沙田強記雞粥 (已結業)

收工後跟女友去了吃乳鴿雞粥！八時多到逹大圍，見到成條街都坐滿顧客，幸好也有位！坐下叫了乳鴿、雞粥、炒麵、豬紅！雞粥：很不錯，粥底好滑！炒麵：一般，因為唔太熱！豬紅：普通，味好濃，但太咸啦！乳鴿：好正，好好味，皮又脆！唔好既地方：我坐左係門口的風口位，好快D餸就凍哂啦，所以乳鴿一到就要快快地吃！

呢排唔知點解食粥食到上哂癮餐餐都好想食粥經過大圍,聽聞附近有雞粥食,一於試試及第粥,牛肉粥就食得多,雞粥都係第一次同友人一人一碗雞粥 $25@再叫多碟椒鹽鮮魷 $55雞粥;初初以為係雞絲啦點知原來係一舊舊雞囉好誇張d粥唔係太綿,不過就好鮮味可惜愈食愈淡椒鹽鮮魷,呢個無得彈鮮魷好新鮮,炸粉少!一個字「正」食到lam lam利!!

四個人，叫左雞粥，韮菜豬紅，椒鹽九肚魚，蠔餅，榣柱炒豆苗。招牌雞粥，果然係招牌貨，粥好有雞o既甜味，啖啖精華早已滲入熱熱o既粥裡面，叫人忍住熱都要大啖食... 唔好以為粥裡面Ｄ雞肉冇咩味，反而好有雞味呢 雞肉應該係後下o既~~好大窩，一人食左幾碗...蠔餅，激讚！平時食Ｄ蠔餅，多數都係煎蠔餅，佢地呢個係炸蠔餅，個樣好似KFC炸雞咁一件件，炸到好乾身，冇咩油，外面好香好脆，裡面Ｄ蠔嫩滑又大粒，好有鮮蠔味！一客蠔餅超大份，四個人都食唔晒，過足口癮！椒鹽九肚魚，很有水準，外面乾，裡面滑，好食！榣柱炒豆苗，不錯。韮菜豬紅，我唔係好識食，不過其他三友人都話好食。四個人，食唔晒，食到反晒艇，超級滿足，埋單竟然只雖＄３０３，真係抵到震！

相比在同一區，走中高檔路線的「萃華」相比，這一間大眾化的「強記」，儘管仍然以雞粥、豆腐和乳鴿作招徠，其食物水準明顯比了下去，雖然價錢確是合理得多。幸好今餐是人家請的，也及時已經取到檯，因為在晚飯時段，已有不少等候的walk-in客人。例牌會叫的乳鴿和雞粥，前者的肉質還嫩，也有肉汁，可惜香脆程度不夠，焦鹽和 0急 汁也欠奉供應。後者粥底算綿，卻是明顯的「粥肉分離」，弄不出融和一體的味道。中式牛柳還算有鑊氣，但牛柳肉和和鬆肉粉過於「親近」，肉類原味走得七七八八，沙律明蝦球大大隻，雖然爽口，略嫌沙律醬汁過於重手。反而一道名「八珍扒豆腐」的懷舊菜，用上豬肝、生腸、魷魚、肉片.............炒熟後打個芡汁，鋪在油豆腐上，有沒有八樣東西不是大問題，近年多吃內臟，這個菜式，其簡單得來又惹味，倒很適合當晚的口味。埋單每人約五十元上下，今時今日，算是很平宜的了，有沒有下次，隨緣吧 !

因為朋友由美國返來香港，決定帶她去吃吃香港小炒~星期日六點幾去到，店內都已經7成滿~心想應該都幾好呱??叫了雞粥、避風塘炒蜆、椒鹽吊筒同椒鹽中蝦，食物都幾有好味~本想叫田螺、花螺果d就冇貨~

这间菜館我已去個3,4次,之前都不錯,鹞粥.炒面.乳钨都好正,但上星期五去吃的食物好差,要俾喊面.我们6人叫了:大窩雞粥:好吃,雞好滑好入味豉椒炒蜆:好差,完全不熱,啲蜆係pouch完再加啲warm的sauce上去,我们6人吃了少少便放棄,隔離table有同樣情況,so we decided to complain.我们和老闆娘說了2-3次她都好忙地沒有回應我们,之后才停下,拿走碟蜆話会取消呢碟.我们当然不太滿意她的態度,因為我们本來打算不出聲,但發現其他table也complain,我们才出聲,卻換來不友善的態度西汁牛仔骨k乳鸽x2:普通,比以前失色炒小白菜涼瓜煮魚:老闆娘的介紹,忘記了是什麼魚,but幾好吃,costs$70豉油王炒米:还是炒面好吃些呢度價錢好平(約$460,不計炒蜆),但水準及服務下降,看來暫時不会再重來,有点失望*_*

和女朋友二人晚膳四送: 蟹粥,九肚魚,亳餅,沙拉骨蟹粥鮮甜多榚,好味, 其他一般,亳餅多了點粉本身考慮下次同朋友黎試其他菜,但某服務員令我卻步賣單時見單數二百左右, 我覺得奇怪下問服務員點解, 因我照recipe計過百幾左右之ma. 她不友善地數出那四款送價錢,好像我不應該問甘. 跟住我發覺蟹粥價同recipe上有出入, 我同她講點解唔早講聲, 他即話海鮮價係甘! 所以大家要小心, 我認為海鮮價變係無所謂,係應該,但係recipe上要update番，或者落單前服務員應講聲，唔係搞到好似欺騙甘！其次係服務員manner..

招牌雞粥好有雞味...叫完一碗,忍唔住黎多碗!!!!!蠔餅炸很好香..又大大份!!!!乳鴿也不錯...美中不足是水蟹真的麻麻...

招牌雞粥勁入味，田螺啲汁好好味，同埋啲田螺每粒都ok大粒。最抵讚既南乳炸鱔片，外脆內滑，不過味道唔咁算濃。

難得星期日同小公主係沙田UA睇完戲，梗係唔好浪費左食好野既大好機會。唔想起到咁遠，就地諗下有咩好食，腦海裡面不其言浮起『沙田雞粥』呢樣野，由細聽到大，但就真係未食過，一於去食下。間野位於大圍一條小街巷。本身打算就咁食雞粥同叫隻乳鴿，點知去到見仲有好多野揀，仲要係岩哂我倆口味的大排檔野。決定唔理咁多叫叫叫，食餐飽既。紅燒乳鴿。呢一味係成晚最好既，本身我唔係好鍾意紅燒，會叫豉油王，因為我食好多間都會燒到乾哂，點知呢間真係造得不錯，皮香脆而不會好似燒乾隻鴿咁，仍然保留到嫩口肉質，由隻鴿個腳莖位可以見到佢燒到岩岩好。雞粥。沒有怎樣失望。好有米香，有雞帶出的咸味係裡面，但雞肉仍然唔『孩』，我同公主都相信係後加既，應該係先用雞骨及雞肋滾左先，味道溫和，好味道!豉椒炒聖子。同真正大排檔火噴噴炒出黎的略為少了一點火氣，有點住家感覺，可以改善，唯汁的味道及聖子肉質都算不錯，下一次試下蒸既可能會比較出色。沙拉骨。用了千島醬而不是平日的白沙律醬，我個人會覺得味道有點不太配合，酸的味道不太自然，而且較為過了點火喉，肉太乾。總括而言，招牌的菜式始終有功架，其他的可以一吃，但不及專門的大排檔好。價錢都唔算貴。

上星期日晚上約7點鐘去o左食雞粥, 一去到幸好就有位, 4個人叫o左:1) 雞粥: 正, d雞煲到好林, 唔洗點咬, d骨同d肉已經分開o左.2) 乳鴿: ok啦, d皮唔係好夠脆, d肉有少少乾, 唔似有d乳鴿咁, 一咬d肉就有汁流出黎.3) 椒鹽鮮魷: 正, d鮮魷唔會好硬同好難咬.4) 蒜蓉炒豆苗: 唔錯, 蒜蓉味夠.5) 沙薑雞腳: 雞腳煮得好林, 加埋沙薑上面, good!6) 辣酒煮螺: 辣味同酒味調教得好平衡, 唔會只個辣字, 或唔會只d酒味, 而且d酒都好好味, 哈哈~有少少失望係當晚冇炒蜆食, 留待下次.

日期:29/07/2007 時間:19:30pm本人連同太太及朋友一行三人到達大圍強記雞粥乳鴿,等了大約20分鐘先有位,我們叫了:.現我本人食評如下:{雞粥,毫仔粥,椒鹽雞軟骨,沙拉骨}不過不失ok啦.不過果個{豉油王抄河}真的好味,干身小油直得推介..