泉記 (已結業)

12月27日, 因為呀菲食咗雪糕, 所以佢唔食晚飯, 咁我就揀咗食魚蛋粉, 近近地就黎到再興對面, 一間唔算顯眼嘅食店~::: 魚蛋河 ::: $21之前食過呢度, 雖然呀比本身唔太好魚蛋, 不過見佢地魚蛋話係馳名,就試一試~ 魚蛋同魚片果然係唔錯, 十分彈牙, 魚味十足~ 可惜湯底似清湯, 冇乜味, 但係油就偏多~ 令到本身淡味嘅河粉更清淡… 魚蛋係ok嘅, 都可以叫做好食~ 但係湯底就唔係我杯茶, 都係食過就算~

魚蛋雖然係好普通既食品, 但搵間整得好食既, 似乎又唔太易搵...幫襯左兩次泉記, 兩次都覺得好好,魚蛋夠彈, 鮮而不腥, 辣椒油香得黎, 又唔會過麻, 泉記值得推介, 我會繼續幫襯.

從這店在大牌檔時已經幫襯, 那時是不錯的, 味道傳統, 魚旦和牛腩都不差, 味精很多, 自從搬家到九龍之後, 已經很久沒有去.今天挑起條筋路經, 就算沒有甚麼quota也要重溫這店的味道.下午二時, 店內只有四五個客, 是普通的枱與摺橩的格局, 阿姐爛得閒, 脾氣不錯.叫了基本的牛腩撈麵, 三十一大元. 隨意一望, 眼見淥麵的大師傅真的是名副其實, 起碼有三百磅, 可是操作郤一點不慢, 五分鐘, 麵已上枱. 先前見他把麵弄好時, 用大鐡壳在油盤一"畢"然後淋在麵上, 當堂打個冷震. 在下一面食麵, 一面吃驚, 怕胆固醇爆燈. 不過想起當初如果去楊食記也一樣死, 因為那裡也是落豬油. 豬油似乎成了撈麵的靈魂, 現在外出飲食也顧不了這麼多了.說到賣相和份量, 事實也不差, 有一堆通菜在碟邊, 牛腩的份量不少, 有肉有筋, 是廣式的炆法. 味道不錯, 但偏瘦, 有些痴牙. 用原汁, 不加蠔油, 落了一大匙更辣椒油, 大辣味有香味, 不錯. 麵很爽, 不過很大梘水味. 今次真的飽了, 不能多試幾樣. 吃完便飲湯, 是味精水, 沒有評的必要.

此店價錢越來越貴,但食物品質一次不如一次,一年不如一年,而味精的使用就越來越嚴重,失敗!今次食完個紫菜魚蛋河$27和魚皮$13後,要不斷飲水解渴,看來,要在幫襯的飲食名單中剔除它了!

同朋友黎食粉麵. 試下佢d 辣椒油對上o個次食係上年暑假. 個記憶就係佢d 辣椒油辣到hihi今次又叫一個魚蛋粉黎試下, $21, 價錢尚可但係一罐汽水/ 一杯豆漿要$8, 真係搶錢. 所以唔好落咁多辣椒油魚蛋粉有3粒魚蛋同3片魚片, 算幾多架啦魚片比較鹹同埋林. 我就覺得麻麻地. 可能人地出名既係魚"蛋", 唔係魚"片"再食魚蛋, 好少少. 但我都覺得唔夠彈牙, 甚至唔可以稱得上"彈", 好普通既一粒魚蛋, 只可以話比魚片好d再談河粉. 雖然係選用幼河粉, 但好易斷. 完全冇榮記o個種堅韌度.落左幾滴辣淑油, 我自己都覺得夠了. 廢事陣間食到個咀腫左就唔好啦.但d 辣淑油食下食下會冇左d 辣味. 即係開頭就辣, 食到最後就唔辣. 可能要keep 住咁落掛.

5點多才吃飽,8時半上完堂吃不下大晚餐,想起這一間魚蛋粉店,聽說很有名,即管試試.看電話知道魚蛋和墨魚丸都很出名,要了碗墨丸魚片河($21,單,雙拼同價).墨魚丸爽口且彈牙,果然有水準.魚片魚香味重,不錯.可惜湯底卻很淡,不咸不甜,額外加醋也無保於事.河粉算滑,但因湯底太淡,整碗河粉再好也不夠傳神.友人叫了紫菜四寶河($27),內有炸雲吞,魚蛋,牛丸.只試了魚蛋,以魚蛋粉來說,味道始終不及江仔記好.腐乳通菜($14),以油菜來說偏貴,味道一如普通的油菜.

午飯時間辦完私事後，走到這間食店外，便進內試試。見餐牌有雙丸伊麵，問阿姐餐牌上的雙丸伊麵($27)可否轉撈麵，阿姐話可以，於是落單。不久，雙丸撈麵到，份量比較少，心想不食太飽也算吧，點知食物不只冇睇頭，味道也令人失望，魚蛋墨魚丸無味又不彈牙。吃完後找數時，阿姐話要收$33，於是我問她不是餐牌寫$27。她大大聲瞪大雙眼回答，撈麵和伊麵都要加錢，我問她為何剛才落單時沒有說要加錢，她沒有禮貌地回答所有撈麵都係貴些，似要大聲過你以免你再問下去。我也懶得與她理論，收得人$33一碗麵咁食物質素加咁態度，咪使旨意我再幫襯你!

第一次在正午的繁忙時間幫襯此店,才發現它的成功之道:原來不論你叫任何種類的粉麵,師傅都會在30秒之內上檯,所以翻檯的速度很快,加上食物真的好味道,所以成功是必有其道理!粉麵$20,加紫菜的粉麵$25,撈麵$27,招牌魚蛋當然正,牛什類膀粉肚爽筋淋,丸類亦不錯,不過份量好像是細了點,食一碗只有六成飽,當閒食是的可以的!

「收工」後0係灣仔搵 lunch 食, 亂行亂撞0黎了再興對面的呢間魚蛋粉店, 簡單叫個紫菜四寶河 ($25) 試試.先呷啖湯, 係先淡口後味精, 不過味精效應唔算嚴重, 算啦; 河粉薄滑, 不過都幾腍 bad bad, 而且一夾即散, 食得狼狽; 紫菜份量唔少, 帶點爽口, 味道 ok; 而「四寶」就係炸雲吞, 魚蛋, 豬肉丸及魚皮餃, 以魚蛋最好食, 彈牙鬆泡又帶淡淡魚鮮味, 不錯! 魚皮餃都 ok, 層皮爽爽的又帶點煙韌, 可惜 d 餡好鹹又糊口得很, 一 pat 0野的, 口感味道都好削; 豬肉丸粉多過乜, 唔0岩食; 而炸雲吞就最唔掂, 除0左因為浸了湯搞到完全唔脆之外, 鯪魚膠餡料係極鹹, 9 成係唔新鮮, 要落大量調味料「遮遮掩掩」吧.另外見到 menu 上有一味紫菜「蝦尾」河, 正 R 緊頭係乜0野0黎之際, 隔0黎位就叫了一碗, 原來只係條狀鯪魚膠, 賣相十足碗仔翅的「魚肉」, 加上炸雲吞的鯪魚膠餡咁 x 難吃, 睇0黎唔食無乜損失?環境地 mou, 雖然唔覺有其他食友提及的魚腥味, 但衛生十分麻麻, 地下濕淋淋, 加上睇到阿姐處理食物渣滓0既情況, 實在噁心; 招

2008年8月11日下午12:15 又到泉記食LUNCH, 我要咗牛丸麵走湯走青, 唔知係咪我走湯關係, 麵質偏硬, 差d “近”親. 牛丸太鹹啦! 又無咩牛味, 唔得! 下次都係食番魚蛋好d.

2008年7月9日下午12:15 又食泉記啦! 魚蛋麵走湯走青, 佢d魚蛋都幾好食, 不過又唔係好超班. 我同事次次嚟都係食牛根撈, 佢地d牛根係好入味好淋, 不過我自己唔係好消化到牛根, 食完全日都唔係好舒服.

2008年4月22日 下午12:20 同同事又食呢間, 我見有時d網友會寫湯麵可以走湯, 我咪試下o羅, 待應哥哥又無o咀喎! 即刻好多人都會禁啦! 又幾啱我食喎! 無噤鹹, 好好多!

病到半死嘅師傅今日都唔知食咩好, 行行下見到呢間食店, 由始至終都未黎過加上想食得清清地, 決定入黎食碗粉算數!入到去間食店發覺一陣味, 好似係香味但實際係腥臭味, 都幾臭下, 勉強坐底就即刻叫左碗魚蛋河加色, 等左一陣就有得食!師傅先試下個湯底, 湯底味道一般, 幾淡口下, 加左腩汁都唔覺得濃味d, 麻麻地; 而魚蛋一碗有三粒, 魚蛋不算好彈牙, 但有魚味不過有碎骨, 普通; 而魚片就一碗四片, 魚片都夠魚味, 口感比魚蛋好, 可以喎; 河粉就幾滑身, 口感一流!總括黎講魚蛋河嘅質素算中規中舉, 而伙計全程都係黑口黑臉, 冇笑容; 價錢就唔平, 兩兜野一碗, 唔算抵食; 而衛生就一般喇, 皆因師傅見到佢地將幾條魚片咁放晒出黎, 無遮無奄咁幾豪放呀, 天口熱都唔使咁呀; 唯一係呢度冷氣都幾夠, 不過相信師傅都唔會再黎!

老公半夜肚餓話要去食宵夜, 於是去左泉記, 佢不停叫我試魚蛋, 話好好味一定要試, 但我又食唔落, 於是叫左碗淨雲吞, 因為就打烊的關係, 想叫炸雲吞但已經賣晒, 魚蛋試左確係彈牙, 好有魚味, 連湯都飲晒, 雲吞就一般, 老公話呢度廿幾年魚蛋質數無變, 都係咁好味, 我以前未食過, 所以唔知, 只係知道呢間野好耐, 魚蛋麵, 無乜邊幾度好味, 有機會要試下啦。

印象中, 這裡的食評好像不錯, 剛巧又經過, 就入去試下. 叫了一碗魚皮餃米粉, 好細碗, lunch 也不是太夠, 魚皮餃的皮好像有些不同, 好彈牙, 湯底也煮得不錯. 最差的是沒有奶茶咖啡, 只有汽水, 紙包裝飲品.