正宗上海生煎皇 (已結業)

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！個日行定黃金係附近搵食，知道附近新開左正宗上海生煎皇分店，即管一試。雖然將近七點晚飯時間坐無虛席，但一個人唔難搵位。坐低望下餐牌，我以為自己去左中環食野，大佬！SSP出左名係全香港收入水平最低嘅地方，咩事令你d價錢咁進取？當我諗緊嘅時候呀姐已經催我落單，勉為其難叫左個芝麻醬五彩冷麵同生煎包，大拿拿$57仲要無野飲...OK！呢個價錢令我對佢嘅expectation提高。芝麻醬五彩冷麵、生煎包先講個冷麵，味道唔係差，份量都算ok，但$40食d餸頭餸尾撈埋一碟冷冰冰嘅野，我就覺得性價比好低囉。再黎個生煎包，之前去過上海，個陣日日食都覺得好正唔會厭，但呢度嘅生煎包帶唔到呢個感覺俾我，脆同硬真係一線之差，不過勝在多汁夠熱，係味精重左d囉。埋單$57，真係不敢恭維

正宗上海生煎皇創辦人是前樂隊歌手蕭潤邦Oscar，他對傳統中國小食有份熱愛及執著，待與唱片公司合約完結後，專程到上海拜師學藝，將最正宗的生煎包帶回香港。其食店「正宗上海生煎皇」開業時曾引起過哄動，更試過打破日賣出1萬8千個生煎包的記錄，在短短9個月已經回本。當初Oscar與一名員工兩人每日站在只有約100呎的小店，日做十多個小時，近年終於熬出成績，現在已發展至四間分店，更開設西式café。我今天光顧他落戶深水埗區的第三間分店，品嚐一下這傳統中國小食和上海菜美食。 深水埗分店除了保留原有的招牌菜，餐牌上還有不少新菜式，最重要是價錢依舊親民！分店增加了一系列熱炒類，又有新推的上海地道菜如紅燒獅子頭、四喜烤夫、素脆鱔、上海燻魚等，比旺角店更多選擇。部分菜式也加入少許新派元素，例如最適合炎夏食的芝麻醬五彩冷麵，在醬汁內混入芝士汁，令麻醬中夾雜芝士香，再配以筍絲、火腿絲、青瓜絲和雞絲，口感清爽 不膩。 午市優惠套餐A+B各選一款，附送冷熱豆漿/汽水/清涼爽/蜜桃茶 (供應時間 11:30am-6pm 星期六日及假期除外) ▲隨餐附送的凍豆漿 ▲隨餐附送的清涼爽

又貴又唔好食。生煎包平平無奇，小龍包普普通通，芝麻醬五色麵又麻麻地，汽水一權$10蚊。先講生前包，size細粒又唔漲，湯汁不多和咬落個皮厚，味道就平平無奇。之後是小龍包，size 普通湯汁叫過得去，不是難食只是沒什麼特別，跟酒樓差不多吧。到芝麻醬五色麵，份量就幾好不過味道只能說非常一般。所為的五色就是冷麵+芝麻醬+些小青瓜絲等等，好像還有千島醬。最後便是汽水, 要$10蚊仲貴過seven，熱豆漿$12蚊，間值搶錢。其實轉過彎在欽洲街有間叫祥興記生煎包好食過佢多多聲又平過佢，只是那間就很細。最後感想: 大家唔好比人搵笨啦

山煎包係主角，所以每次去都必點，夠熱，小心大啖咬落去入面d湯汁會燙傷嘴，食之前看看枱面有教學，每張枱都有。跟住係粉皮，好好味，涼拌食物，夏天食最岩，只點兩樣當然唔夠餓，是但點多樣主菜，主菜冇乜特別，唔多介紹了

見到食評好壞參半，去開深水埗就親身去試，門面正常，但打住「正宗」旗號就值得商榷望到菜單，自己tick，再交比樓面叫左個京汁茄子🍆做小食...$29蚊唔係問題，但真係好唔得，茄子沒咬口，就咁蒸完仲好大菜青味，只有上面d爆過既蔥係正常，個汁得個甜，但個茄子真係好差，味道同屋企就咁清蒸一樣生煎包，正常，但一定唔係正宗同惹味，個底係淋左既硬實，並唔係脆，個皮都唔算厚，肉汁都好多，不過感覺上多味精師傅係裡面努力咁整緊不過個包d湯算熱辣辣，小心辣到夜晚9點半後食滿50蚊，有生煎包送，不過我個人唔會再來最後我最後悔叫左呢個獅子頭菜飯，唉，唉，唉先講個獅子頭，老實說，我食個正宗既，裡面有包米通（上海人叫爆谷）同正路既馬蹄去提升個口感同減低肥膩咁，呢度...成大舊都係肥肉，肥肉同肥肉，需要知道外面正宗既半肥瘦都可以做得好靚好有咬感，另外全部都係味精憲汁，真係好杰，得個鹹但客觀講，佢地用珍珠米來做飯係唔錯，但碗飯係凍既，落水都唔夠，米粒都係硬既唔係貴，但百幾蚊買難食，不了

今日路過深水埗，當然不會放過食盡當地小食。呢間就係其中一間想試的店舖。早排係灣仔食過另一間既生煎包，今次可以好好比較兩間店舖。呢間店只有堂食，沒有立食。價錢$32/4粒亦比另一間貴$2。原本想堂食，但見到外賣$28/4粒，價錢較平，而且我地趕去另一地點，就決定外賣再係街頭即食。等了一陣就有一盒生煎包，我地即時在街口立食，打開外賣，發現沒有提供醋，即時有點失落，不過算了吧。有了上次經驗，我先在生煎包上開了小孔，再吸取肉汁。講真，沒有比較的話是ok的，但與之前那間比較下，呢間肉汁沒那麼甜。再咬一口，發覺肉質比較淋身，於我而言係太淋身了，不合我的口味。而包底比另一間較硬身有少少脆，但絕對可以再脆d。總括而言，不是很難食，但不是我杯茶。

好幾年之前已經試過，生煎包確係做得出色！今日同男朋友經過深水埗，黎試一試仲有生煎包四步曲，幾細心，因為裏面真係好多湯，如果大啖咬會流晒出嚟親熱食真係好好食小籠包都唔錯，都係好多湯30幾蚊有四粒！川辣雞翼，呢個就稍為失望，因為上枱嘅時候雞翼唔係好熱，而且無辣味。酸辣湯，還可以，味道較酸一點。辣炒雞丁-主要嘅名我唔記得咗呢個菜到係還可以，唔係好特別，味道都唔係好出眾。總括嚟講，呢度嘅食物真係名副其實係食生煎包、小籠包突出，其他上海菜比我感覺都係一般。

深水埗福榮街食店林立，選擇多多但我今日想食擔擔麵，經過正宗上海生煎皇見到門面介紹午市套餐幾抵食就入去試下，午市套餐有飯或麵加小食加飲品，我叫咗四川擔擔麵加雞絲粉皮加凍豆漿，四川擔擔麵湯底較味精，冇乜芝麻醬味，麵身偏軟，雞絲粉皮都係一般，雞絲有點鞋口，杯凍豆漿完全冇豆味。

朋友一行六人想去食文記車仔麵，但係大排長龍，就過左嚟呢度。大家都係吃貨，係 ”正宗” 兩隻字啊吸引我地嚟嘅。生煎包梗係要試，賣相不錯。一咬開即刻爆汁，被博豬肉香，唯一失望嘅係個底竟然唔脆。可能係因為我哋落單都11點，就收工掛。青瓜夠脆夠入味，辣油加埋蒜頭又酸又辣又香，好多層次。只係$30略嫌細碟。雞絲粉皮都好食，粉皮唔痴，麻醬夠多，雞有雞味。不過真係好細碟，一上菜我哋全部人都呆左。上海粗炒同上海炒年糕，眾所周知其實都係果啲嘢嚟...椰菜肉絲冬菇，加埋年糕或者粗炒炒埋一碟。最重要嘅係鑊氣夠(亦都好夠油)，肉絲冬菇都夠入味，呢度嘅上海粗炒同炒年糕係冇囉筍嘅。最後擔擔面，湯麻醬夠，鹹但可以再辣。麵略幼，未算煙韌，掛湯一般。重點係，冇花生碎啊！

好耐之前食過旺角分店嘅生煎包，都唔錯難得黎開呢頭，又試試久違左嘅上海生煎皇先午餐時段黎到有set lunch都幾抵食 有1飯同埋1小食川麻雞翼菜飯雞翼炸至香脆，本身肉質已醃到好入味嘅尖椒味而又不會過辣好香好惹味，雞翼算偏大隻但扣分位係只有4隻，如果5隻會更好因為雞翼太惹味啦⋯⋯一直食落停唔到口諗起都流口水菜飯普普通通，淡味，飯口感偏淋唔算好味嘅菜飯但菜量頗多 呢到加少少分小食叫左雞絲粉皮份量唔少，麻醬夠，雞絲份量ok但粉皮偏彈牙，而我卻偏好淋身點的粉皮，令醬料更易入味

呢間生煎包係肥妹仔我出親旺角都會買外賣打包番屋企食, 因為真係又平又好食!!!黎到深水埗見到佢, 哈哈,肥妹仔我都係忍唔住買咗兩盒番屋企同家人開心share!!外賣自取外賣自取優惠價 4隻 $28真係好好食呀!!!!!佢既生煎包凍咗都仲有湯汁喺入面, 食既時候要好小心唔好浪費滴咗出黎!!!呢間生煎包既外皮一D都唔會太厚同太粉, 就算凍咗佢既外皮都仲係脆, 肥妹仔我好impressive!!佢既肉餡係豬肉餡, 肉質唔係實,有小小疏散,味道調得好好, 唔會死咸!!!

夜晚嚟到深水埗，見到咁多唔同類型嘅餐廳，本身都諗唔到食乜，之後行過黃金對面見到一間食生煎包嘅餐廳，見好似都有幾多人排隊，所以就入咗去食。之後我哋就叫咗一籠生煎包，一籠小籠包，一碗擔擔麵，同埋一碗雞絲伴麵。首先嚟到嘅係生煎包，上碟嘅時候都仲係熱辣辣嘅，但層皮我略嫌硬左少少，但入面嘅湯非常之鮮味。小籠包呢就略嫌細隻咗啲啦，一啖就食晒，唔算非常之推介。反而擔擔麵同雞絲伴麵就有啲驚喜，湯底都唔錯，份量亦幾足料，埋單總共就係＄143 ，性價比都算唔錯嘅。

之前隻係Instagram見到Oscar宣傳佢嘅上海生煎王，但一直都未有機會試，今日行過就去試吓啦。首先喺門口排隊都係有少少混亂嘅，有好多人企左好耐都攞唔到籌，但有啲人一黎到就即刻有籌，見到有幾對情侶都因為唔耐煩就走左。食物質素方面，非常滿意！生煎包真係喜出望外，果然係生煎皇！生煎包嘅皮唔會太厚，脆脆地幾香口，入面的湯汁同肉餡都好足料，正評！另外我哋仲叫咗個擔擔麵同埋小籠包仲有雞絲撈麵。擔擔面我都係會比正平評嘅，佢唔會有太濃嘅花生醬味，佢嘅辣味係四川嘅麻辣，非常正中！唯獨是都面質比較粗，同平時食開嘅有少少唔同。但整體感覺都良好。雞絲撈麵有我最鍾意嘅麻醬，好好味，但食得多就會又點膩。小籠包都正評，皮薄得來唔會穿值得推介！

首先一入到鋪明明有幾個二人位 但都被安排去第一張枱（擺晒汽水係隔離果個位） 逼到嘔 肥啲都入唔到 然後坐左勁耐都冇個點菜紙 自助架？ 食物方面，叫左雞絲粉皮 完全冇乜味又冇青瓜絲 生煎包亦唔熱 個皮頗厚 名大過實小籠包同紅油炒手味道正常老實說 一啲都唔覺得正宗 食上海野絕對唔會再黎 性價比極低 唔明點解會有咁多人食。。

平日晚上9點，唔洗等位.同呀妹2人世界叫左呢d生煎包：招牌菜ok la，夠熱，咬落去有汁，夠juice 雞絲粉皮：芝麻醬偏酸辣魷魚：辣度岩岩好唔記得咩茄子：味道ok, 但好油下嫩雞煨麵：湯幾清，好好飲😂熱辣辣2個人食左$171，價錢合理。