江南瀨粉 (福榮街) (已結業)

見上哂電視、專程去試、入店內坐左邊最角落位置張枱、已有大量呆呆滯滯蒼蠅響度飛行、望一望地下有成十隻死左嘅蒼蠅響地下、諗住不想什麼高級地方⋯吃完就即走要求不要太高、點知食物送到、攞起筷子時連筷子都痴住三隻未死嘅蒼蠅、立即同年青男店員反映、居然回應話呢排可能回南天、可以攞另一對筷子比我、我咪話唔使、我自己抹乾淨啦。但最離譜係店員完全無清潔嘅安排、我咪自己即刻轉枱（所以太趕無影到相）呢間店無下次！而家疫情期間食市可以開番、麻煩店主教育下員工加強衛生！

印象中以瀨粉做招牌既店鋪唔多，而呢間餐廳係少見用瀨粉做主打，咁就當然要入去試一試佢啦～佢主要係似嗌餸配瀨粉，亦都有配搭好既套餐比你揀，價錢就差唔多。而鋪頭牆上亦有佢十大推介既餸。有興趣既朋友可以揀嚟試下。而今次我就係自己揀餸，揀左鵝腸，鳳城水餃同陳皮魚蛋，配合瀨粉同酸辣湯，最後加埋杯凍檸茶（$9）。三餸瀨粉（$55）份量都夠多，賣相唔錯。首先個酸辣湯底辣度無得揀，但對我嚟講已夠夠辣，可能嗜辣既朋友就未必夠辣啦，但個人覺得酸度不足，辣既味道蓋過左酸既味道，呢樣係有啲不足既。但係佢既瀨粉的確唔錯，食落瀨粉夠煙韌，口感介乎米線與薯粉之間，無薯粉咁難咬又無米線咁淋，係外面真係未食過呢種既瀨粉，佢手工做既的確值得一讚👍🏻至於鵝腸清理得夠乾淨，處理得唔錯，而佢灼得岩岩好，唔會太韌，食落好爽口，作為店鋪推介的確唔錯👍🏻而水餃亦似係自己包既，足料同餡料算新鮮，唔似係雪藏得好勁既水餃，食落有驚喜👍🏻而陳皮魚蛋就正正常常。總結呢間店舖既野食好多都係自家製，感受到佢地店舖對食物質素既堅持，畢竟外面買製成品係方便同平好多的。雖然佢既價錢稍稍比同區既貴小小，但質素方面實在對得起呢個價錢👍🏻值得去試吓👍🏻👍🏻👍🏻

牛筋牛腩牛肚瀨粉 $57 牛筋炆得唔夠耐、唔夠入味🙊膠質未有釋放出黎屬於較有咬口既質地🧐 牛腩 唔會好韌 肉質軟淋 正常水平👌🏻 牛肚 三者中算最為入味🥇有咬口得黎又唔會太韌好難嚼👍🏻 瀨粉🍲每條瀨粉既形狀、大細、粗幼都唔一樣 睇得出係人手整既 食落口感有少少似硬身啲既銀針粉 但米味🍚就唔太突出香港好少有瀨粉食，所以都幾有新鮮感🤪  黃沙豬潤、白灼鵝腸瀨粉 $48 豬潤 有四塊 大細適中、唔算厚切 煮既時間啱啱好⌛️保留到爽脆而不失嫩滑既口感 無腥味👌🏻一定要快啲食，浸耐左湯就無咁好食啦💡 白灼鵝腸 處理得十分乾淨 鵝腸入面一啲肥膏都無👏🏻可以好放心咁食 鵝腸質地爽脆 唔錯😇 整體而言， 配料份量大方味道唔差😋食材處理乾淨瀨粉係香港比較少見✅可以轉下口味 經過都可以一試🍽

今日放假，去深水埗拎網購貨品，兼且買少少日用品☺️🎈心情咁好，梗係要去探下老朋友啦😂呢間瀨粉店，大大話話都食過10次以上，今次就的起心肝記錄一下💁🏻‍♀️我食過一次佢嘅瀨粉，覺得唔係太啱自己，之後都係食返米線😂中意食呢間店嘅原因有3個：1️⃣其一係佢個豬骨湯底幾好味，清得嚟，食完又唔會好口渴💜2️⃣其二就係我好中意佢個魚肉春卷💜堅好味3️⃣配埋紫菜，我覺得係perfect lunch ah!!下次都會再encore☺️

福榮街作為深水埗嘅食街，行過未必會發現依家唔係咁起眼嘅江南瀨粉，但係當附近都食勻曬，今次就行咗入去試下。唔知算唔算標題黨，我覺得入面嘅瀨粉呢其實就麻麻地，第一次試呢就叫咗招牌嘅瀨粉，入面都唔少配菜。 要揀最好食嗰幾樣呢，就係入面嘅水餃同埋豬潤呀，豬潤我覺得仲好食嗰附近好鬼出名嗰間。水餃呢我之後屋企打邊爐有時都會買生料返嚟， 所以如果想試呢我覺得叫我呢兩樣餸就ok。依度亦都提供咗唔同內臟，鍾意食嘅朋友應該會鍾意。環境嗰啲就普普通通㗎啦，始終深水埗，最緊要都係食物平靚正啫。😂

江南以自己做的瀬粉为卖点，电子传媒也介绍过。除了一小部分是饭类，餐单上都是各式各样的濑粉。从斋濑至各种不同的配料，一般都可以40元左右落楼。考虑了一下，除了濑粉，还点了一些小吃。卤水猪大肠带点肥膏，能吃到大肠脂肪的香味，配合卤水汁，咸度适中。皮蛋豆腐属冷吃，带点微辣，汁液令豆腐添加了味道，上桌一下子就全部吃光。自己点的汤濑粉加了贡丸和柱候牛腩，令本来味淡的濑粉更有味道。濑粉比一般的粗身，带点韧度，跟汤一起吃会令口感更丰富。店的价钱不贵，吃完一大碗濑粉已经足够饱了。

原本去深水埗想食車仔麪，但人太多都系放棄。見到呢間瀨粉，感覺有啲特別，決定試下。瀨粉食落口感唔錯，雖然唔係Q彈嗰種，但咬落有啲爽口，OK。點咗酸辣湯底，加兩蚊，個人口味酸辣都唔夠，亦唔夠香，失望。配料麻麻，丸類死實實，肥牛乾，腐竹硬，腩肉太碎，水餃一般，只有魚角OK。另外點咗炸雲吞，真係全餐亮點，熱辣辣，炸得鬆脆，蝦味鮮甜，高分。原本全餐整體OK，可惜係短髮店員落單嗰陣，無啦啦加樽50蚊既辣椒油，問佢仲串串貢，發現自己落錯單仲話high到啫，OK，我當妳真係唔小心，但一句唔好意思都無，全無歉意，呢個環境仲咁態度，令人失望。

去開深水埗，今次試book mark咗好耐嘅瀨粉。同我地平日嘅燒鵝瀨唔同，呢隻瀬粉粗身啲硬啲。不過個人就不太欣賞，覺得硬得濟，如果可以整得滑溜啲輕身啲會更好。清清試咗魚肉春卷同豬手做餸配料質素竟然都唔錯！另外叫左份韮菜豬紅同鳳爪，份豬紅好大份，早知唔駛叫咁多啦！不過份鳳爪竟然係凍的。凍食唔係唔得，不過同期望有少少出入，如果熱食同再淋啲會更好。一讚嘅係呢度真係幾平、又大份，其實唔食瀨粉仲有好多野揀，又一地茂之選。

江南瀨粉📍.深水埗一帶多野食就係人都知架啦 早期行經附近見到間標榜日日鮮製瀨粉麵店🍜幾吸引 就即刻入去試試.🤤大大碗鮮製瀨粉（$49）份量都真係幾大碗有足四小碗既份量 兩個女仔share黎食都岩岩好👭配料有豬膶 墨丸 牛丸 水餃等13樣配菜雖然樣樣得一件 但質素都唔錯🐷豬膶爽口 🥟餃子厚實 丸類彈牙瀨粉好滑 而且因為人手造既關係 所以粗幼不一比較有口感 襯埋鮮甜既湯底味道唔錯👍🏻.🍠香酥地瓜條（$18）地瓜香甜 炸得香脆 而且炸粉都唔算厚 份量都幾多 性價比高.🥚皮蛋豆腐（$23）豆腐滑溜加上皮蛋同過癮既麻辣汁 好味😋.總括嚟講 整體質素ok 而且價錢相宜性價比高 值得一試💁🏻‍♀️.人均消費：$48美味指數：😋😋😋😋😋😋😋（7.5/10）抵食指數：💰💰💰💰💰💰💰 （8.5/10）打卡指數：📷📷📷📷📷📷📷（7.5/10）.店名：江南瀨粉 (深水埗)地址：深水埗福榮街108號地下

第20次寫食評一個人在深水埗搵食，又唔想食飯，於是去了“江南“食粉。睇完餐牌，決定叫碗【牛腩牛筋瀨粉】：瀨粉有米香味道，牛腩夠稔夠入味，至於牛筋，都幾彈牙爽口，一句講曬，味道好，價錢合理。

又係自己一個人食晚飯，唔想食太多，揾到依一間麵店。我點了紫菜鯪魚球薯粉，薯粉煙煙韌韌，分量大，好大塊紫菜，大大粒鯪魚球，真材實料, 好彈牙，好好味! 湯嘅配料有花生，蔥，芝麻，提升左香味。大家快d黎試吓。

瀨粉相信好多人都應該有食過，係我印象中既瀨粉係透明色嘅，但呢間瀨粉店就主打手工瀨粉。叫咗韭菜豬紅同貢丸鵝腸瀨粉。韭菜豬紅 ($23) : 超大碗之剩價錢重好平，不過味道就普通咗少少。貢丸鵝腸瀨粉 ($42) : 叫咗酸辣湯底，不過味道唔夠濃郁 ; 貢丸就無咩特別普普通通，而鵝腸自己平時食開果啲都係爽口既，呢到啲鵝腸食落粉粉地有啲唔慣，而手工瀨粉原來係純白色既，食落有點似烏冬既感覺，不過自己比較喜歡食燒鵝瀨粉嗰隻透明瀨粉多啲。😝

既然寫得咁有地方特色，就一於試下乜嘢叫做江南瀨粉，牆上寫咗十大必食推介（車仔餸），決定試一試鳳城水餃。店內兩部電視機，不停重複又重複，洗腦式重播電視分零鐘訪問，雖然糖妹等不停叫好味好味，好爽口，但係見到白瀨晒嘅鵝腸豬手⋯ 唔係好想試。首先講瀨粉，望上去似烏冬，合埋隻眼食第一啖都似烏冬，友人說質地較為鞋身，口感冇烏冬咁滑。望上去個瀨粉面底份量好少，食落都飽肚。整個感覺都係味道較濃，麻辣小辣加兩蚊，味道尚可。鳳城水餃好大隻飽滿，有三隻，滿足。有人讚賞泰式魚餅，我相信是現成急凍的。面底$24，湯底加$2，車仔餸價錢較貴，叫兩三個餸都$50⋯ 跟餐豆漿加$5，平均消費$50-60

深水埗不嬲都好多美食，今次就去一試我最鐘意食既瀨粉。受疫情影響，入到去舖頭唔算多人，大家都可以隔得好開坐。牛腩牛筋瀨粉($44)一入去當然即刻叫佢最馳名嘅瀨粉啦。呢度嘅瀨粉每一條都好粗，但係又可以咬開喎，可惜佢唔係我食過最煙韌彈牙。至於牛腩同牛筋就不過不失。如果你都係瀨粉粉，我仍然覺得值得一試酥炸蝦卷($28)佢嘅下佢令我有喜出望外嘅感覺。啱啱炸好出嚟，出邊層腐皮好薄，炸得好香口同脆，入邊餡料亦都好足，仲見到有蝦，真材實料

今次係深水埗咁岩食到一間粉麵，叫左佢個瀨粉，問有咩好推介，姐姐話好佢地既豬潤都幾好味，咁就加餸加左個豬潤，一食又真係幾好味喎，食到有D停唔到口因為我唔係好想食辣，所以叫左清湯，但佢清湯都有唔少韭菜芝麻調味，所以清湯一D都唔單調，反而幾好味另外仲叫左炸墨魚餅，炸得幾好食，唔錯，唔會好粉，幾彈牙，配埋泰式甜酸醬幾好食最後叫多杯凍檸茶就Perfect，凍檸茶甜度剛好，茶味夠香，好飲我6點幾黎到冇咩人，但開始食食下7點左右就開始多人，如果想食記得要預定多少少時間