正潮樓

营业中

休息中

講真覺得唔算好抵。兩個人食，人均消費都要四百幾蚊。食左唔係好多嘢。鵝片係好食嘅。鵝翼$90$128 方魚炒芥蘭。$168 覺得最唔抵係呢個。味道一般般。份量少。掛住食，影漏咗個蠔仔粥。整體嚟講味道係OK。都坐得舒服。地點都好方便。個人覺得性價比不高。尤其人少食！完～

今晚黎按老公放工，之後去附近搵間坐得舒服既中菜館，，坐低飲個壺茶已經好香，問服務員原來叫「單松茶」，係一種潮州茶。我哋點咗：潮式豆漿焗嫩雞熱辣辣、一上枱就已經聞到好香嘅普寧豆漿，加上燒酒嘅香，雞肉嫩，好入味。普寧豆漿係潮州嘅獨有，只有潮州菜館先可以食到。糖醋煎伊麵煎得好香脆，幼面嘅獨特味道，加上韭黃粒嘅香，仲有白糖同埋紅醋嘅精髓，多重味道重疊，好好食呀！腩肉炆涼瓜苦瓜炆得好甘香，能夠突出苦瓜嘅甘甜，好出色。冬菇炆得好腍好滑，菇味出晒嚟。腩肉晶瑩剔透，咬落脂肪香立即出晒嚟，脂肪位好滑好香，如果將苦瓜同埋腩肉夾埋一齊食，又香又滑，一啲都唔肥膩👍🏻甜椰汁雪耳超香椰汁味，雪耳勁滑，好養顏又好味，飯後甜品不能錯過！

今晚與家人在灣仔區「正潮樓」嘗潮味晚飯。開飯前看到有潮式月餅發售，一盒四式：烏豆沙、綠豆沙、黃皮、老香黃。先嘗開胃小菜~炒銀魚仔，味道鹹香，送粥、送酒、下飯都佳宜。普寧豆腐~是一道特色小菜，熱騰騰、外脆內嫩，蘸少許韭菜醬汁吃，更添風味。 沙茶炒牛肉~ 潮汕的 沙茶醬較為鹹香美味，炒牛肉味道是絶配，牛肉嫩滑可口，配菜選用芥蘭苗，清甜又軟嫩，口感非常好。油泡南澳鮮魷~南澳魷魚是澳洲優質的魷魚品種，口感爽而不韌，爽脆味鮮，伴碟的珍珠葉口感香脆，並有平肝清熱，利水解毒的功效。 糖醋煎伊麵~潮式風味十足，每次光顧潮洲店鋪是必吃佳選。

正潮樓位於灣仔謝斐道117號地下晚餐精選2人套餐$5882位用金牌菜膽翅套餐芋頭炒香飯成個砂鍋上散發著芋頭同臘肉香氣炒飯金香爽身食左2大碗鵝肉拼豆腐豆腐非常嫰非常入味鵝肉啖啖肉脂肪瘦點醋更加鮮味沙茶炒牛肉沙茶醬非常香牛肉好嫰以芥蘭做底非常清爽唔怕太濃味菜膽火腿翅重頭戲大大梳真材實料火腿絲夠咸香翅非常粗加香菜同醋非常美味去過餐廳幾次食物非常有水準餐廳推出商務套餐無論中午食飯或收工朋友聚會都非常適合值得推薦

逛會展後，身心俱疲，所以在附近晚餐。來到巷弄之間的老牌潮州菜館！本心儀已久，今終得見。細看餐牌，有個金牌二人套餐，有湯有肉有菜有飯，唔洗諗唔洗煩，計落更化算。以涫水淥過碗筷杯盤後，慢慢等美食來到。沙茶炒牛肉  沙茶醬～沙嗲醬，炒出來的味道很熟悉。沙茶醬不太濃，沒有蓋過牛肉的原味。  下方菜心清甜，也是晚餐最重要的食物纖維。鵝肉拼豆腐  滷水系列是室溫，可以跟剛炒起的沙茶牛一同上枱，一次上二碟小菜，時間剛剛好。 今次有鵝脾呀！而且係無骨呢！啖啖肉，無需吐骨，保証有儀態。 嚐過鹹香的沙茶牛肉，再嚐滷水鵝肉，也不會覺得滷水鵝肉淡口。  再到下方滷水豆腐了。金黃色豆腐炸皮，易於掛汁，滷水配上清淡的豆腐，很和諧。豆腐軟綿綿容易咬，連墊底的花生都是軟綿綿呢！芋頭炒香飯       雖不是金鑲銀，但米飯粒粒分明，乾爽不油膩。名字叫芋頭炒飯，卻混有蝦米鹹鮮之物。呈上之時熱辣辣；來到最後一碗，鍋裡的炒飯仍是暖暖的。這就是鍋底上菜的優點。把炒飯清光光，鍋底油份不多，感覺健康。菜膽火腿翅     餐後來一碗熱辣辣的燉魚翅！單點一人份要二百几，現在套餐六百個大洋，有二盅，還有三款食物，計落有著數！  夾出魚翅

今晚同家人約好到灣仔正潮樓食晚飯。潮州菜館當然要點返潮州菜啦！雖然落大雨都冇阻我食好野心情，好快安排好座位就點了糖醋煎伊麵，菜脯炒粿條，滷水鵝肉，煎九肚魚烙。糖醋煎伊麵：煎香伊麵，韭黃香味混入煎伊麵中。煎香既伊麵再自己加上糖和醋有著不同味感。菜脯炒粿條：菜脯咸咸地再加上粿條食，味道好。同埋個份量都好大碟。滷水鵝肉：鵝肉無論肉質還是味道都好好食。豆腐花生都配合得宜。份量都算幾多。滷水汁個滷水底非常有正宗潮州菜的味道。煎九肚魚烙：煎得好香口令到九肚魚魚香完全出晒黎。

係一餐好貴嘅lunch啊🫣😃仲有一碗蚵仔泡飯唔記得影相～-整體質素係唔錯嘅蜆係最鍾意嘅清而濃郁嘅醬汁鮮、鹹、超微辣每粒蜆都好入味其次就係蚵仔泡飯蚵仔都幾大粒份量係每人2碗左右湯底都幾清鮮甜金不換龍蝦🦞就還好相信成個套餐最貴就係佢但味道感覺唔係好夾龍蝦係新鮮彈牙㗎所以最簡單煮法會更好而鵝腸就不過不失啦如果冰凍會鍾意食多d更加爽脆最後埋單係...$1000頭@2人（飽嘅程度係食完可以再食個甜品🤣）

食到一肚氣, 第一次出咁大篇…講大話屈人錢lunch order 3個鵝片飯（一碟鵝片，一碗白飯&湯），每個餐$72。落完單後職員👩🏻‍💼話有鵝片但無晒白飯，白飯轉炒飯得唔得？我問白飯轉炒飯係咪一樣價錢？👩🏻‍💼：係收一樣價錢$72當時都覺得奇怪，1pm就無晒白飯，而且無白飯又有炒飯提供？但我地趕時間又無乜所謂就ok好快就上咗3煲炒飯，配料係得芋頭，加幾粒蝦米，無肉，無味。等左一陣鵝片&湯都未到👩🏻‍💼：白飯轉炒飯就無鵝片&湯但佢當初聲稱有鵝片，只係無晒白飯，所以轉3個炒飯。仲要見到隔離枱都上咗鵝片套餐（連白飯），明明遲過我地落單！我地問職員點解隔離枱有，佢支吾以對，答唔到。懷疑當時佢地賣唔晒炒飯，所以將賣剩/唔要既 用呢種手法賣埋尾貨！問個職員拎個餐牌睇，炒飯賣$70，但個職員照收我地鵝片餐$72價錢，想側側膊收貴我哋錢🤯另一個職員叫我地大方d，唔好咁小氣問題係間餐廳擺明誤導消費者及刻意濫收費用🤬🤬🤬

中國菜 正潮樓銅鑼灣有一座飄散醇厚中式風情的餐廳，正潮樓可謂得到食客們的一致好評！這家位於新寧道8號中國太平大廈地庫的餐廳，將精緻餐飲與雅致環境結合，為食客營造出一種華麗而舒適的用餐體驗😊踏入餐廳，已經能感受到濃濃的中國風情。牆上掛著一幅氣勢磅礡的中國山水畫作,恍若置身於桃源仙境。整個空間清新整潔，充滿了高檔餐飲場所的貴氣。無論是家庭聚會，還是商務宴請，這裡都能滿足不同需求，定能讓賓客大飽口福。餐點種類繁多，令人垂涎三尺。首推正宗汕頭煎蠔烙，肥美多汁的蠔餅入口即化，蘊含濃郁的蠔汁香氣，令人回味無窮。另一道絕品，莫過於醇厚可口的豆醬焗嫩雞，雞肉鮮嫩多汁，豆香與雞肉融為一體。還有軟嫩入味的梅汁焗豬手，以及細膩鮮美的梅子蒸鷹鯧,無一不是正潮樓的招牌之作。此外,正潮樓還提供清爽可口的清炒時蔬🥬,以及香濃可口的芋頭炒香飯和沙茶牛肉炒粿條🍜,令人回味無窮。每一道菜餚都展現了正潮樓廚師的高超烹飪技藝👨‍🍳,定能滿足食客們的味蕾😋。唔理係慶祝節日定係應酬，呢度都係最好嘅選擇。正潮樓一定可以俾你一個視覺同味覺嘅盛宴。😆😆

細個屋企人成日帶我去食潮州菜，大大下就小食咗好多。正潮樓喺某日路過 覺得好似唔錯，帶返屋企人食返兒時味道 。店內裝修：✅✅✅格局舒服，唔會有打冷果種濕淰淰嘅感覺擺設都睇得出老闆別有心思 。我地二人叫二人餐「金牌菜膽翅套餐」1️⃣菜膽火腿翅一壺壺咁上，清清地，又有一絲絲嘅翅淡淡味加金華火腿絲提升咗成壺湯嘅口味2️⃣滷水鵝肉雖然都係滷水嘢，睇落無乜特別，但佢嘅豉油味道係其他地方無嘅味道嚟㗎肉質好軟身，唔靭 。3️⃣沙茶炒牛肉牛肉配芥蘭，送飯一流4️⃣欖菜炒香飯（欖菜無哂，轉咗芋頭炒飯）炒飯粒粒分明，芋頭切到細細粒，容易入口，相信呢個炒飯無論大人細路都啱食

今次嚟到銅鑼灣，好少見到有潮州菜嘅出現，心郁郁嘅我又想食蠔仔粥。👍🏻滷水拼盤滷水嘅色澤非常之靚，油光充足，除咗有鵝片之外，亦都有豬紅、豆腐、豬大腸、花生粒。👍🏻方魚炒芥蘭炒芥蘭最重要係多油先夠香，餐廳加入咗方魚粒粒作為鹹香嘅調味，口感脆嫩無渣，亦冇一般芥蘭常見嘅苦澀味。👍🏻蠔仔粥完全做到潮州粥嘅精髓，米嘅狀態相對完整和粒粒分明，不太糊爛。食落好香，蠔肉飽滿 ，再有大量嘅蔥花芹菜點綴。👍🏻汕頭煎蠔烙煎得不油不膩，鮮美酥香，酥而不硬。咬落啖啖蠔肉，可以灑上胡椒粉同淋上魚露，更具風味。👍🏻厚菇焗鮑魚不論鮑魚定係冬菇都煮得非常入味，醬汁亦都唔會過分濃郁，蓋過食材嘅鮮味，容易切得黎，口感爽嫩。👍🏻清心丸綠豆爽清心丸絕對係呢一碗甜品嘅靈魂，晶瑩剔透嘅方型清心丸，口感煙煙韌韌，加上綠豆嘅爽甜，確係好食，不過食到底會有少少覺得太甜，建議可以二人分享。除咗鮑魚之外，亦都有一系列潮式海鮮：魚翅、海參、燕窩等名貴食材，而且睇到菜單見到護國菜嘅存在，足以呈現傳統潮州菜餚。

一入到去餐廳店員已經好熱情咁招待安排咗位置俾我哋，出邊有大魚缸活海鮮不過因為我哋只得兩個人食飯所以並冇叫太多海鮮。環境都好闊落而且啲枱都好大所以坐得好舒適最緊要啲店員好親切所以好唔錯。我哋點左幾款食物最鍾意嘅就係呢一款鵝肝因為真係非常之厚，而且仲可以捱本分所以兩個人分享都可以食得晒唔驚潮州菜一定要咁多人一齊食。另外雞頸肉超級爽口估唔到咁好食，而且調味好好我哋另外仲叫咗個潮州炒飯，配埋一齊食簡直係一流。另外餐廳都提供時令嘅菜式，例如就算連蔬菜都會有時令，我哋點咗菜心另外配上調味熱辣辣非常好食而且真係勁大份。而且所有嘢都好足料推薦推薦。

今日去了灣仔食潮洲菜。"正潮樓"餐廳古風裝修。見餐廳有二周年優惠，我們點了一個二人套餐金牌菜膽翅套餐菜膽火腿翅滷水鵝肉沙茶炒牛肉欖菜炒香飯$538/2位菜膽火腿翅湯底鮮香濃郁，魚翅爽口。🍲🍲滷水鵝肉滷水好入味，鵝肉肉質淋滑，底下的滷豆腐好入味，滑嫩的豆腐外皮吸收滿滿的滷汁。👍🏻👍🏻👍🏻👍🏻👍🏻😋😋沙茶炒牛肉醬汁好濃香，牛肉肉嫩。😋😋欖菜炒香飯炒飯粒粒分明，飯粒香軟。😋😋😋

晚餐來到來頭不小，三代都是廚藝世家，潮州廚神陳澤嘉主理的《正潮館》，門面非常典雅，店內設有多間廂房，大廳座位也很寬敞。灣仔店正值二周年誌慶，推出優惠四選一套餐，我們來試試正宗潮州手藝吧！😋選了538元的金牌菜膽翅套餐，先來一人一盅招牌「菜膽火腿翅」，咸香味濃，真的是一道色香味俱全的廣東傳統名菜😍「鹵水鵝肉」，一上桌便能聞到陣陣鹵水香味，鵝肉細軟，豆腐仲好入味添！😋「沙茶炒牛肉」，牛肉嫰滑，沙茶醬調較出更合香港人口味，反正沙茶醬的老祖宗就是沙嗲醬😏「欖菜炒香飯」，非常香噴噴，鹹香惹味，一口一口停不下來😂

今日放工同屋企人去試最近人氣爆登的潮州菜，灣仔人氣潮州菜館「正潮樓」最近係於銅鑼灣開左分店，繼續主打高CP值的潮州美食🤩🤩我地就去左灣仔分店⋄「正潮樓」裝潢風格古色古香又典雅，門口掛著兩串大紅燈籠，內部亦擺有多幅中式風景畫，加上柔和的光線，用餐環境非常舒適🛋️💡⋄正潮樓的主廚一陳師傅曾於汕頭的五星級酒店擔任廚師長，多年來用心鑽研潮州菜亦令他榮獲中國烹飪大師證書🏅⋄⋄====—====—====—====—✦ 滷水✦滷水以紅糖、水、鹽、醬油、南姜、桂皮、八角等十幾種天然香料進行烹製，用文火慢浸，使其入味，滷熟後自然凉乾，上桌前將滷物切塊置於盤中，淋上滷汁，再放上青芫荽點綴☘️⋄🦆滷水鵝掌（$118/例）鵝掌大隻肥美，非常入味，當中的皮和筋煙韌有彈性，骨膠原滿滿，非常美味🤤—🕊️滷水鵝片（$168/例）⭐️潮州菜必食⭐️秘製滷水汁以廿十幾種材料熬製而成，鵝片肉質軟嫩無比，肉味香濃入味，配上非常入味的豆腐，佐以蒜泥醋更能刺激人的味蕾，解膩而爽口😍⋄✦ 小食 ✦🌿煎韭菜粿（$58/4粒）在潮州食文化中「粿」的歷史悠久。品種繁多，款式精緻，美味爽口😜招牌韭菜粿味道鹹中帶鮮，香口又惹味😍 ⋄✦主食 ✦🦪肉碎