沙田強記雞粥 (已結業)

假日去強記，一定要早！好彩同男友六點半去到，都要坐響街邊既枱；過多十五分鐘，排左成十幾人等位~~~雖然人多，但阿姐好快手，樣樣都想食，加上要向男友"陪罪＂，哈哈，兩口子叫左六樣野:1&2）蛇羹加糯米飯套餐- 天氣得果十一度，新界仲要低幾度，此套餐簡直係冬日孖寶：）阿姐話係自己廚師起肉，湯底用番浸蛇既水做，但我同男友都覺得蛇肉略小，而且無薄脆同菊花，同一d賣蛇既老舖相比可說相差甚遠。糯米飯卻有驚喜，香軟及糯。此套餐盛為八十大元，建議可散叫單叫糯米飯3）鼓油王炒麵-夠鑊氣，最愛芽菜蔥段下得夠多，記得叫阿姐俾埋辣椒醬同甜醬更惹味4）鼓椒炒蟶子- 味道正正常常，但size好似比上次食細左小小5）椒鹽九肚魚- 啖啖肉食得過6）瑤柱扒豆苗- 時令豆苗，推介<7) 蒜蓉開邊蒸蝦- 落單後阿姐話廚房既蝦唔夠，下次再叫過啦>好飽呀，男朋友仔笑返啦，哈哈~~ 好飽好飽打包炒麵同豆苗返公司第二日做lunch~~~~

假日去強記，一定要早！好彩同男友六點半去到，都要坐響街邊既枱；過多十五分鐘，排左成十幾人等位~~~雖然人多，但阿姐好快手，樣樣都想食，加上要向男友"陪罪＂，哈哈，兩口子叫左六樣野:1&2）蛇羹加糯米飯套餐- 天氣得果十一﹑二度，新界仲要低幾度，此套餐簡直係冬日孖寶：）阿姐話係自己廚師起肉，湯底用番浸蛇既水做，但我同男友都覺得蛇肉略小，而且無薄脆同菊花，同一d賣蛇既老舖相比可說相差甚遠。糯米飯卻有驚喜，香軟及糯。此套餐盛為八十大元，建議可散叫單叫糯米飯3）鼓油王炒麵- 夠鑊氣，最愛芽菜蔥段下得夠多，記得叫阿姐俾埋辣椒醬同甜醬更惹味4）鼓椒炒蟶子- 味道正正常常，但size好似比上次食細左小小5）椒鹽九肚魚- 啖啖肉食得過6）瑤柱扒豆苗- 時令豆苗，推介<7) 蒜蓉開邊蒸蝦- 落單後阿姐話廚房既蝦唔夠，下次再叫過啦>好飽呀，打包炒麵同豆苗返公司做lunch~~~~

今日cousin幫我手車D嘢入沙田，指名話夜晚要食雞粥，咁就去咗強記....哇...好難搵位拍車呀，兜咗成15分鐘先有車位....喺強記門口見到"譚校長", 不過佢話唔好影相喎.... haha等咗十分鐘至有位，一行四人點咗1．雞粥-->碗2．蟹粥-->碗3．炸蠔仔餅4．乳鴿5．羊腩煲 (因為唔夠飽呀）雞粥味道一般. 蟹粥就好鮮味啦， 都好多膏下㗎。 乳鴿亦都OK.... 好入味蠔仔餅就好唔掂, 係炸得好脆，不過太多麪粉，以為佢好大碟，其實得好少蠔咋又係見佢promote緊羊腩煲, $168..... 足料，不過唔係黑草羊，味道争DD.....埋單 $458建議唔好叫炸蠔仔餅

今日踩完單車 喺大圍交車 已經六點半 知道lee度十幾年前好出名 細個成日嚟食 我都唔知有冇易個手 今日帶咗幾個朋友嚟試吓 算懷緬一吓啦 我哋入到嚟已經要坐樓上 都真係幾多人 由於時間尚早 我哋唔係好肚餓 淨係嗌咗兩隻乳鴿 兩碗雞粥 蒜茸白菜仔 豉椒炒蟶子 唔洗五分鐘就上咗蟶子同乳鴿 果然快得驚人 更可怕已經全場爆滿 連樓上都坐滿 我哋心諗好在上得嚟快 唔係冇得食 蟶子好新鮮同大隻 個豉椒汁都唔錯 乳鴿名不虛傳 值得推介 其後雞粥粥底好綿 好夠味 不愧為鎮店之寶 白菜仔都不錯 估唔到今時今日都仍然好味 但係價錢偏貴 好在好味撘夠 今餐食咗$283

正牌沙田強記雞粥離火車站都幾遠下, 基本上唔係咁易搵得到, 係唔係好食既店都鐘意開0係d 偏遠地區, 等人地千里迢迢行一排, 搵一排, 食落更加覺得特別好味既呢?!白灼螺 - 真係食新鮮螺肉味, 加埋d 甜辣醬, 好正呀!!焗魚腸 - 表面焗得好脆, 內面好軟, 魚腸蠻多, 好好味!!炸大腸 - 好脆身, 而且有一陣大腸應該有既味, 出面好多都洗到無晒果一陣味架啦!! 呢度係keep 住有果一陣大腸味, 鐘意食既朋友真係要試下!!雞粥既雞件真係好滑, 好有雞味, 粥底好綿, 煲得好靚!!

二年前去食過, 印象的食物都不錯, 剛剛的星期六和家人一起去食飯, 點知...實在令人大失所望. 蒜茸炒白菜只是一碟簡單的炒菜, 點解都可以唔好食, 為何白菜要用水煮了先再炒, 為求貪快和放便卻不理會食物的炒出來是否好食? 實在是差差差.煎蠔餅蠔仔全部用水煮過先再用粉煎, 完全失去了蠔仔的味道, 加上用蛋太少, 只感到食緊一舊舊的炸粉. 琵琶豆腐這個實在是離譜, 話明琵琶"豆腐", 食落去全是炸粉, 豆腐少而又少. 燒乳鴒和豉油皇乳鴒燒乳鴒唔夠脆, 豉油皇乳鴒甜的, 不夠味道. 椒鹽九肚魚這個都還可以, 不過太鹽.

難得去沙田大圍, 所以就試下它們出名的雞粥, 如果一大班人食仲好, 可以再食其他菜式~點了招牌雞粥 (雞很滑, 粥入面有雞的精華, 蟹粥(很鮮甜、很多膏), 份量也很多...正~~沙碢雲吞雞 - 好足料, 雲吞有很多隻, 湯味很清甜, 抵食之選~~

呢晚 2 老話想出街食, 目標亦已定!!可惜.....去到既時候目標店已 full, 一輪兜兜轉轉之後.......結果, 就求求其是是但咁走左入呢度~左揀揀右揀揀, menu 圖就碟碟都好似好正好靚~最後我地 order 左:- 炸軟殼蟹- 炸大腸- 上湯蘿蔔牛腩- 鹽水雞腳等左一陣大約 15 分鐘, 有野上枱!!先黎係炸大腸!!size 先唔講, 同個圖樣完全兩回事, 而且亦炸得唔夠火喉 =(之後係炸軟殼蟹!!分量還好, 食味亦可以, 可惜一望就知係翻炸, 唔係即炸 =(再黎就係上湯蘿蔔牛腩!!賣相 ok, 可惜我地落單有要求過要肥腩, 落單果個人都話寫低左, 點知黎到既係瘦腩 =(湯底味道唔錯的, 牛腩都可以....可惜蘿蔔完全無味, 蘿蔔本身唔甜之餘, 明顯係就咁用清水煮完之後放落去, 而唔係同個湯一齊煮... >"<最後就係鹽水雞腳!!雞腳都算幾大隻, 味道亦唔錯~全晚唯一覺得唔錯既只有呢樣....orz原來 2 老話呢間野, 我地好耐好耐之前 (我仲係細蚊仔既時候) 黎過一次...覺得麻麻, 所以一直無再黎過....點知.....今次再黎食, 感覺仲比以前.

經過大圍，老公提意去強記食雞粥。由火車站行大約十多分鐘，我們叫了一碗雞粥，一碗蠔仔粥及一碟油麥菜。雞粥冇味，買相亦不討好，因為強記雞粥之名而來，頗失望！蠔仔粥味道一般但唔熱，反而碟豆豉鯪魚油麥菜都唔錯。以店舖環境而言食物並不算價廉物美。

很耐沒食過粥所以來回味一次雞粥-碗粥冇雞味,大部份都是水,雞肉又不嫩,冇晒味道...而且份量很少,又細件...豉油皇乳鴿-乳鴿的肉質不算滑,細細隻不夠吃,豉油一般水平覺得很貴椒鹽鮮魷-炸得幾好,味道略鹹,皮有點脆炸蠔餅-炸到好乾身,唔好食,外層雖然鬆脆,但裡面的蠔味道不好

一行三人友人話想食粥、第一時間唸起N年前呢間舖...招牌粥全枱都係一句'稀'再來的一道是小妹叫鹵水乳鴨,我已預告問定除咗炸有冇'鹵水'?落單者一句話'有',好可惜換來的是老抽檔色兼加上麻油便算數之所謂'鹵水乳鸭 yuck!!雞粥'大'成恵$100.埋算約300多元“主意健康人士者、我想這款舊式炒法你們會被fail!”

今日同老公2個人去左"強記雞粥"度橕枱腳.門口招呼嗰個男人好唔掂, 佢問我地幾多個人, 我地話2個, 跟住佢話"上樓上la"! 老公見我大住個肚, 話唔想樓上得唔得, 佢竟然唔答我地(記住裡面係有幾張吉枱的), 跟住裡面有個侍應走出黎話"冇問題冇問題, 不過要撘枱", 好彩有個識做少少ge 女人, 如果唔係, 我1定調頭走!!叫左以下3樣食物:雞粥1窩: 冇咩特別! 只係d粥真係煲得好綿, 但唔夠味! 而且, 份量好少!! $100/窩, 只係分到8個碗仔! 2個人絕對可以K.O成窩美極蝦: 味道OK! 份量都OK! 不過, 隻蝦略為細隻蒜容西蘭花: 好夠鑊氣, 味道都好OK! 不過好多油!! 總括而言, 最好食GE唔係D雞粥, 而係小菜!! 個人覺得, 下次大家去食, 真係唔駛唔試雞粥~

好耐好耐無黎過強記, 今日特別同老爺奶奶同兩個小朋友黎試下..因為時間尚早, 所以唔駛等位, 門口仲有吉車位添..好彩唔駛行咁遠家鄉秘製田螺: 呢個千祈唔好叫..個汁OK, 但係D田螺真係唔掂紅燒乳鴿:我地四大兩小本來叫左兩隻, 但係小朋友好LIKE, 咁就後補多一隻, 熱辣辣好味!椒鹽九肚魚:都唔錯, 不過好似乾身左少少..果皮蒸泥鯭: 老爺話唔夠果皮香同埋D豉油甜左D喎...但整都算滿意..豉油皇炒面:好多芽菜, 但係我嫌佢炒得濕左少少..招牌雞粥:粥都算綿, 不過可以杰番D..D雞都算滑..可能睇過食評好多人彈, 所以預左唔係咁好食, 食落又唔覺太差..清炒菜心菜好甜下..有鑊氣..好味上菜速度算OK, 但係伙計好似COOL左D囉..

去到等位拿號碼等左半句鍾冇人叫去問個知客 佢啩住吹水 跟住同我地講話 叫錯又劃錯我地個號碼喎 信你都有味 即刻同佢講下一個要比反我地 好 算跟住入去坐低  話 d杯重有上手食靜d送 不過好再d野可以食

朋友生日一行七人到強記食大餐, 之前食過幾次都好好味, 但尋晚真係超失望1) 蟹粥 - 蟹唔新鮮好似飲水咁2) 雞粥 - 好似飲水咁3) 豉油皇炒麵 - 仲差過街邊買果的4) 椒鹽白飯魚 - 淨係得炸粉5) 沙羌雞腳 - ok6) 豉椒炒蜆 - 有五成係殼7) 上湯豆笛 - ok8) 清湯牛腩 - 一般9) 汽水七罐 埋單成$900, 真係以後都唔會再帮襯