正宗山西刀削麵店 (已結業)

呢一帶出名多野食，今日又黎到呢度覓食。個人無咩食刀削麵既經驗，所以算係有新鮮感，加上呢間店鋪都幾出名，所以就試試佢!餐牌上有唔同款式既刀削麵，比較多辣既配料，另外仲有菜飯米線。不過黎到刀削麵專門店，當然係食番招牌刀削麵啦!叫左個菜肉雲吞刀削麵，size睇落唔算大，湯底都幾咸，有四粒雲吞，味道普通，而刀削麵則比較厚身，唔會太粉，加多杯凍豆漿，盛惠四十多元。成個餐無咩特別，而且偏咸，不值推介。

這裡附近真系勁多食堂選擇，眼花撩亂任意揀左一間....食刀削麵！店空間不算大，可放置有十多張檯！選左雙料刀削麵配豆漿：濃濃牛肉湯底，牛肉大大塊，成六塊牛肉肉質彈牙，不會肥！豬肚切細絲，沒什麼特別！份量亦預期中多！刀削麵切得簿簿的，又不會好長！麵彈牙，份量亦多。

建議叫野食之前留意一下叫左碗牛腩上海餃刀削麵一個字，咸，所以話點解咁樣劏客專登整咸啲，等你後悔先叫野飲見到啲湯啲色，都知，幾重料其實味道都可以接受啲牛腩幾鬆口，易入口上海餃就無咩特別我覺得，一般推薦

同舊同事喺附近做完yoga,荃灣地膽嘅佢帶我地去食人氣刀削麵。第一次食，滿足同抱住個肚走！一碗麵，大大碗，少少大食嘅我都食唔晒！叫咗碗原味菜肉雲吞併魚蛋刀削麵，原味湯底濃郁，好似飲緊精華湯底感覺。而刀削麵麵質有咬勁、煙靭。有埋一堆葱花，加埋一堆生蒜過嚟更好。配菜首推魚蛋，新鮮炸到皮係金黃色，皮薄薄，入面魚肉唔彈但好爽。咸味夠，好好味！而菜肉雲吞都唔錯，皮算薄，個餡料切到好細好細，感覺細膩唔粗糙。另外叫咗碟人氣小食手撕雞，啲雞撕到大細長短一樣咁滯，做到粗絲嘅效果，加上青瓜絲，配搭會好爽好清新。喜歡佢加埋麻辣料上頂，少少都夠辣，夠重口味。

聞名已久，山西刀削麵，終於有機會去試下 果然名不虛傳，叫左個中麻辣牛脷刀削麵，最正係有好多香蒜，麻辣味又好適中，牛脷夠爽口，麵質煙煙韌韌咁，將碟送撈落麵一齊食，超正。

去呢類地方都預咗環境唔會太好，去到都幾爆，好彩咁啱有人走唔洗等。揀咗牛腩豬大腸刀削麵，牛腩入味，有啲肥膏又唔係成口油嗰隻，豬大腸係因為見有人話好食就叫嚟食吓，冇腥臭味，鹵得幾腍之餘仲有爽脆口感。呢間話刀削麵係即叫即削，呢種麵比平日啲麵多凹凸位，咁就可以帶多啲湯，但夾起嗰時好易晌筷子之間滑出嚟，所以一定要用支匙羹輔助先食到。湯底方面都幾濃，有啲鹹不過我都接受到，只係浮晌面啲油有啲嚇人，都係適宜久唔久食一兩次咋。

平時食開沙咀道嗰間, 食物質素好, 服務態度都ok 尋晚第一次去呢間鋪就成肚火一坐低有位隻手有公仔嘅姐姐已用(好好)嘅眼神催落單, 但落單後等咗10分鐘就向佢追一追單, 佢話等等, 再幾分鐘後, 見到後過我入去嘅都已經有嘢食, 再追另一個阿姐, 佢即刻去睇, 睇完就番嚟問我叫咗咩, 落咗單未？！ 我講俾佢知叫咗咩, 佢就問另外一個阿姐, 阿姐就話唔好意思冇落到單「佢梗係冇印象啦, 都唔係呢個阿姐落」跟住個公仔姐姐就行番嚟, 一句唔好意思都冇講, 仲繼續怒啤我, 跟住即撇啦。點敢再喺度食呀

山西刀削麵都算係經典麵食之一，呢幾年係香港更是火爆，每次去親都見到唔少人排隊等食。有時見太多人就放棄等，今晚正啱等的人不算多，終於又可以食啦！豬腳，豬頸肉，金錢肚，點黎點去都離不開呢三樣最愛。天氣一熱食欲會降低，女仔到夜晚想keep身材又唔敢食太多，要少麵就啱啱好，不會浪費。豬腳好腍，好易咬。麵滑且彈牙，一如既往地keep住水準。金錢肚每次必食，同麵分開擺，俾多多的蒜蓉辣椒，特別香！金錢肚口感爽脆，的確不能錯過。朋友說他的牛肉麵也不錯，料多不敷衍，下次試一試先。

今日下午我們去咗荃灣荃興徑嘅「正宗山西刀削麵店」食下午茶！我們叫咗五香牛肉鴨腎刀削麵同手撕鷄冷刀削麵！五香牛肉鴨腎刀削麵嘅刀削麵麵質非常煙韌彈牙，軟韌度啱啱好，而且相當滑身，湯底嘅牛肉味好香甜濃郁，牛肉嘅肉質好鬆軟嫩滑，鴨腎好爽口彈牙！手撕鷄冷刀削麵嘅刀削麵麵質極之煙韌彈牙，由於係冷嘅關係，所以麵質更加Q彈，手撕鷄嘅肉質好嫩滑，而且份量相當多，但略嫌味道比較淡咗啲啲，但落咗啲陳醋落去就令到味道惹味好多！

路德圍一帶食肆林立，身為荃灣人都知依間正宗山西刀削麵，但好多時都係經過仲未試過😅今日落開去好想食麵就決定試一試🙋刀削麵配料選擇多，雙拼$46 單拼$43，再加餸都係$8，算是合理吧! 我嗌個雙拼:豬大腸牛腩刀削麵一上枱估吾到刀削麵咁大碗，刀削麵即叫師傅即製，口感煙韌彈牙，🍜面質不會太淋成口粉😋湯底是鹵水汁岩哂我依啲鐘意濃味既人!豬大腸真係好好食，我最怕豬腸清得吾乾淨有臭味🐷依度完全無臭味! 豬大腸用鹵水炆過，好入味!牛腩正常貨不太"鞋"，我個碗仲有牛根好淋，同豬腸一樣炆得入味!值得一讚既👍係依間鋪頭無論刀削麵定餸的份量都好多，男仔食一定夠飽👦 女仔就要最好叫少麵(咪做大嘥鬼😝) 連飲品都係2蚊就加杯凍檸茶，簡簡單單就係幸福的一餐

住咗係荃灣咁多年都未食過呢間成日有人排隊嘅刀削麵終於忍唔住試下，因為我好鐘意食大腸嘅關係，今次試咗個麻辣大腸刀削麵，試試佢龍與鳳！佢嘅麻辣大腸同刀削麵係分開放嘅，所以想要幾辣，都可以自己加適當份量嘅麻辣落碗麵度調配。先講講個刀削麵，唔會太粉，但真係太大碗，女仔真係會食唔哂，所以建議返如果大家食得唔多嘅話，就嗌返少麵喇。（我下次都會）至於個麻辣大腸真係好味到形容唔到！！份量都係好多，但係我一舊都冇淨，食哂！配埋佢啲麻辣，食到個咀麻麻地，好爽！雖然有啲辣，但係都冇蓋過大腸嘅味道，所以真係好值得一試！

再排隊食呢間山西刀削面,不過系其他分店,想睇下質素有冇唔同,仲keep得水準wo...今次叫左一個五香肉片刀削面，豬手刀削面,金錢肚刀削面。面依然都系爽身,咬落去軟硬剛好,但我覺得比上次薄身左，豬手簡左肥瘦都有,豬皮軟身入味,應該系老滷汁， 而且夾住d肉,入口即淋身,又有膠質交融之下，系唔錯！食左呢個再試朋友既五香肉片刀削面就稍為遜色少許，相對口感冇咁豐富，而且有d 「唉」,味道冇咁濃郁。呢間分店上面都快，但都系坐得有點擠。

成日聚於水吧吹水,自己聽錯Order.就話客人有問題,仲話叫出品部小心.唔係一陣又話唔啱呀!我望左佢幾之先至肯收聲,我之前個客又落錯Order,好耐都唔黎,追個服務員,竟然話得la,就排到你la,我下la,實在太過份la.不過味道幾好

愛麵食的朋友一定唔可以錯過荃灣。區內麵食店多如藥店。講起麵, 不得不提刀削麵。區內係力生打出來的那間, 更係表表者。今日行經附近, 忍唔住又行來食碗當下午茶。呢度既刀削麵, 條條彈牙, 麵香四溢。單係坐定定欣賞師傅啪啪聲現場制作都夠過癮。豬軟骨唔太爛, 正! 而且味道好。成碗麵大大碗, 一定夠食。而且一向鍾意來力生舊舖食, 總覺得呢度店員比較nice, 唔似其它分店咁, 太"專業"諗起食刀削麵, 我都會自動波來食一碗。

我未試過寫食評，而今次破例咁寫，係因為今日食左碗令我相當不滿既刀削麵。住荃灣既人，食黎食去都係個幾間面店，呢間一向都去開，一向覺得好食。但今次外帶既- 麻辣鴨腎刀削麵-，我真係睇見都無食慾。首先唔係佢質素問題，唔係佢整得唔好食(水準都算kepp到下)，而係佢碗麻辣鴨腎刀削麵居然無麻辣醬，真係好離譜，身為一個無辣不歡既人，無麻辣既麻辣鴨腎刀削麵叫我點食得落口？可能有人覺得好少事，只係員工疏忽造成，但其實令我不滿既唔只係今日內既事。以前印象中既外賣，係有兩個盒，一個放湯面，一個係放你嗌既餸，如果有要求佢湯分上就+1蚊，啲面唔會浸林，就係有三個盒拎走好合理。食個陣面同餸分開，我個人就中意咁食法，起碼你加唔加碗餸入面既麻辣汁多少都有得揀。但次次個阿姐都勸你唔分都一樣(佢系間舖做左好多年)，比我既感覺就係廢事煩，咁我當然唔理佢照要求佢咁做啦。最近開始佢地連餸同面都唔鬼分，全部一碗過，我已經忍無可忍。今次嗌既外賣面，我都有要求佢全部分開盒，但佢只係分左湯同面，餸依舊系面上面，更離奇係麻辣汁同蒜蓉神秘消失左，叫我食清湯鴨腎刀削麵，我連掂都唔想掂。我好感慨，大部分餐廳做到有聲有色既時候，就開始為左節省