泉章居 (已結業)

今天去試了 $1080 （6位）全包宴。燒味拼盤有义燒，帶點肥有咬口，燒鴨已起骨，啖啖肉，雲耳就冇試。蟹肉豆苗，這個好差，豆苗系灼熟同埋好老，蟹肉就冇乜，浄系得個好杰嘅汁系豆苗上面。海皇羮，份量超大，分到9碗左右，味道一般，冇乜特別。羊腩煲，羊腩得十粒八粒，冬菇得一兩粒，冬筍好老，個汁就完全冇味，完全吾知食緊羊腩煲，生菜另上份量好多。釀豆腐白菜仔，個豆腐不滑也不香，獻汁杰杰的，完全系快餐店兩餸飯貨色。粉絲蒸元貝，蒸得有點老同埋乾，味道正正常常。蒸班，時間剛剛好，肉質好滑，豉油調味適中，最好味的一道菜。鹽焗雞半隻，d肉好嫩好滑，保持到一貫水準。炒飯，炒得好有獲氣好乾身，但個人吾太喜歡有菜脯同花生系d飯入面。紫米露，吾太甜，杰杰地，還可以。個餐量就吾細，但個質就一般般啦，試過就算。

我今年生日晚飯，家人問我想吃什麼，我想起很久沒有吃鹽焗雞，所以話去泉章居。我們七個大人一個小朋友，叫了一個餐，侍應同我地講驚我們吃唔哂，事實上，我們吃完剛剛飽，多年沒有幫襯最好味都是鹽焗雞、梅菜扣肉，其餘都算可以埋單都係＄1000 ，抵食之選家庭聚餐之選。

昨午在參加完明愛賣物会後, 在此吃下午茶。此食肆最出名就是客家鹽焗鸡, 所以就叫了一個套餐和其它點心。此套餐包括一碗鸡飯, 一碟芥蘭、一碗佛手瓜猪肉湯。此鸡肉真是與別不同, 肉結实, 有很重的鸡味, 配上沙薑醬, 真是送飯一流。另外湯甜, 佛手瓜清爽, 猪肉甘香, 回味無窮。

星期五約了三位朋友去食飯，因為自己遲收工，叫佢哋食住等！一去到就有一碗熱辣辣的冬瓜盅，我們叫了，一隻鷄，西芹抄鮮菇，芥蘭帶子。鷄和西芹無乜驚喜，食物都好正常，但到傳菜員放下芥蘭帶子時我們問有沒有蠔油用來點帶子，她說轉頭拎比我哋，等了又等…都未見回來，便找來部長說要蠔油，哈哈哈哈…個部長非常風趣的同我們說，佢哋呢度係蠔油咁頭先個傳菜又話拎比我哋?部長聽到我哋咁講後至話入廚房幫你睇睇，佢又好嘢喎，轉頭就可以由無變有。直得一提係佢哋個冬瓜盅，非常抵食及好味，只需加$48就有一個，我哋每人起碼飲了四碗以上，而且用料足絕無偷工減料。到我哋食得七七八八但又未食曬的時候，剛才個部長就放下四碗綠豆沙，佢話比咗我哋先，怕一陣無曬，碗綠豆沙又出奇地好味，點知到我哋埋單時另一個，應該是經理的人又來了四碗紅豆沙，我的朋友無要到，我見又唔係太飽就試試啦！哈…這個紅豆沙就唔得喇！過甜又“杰”總之一個字“唔好食”。

晚餐一家人七人晚餐，叫左四人套餐，冬瓜忠，及小菜小菜冇wok 氣，林曬，冇樣好味雞很普通，完全水準低星期六上八時都未坐滿，原因很明顯比以為的水準，完全沒辦法接受，質素很低

由波斯富街食到銅鑼灣廣場...經過世代既轉變 服務同食物既質素都感覺上比以前差左唯一無變既系餐牌一到左佢會建議你叫全包宴套餐 但我都系鍾2散叫多d 點左個12人餐 加98$要冬瓜盅冬瓜盅足料 好味!! 鹽焗雞 上枱已經唔熱 但仍然唔錯蒸倉魚 對於12人黎講略嫌有點細加左18蚊隻既扇貝 抵食 大大隻 粉絲多 蒜味夠 最欣賞系佢個海参煲 好味

當日屋企冇煮飯,一家四口近近的落左銅鑼灣食中菜。爸爸想食鹽焗雞,於是就黎左泉章居簡單吃。4個人, 叫了個晚餐SET,包一煲湯和小菜, 魚湯米線是另外叫的(想試下) 米線: 話用魚湯底,的確是用真魚淆湯底,不過個人覺得有點腥。加上米線很快就泡林了。我諗喜歡吃魚的朋友會很喜愛這個魚湯米線~ 粟米石班塊:粟米汁是分開上的~咁就唔會整林D剛炸既班塊,幾好啊 至於D石班塊炸得好香,幾好味道。食到唔少魚肉,不會全部都係炸粉啊。 粟米羹: 不錯,沒太多味精的味道,清清地D粟米又幾甜。 鹽焗雞: 鹽味好夠~隻雞又夠滑, 有鮮雞味道。而且好大份呀。屋企人都話好好食!多到食唔晒打包左D返去。 梅菜扣肉:梅菜甜甜地唔老,扣肉也不會很肥,剛剛好。而且很野味呀!岩晒用黎送飯或送粥。一餐便飯,三送一湯都很好吃。跟家人吃了一餐簡單而滿足的便飯, 好開心 下次有機會想試埋其他小菜!

是日，國內的同事來了香港出差，中午說是他請客，要食粵菜。在銅鑼灣要食有少少特色的粵菜，又不要太貴或大多人，我突然想起客家菜，而當我想起客家菜，我的腦海就出現了《泉章居》這三個字，於是，我就拉大隊，一行三人，來到銅鑼灣廣場，帶北方人的同事品味香港的客家菜。說在香港食客家菜，老字號的《泉章居》及《醉瓊樓》就必定是人人口中所提及的名字。縱使，今時今日，他們已經不是坊間最好食的客家菜，更有人指其招牌的鹽焗雞早已經變成了鹽水雞。但，真的不可以否應，在香港，要開口說食客家菜，老老嫩嫩都識得《泉章居》。是日我們在位於銅鑼灣廣場一期七樓及八樓的店，七樓的格局是比較平民大眾化，中午也許就是主要招呼來食一人一碟飯的客人。八樓，也就是樓上的雅座，茶錢好似貴少少，但感覺就雅致好多，及沒那麼嘈雜。我們三人行，三個男，不打算想太多就叫一個三人份量的套餐。三個人，三個小菜，一個湯，一碟青菜。是日的例湯，是西洋菜湯，西洋菜，加南北杏，加蜜棗同瘦肉。飲得出的濃郁同老火味，飲得出沒有味精，飲得出不是狂加水的淡湯，不錯。我身為客家人，為了向北方人同事介紹一下客家的好味道，是日的三個菜都是很傳統同大路的東東。淡淡味道的，有這

視乎你認為食物重要還是服務更重要??在此午餐已經好多次了食物質素真心不錯但服務真的每次都感覺一般般由於今個月尾我的家人會在這裡擺大壽今晚就上想試菜一下確保晚上的質素我們原本預約了6:30但由於外面正落雨紛紛我們就5:45上了8樓打算早點晚餐門口接待職員話要稍等一下因為未擺好位我們眼見裡面只有幾檯客人店員也不太見到大概估計是落場時間所以未有人上班我們6大4小企的企坐的坐在門外的位置耐心等著已經過了6點,又有另一推客人來了(7-8人)上到來接待員同一番說話告知要稍等擺位那位客人己一邊入去一邊話佢一邊坐叫佢一邊擺咪得囉之後我們已經好奇怪,那檯客人坐低埋佢地都無安排我地可以入得再問佢係咪擺緊佢仲一直答擺緊咖喇我們眼見人地已經坐低左,其實已經落埋ORDER我地真的不耐煩了追問點解我地到先反而要等咁耐話擺位半個鐘都唔俾我地入去坐佢先斯斯然帶我地入內見到另一黑衫男店員係度慢慢擺緊筷子然后仲要開口話個接待做乜咁快放人入黎入到去先知,原來佢係一次過擺緊好多張檯即係擺晒碟再擺杯然後最後果PART就係我地見到佢擺緊筷子全部都係大檯唔怪得佢要擺半個鐘囉之後問佢地拎MEAU仲要好晦氣又叫我地等等一肚氣之下就算你

仲記得上一之食泉章居，已經係同家人慶祝入大學，屈指一算...都係唔重要既，黎到泉章居梗係食懷舊菜，但個套餐都好抵。個套餐八個餸加炒飯甜品，半席$1100,品評下啲餸先。XO花姿夠辣，而且彈牙，OKay,你知好多xo醬都係得啲色，無味。依個唔錯。個脆皮海鮮卷就唔得啦，係就係脆，但炸過龍，好似係馬來西亞黎甘黑媽媽，最好味係沙律醬。客家豆腐，個豆腐夠厚身，所以做個盒好好，佢地釀左豬肉，一般啦，唔覺得好陣牙，仲比較咸。沙巴龍躉就唔錯，新鮮蒸起夠大條，而且火候岩岩好，唔過熟，蒸大魚最怕過熟，甘就好可惜啦。依條魚起碼8分，好！鹽焗雞就直情抵讚，專登影比大家睇個皮幾肥，但啲似好滑。係就係唔夠咸，而且無咩雞味。但隻雞夠大，連胸肉都嫩滑。翅同拼盤無咩特別，都一般啦。係個翅腥左少少。最特別既懷舊菜，就專叫左兩樣，值得講多少少。個炸大腸—皮，其實真係塊皮，夠脆口，唔錯，不過要多人食先好。牛骨隧唔錯，佢炒三鮮有大草菇，春蛋同粟米仔，出其好味，骨隧滑一滑。講完野食講服務，一黎就比套餐同酒席餐牌，想散叫到落完單個阿姐先拿散叫餐牌出黎。個酒席分四人，八人同十二人套餐，我地7個人問左散叫，佢又好耐先有人應。仲有負責上

好耐無黎泉章居，質素低到嚇死人，除左招牌雞外，其他都嚴重退步，爭在多定少第一味鹽焗雞，85分，雞滑，軟，雞湯浸熟隻雞，令到雞好入味，點了鹽焗雞醬，十分好味小食，椒鹽豆腐，唔太覺椒鹽在乜，唔香，據我所知椒鹽豆腐有五香粉的，可惜一點也吃不出，淡味，55分第三味係沙爹粉c肥牛煲，由落單到上菜足足等了40分鐘，追完又追都未上菜，燥燥地，終於等到了，望落去已唔對路，色水唔得，食落淡過水，冇沙爹味，呢味餸超級業餘，40分比多因為叫餐，包湯，點了應節的湯，發財蠔豉湯，有蠔豉，都足料，不過不失，65分至於我最喜愛的炸鮮奶，都對版，可惜略咸，覺得以前好味d, 呢款係keep到水準，有70分最後送的紅豆沙，送既就算了，只係紅色有豆的蕃薯粉而已

泉章居，食過好多次了！ 掛住佢既時候，就會再返黎搵佢嘞！今次2個人選了4人套餐$448，因為貪佢有1羹3個餸，另外，因為我地大食，所以再加多一個餸。【鹽焗雞】次次黎食飯都一定唔少得佢，夠香、夠味、肉質嫰滑、食完又會再掛住佢，唔知落左乜野迷藥，成日都會想返黎搵隻雞！【菠蘿咕嚕肉】咕嚕肉夠脆，細細粒，好可愛，菠蘿和青瓜都偏酸了，但我個人鍾意，因為可以幫助消化，好味！【銀絲黃金蝦】雖然蝦隻唔算大，但咸蛋黃既蝦，係我最鍾意食，蝦殼炸得好脆口，鍾意既可以連蝦殼都食埋，太惹味了！黃金蝦係我第一次試食，原來係咁好味，我下次再幫襯時，一定會再食呢味餸，走唔甩！【脆皮炸大腸】唔知點解，層皮好似薄啲，而且好難，可能比較韌左些少，如果係好似街邊賣炸大腸既味道，咁就好嘞！佢比左甜酸醬點用，但我個人鍾意用黃芥辣點用囉！而且色素好似深左啲，有啲人見到咁紅色既大腸唔敢食，應該係淺橙色架嘛？【瑤柱海鮮羹】4款湯羹，最鍾意呢個，2個人，每人都食了3碗羹喔！好滿足呢！好多配料係入面，清清地，好好味呀！湯底偏淡，身體健康啲嘛！食唔晒，要打包，叫了2個盒，侍應話每個盒要$3，我當堂眼都突埋，我問佢，乜唔係1蚊一個盒咩？侍應

Chuen Cheung Kui is a very old Chinese restaurant, spanning three decades of service. Serving Hakka cuisine, it's not fancy. Just your basic Chinese restaurant. Menu all in Chinese and is in the form of a check off list.They have sets that are a serious bargain. For two mains and an appetizer, it all costs $178. If you order from these sets, 10% service charge and tea charge is waved. We decided to go with the sets as it was lunch time. The same menu is available for dinner but just costs a bit

家人預慶中秋，有長輩在場，退休人仕不願多花費，午餐小局由他建議，選了泉章居，因為午市套餐（下午5點半前）相比同樣的晚市套餐價錢更實惠。周六中午不滿座，亦有點心供應。也許大部分人口味，中午喜歡點心多於餸菜，自然不會想到泉章居。中午8人套餐$498 已包茶芥丶加一及服務費，切記不要加餸及點心，否則加番啲其他費用就無咁超值喇！長輩上次中招！8人餐可選6款小菜，包括鹽焗雞或霸皇雞，既是招牌，亦是最貴菜式，精明消費者懂得選擇；另外該點條魚，紅鮪應該貴過鯇魚；其他小菜價錢相若，可以任選。招牌鹽焗雞，加了大量薑蔥就是霸皇雞，份量十足，有鹽味但不算香，雞肉算滑，雞胸比較嚡口，不過不失。清蒸紅鮪，無過火，調味適中。東江釀豆腐，客家名菜，味道不錯。鎮冮骨，酸甜平衡，醃得入味。番薯苗，菜嫩汁豐。花膠海蔘煲，聽來名貴，但當然並非用上乘材料，但炆得腍亦入味。白飯6碗，$11/碗，賣單$564，6人局，$100有找，又真是超值！香港地，懂得找，可以接受的平靚正！

上星期六去了銅鑼灣血拚後, 來了這間已經好幾年沒有幫襯的泉章居吃午飯. 以往來吃飯都是在晚飯時間, 今次轉了在午飯時間來, 因為時間臨近下午茶時段, 所以食客不多, 不用等位, 還有卡位呢!午市除了可以點傳統餐牌食物外, 也推出午市套餐.由於泉章居的食物份量出名大, 我們三人選了個午市二人套餐 ($168). 這個餐包括兩個自選小菜, 灼菜一碟/點心一款. 小菜的選擇很多, 連較貴的鹽焗雞也有!鹽焗雞（例牌）雖然對上一次吃的印象是大不如前, 但始終此店是以鹽焗雞聞名, 所以仍舊點來吃, 希望有驚喜. 鹽焗雞雖然說是例牌, 但份量幾近半隻雞! 雞皮薄而爽身, 皮下脂肪不多; 雞肉一般嫩滑, 近胸位肉質較嚡口;  肉質帶丁點鹹味, 如果蘸沙薑粉同吃會味濃一點, 建議只蘸小量, 因為沙薑粉頗鹹!!灼豆苗平常多數吃炒菜心芥蘭之類, 豆苗反而較少吃. 豆苗的份量也多, 因為是灼的關係, 所以幾乎沒有油份; 豆苗不算老, 入口頗嫩, 不俗.中式牛柳又是一道只會在酒樓吃的小菜. 中式牛柳的份量一般, 伴有大量洋蔥. 牛柳部份偏韌, 但部份又很腍身! 雪藏牛肉, 味道方面不會有任何期望, 味道來源也是