正宗山西刀削麵店 (已結業)

今天經過荃灣，諗住吃春卷河點知冇開，於是便到隔離吃刀削麵，原來除咗刀削麵，仲有好多選擇麻辣豬扒湯年糕送豆漿、佢唔係太辣，但加上蒜頭真係超正，鹵水雞翼刀削麵，雞翼入味及夠淋，刀削麵就有少少硬、所以值得一試。

今日早上開會後，一行5人去荃灣食lunch。天氣好熱，所以我選了一個冷刀削麵，但之後有點後悔，因為我點了麻辣手撕雞，真係好辣（可能我唔係好食得辣），我食左一半就頂唔順，有點浪費。另外有兩個同事叫左麻辣燻蹄刀削麵同麻辣牛楠，睇黎大家都食唔到太辣。有一個叫左東坡肉菜飯，賣相唔錯，肥瘦適中，加上菜飯及凍豆漿的配合，有機會下次要試一試。另外有一個叫左特色冷刀削麵，沒有麻辣的感覺不俗。我個人認為如果冷刀削麵如果可以更冰涼效果會更好。我個人認為豆漿最好飲（因為太辣啦）

我好鍾意食「煙煙銀銀」嘅麵，所以一直喺度搵緊香港嘅刀削麵。幾經轉折終於搵到呢間係荃灣嘅，仲要係開淨我個范，係麻辣嘅刀削麵！😬🌶 我係一個月內食咗兩次，每次食個麵一開始都會覺得好滿足，但係食食吓就會覺得好飽（我係大食人，我幾個肥仔friend都食唔曬)。至於個麻辣，我只係會比合格，因為唔知點解個麻辣帶甜，兩次都係有同樣嘅感覺，所以當我飽飽地嘅時候就會覺得特別「漏」雖然係有啲美中不足，但我覺得係我未搵到一間更加好食嘅麻辣刀削麵，我仍然會返去幫襯！

當日收工去食, 6點幾去到, 唔駛等位, 叫咗豬手刀削麵, 麻辣牛肚刀削麵及凍豆漿     (1.)  勁失望沒有了拉麵, 沒有 "撻" 麵聲, 刀削麵現在比較長條,似機製...  無以前的口感     (2.) 千萬不要叫豬手, 勁多毛, 超級差      (3.)  麻辣越來越唔覺得麻, 唔夠味, 唔夠辣, 蒜都少了      

好多時黎荃灣都會去食，睇住價錢由$38加到$50😅我每次黎都會叫麻辣熏蹄刀削麵（$50）一定要多蒜🤣蒜末加埋特製麻辣真係好好食😋刀削面味道依舊無變。可惜熏蹄味道差左，之前d 熏蹄爽口肥瘦均勻，現在的都偏肥而且顏色好深已經放左一段時間😞下次我要轉轉試下其他配搭😁______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether

每次經過都好多人或已準備收檔，今次我和呀媽下午茶時間來，不用等位。熱拌豬軟骨刀削麵+熱豆漿 $58我食這個豬軟骨，3舊當中有1舊軟骨是硬的，豬軟骨輕微麻辣偏咸，麵質稍為硬身。熱豆漿普通。上海水餃刀削面 $42呀媽這個水餃我也覺得偏咸，如果老人家食這個麵我想要要求煮淋d。

荃灣唔止一間山西刀削面，不過我偏好路德圍呢間有時lunch黎都排長龍，搞到要嗌外賣，不過外賣就預左面質無咁硬淨架今晚無晚飯食，所以心郁郁想食刀削面，例牌叫左紅燒牛肉刀削面（其實佢個麻辣加蒜好正架，不過太辣食唔晒，所以食紅燒牛肉算啦）太耐無黎，見佢換左餐牌，多左個雙拼，有溫泉蛋同黑木耳揀，加個黑木耳都係多三蚊，仲包豆漿tim 因為七點左右無咩人，好快就有得食喇。眼見面嘅分量少左好多（女孩子應該剛剛夠飽架）而且面條有d林身，唔同之前咁有咬口，有少少失望呀。而鐘意食紅燒牛肉因爲無肥，數落都有8-10塊，抵讚啖啖肉。木耳就無咩味道。雖然有少少退步，不過我都會繼續食繼續食，哈哈

出去玩咗一日好攰， 想搵啲好食又快又方便嘅嘢醫飽個肚快啲返屋企休息。我同老公一齊諗起呢間刀削麵。晚飯時間都幾多人 ，我哋喺門口排第6、7個，等咗15分鐘先入到去。我哋兩個都好鍾意食豬大腸， 老公食得辣，佢叫咗個麻辣豬大腸刀削麵， 50蚊包埋嘢飲， 真係好鬼抵。 佢個麻辣醬加咗蒜蓉 ，辣椒同蒜都非常香，如果食得辣真係好值得推介。我就叫咗一個豬大腸併溫泉蛋刀削麵 ，都係50蚊包嘢飲。 溫泉蛋有整整一隻 ，好好食。 我叫做杯熱奶茶 ，好好飲 、好香、好滑、茶味啱啱好。

放工嘅我， 總想找個地方吃點東西。今次行去荃灣嗰邊街睇下有咩食，食完近地鐵站！見有幾間食麵，見佢有温泉蛋，吸引了我入去試下。都幾多選擇。我點了溫泉蛋刀削麵加大腸，飲豆漿，再加多個蒜泥燻蹄。一見到，吾知比咩反應。。。可能我食開個D燻蹄不是這樣，算！！試食先。一試。。。。吾識形容，真的是蒜泥，可能我不喜歡吃生蒜泥，$50可以不吃！食完這個對個麵冇乜期望。麵一到，好香好熱。一試，湯好味，大腸好入味，溏心蛋都好好，不枉我為了這溏心蛋入去。至於刀削面，正常，我不知是否正宗。全單$108。麵加豆漿$58系好抵食。但少食$50就麻麻，或者其它小食會好些。

荃灣雖然不在我平日的活動範圍內，但好吃的東西著實不少，這間刀削麵店更是我在這區的最愛。偶爾想念這店的味道更會特地前往解解口癮。幾乎每次都是點同一道 - 麻辣手撕雞冷刀削麵。這店的刀削麵與其他餐廳不同，厚切得很有咬口，冷刀削麵的麵條比熱湯上的刀削麵厚實一點。麻辣醬方面，湯麵的麻辣醬是相中黑色那種，麻味比較重，辣度則一般。冷麵比湯麵多了橙紅色的特製麻辣醬，香口且辣勁十足，很適合愛辣的人吃。手撕雞份量頗多，與青瓜絲及麻辣醬一起拌著刀削麵，這上癮的辣度再配上凍豆漿，味道一流！如果愛辣的各位只嘗過湯麵又嫌不夠辣的話，絕對可以一試麻辣冷刀削麵系列！

荃灣一向多食店，不過成日都係食狗仔粉同泰國野上 OpenRice 見依間刀削麵店好似好多野食，決定去試下夜晚 7 點幾去到，9成座位都坐左人我地 2 個人，一人叫一個麻辣刀削麵套餐 ($50 / 一個餐)麵身粗厚，但麵條中間比較粉，份量都足夠但係配上個湯又唔錯，湯底比較清，唔係太濃味套餐送豆漿！配左麻辣豬肚同埋麻辣牛肚牛肚比較林，豬肚就爽口少少但 2 個都好多辣，食食下要浸一浸湯減辣食物上面有好多麻辣醬同蒜粒，而個底有啲汁建議食嘅時候可以撈一撈

2018年再度重新出發，今日下年請了半天假，鎖定了目標，一定要來回一回荃灣西的山西刀削麵店，講起刀削麵，一想就是有一位做麵師傅，左手拿着麵團，右手提着削刀，把麵團一片一片削到熱煱裏，做麵師傳的削功又快又準，像拉麵表演一樣，令食客嘆為觀止。可能是肚子餓了，中午一到食店門口發現已有五六食客在門外排隊等位，看來今次沒有選錯食店了。大約等侯了五分鐘左右已安排到一張窄窄的四人卡位，可能是中午時份，店內都是擠滿了食客，多數是一至四位，搭枱便是常識吧！左看看坐對面的食客吃什麼，右聽聴附近的食客叫什麼。打開餐牌更加難選擇，因餐牌已印了百多款食品！刀削麵類有些是麻辣口味，有些是拌麵類，越看一頁越難選擇。最保守的想法是吃基本的湯刀削麵類，如果麵不太多還可吃多一款麻辣小食。好！叫套餐，起碼付了五十八元還有杯豆漿！唔該，我想叫一個雲耳溫泉蛋牛肉刀削麵套餐！等了不久，冰凍豆漿先奉上，輕輕喝了一囗，豆味不夠濃郁，用來配刀削麵可能是不錯的選擇。過了一會兒，我的刀削麵就放到我的面前，湯匙上已載滿蔥花，愛吃香菜的我是非常歡迎的，把蔥花拌入麵裏，先喝一口湯，有鮮鹹牛肉湯底的味道，牛肉湯不算太濃，是一類久違的味道。接下來吃

麻辣金錢肚刀削麵，麵煮得剛好，煙韌得黎，唔會有唔熟既麵粉味，食到最後個麵都唔會淋唒，湯味濃，麻辣金錢肚都好入味。$48仲有豆漿送仲有蒜泥牛肉菜飯蒜頭好辣，菜飯清新，啲菜仲好翠綠

吃不成麻辣火鍋 便轉戰對街的麻辣刀削麵肥牛刀削麵可惜的是肥牛置於湯中 辣汁全浸入湯中 浸淡了肥牛湯底味精味並不重帶少許微辣主打的刀削麵要讚的是手打的果然比起坊間的煙un彈牙 型狀不一全因是全人手削的一條又一條的粗麵條令人有飽足感有點驚喜麻辣豬頸肉蒜和辣汁才是重頭戲令整個豬頸生色不少麻辣帶點蒜香令人愛不釋手麻煩口水雞辣汁帶點麻油香味 而且雞肉嫩滑無比基本上是沒有筋的若要說其中的小不足便是雞皮太厚欠彈牙但味道亦算中上

叫左個豬軟骨刀削麵, 麵條都幾粗幾厚, 有嚼勁得來唔會太林/硬, 不過我中意薄少少, 太厚怪怪地。豬軟骨好大舊, 幾入味, 但又唔會太咸, 但中間D 骨雖然都咬到吞到, 但都是偏硬,再炆林D 就更好。麻辣豬耳都幾大碟, 豬耳偏硬,浸左辣油都幾辣, 不過對於食得辣的人來講, 就一定唔夠辣。(又可能因為叫左小辣? 唔記得了)