正宗上海生煎皇 (已結業)

這家店開了一段時間，喜歡吃上海菜，一直都想進去吃，今天終於有機會啦。叫了擔擔麵、排骨拉麵、菜肉雲吞麵、生煎包和小籠包，生煎包$32 4隻（外賣$28），其他都30~40幾左右，價錢不過不失，麵的分量算多。但這家店還是比較擅長生煎包，麵食方面，雲吞麵的湯底太淡，擔擔麵向來是我最愛，任何店有擔擔麵的話我都會叫來試，但這家的擔擔麵算是我嘗過的尾幾名，麵的硬度雖好，湯底也嘗到有花生醬味，但沒有花生，沒有辣味，只有肉碎，擔擔麵還是附近的山東餃子館最棒。小籠包皮薄多汁，但湯味道普普通通，還算合格。生煎包略小，勝在多汁，脆皮，比上次在灣仔祥興記好很多，比上海的正宗生煎包當然差遠了，但整餐當中最好就是這道菜了。上菜快，雖然漏單，要再叫多次。而且年初一至年初十有加一，點豆漿說沒有豆漿賣😑……好吧破費試了一次也好，反正下次不會再來了，附近那麼多好吃的也沒差。

難得繼續放假，就同小寶仔試吓呢間明星開的生煎包食店，我哋分別點了三樣嘢食，他們出名的生煎包，灌湯小籠包，及嫩雞燴面。個生煎包係唔錯，湯味濃，味道夠，不過個皮就唔夠脆，有少少硬。下次都想試吓附近那間祥興記，可以再比較一下那一間好食啲。而小籠包我哋就比較喜歡，個皮相對來講都算薄，足夠嘅湯而且好夠熱。呢個嫩雞燴面就好失望，完全唔係燴面，好似一個普通雞肉湯麵，而且這個湯是一點味道都沒有，好像滾水，而且雞肉不多， ＄42都真係比多佢。可能，下次只係食生煎包或者小籠包，對佢哋嘅湯麵未必有信心。

我都未試過咁唔like一間鋪，你地過年加10就好喇，仲要用埋d咩4捨5入黎收多客錢，又話唔收毫子所以要收多，比八達通都話收一樣，咁你唔好計毫子囉，都未見過d咁嘅鋪，想再黎都難，1000唔收，毫子唔收咁你地收檔喇。

生煎包: 呢度個名都叫生煎包, 梗係要試下, 咬一口, 上面的皮幾薄, 再飲少少湯, 幾鮮甜, 最初第一啖, 心諗咁少湯GE, 咁惟有開始大啖食, 跟住D 湯就不斷標出來了, HAHAHA, 幾熱架, 真是要小心食, D 肉唔會太肥, , 個底脆脆地, 唔會油, 唔錯, 拍得住另一間米芝蓮推介GE 生煎包店。不過呢度湯D, 但就無咁油。雞絲粉皮:好細碟.... 同埋好HEA, 只是得D 雞絲同粉皮, 青瓜絲都無條。酸辣湯麵: 都幾大碗, 但無咩酸味, 失望, 越食越辣, D麵林左少少, 料唔算多。

記得以前在旺角的分店很好味，今次差天共地，生煎包皮硬到𡁻唔開，排骨面的排骨有根兼un，雞翼菜飯算是唯一正常的，真的是去任何上海舖食都好過呢間！可取的只是好有效率起菜和收碟⋯⋯

江若琳係臉書上載生煎皇最新推出既墨汁生煎包。我點咗個墨汁生煎包 $25四川擔擔麵 $39凍豆漿            $10總數$74四川擔擔麵好重麻醬味。好多碎花生。入口唔辣。重四川風味。米線好彈牙。混入肉碎好正。江小姐介紹要用筷指指串生煎包。用湯匙乘好包中雞湯。再將生煎包放入口。過程不會射出湯汁。個賣相好正。杯凍豆漿冰凍清新。值得推介。

支持小店！雖然唔係成日出深水埗，但Lee間食店不止食過一次了，每次食完都想再嚟，正正因為佢個生煎包囉，飽肚食物，每次都無法食太多，但真係好好味，包嘅底部煎得香又唔會燶，包內嘅湯汁好甜，係肉汁嘅甜，真係好正！店主好好，仲有個教學食法"生煎四步曲"，全靠睇咗先唔會食到就身都係，點解我咁講，因為我真係見到有其他食客噴汁呀！仲有佢個"灌湯小籠包"一樣咁出色，皮又唔厚，啱啱好。除咗LEE兩樣美食推介，另外仲食咗"雞絲粉皮"，小店勝在每款細細碟，又唔貴，可以叫多兩款都得，我媽咪就最愛LEE個小食，每次食上海嘢，基本上都必食，LEE個小食佢讚得嘅，都係唔錯㗎！唔好以為細碟樣樣都小，見到張相你就知，足料，好多雞絲，麻醬分量啱啱好，粉皮都好滑。"薰魚上海麵"都唔差，薰魚汁又甜又惹味，只係我自己就怕佢太硬太多⻣，但屋企人就好like；"擔擔麵"我就啱食D，LEE度嘅麵煮得啱啱好，本身擔擔麵就偏膩，但LEE度都唔會太膩，都OK好食。

收工同好友去深水埗行街，佢帶我去呢間食生煎包，店面細，桌椅好迫，黑色主色，茶餐廳格局！寫好落單紙，食物好快到！上海生煎包（$31/4個）賣相靚仔，皮薄入面勁多湯，個底煎到好脆！入面嘅湯多到倒滿一匙，豬肉餡滑身唔嚡！好味！灌湯小籠包（$32/4個）皮薄又煙韌，湯汁都好多，豬肉餡滑身唔嚡！好味！涼拌青瓜海蜇（$28）青瓜爽脆，海蜇煙韌，加大量蒜蓉，香口唔辣！不過蒜蓉嘅比例太大！味道幾好雞絲拌麵（$39）幼麵煙韌，加青瓜絲爽脆，同大量麻醬！味道幾好但好膩！ 芝麻醬五彩冷麵（$39）其實同雞絲拌麵一樣，只係多了些火腿絲嘅碗料！酸辣湯（$20）一盅湯夠熱！味道正宗，酸辣鹹香！用料都好足！好味！凍豆漿（$10）夠凍唔太甜！不過豆味唔係好香！正常食物好味！店員好忙碌出入上菜！大家都低頭努力吸啜湯汁！正！勁多湯嘅生煎包！

誤打誤撞黎到深水埗呢間生煎皇上海野，門口細細會行過左都唔知。之後一search 先知原來是由一位明星開的。店內沒有什麼裝潢，但近門口位就已經是廚房，由於用了玻璃所以都見到師傅係入面整小籠包。今次叫了好多食物，有蒜泥白肉，生煎包，小籠包，雞絲拌麵，同排骨菜飯。首先蒜泥白肉，D蒜泥都幾白，要知道喜歡食蒜泥白肉的人通常個重點都會落於青瓜部分。佢個青瓜好爽面且不是手拍的，個人幾喜歡。生薦包個皮太厚，即是係即叫即煎但個皮仍然太厚好難咬開，希望店家留意。小籠包唔錯，都有很多湯汁係入面。雞絲拌麵比想像中大碟，但實在太太太太多麻醬啦，食左幾啖已經覺得好膩，絕對需要減少麻醬或者俾客人自己加，麻醬另上～排骨菜飯沒有太特別，只是排骨有點乾。

路經深水埗，見到呢間舖頭門口都几多人排隊，剛好又想食生煎包同小籠包，決定試下佢。由於我唔想排隊等位，我叫了外賣。到付款處落單俾錢後，還需等10多分鐘，應該係即叫即整。外賣收到後熱辣辣，立即飛奔回家開餐。我叫咗一客生煎包(4隻)另加一客4隻的小籠包。生煎包 - 包皮較外面餐廳的較厚，但包中包有濃濃的肉汁，好味!小籠包 - 同樣肉汁濃郁，皮薄，味道不過不失。不過本人較為欣賞生煎包。由於是外賣關係已有心理準備食物水準未必理想。可是食物仍带給我驚喜。

行過黃金商場，見到呢間鋪頭門口好多人等位，咁啱又想食生煎包就買嚟試試。。生煎包皮略厚，但係肉汁非常豐富，第一次食一口咬下肉汁彈到周圍都係， 下次食真係要小心啲。 味道不過不失。 總體感覺比較失望，可能因為我見佢門口有好多人排隊一心以為個生煎包會 好脆 好好味。松子魚塊， 酸酸甜甜， 味道還好，但是採用急凍魚塊 ， 有少少雪味不過呢個價錢算ok。 唔記得影相因為好快就畀人食曬。門口職員都幾有禮貌，我哋起初睇唔明個餐牌問佢( 因為門口又貼住好几款推介食物)，佢都好耐心咁解釋畀我哋聽值得一讚。

第二次, 上次一個人, 試得款式較少, 今次有幾個人可以試多幾款生煎包- 底脆肉汁多, 肉鮮, 超好食, 不過今次包皮有少少未熟透, 有點扣分小籠包 -肉鮮多汁, 保持水準蟹粉小籠包 - 蟹粉太鯹,不夠新鮮, 蓋過肉味, 失望上海粗炒-醬夠濃,顏色鮮明, 味道一流夠穫氣, 份量略少炸厚切豬扖- 完全無炸的感覺, 是梅頭豬扖, 不是正式豬扖, 扣分, 加上食落似义燒, 味道一般, 麻麻地酸辣湯 - 今次酸味同辣味都夠嫰雞湯麵- 雞湯不夠濃也不夠白, 飲五到雞湯味, 雞肉也沒什麼味道, 差,可以不吃

假日下午5點左右到達，等候入坐不算太久，但地方擺位較逼，適合2至3人小聚一下，久坐不太理想。個人認為招牌生煎包是一定要食的，炒年羔口感不太好，獅子球味道夠濃，其它食物味道感覺OK。

本身充滿期待咁黎試咩正宗生煎包，點知有d失望。個生煎包底偏厚，上皮太薄但唔鬆軟(系死死實實)，肉味都系唔够鮮(但應無咩味精)，湯就唔够祥興記爆汁。另外叫左d基本野黎試，一試就知高低: 酸辣湯好咸，你唔攪個底都易入口d，撈均左更咸，究竟點解咁怪嘅，而且d料唔靚，求求其其咁，咩都無；蟹粉小籠包皮够薄，但肉味俾d蟹鮮/腥味蓋過左；但豆漿好飮。整體上不過不失，但如果用呢個價錢，點解唔食祥興記呢，都系附近之嘛

呢間生煎包係深水埗都好一段時間但次次經過都好多人排隊今日咁啱黎到決定食個early dinner仲要唔使等位就有得食✌🏻✌🏻叫得做正宗上海生煎包點都要一試嘅但係有小小失望事關小妹食開祥興記(可以睇下小妹另一篇食評)生煎包夠熱但唔多夠香我相信加多幾粒芝麻同蔥可絕對可以提昇賣相同香氣湯汁都可以 但份量相對祥興記小而且湯汁偏淡 唔夠肉香冇比較下其實ok 嘅 但我相對佢有進步嘅空間蟹粉小籠包蟹粉係足料嘅湯汁比例亦都正常味道都係唔錯嘅但一夾已經穿左(利申：小妹啲筷子功係真心ok 的)川麻雞翼叫得川麻雞翼大家都會期待麻辣嘅味道係呢碟雞翼係完全唔麻/辣只于過係普通嘅烤雞翼入面仲要冇乜味添