江記

营业中

休息中

因為我地遲去, 所以好快有位. 食lunch既時候大概2點幾時去到. 想食既賣晒....一一''呢度出名既係炸菜肉絲麵, 但最後一碗剛賣左比坐我地對面果個 ><咁就叫次要的. 我叫左蠔油鳯爪, 原汁牛腩雙拼. 都好唔錯! 鳯爪好入味, 牛腩都係, 但就唔太夠林. 最重要係個麵!! 我見住佢係真係有過冷河的, 所以麵質較爽口同彈牙. 但朋友仔叫既雲吞就好一般, 不建議...價錢相對黎講亦尚算便宜. 都是廿幾蚊. 希望下次早d去可以試到佢地既招牌炸菜肉絲啦 ><

牛腩靠淋又入味，炸菜肉絲就普通野,個上海麵又好鬼好食，又滑又彈牙，出色。搞到我食完個麵再加多個淨麵放落去再食。正呀。下次要再試試個雲吞先得。下午茶時段唔好去，佢地好似會收工。好彩我二點幾去到食埋最後一輪姐。

江記喺荃灣做了幾十年荃灣街坊應絕不陌生不過夏天怕熱嘅朋友千萬別去因為真的太太太熱喇(當然不怕熱嘅朋友例外),呢排涼咗我又可以去吃我最愛嘅絲蓉麵(炸菜肉絲雲吞麵)車爸爸我就介紹佢食牛腩麵一吃下他便大讚好味尤其D腩汁好夠味添,大家如喺就近不妨試試啦又平又正袈~

我就是這樣的一個人..很喜歡於特別階段給自己一些計劃完成..好讓自己將來有更多回憶..由細到大我都是易肥的那批..所以即使貪吃都不可/不敢四圍吃得太過份..不過趁現在大肚就可以拎正牌去吃了..雖然仍然是怕肥..但為了bb健康..現在絕不能節食..既然是這樣..我決定就好好把握這時期去做些事情..一於努力地捐窿捐隙搵食啦..爺爺嫲嫲住福來邨..由細到大我都經常出沒在荃灣的..小時候姑姐很喜歡帶我到香車街街市樓上吃早餐..但坦白..那些食物的味道真的完全忘記了..但那裡懷舊的風味..至今仍然記著..長大後姑姐仍常說..'江記'的雪菜肉絲米加爪是超級好味的..不過只有閒時可吃到..假日一定要早上才有機會吃..um..我本住粉嶺..實在很難特登放假早點起身到荃灣吃吧..所以一直都在拖..為食的人真的可為食而計劃很多..哈..趁閒日要去健康院產檢..難得十二點左右已完成..hee^^正岩我搭車過去吃了..一點多到達..可能始終天氣熱啦..所以即使是午飯時間都沒太多人..沿著第一間開始搵..好快就搵到'江記'了..(其實沿途看見其他人在吃車仔撈麵..我都很有興趣..不過今次是有目標而來的..一定要

繼續在香車街開飯,今次從二樓其中一家上海麵開始,這層食肆比樓上更熱鬧選擇也更多,這家上海麵真如小時候在荃灣大排檔的模樣,坐在煮麵爐前看著,很有那些年的回憶味道。由一位如上海阿姐掌廚的麵檔蒸氣氤氳,手寫餐牌只有雲吞、牛腩、鳳爪、榨菜肉絲、上海鹹菜、菜心的幾款配搭,現今的食肆大多以款式多多,總有一款適合你口味的多元化組合為賣點,這裡的寥寥幾款也真較少有,就算有選擇困難症在這裡也不會出問題。 自己選了有肉有菜的雲吞菜心麵($24),看到阿姐先將大盤麵條過冷河後備用,到客人點菜後再煮熱麵條,只是麵條已準備妥當,但等候時間好像較一般稍長唷。嬌俏粉紅色湯碗裡的上海麵看來很不錯,湯底偏輕淡沒有加太重味道,一坨鹹度剛好的香香雪菜為湯底加添鹹味,吃來即時沒有那麼清淡了;已過冷河的上海幼麵偏軟一點,被湯稍浸後更為軟身,相信彈牙一些一定好吃得多。上海雲吞是皮比餡多的較小型尺寸,白色雲吞皮軟趴趴的稍稍爆開,因而看到這枚笑口雲吞裡是比例平均的菜肉餡,調味輕輕的肉餡份量少少的,吃罷也沒那麼膩滯。 雲吞不算出色,不過菜心粗身笑口反而是最好吃的,燙得軟硬剛好還有菜甜,跟早前在同場浩昇小廚吃到的都是用上質佳的菜心。以為

爸爸媽媽是於福來邨大的...由認識到結婚,到有家庭再有了我...雖然爸媽搬走了,其他親戚也事業有成...越搬越遠,但因每星期回去探嫲嫲的關係...江記是每星期都必去的麵檔...!細個時已覺得好得意..細細街市的街市第二,三層盡昰食檔...好似入咗秘密基地咁!因為是在邨的街市樓上,記得爸媽不時在婚後回來吃麵也會碰上街坊....那種人情味,同一屋邨下的感覺真的會為江記帶來一種溫暖的熟悉感....現在很多餐廳的味道很好,但客人都是消費心態,餐廳更只屬生意....可惜二十多年話短唔短...老人家當然已離世了,親戚相聚也少了......現在只有生病時,回荃灣去看醫生時才會順路去江記....重溫孩童時的點滴....雖然現在只有自己,但仍然是開心的 反倒江記沒有什麼大變...仍然是那些熟悉的臉!仍然是在旁邊的另一食檔叫飲品...哈哈....你可以和朋友一起坐在江記的抬,你點江記靚麵,朋友點旁邊食檔的美食亦無任歡迎!就是喜愛這種毫無束縛的用餐感覺!不好意思不知不覺間說了很多往事!現在說回食物質素!江記出名凰爪和牛腩! 本人不吃凰爪,所以點了雪菜肉絲牛腩麵!雪菜爽口,牛腩入味 !但本人一直喜歡是其麵質!

**原來上一述餐廳食評已在一年前！**大商場裡的食肆大部分都是連鎖食店，是的，大商場租金高，小本生意難以經營，所以我們走遠一點，來到街市的熟食中心，找尋本地食店。中午時分開店的食肆不多，有吃茶餐的食店，看似不錯，但我們最後選了江記，吃上海麵。天氣很熱，在這個沒有冷氣的地方吃午飯並非我等八、九十後的”家常便飯”，所以我們也要選個有強大風扇吹著的位置，舒緩一下”熱氣”。食物方面貴精不貴多，這裡的選擇比較少，以牛腩、鳳爪為最著名。MP就要客牛腩麵，小妹則來客雲吞米粉。這裡吃的是上海麵，雪白的，很有彈性，我認為比我們廣東的竹升麵更吸引。牛腩每塊都很齊整，軟靭適中，份量也剛好，不錯。而小妹的雲吞也十分正宗，皮薄餡細，內餡亦肉多菜少，很滋味。期間有熟客來到，但對著大風扇的座位已滿，店方經常詢問他們會否太熱，然後一有空位就給他們調位，這就是小店的人情味，在別的未必找到。

呢間上海面, 由細食到大, 我最鐘意食既就係佢地果d牛腩同鳳爪. 去第二度食根本食唔到江記既水準.佢d牛腩切片上, 入曬味, 食落去唔會痴牙同一大舊咁, 牛腩汁好香, 而d鳳爪, 佢地好似係蠔汁蚊出黎. 唔似出面所謂既上海鋪果d毫無味道又無色水. 佢果d鳳爪好林, d蠔汁既色入曬落去隻鳳爪果度, 深啡色 一食落去. d骨好同d肉好容易分開, 唔會咬得好辛苦. 超掂. (出面真係未見過有佢呢種既整法)重有添bor..你重可以回復n年前咁樣. 係隔離鋪叫支支裝汽水去江記果度飲, 又或者相反, 係隔離鋪食其他野既同時, 又可以叫碗江記面食係隔離鋪果度食. 只要食完, 記得拎個碗去江記果度就攪掂架la... 呢d情況, 好耐之前, 係呢d地方食野先至會見到, 原來家下重有架. 好warm既感覺呀. 另外, 我好鐘意食佢地d河粉同面, 你係張台果度望過去, 佢地d面/粉等等, 係會過泠河架. 好open架. 過左泠河既粉面, 食落去會彈口d架. 出而又係食唔到. 所以, 學呢度既食家話齋, 住到老遠都要黎食返佢. 真係無錯架.有時, 我會係度諗, 呢d街市食鋪, 真係買少見少架la. 最重

可能由細食到大既關係, 那怕路程有多遙遠, 總是千里迢迢尋回那種味道! 江記多年只有數款麵, 但味道卻是獨一無二, 係外面食唔到! 佢主要提供以下餸菜:1.炸菜肉絲 – 推介! 味道唔會好似出邊咁咸, 甜甜地.2.雪菜3.雞腳 – 人氣! 好入味, 雖然江記位於街市環境衛生較差，但店主好講夠, 所有腳甲必定切除4.菜5.牛腩6.雲吞每碗10幾至20元, 平平地不過近年,份量少了可能要吃加大先夠!江記差不係我每星期必去既地方

呢間野開左30年以上.... 不過..... 佢唔係正式既上海麵, 上海麵係"白麵"~食江記.... 係主打食鳳爪~ 牛腩都可以既, 真係新鮮牛腩開既.... 不過, 就幾十年都係咁既味~無加多又無減小, 由佢地既媽媽始祖開檔到現時佢個仔煮料... 都係一樣既味道~ keep 得好好~ 反而雲吞就.... 食陣皮好啦, 粒肉太粗~ 記得呢種麵, 係以前既'葵涌'新區有得食之外, 現時好似係得番佢呢一檔煮... 以前... 十五, 六年前... 佢前面有檔叫"福來", 果位肥伯伯, 街坊都叫佢做"大俑伯", 因為, 佢上麵時都無叫做"大俑"...... 佢先至係真正既"上海麵"神~ 煮出黎既上海麵, 全部都過冷河, 再加熱上碗, 夾上黎一升起陣陣既麵條味... 再加上清湯底..... 半肥瘦既豬肉雲吞..... 一切已成"回憶"~ 現時'福來'既主理人, 3成都不及當年肥伯伯~ 所以, 呢到只得番"江記"呢一間, keep 到 三十幾年既味道...... 個幾位乜食神, 成日都講keep 番個味.... 江記就真係keep 到啦~ 如果唔係'每個星期日' 上去睇下, 已經搬走左既荃灣人,

今日買左兩碗外賣一個大牛腩麵 $19一個鳳爪雲吞麵 $22牛腩一d都唔特別仲有d似五香肉丁味最慘係食牛腩麵係無雪菜配料份量不足食晒d麵鳳爪同雲吞都唔錯仲要雪菜咸香味一流不過唔係老闆娘米線未開唔會黎呢度買

呢檔由細食到大,直到目前為止都未食過好食過佢既上海麵,唔係講笑.最好食係佢d鹹菜,炸菜肉絲同雲吞,鳳爪亦好多人食,不過我未試過.不過環境真係差勁,如果夏天真係熱到死,冬天又會凍到僵.另外,可能人多關係,成日都無人招呼,同埋要等好耐先食到,有時要15分鐘先有得食,份量方面就一般,細個時食好多ga,不過呢家好似越來越細碗咁,老老實實,d上海麵幾多錢斤吖,唔駛咁孤寒啦

這間麪檔已經有三十年以上歷史，由細幫襯到大，最正係佢地自家製造o既咸菜及鳳爪，而上海麪亦煮得很爽，可以一試．如果夏天去幫襯就比較辛苦，因為冇冷氣．