野飲。大致上A呢就係一啲主食，飯呀面啊咁。B就係小食啦。不過佢就限死一定一嗌就要一A一B，女士來說係有點多。又不過好在佢都俾我哋share! 兩個人share一份A+B其實都有6成飽～佢A個個上海排骨(似蜜糖豬扒)好大份又甜甜地😋 B就梗係嗌招牌的生煎包，上來就熱辣辣，正！咬落去真係流汁嫁，小心辣口🤭 佢多汁得來，出面都係脆，果然係招牌啊😉

星期五又係做完義工，之前食完日本野之後，行過見到有一間上海野。自從去完上海，之後就對上海美食情有獨鐘，即使我食左好野，點都要試下呢間。生煎包好似係呢度嘅招牌菜，叫左四個生煎包同朋友一齊開心share，喺枱上面仲有一張點樣食生煎包既instruction，朋友冇睇一下就咬咗落去，滾燙肉汁辣親佢條脷，其實只要咬開上面既包，輕輕吹下佢，等佢稍為冷卻之後先慢慢品嚐，好滋味。雞絲粉皮份量略為少咗啲，但品質上都係唔錯嘅，粉皮夠彈牙唔會淋埋一pat pat 咁，都有唔少雞絲係入面，混埋個醬十分開胃，好岩我食飽飽冇咩胃口個時食。

我自問都係正宗上海生煎王既fans 深水埗同旺角我都幫襯過好多次,中帶過啲朋友去幫襯添 ,但係今日 嚟到深水埗 呢一間, 真係100%失望先唔講啲食物既味道。只係一碗湯麵我已經嚇親, 個碗真係非常之污糟, 我見到碗入面有黑色嘅漬我試下用紙巾抹一下, 啲積係抹得甩, 我當堂嚇親, 我冇叫人 換 因為 我知道 應該會 只係 用另一個碗 裝返同樣嘅 湯麵 ,所以 我硬住 頭皮 食埋。到味道 嘅部分 ,我食嘅 係 炸排骨湯麵 炸排骨 好乾 冇曬以前 嘅酥油 感覺 。以前 就算 幾夜 去食 都可以 好好味, 今日 我只係 食到 乾身嘅 返炸 嘅感覺 , 真係 勁難食。 嚟呢度 寫呢篇, 唔係 想到佢米, 係希望 可以 有改善。 因為 生煎包 真係好好食, 唔想 因為 質素 變差 搞到 以後都冇得食。

去左哩間前歌手開既生煎包鋪食晚飯，之前都食過幾次的確好好食，今次去食，當然必叫生煎包，又熱又多汁，食極都唔厭，仲有點多份小食雞絲粉皮，涼涼地又滑又爽口，好好味。

間中都會嚟深水埗揾嘢食，呢條街都行過好多次，都冇留意到有間食上海生煎包！😅本來想食pizza嘅，由於星期日，好多舖頭都冇set lunch比平時貴 ，兜兜轉轉，無意間發現這間小店。門面雖小，內裏都算精緻舒適。叫左上海生煎包4個，蒜泥白肉，嫩雞燴麵，糖醋小排骨菜飯。個上海生煎包果然好味！🤤一咬開個包，就流出好濃肉味嘅湯汁，裏面舊肉都好大又夠淋滑鬆軟。嫩雞燴麵份量足，雞肉嫩滑，味道也不錯。蒜泥白肉係冷盤，雖然啲肉片到好薄，仍然見到肥瘦分明，以為會好肥膩。但由於係凍食加埋蒜泥，入口清爽而味濃，底下仲有粉皮，口感和味道都超正！😍😍最後呢個糖醋小排骨菜飯係今餐最好好好味嘅！👍🏻👍🏻上海菜出名濃味，佢完全名附其實，濃味得來喊、甜、酸味層次分明，啲肉入味夠淋，一咬就骨肉分離！啱哂我口味！😁

一直都想試吓呢間正宗嘅生煎包，有一日lunch Time嚟到，見到有lunch set，食物都好吸引，於是就入去試吓啦。叫左一個糖醋排骨，生煎包，同埋小籠包。-已經好小心咁咬開個生煎包，但係都唔小心比啲湯辣到！所以食嘅時候要小心啲，枱面都貼左食生煎包嘅小貼士，食嘅時候要記住睇吓啦。生煎包嘅外皮煎得好脆，個涵都好鮮味。-小籠包都好食，不過我自己就比較喜歡食生煎包。至於糖醋排骨菜飯，好驚喜，糖醋排骨好甜，好多肉，唔會剩係得骨。Lunch set都幾抵食, 下次可以試吓其他嘢。

訓醒發現停左雨 就秒速包落街買野食🏃🏻‍♂ ————————————————————————果啲好食得嚟又呃勵(👍)既明星餐廳有幾可到我去，但係..........我最期待嘅畫面真係出現咗！！「堅信號正宗上海生煎皇」限定推出「新豬肉生煎包」🥟🥟由2018年8月11日起至2018年9月10日，所有分店都有得賣啊！港九新都有添！唔係講笑真心嚇親，個口感似豬肉🐖似到朋友仔以為我叫錯，好彩個面波菜皮分到咋😌記住！咬果陣要細啖啲，如果唔係辣親之餘啲汁仲爆到成面都係🤪.🥧🥟新豬肉生煎包💰Total:$63/6隻（20蚊2隻 外賣加1蚊）.味: 8/10飽: 8/10抵: 4.5/10.📍正宗上海生煎皇銅鑼灣店：銅鑼灣登龍街41號地舖旺角店：旺角豉油街72號地下深水埗店：深水埗福榮街100號地下大埔店：大埔大埔墟大明里10號地舖.我👰淋脂搓將會繼續同大家跑素 搵盡全港甚至世界各地既美味素比大家.想了解更多港素？ follow我地Instagram

話說聽到上海正宗生煎皇同左green common 合作推出素色套餐既時候真係好興奮!因爲我地哩班素食寶寶又有多一樣選擇~今次叫左兩個套餐已經飽到飛天😂.🍜新豬肉碎四川擔擔面+🍞生煎包+熱豆漿 （$68）首先講個面先 睇落紅卜卜 以為好辣~但食落去得好少辣味😂我就鍾意食重花生味/麻醬味重既擔擔面 哩個面就真係得好少好少哩隻味😌 不過各人口味不同～同我同行既金剛~就覺得verynice~生煎包既噴汁依然係返度 但我就嫌個包小硬～ 熱豆漿很不錯!.🍛魚香茄子新豬肉碎飯+芥末柚子粉皮+🥛凍豆漿 （$72）個茄子超香😍勁開胃真係食完一啖又一啖 見到隔離枱望實我地碟飯話好吸引 哩款認真推介x100個粉皮略為太甜 食完啲咁重味既野配個甜粉就不太搭了～ 凍豆漿同熱豆漿size不同 但凍的就有渣 hot better.💰Total:$140.味: 8/10飽: 9/10抵: 8.5/10.我 美女將會繼續同大家跑素 搵盡全港甚至世界各地既美味素比大家

一早聽朋友講過呢間生煎包由前樂隊成員開辦，不過一直未有機會試，今日行街經過見到，雖然肚子未餓，都忍唔住入去試下，點了上海生煎包兩個，灌湯小籠包四個，上海菜肉雲吞麵一碗及豆漿兩杯，一嚐味道，埋單$119 。生煎包夠熱但煎得未夠香，其他的還可以喔，不過我始終懷念以前上海舖嘅味道啊！

繼上一次蜜桃小丸子在灣仔吃完生煎包後，對生煎包念念不忘，所以決定來深水埗試一試另一間出名的生煎包。店舖小小卻經常大排長龍，除了生煎包外，也有其他上海食物例如炒年糕、雞絲粉皮、擔擔麵等。蜜桃小丸子鍾情生煎包，便一次過叫了四隻來試。在門外已見到師傅在密密地煎包，所以上桌子也是熱辣辣的，很新鮮。包包皮薄，亦有不少芝麻，蔥蔥的份量也是剛剛好，令到吃起來更香。細細啖咬下去，已經嚐到鮮甜的肉汁，肉量足夠，結實而鮮，令人忍不住吃完一個又一個。價錢都頗公道，相信蜜桃小丸子下次會再來食！

去完黃金商場買電腦野，可以去食飯lu，附近好多食肆，間間都想食，隨便入左間上海菜，叫左個擔擔麵同埋生煎包，多湯汁，唔小心燙到條脷，但真係整得好好食，擔擔麵都唔錯

兩公婆去黃金尋寶，多數會係附近食埋野，福榮街四周食市多可以說係大食街，無論地道小食，還有好多餐廳選擇，車仔麵，維記，粥粉麵飯，泰式，日式，今日點中係都開左好耐嘅上海生煎包店，印象中係明星開的，但唔知點解從未幫陣，終於緣份到了。店門入口位置較窄同深，簡簡單單但覺得喑咁。枱上貼上tips提大家食生煎包4步曲，好可愛呀熱辣辣外脆爆汁但同另一間比d包皮厚左些芝麻醬五彩冷麵我同老公最愛係冷麵，呢道五彩麻醬撈冷麵超級好味呀，行到熱出晒汗食呢個最能散熱，雞絲火腿絲青瓜絲加上有咬口的麵質連惹味麻醬，無得輸嘅配搭。上海厚切炸豬扒呢間小食送上時，我同老公都異口同聲話無叫，跟著店員話係炸豬扒我地落的，因為個名跟外貌 絕對唔吻合，不過食落又幾特別，似叉燒咁。回鍋肉跟菜飯上海菜濃油赤醬糖重色豐，惹味非常可惜較油膩，偶一食下無防，不過原全無辣味感覺怪怪地，印象中除左椰菜同五花肉外應該還有豆乾辣椒用上豆辦醬同炒，送菜飯同食一流。晚飯人均$85 簡直經濟實惠

朋友從加拿大短暫回港，概嘆在香港吃素很難，餐廳的工作人員又普遍態度很差，以致她不太想再回香港。我平常也很少外出用膳，倒是拍菜菜子之後才發現香港也有好些美味的素食餐廳，於是我也盡地主之宜帶朋友去吃好西。這天我們約在深水埗(買無聊野)，正好一起去生煎皇吃我在台灣已經好掛住的素生煎包。餐廳最近還推出素食套餐，有前菜、主食和飲品，價格介乎$68-72，可以不用單吃生煎包了。現時主食共有五款，其中三項是使用「新豬肉」(即植物肉/素肉)的麵和飯，另外也有素上海麵和麻醬冷麵。前菜除了生煎包，也可以選拍青瓜、涼拌什菌和粉皮。不過生煎包太吸引，好像不能試別的了 XDD。這天我們三個吃素的女生，一致要食生煎包。新豬肉碎四川擔擔麵 $68(套餐價)夏日炎炎想吃辣的開胃，這個擔擔麵有辣的感覺，但又不會辣到叫人受不了，辣度非常討好，像我這種只能吃普通辣的人也吃得高興。湯下面有吃到很香花生味，味道有點層次。麵條的份量對女生來說有點太多，而且一直吃麵好像不太吃到豬肉碎。素生煎包 $20/2隻那天吃完一人兩隻，隔天又掛住，於是再去Encore。這次不想吃麵了，淨食生煎包。在門口等外賣的時候，發現很多人對「新豬肉」這個

食物是ok，但員工服務質素好唔得，其中有一名員工全程態度超差，全程掛住成班圍在一起談天說地，完全𣎴理會客人！！！之前光顧都不是這樣的，但今次光顧真令我好失望！