法國飯店

营业中

休息中

難得係附近酒店staycation，梗係要試吓附近嘅法式餐廳，之前網上見到全海景好正，食物又好高級，所以一早book定位一家人食🥳酥皮龍蝦湯，酥皮多層次又軟熟，龍蝦湯鮮甜濃郁，用黎點法包食，超好味！湯底亦好足料，龍蝦啖啖肉又彈牙，好食到食埋老公個碗😆煙三文魚伴鮮蝦沙律，三文鮮好新鮮滑嫩、鮮蝦彈牙爽口，成個沙律都好清新爽口🤩網上推介香脆焗深海鱈魚柳配南瓜蓉忌廉汁，鱈魚焗得好香口，連埋淋面焗既脆脆口感好爽脆，配埋南瓜蓉忌廉汁，帶岀鱈魚嘅鮮味👍🏻蘆筍索哂魚油，好好味🤪法式芥末野菜焗無骨鹹豬手，好欣賞佢無骨，減省左去骨既時間。鹹豬手肉質嫩滑多汁，外層脆口又煙韌，配上芥末更惹味👍🏻老公讚我一早book定餐廳海景位做好😆除左景觀好靚，食物高質素，好似去左法國旅行咁🥰

心血來潮想搵間法國餐廳食午餐，聽朋友講可以試吓食呢間，於是就慕名而來，果然啲食物、環境、服務同衛生都做得好好👍🏻！嘢食方面我哋食咗煙三文魚他他伴牛油果紅莓汁，係老闆強烈推介的菜式。🤫三文魚好靚，咬落去柔軟鮮甜，牛油果質感香滑，和三文魚拼配剛好，好適合作為前菜。🤭跟住我哋食咗香蒜大蝦扁意粉配蕃茄汁，呢個味道真係冇得彈，蕃茄味比其他餐廳更加濃郁，非常入味，送上枱嘅時候已經忍唔住要食。又香又正，蒜香惹味健康，意粉結實帶嚼勁嘅質地。😝最後嚟埋個古法燒西班牙豬腩仔配蜜糖香桃汁。喺其他餐廳比較少見，豬腩仔配上蜜糖香桃汁，口感好好。豬腩仔鬆軟多汁，肉味超濃，入口鮮嫩，充滿油香，惹味好吃。😌飯店環境乾淨舒服，玩味十足，無論係食物定係餐廳佈置都充滿打卡度。食物製作用心有誠意，屬高質法國飯店，會再回訪。😍

星期日吾使返工同妹妹去呢間西式飯店食嘢，入面非常豪華，有好多貴價嘅紅酒🍷。餐牌上有好多推薦嘅法國菜。😃阿妹鐘意食三文魚，特登嗌咗煙三文魚他他伴牛油果紅莓汁，三文魚順滑新鮮，易咬斷。油脂分佈均勻，顏色鮮艷，非常適合打卡，阿妹仲同呢道菜影相留下倩影😂。平時三文魚會搭配醬油，但配上紅莓汁都好有驚喜，食起上嚟清香嫩清。😎我就鐘意食炭燒西班牙黑豚鞍排，份量大，肉都肥厚，食得出一陣陣嘅炭燒味道。🤩一啖食落去，有肉汁即刻流出，煎得吾會過熟，肉質嫩滑，肉味比一般餐廳更濃烈。😋最後我哋食埋香蒜大蝦扁意粉配蕃茄汁，非常惹味兼飽肚，加上大蝦更添滿足感。意粉食起嚟好濃郁，香蒜非常清新開胃，係必點嘅經典西餐料理。🤪我同阿妹都食得非常開心，又有得食又有得影靚相，啲嘢食咁好味😋，係一次好難得嘅體驗，希望下次有機會再嚟食一啲未食過嘅菜式。😚

平時少啲機會食沙國菜，上網見吾少人推薦呢間，於是同屋企人一齊嚟試吓。去到feel到飯店好高貴，裝修雅致好吸睛。☺️第一次食半生熟芝麻吞拿魚伴香桃沙沙，芝麻增加風味和豐富口感。👍🏻吞文魚素質都吾錯，肉好鬆軟，味道偏清甜較淡，入口即化。半生熟嘅吞拿魚，外層鋪滿香脆既芝麻，絕對係夏天既開胃美食!🤪煙三文魚伴鮮蝦沙律都好好食，沙律高質，新鮮又可口。😄煙三文魚配上上等嘅蝦，散發獨特嘅清香。鮮蝦咬落去爽口彈牙，配埋三文魚有意想不到嘅鮮味和口感，係帶淡淡西洋風嘅料理沙律🥗。之後食咗香脆焗深海鱈魚柳配南瓜蓉忌廉汁同炭燒西班牙黑豚鞍排。食材煮法都落足心機💯，魚柳焗得好香脆，鱈魚柳好新鮮，魚肉潔白，肉質滑，肉汁鎖住晒，魚肉不易散，表面焦香。😎炭燒西班牙黑豚鞍排嘅肉質超嫩滑，香口多肉汁，肉味好濃，叫七成熟啱啱好！🥰呢間嘅食材好優質，煮法高超，食物cp值好高，係一間美味也有情調嘅餐廳，喺度食野有好chill嘅感覺。😍

同男朋友去咗間法國飯店食燭光晚餐，氛圍感好好，係約會食飯嘅好勝地。呢度價錢合理，又盡情享受美景同埋美食。🥳首先食咗炭燒西班牙黑豚鞍排，肉質juicy,炭燒味很重!🤓豬扒厚身，坑紋非常深，很有風味。✨肉質還是頗鬆化，而且帶點油脂，能吃到有層次感。因為炭燒過，所以肉汁被完全鎖住係里面，食落外焦脆內嫩。🌟第二樣食咗半生熟芝麻吞拿魚伴香桃沙沙，送上枱嘅時候已經俾佢吸引，擺盤擺得好靚。😍吞拿魚豐腴滋潤，超級美味。其他配菜清新爽口，非常新鮮。👍🏻成道菜簡單又好味，超級享受。😙最後食返個熱門推介、熱辣辣嘅酥皮龍蝦湯，湯濃郁有味，酥皮非常脆，輕輕敲開與龍蝦湯混合，能食出多層質感，十分有滋味。如果掛住西餐廳暖笠笠嘅酥皮湯，可以嚟呢度試吓！😋呢間簡直係西餐廳嘅佼佼者😍，除咗環境靚之餘，食物出色，令人驚艷，係近期人們想去嘅西餐廳之一。💯

喺openrice見到好多人推薦呢間法國餐廳，睇相見到環境好靚，嚟到都好驚喜，裝修高貴典雅，有復古風格，有種慢節奏嘅體驗，未去過法國但食過咁高檔嘅餐廳真係好難得。😘行入去嘅時候見到紅色豔麗嘅枱布😌，碟、餐具擺得好整齊，店員彬彬有禮。👏🏻位置闊落，坐落去好舒適，枱與枱之間隔得比較遠，有較多私人空間。👐🏻Order咗兩份熱門菜，第一份係風乾火腿蕃茄醬焗燒春雞配紅酒汁。蕃茄醬鋪平放在已經煎香嘅春雞上，提升春雞嘅風味。🤟🏻這道燒春雞好受歡迎，大人細佬都啱食。雞肉食落去清新精緻，皮脆肉嫩，雞皮金黃乾爽。😚仲有傳統法式油封燒鴨腿配酸梅汁，係一道絕佳嘅開胃菜。✌🏻燒鴨腿嘅肉焦香，很緊實，好入味，咬落去有層次感，充滿酸梅嘅香氣，尾韻嘅酸可以解膩，口感非常豐富。👍🏻呢度服務好好，喺度食嘢彷彿置身法國，有許多經典法國名菜，盡享舌尖上嘅美味，留下浪漫滿足嘅回憶。👐🏻

放工同老公去咗歎法國菜，感受下外國風情，喺鬧市中放慢腳步👣。呢度嘅佈置好靚，氣氛好好。👍🏻入座後嗌咗煙三文魚他他伴牛油果紅莓汁，三文魚腩捲成花瓣，賣相精緻。✨三文魚滑順絲柔，有油花，煙燻後更具風味和甜味。😍加上切粒牛油果🥑，大大提升口感嘅層次，簡單嘅搭配卻非常美味。😊之後店員幫我地上咗黑松露野菌湯，成個湯足料好飲🥳，湯暖笠笠，加上黑松露嘅風味，濃郁野菌味倍增☺️，鐘意食菇嘅人一定要試。😘最尾食咗香蒜大蝦扁意粉配蕃茄汁🍝，蝦味濃郁，蒜香惹味。如果只是扁意粉配蕃茄汁就略顯單調，但係有埋香蒜大蝦嘅鮮味🥰，大蝦吸收咗蕃茄汁嘅精華，意粉超級掛汁，令口感更加香口。🌟睇得出廚師好用心烹製所有菜式，食物高質😋，店員服務態度好，好值得過嚟體驗一番法式菜，係好特別嘅經歷。😁

行街之後想食法國菜，未食過呢間，但係見餐牌好吸引，於是就入咗去試吓。無論係裝修風格定係食物都好吸引，好適合有得食又有得影相。🥰呢度有好多裝飾都好用心，有古典風格，體驗到異域風情，唔講以為自己去咗法國。😍飯店裝修豪氣，金碧輝煌。😃環境清幽大氣，最重要嘅係嘢食都非常好味！🥰另外特別留意到紅酒櫃裏面有好多唔同牌子嘅紅酒🍷，全部都係高品質，令人目不暇給。😍首先試咗炭燒美國安格斯純黑牛肉眼扒配黑椒汁，叫咗五成熟，從顏色就已經見到生熟程度啱啱好。😍切落去嘅時候有肉汁流出嚟。牛扒食落去唔會好硬，非常嫩滑，配埋黑椒汁就錦上添花😙。之後食咗風乾火腿蕃茄醬焗燒春雞配紅酒汁，雞肉好大舊，肉質鮮嫩，切開更加清晰睇到油脂分布好靚，一層肥一層瘦嘅效果，入口好鬆化。風乾火腿全是油香，非常有心思。😜呢度各方面都係高水平，有好多高質菜式，就算係配菜都好花心思，有特別處理。同埋環境真係好好，嚟呢度食嘢可以即刻放鬆身心。😋

好耐冇同屋企人食西餐廳，於是就嚟呢間食嘢，共聚天倫之樂。😊入到去就覺得好高貴嘅感覺，服務員好有禮貌。😌入到卡位就見到啲枱set得好靚，滿滿的儀式感。🤪燈飾都好華麗，讓人移不開目光。😎見到餐牌就有好多嘢食，款款都好吸引，好想即刻體驗法國風情同埋美食。😋除咗景靚氣氛好服務佳，風乾火腿蕃茄醬焗燒春雞配紅酒汁都特別好食🥺。火腿加番茄醬真係絕配，火腿嘅朝香同埋蕃茄醬嘅酸酸甜甜😍，令雞肉提升一個層次。😌雞肉就鮮嫩多汁，好juicy!😎應該係有細心搭配過，整體口感非常好。👍🏻食落去美味可口，而且份量好夠，絕對不吝嗇。😘屋企人表示食得好開心😙，好想下次再嚟多次。如果想食華麗精緻嘅法國菜，強烈推介嚟呢間食。🤩

放假去食法國菜，上網見到依家好多嘢食，特登嚟咗試吓。🤩雖然價錢頗貴，但係啲嘢食好豐富，廚師好用心，好值得嚟食。😚我試咗酥皮龍蝦湯，成個湯好香好正，香脆可口嘅金黃酥皮加上香濃嘅龍蝦湯，好有滋味。😝龍蝦湯食落去好creamy，不過就有啲熱可能要慢慢食。😂濃郁嘅湯汁同酥皮互相搭配，好有鮮味，簡直係高級享受。🥳之後仲食咗煙三文魚他他伴牛油果紅莓汁，簡直係視覺同味覺嘅盛宴。食材新鮮，食落去酸酸甜甜，非常清爽，係開胃嘅西式前菜。呢度菜非常受歡迎，三文魚捲到好似玫瑰花🌹，賣相精緻，牛油果豐腴🥑，口感豐富。😍最後食咗法式芥末野菜焗無骨鹹豬手、炭燒美國安格斯純黑牛肉眼扒配黑椒汁。🥳無骨嘅豬手真係好好食，好入味，食到唔停口。😝咸度適中，而且有少量蔬菜解膩👍🏻，唔使驚食厭。牛扒就唔使講，神級好味，肉大大塊，肉質鮮美多汁，黑椒汁滲入牛肉，簡直係人間美食。🤩呢度嘅服務好好，環境安靜舒適，菜式多樣，款款精緻美味，令人流連忘返。🤤

平時有去開食西餐廳，但係有啲餐廳人流太多，比較嘈雜，想搵一間環境安靜舒適嘅餐廳食飯，最後揀咗呢間。😘行入去嘅時候見到裝修幾華麗，牆上有幾幅壁畫，食飯嘅時候可以順便觀賞埋，位置坐落去都好舒服，唔使逼住坐，舒適度滿分💯。朋友係咁叫我幫佢影相打卡。🤪最後嗌咗風乾火腿蕃茄醬焗燒春雞配紅酒汁，雞肉鮮嫩可口，香噴噴嘅烤雞配上紅酒簡直係一流。😗焗燒春雞吸晒蕃茄汁同埋火腿嘅香味，雞肉素質有保證，令人口水直流。🤤另外仲有香草墨汁意大利粉配墨魚及車厘茄，本身以為細細份，但係原來都夠食。墨魚Q彈有咬口，而且有好幾塊。💯意大利麵吸晒啲香草墨汁，食落去口感豐富，香味十足。❤️喺度食嘢係好開心嘅體驗，環境優美，地方又大，無論係自己一個人定係同朋友一齊去食都好適合，嚟呢度食嘢真係好享受。😆

香脆焗深海鱈魚柳配南瓜蓉忌廉汁($398)魚肉飽滿零雪藏味，肉質結實頗有彈性👍🏻味道清爽層次豐富，食落唔會好似炸魚咁有少少被炸漿蓋過魚嘅鮮味👏🏻忌廉汁一向都係魚柳良伴👊🏻南瓜蓉口感順滑，咁樣配搭冇咁悶🤩創新過就咁蔬菜墊底🙌🏻蕃茄龍蝦汁海鮮意大利飯($328)粒粒分明唔係糊狀，收汁出色👏🏻每一粒飯都掛上滿滿嘅蕃茄龍蝦汁👍🏻醬汁唔係普通罐頭行貨，香甜鮮味😋比例調配到位，蕃茄同龍蝦汁唔會有搶味情況出現🙌🏻青口超大隻極鮮美，略帶海水味🌊餐廳環境闊落，卡位梳化舒適🛋先唔講個海景幾咁無敵，呢個價錢食到咁高質素嘅西餐🤤真係物超所值！

法國飯店以白色作主調，窗邊飽覽黃金海岸😍座位寬敞超好坐，仲有得坐outdoor位🤩現場唔少情侶同一家大細，成間餐廳俾人一種輕鬆寫意嘅氛圍😎>>古法燒西班牙豬腩仔配蜜糖香桃汁 $248豬腩仔呢個部位嘅脂肪含量是全豬最高🔝肥瘦相間，脂厚油香🤤古法燒烤可鎖住更多肉汁，難怪入口豬皮酥脆，肉質脂豐肉嫩😋蜜糖香桃汁唔會過甜，將豬腩仔鮮味再度昇華🆙>>傳統法式油封燒鴨腿配酸梅汁 $258呢道菜好花功夫😱先用豬油慢火浸鴨腿，再等2️⃣4️⃣小時待降溫後，放入雪櫃一日🤯上菜前再以高溫燒焗🔥慢功的確出細貨，鴨腿外面香脆，入面異常柔軟🤯做到油而不膩👏🏻👍🏻

<法包>有6️⃣大件，牛油大塊😍絕對足夠兩個人分🙆🏻‍♀️大家記得要襯熱食🔔烘得徹底，難得香脆可口😋唔係乾爭爭，絕無嬉場🤩<黑松露野菌湯>一上枱香氣撲鼻😍黑松露油份量慷慨，仲有忌廉同少少香草🌿濃稠度適中👌🏻飲完齒頰留香🤩<香草墨汁意大利粉配墨魚及車厘茄>黑媽媽嘅意大利粉賣相可能有少少嚇人，但絕對係風味獨特滋味十足😋配料都係墨魚，煎至金黃，非常香口爽脆彈牙🦷加埋煎至軟爛入味嘅車厘茄，鹹香鮮甜喺口腔交集🤤令人回味！<蕃茄龍蝦汁海鮮意大利飯>青口大隻，味濃鮮美😋意大利飯上晒色入晒味😍口感奶油般濃稠，米心有少少硬煙煙韌韌🤤蕃茄龍蝦汁做基底，鮮味十足！

1️⃣法國麵包一向都好怕食呢款包，見男朋友話真係好食我先抹上牛油擺入口😗點知又真係幾好味，難得呢間成功做到外脆內鬆，牛油絕對有加乘。2️⃣煙三文魚伴鮮蝦沙律爽脆海蝦肉質鮮美，煙三文魚肉質柔軟帶濃厚煙燻香味😋3️⃣法式芥末野菜焗無骨鹹豬手無骨鹹豬手焗到皮脆肉滑，肉質腍到唔洗咬👅骨膠原超豐富，越嚼越香超juicy💦芥末野菜配搭新穎，仲有野菌同車厘茄增強口感👏🏻👍🏻4️⃣炭燒美國安格斯純黑牛肉眼扒配黑椒汁叫咗5️⃣成熟，冇overcook👏🏻牛扒斤兩十足，網格紋路清晰😍陣陣炭燒焦香，肉味香醇唔會苦👍🏻口感軟熟，肉汁澎湃💦淋上黑椒汁，醬香四溢，惹味非常🤤